رئيس برلمان حزب البشير يعترف: قانون الثراء الحرام ضعيف ويحتاج لتعديل
البرلمان: خالد الفكي
في توابع زلزال فضيحة التحلل لموظفي مكتب والي الخرطوم الذين اختلسوا المليارات اعترف رئيس البرلمان الفاتح عز الذين بأن قانون الثراء الحرام الساري ضعيف ويحتاج الى اجراء تعديلات سريعة وجوهرية . وقال في تصريحات صحفية امس “الاربعاء ” هذا القانون ضعيف ويحتاج لتعديل سريع ووجهنا بان يعطى اولوية التعديل ومن ثم ندلف لبقية القوانين ” ولفت الى ان تعديل قانون الثراء الحرام ليعطي البرلمان القومي حق ملاحقة اعتداءات المال العام التي تحدث في الولايات ، واشار الى ان القانون الحالي لا يسمح للبرلمان التدخل في جرائم المال العام بالولايات.
ووجه عزالدين لجنة التشريع والعدل الاسراع في تعديل قانون الثراء الحرام بناء على خطة البرلمان لتعديل القوانين المتصلة بالمال العام
في سياق منفصل كشف رئيس البرلمان د. الفاتح عز الدين عن مشاورات مرتقبة مع القوي والكيانات السياسية حول التعديلات علي قانون الانتخابات تمهيداً لايداعه منضدة البرلمان خلال الاسبوع المقبل، متعهداً بتعديل اي قانون ترى القوى السياسية انه مقيدا للحريات ، مشيراً لجهود لاقناع الرافضين للحوار وازالة العوائق، وابدي عزالدين استعداده لاستقبال ما يفضى اليه الحوار الوطني وتحويل نتائجه الى قوانين مرجعيتها الدستور الانتقالي للعام 2005م وقال ” نحول نتائج الحوار الى قوانين لتكون ضمانات كافية للقوى السياسية “.
الاهرام اليوم
(من بعد ما فات الأوان)
علي قول الفنان
وهل سيجيز البرلمان الصوري اي قانون رادع لمستهدفي المال العام وهو مال السودانيين , كفايه غش وكفايه كذب وكفايه اعتداء علي مال الغبش ايها المجرمين
قوموا الى تحللكم يرحمكم الله
وقال ” نحول نتائج الحوار الى قوانين لتكون ضمانات كافية للقوى السياسية “.
حقنتك كبيره بس فاضيه المخدرات والمهدات بتاعتكم دي بقت مابتمش فينا لو فعلا عايز اصلاج الفرصه قدامك حاكملينا الوالي وجماعته ولا عيشو مع زنوبكم واصلا الشعب ده ماساعلكم عوسو ساي عولستكم والله لو شلتوها ساي مانقول حاجه ماتتعبو نفسكم ساي انتو بتبررو لي منو لو لي ناسكم عداكم العيب ماصاح زول يخش فى كوم التاني ماجا بالساهل والله
لكن البلد حقتكم والله مافى زول ود مره يقدر يقول كلام غير ده وناس الواتساب ديل ادوهم رصاصه فى راسم وانا متاكد امكانياتكم عاليه جيبو مستر واتساب وادوهو شيرز شهر واحد والله الا يستعدل انتو قادرين والله ومابتخافو الله والمابخاف الله خافو بتخوفو عديل ونحنا زي ماقال كماتكونو يولي عليكم نستاهل الدق بالشبشب لاننا شعب بحب يعكر مزاج الكبار الزيكم وااااا التحلل جايز فى الاسلام بتاعكم يبقى مافى داعي تحللو للناس طالما مادينكم بجوزو
أرجو عدم تعديله حتى يستفيد كل عامل بالدولة في الوظائف الدنيا بدءا من الخفير ” من نعمة ما قبل التحلل” أسوة بالوزير والوالي والمعتمد ومن طاف حولهم واستجار!!!!
التعديل ده دايرين تحاسبوا بيه الإتسرق ولا الحيتسرق ؟ . قوموا لموها بلاش كلام فارغ . دايرين تضعوا قوانين بعد خراب سوبا ؟ هى فضلت فيها حاجة الله يسألكم ؟
هناك قضايا فساد كبرى فى المؤتمر الوطنى العلاقات الخارجية
ملايين الدولارات اهدرت عبثا و ملايين اخرى راحت فى جيوب الفسدة
كمال عبيد و حسن برقو و عبد الحميد البشرى دفع السودان ثمنها
فى دارفور دما نا زال ينزف و الناس ديل ملفهم محمى من قبل وزير العدل
وانا بستغرب برلمان وعربات ومنصرفات حقت الشعب وطالعين ونازلين وبعد ده تضعوا قوانين زي وشكم كده وكل فترة تعدلوا فيها. نقصوا سنه دراسية زيدوا سنه. عربوا المناهج رجعوا الانجليزي مرة ثانيه. بس شغالين شختك بختك. يا صابت يا خابت. الله ينتقم منكم عملتونا حقل تجارب.
اتحللى …..واتحللى
فى القصر الجمهورى…..اتبولى
وفى البرلمان…..اتفشخرى
وفى الولايات…..اتجولى….وماتسألى
وفى اراضى الخرطوم…اتحكرى
ومن الاقطان ….انسجى….. واتمايلى
وفى بنك السودان…..اتمهلى
خمى بى مهل…..ماتستعجلى
وبعدين…. بى موية النيل اغتسلى
عشان ….ماتدبهدلى
واتحللى …..واتحللى