سونا : قوة من الجيش السوداني تتسلم مواقعها بحلايب
بورتسودان (سونا) – احتفلت الفرقة 101 مشاة البحرية بورتسودان بعودة القوات المرابطة في حلايب بعد أن تسلمت القوات البديلة لها مواقعها بالمنطقة بعد انقضاء فترة رباط القوات العائدة وفقا لنظام القوات المسلحة في هذا المجال .
وثمن والي ولاية البحر الاحمر د.محمد طاهر ايلا لدى مخاطبته هذه المناسبة مجاهدات القوات المسلحة ودورها في حماية الوطن وتحقيق مبدأ سيادة السودان على اراضيه، مبينا أن وجود القوات المسلحة بمنطقة حلايب تعبير عن السيادة السودانية بالمنطقة .
واشاد اللواء الركن بحري بلال عبد الماجد قائد الفرقة 101 مشاة بدورالقوات المسلحة في حماية الارض والعرض وحيا صمود القوات المرابطة في حلايب ومجاهدات القوات النظامية الاخرى واستعدادها للفداء والتضحية من اجل سيادة الوطن .
نفهم من كده
انو حلايب حرروها
من الاحتلال المصري ؟
ههههههههههها ……. هئ هئ ئه هئ هئ ئه هئ
هلا هلايب … اموت في هلايب … الله لي انا من هلايب
قال حلايب قال!!!
( أن وجود القوات المسلحة بمنطقة حلايب تعبير عن السيادة السودانية بالمنطقة .)
منو القال ليك؟؟؟؟؟؟؟؟؟
الشعب السوداني صار اكبر من سناريوهاتكم الفطيرة دي؟
مرابطة وين ؟
**هوي يا جماعة قولوا بسم الله .. ياتي حلايب المرابطين فيها ناس مشاة البحرية السودانية !!
** الناس ديل بلعوا من حبوب الكبتاجون الـ قبضوها في الميناء ولا شنو !!!
حلايب ياتا؟
العبره ليس في دخولها وخروجها العبره في الغزاة المتواجدون في تمصير المواطن في سياسة الامر الواقع
ايها الملا الاغبياء
اعتبرو جنودكم في مهمة سياحية يصرفون اموالهم علي الجانب الشمالي ويكب في البالوعة المصرية بس اوع يوصلوا شوارع الهرم
أنا هسع كنت هناك والجماعة ديل ما مرابطين ولا مربطين !!مافى جدادة ترد على قولنا هذا أنشالله بحبة من الحبوب بتاعة بورتسودان ولا من بتاع البت فاطمة أم قماش بتاعت الشاش! البتاع الببلعوه دة الظاهر عليهو قوى شديد مايجربو فى الدولار يمكن ينزلو؟
هوى حلايب شنو , ديل راجعين من محمد قول , ما يخموكم ساكت . جندى واحد جو حلايب ما فى .. لعلمك المصريين زودوا عدد عساكرهم و ضربوا خط تجعل كل الحلايب داخل مصر . و الجنود اللى وصلوا كانوا مويه ساكت زى الناس ما كانوا لاقينها بينما الجانب المصرى تكاد لا تصدق . كدى اسألوا الجنود اللى بس حاموا حول المنطقه و كيف كان المصرييين بيشتموا فيهم و الواحد فيهم و لا بقم ما بيقول و اللى قلبوا حار رد عليهم تجى القياده السودانيه تقول ليهم عندنا اوامر ما نعمل شوشره مع المصريين ..
امال السيسي قبل كم يوم كان وين مش في حلايب برضو…..
*********** عشان نصدق جيبوهم لينا في التلفزيون القومي ساحات الفداء ولا غيره غير كده ما حنصدق *****
صحيح الجيش المصري اقوى من الجيش السوداني بمراحل متعددة لكن يجب على السودان رقع الامر للتحكيم الدولي سياسة الغابة دي انتهت
دجل فى دجل
ودعاية سوق ساى
طيب رئيس العصابة داسى راس ليه
وليه ماطلع ينطط ويصرح
ولا خجلان
دول لو عايزين يشربوا ميه يستأذنوا الجيش المصري ….. آل إيه ؟؟؟ مرابطين آل ….. روح ياعم للحلو ….. روح دارفور ….. فالحين في قتل المتظاهرين العزل ….. لعن الله البشير وآله وكل من أيده وناصره ….. والله والله والله المعظم بالحق لم ولن أعفو حقي الذي نهبوه ولو ساوي مثقال ذرة
هو انتو ياكيزان سوق حلايب في امدرمان قفلتوا عشان مايذكركم بحلايب المحتله
تجي تقول لي مرابطين
منو البحرروا ديل ناس عمر البشير المخنث ولا وزير دفاعه المؤنث
هههههههه هههههههههاه حقت السر قدور ،، يا ريت لو في تعليق صوتي ننزلا هنا،،،
ومتى الاحتفال بتسلم حلائب من السيسي وجماعتو بعد أن طرشقت كوتات هدايا البقر لاخونكم ناس مرسي ،، بدل المرابطين ديل كان تخلوا لينا بقرنا مربوطة في مكانا دلالة على حسن النوايا ،،،
سيظل الجيش السودانى عزيزا على نفوسنا وستظل حلايب ارضا سودانية شاء من شاء واباء من اباء وليس الاوان اوان فرد عضلات والدخول فى مواجهات لاتخدم بلدنا بشى ونحن نعلم نذالة الجنس المصرى وخسته وهو يستقوى الان باسياده فى 0000 وغيرها فلا تدعو كراهيتكم للانقاذ تقودكم لاذلال وطنكم وبلدكم ان طال الزمن اوقصر فسيتغير الحال
والله اخوتي موضوع حلايب دا ما مفروض ابدا نخليهو للكيزان ولشلة الفساد والجبن
ديل تاريخهم المخزي بورينا انهم ممكن يساوموا في اي شيئ بس بالكرسي القاعدين عليهو
كلما يوم يمر على حلايب وهي تحت الاحتلال المصري يساوي على الواقع الف يوم احتلال قادم
لا بد من اننا نكرس الجهد الشعبي
اهل حلايب ديل ما سودانية ؟ احنا متأكدين من انو فيهم ناس قاموا الاحتلال دا …
دخلوا السجون … وفيهم ناس كاتمين احساسهم الوطني لأنهم عارفين انو حكومة السجم
والرماد باعتهم
المصريين نفسهم قصير … وهم وراء احساسهم بالقوة العسكرية مغرورين .. بس هم عنصريين
حتى اسوان اللي قاعده تحت “احتلاهم ” من زمن طويل الليلة بدت تتململ
وبكرة الدور على اهل حلايب …
بس علينا اننا نسرع من يوم بكرة دا بالجهد الشعبي …
زعم البعيث ان سيقتل مربعا فأبشر بطول سلامة يامربع
ياجماعه الخير افهموا ماتعلقوا قبل ما تفهموا!!!!! القوه اسمها قوه حلايب وكانت متواجده في حلايب حتي العام 1995 ومنها خرجت ومادخلتها حتي اليوم هي مرابطه بالقرب من بورسودان وبعد مايخلص موضوع العميل الحلو والصهيوني عقار والامريكي عرمان والماعارف اسمو شنو السيسي ونقيم عليه حد الخروج عن الوالي الحاكم سوف نتفرغ لمسأله حلايب ونجعلها منطقه تكامل مع اشقائنا المصرين بقياده المجاهد والمرابط مرسى وجماعه الاخوان المسلمين ونجعل القطرين السودان ومصر اماره اسلاميه ميه الميه وما فيها دغمسه
حلايب واللا سوق حلايب بام درمان
والوزيرة ده لبسوها كاكى (شوف واقفة فى نصهم كيف )يااخوانى ديل عساكر والعساكر زى الاسود الجيعانة فى الغابة واللبيب بالاشارة يفهم
قال مرابطين الله يربطكم من رقبتكم في مشنقه يا ناس الانقاذ بدل نسمع تكوين المقاومه السودانية من أجل تحرير حلايب …. تحتفلوا على خيبتكم …
طيب ما دام في قوة مرابطة من زمان كيف سمحت بدخول المصريين؟
وقاعدين بيعملوا في شنو المرابطين ليها شنو بعد احتلال حلايب
الله يربط حلوقكم من بشيركم لصغيركم
يا جبناء يا جزم
ايووووووووووووووووووووووووووووووووووووووووووووووووووي
اجوا عائدين ديل ناس الفرقة المفرتيقين يا الله
اقطع دراعي ان كانت مرابطة في حلايب
قولي مرابطة في المنطقة غير المحتلة
اها رد يا وزير الدفاع بالنظر
ان احتلال مصر لحلايب يعتبر وصمة عار في جبين كل سوداني وعلى وجه الخصوص القوات المسلحة التي ظلت منشغلة بالحروب الاهلية والصراع حول السلطة والمال العام كما يعبر عن ذلك واقع الحال اذ اثبتت كل السوابق ان قادة الحروب الاهلية عادة تنتهي حروبهم بالحوار واقتسام السلطة والمال بحيث اصبح الكثير من المتمردين وزراء ودستوريين واصبح في الحكومة اكثر من 60 وزير و18 والي كل ولاية بحكومتها ومجلسها التشريعي ايضا ياله من عبث وفوضى .. الحاجة الفعلية لدولة السودان اقل من 15 وزير و6 اقاليم للحكم و150 عضو برلمان ومازاد على ذلك من عطالى الدستوريين يمكن ارسالهم للقتال بجانب القوات المسلحة في حلايب لتحرير الارض المحتلة
نتمنى ان يكتب النصر للجيش السوداني في معركة تحرير حلايب بما ان هذه اول معركة يخوضها الجيش السوداني لتحرير حلايب المحتلة وبالطبع فان الامر يختلف عن طبيعة الحروب الاهلية تماما لانه سيخوض حرب جيش دولة ضد جيش دولة وثقتنا كبيرة جدا في تحقيق النصر وتحرير حلايب في اقرب وقت مع ان هذا اول امتحان من نوعه يواجهه الجيش السوداني ولكن الارادة والحق معه وقلوبنا معه تدعو له بالنصر
هؤلاء ليس بجيش هؤلاء ملايش يعني جنجويدملكية لو جيش ما بتلقي مرة في وسطهم
القلب الميت…وتأويل الاحاديث وفبركة المواقف من اجود صناعة الانقاذ
الواحد من الزعل ما قادر يكتب حاجه .
وبالجد أنا كسوداني زعلان جداً من عمر البشير . عمر البشير يرقص سلم أرض الجنوب . عمر البشير يرقص
بالبحر الأحمر وأرض حلايب محتلة .
كيف تنام يا عمر وأنت سلمت أرض السودان ببترولها للجنوبين دون إستفتاء لنا كشعب ؟؟؟؟؟
كيف تنام ويخاطبك السيسي وهو بأرض حلايب ويقول (( أقول لعمر البشير بقدر ما تقدر مدد رجليك
في حلايب ولو تطول حلايب تعال خدها !!!؟؟؟؟)))
كلام بمنتهي الإستفزاز . يا عمر البشير إجتمع بأهم رجال عندك : قادة الجيش الكبار + المفكرين
+ الساسة القدامه + أهم شخصيات بالأمن والمباحث + رجال المال والأعمال + بعض الوطنين الغيورين
على الوطن وأرض الوطن ) إجتموا بسرية تامة في كيفية إسترداد حلايب وحتى لو نطبع علاقتنا
مع إسرائيل بأي طريقة لازم ترجع أرض حلايب وتداول الأفكار بعيداً عن الإعلام في الوقت الحالي
أتمني أن نفرح يعودة حلايب في القريب القريب .
بس حزين جداً لتمصير أبناء شعبنا بحلايب .
وحتى المرابطين بأطراف حلايب تنقصهم المؤن ويموتون من الجوع والعطش ؟؟؟ بس كده عيب وحرااام
المصرين لن يعرفو قيمه لاي انسان الا اذا ادركوا انه يهدد مصالحهم…هنا فقط يحترموك ويعرفو قدرك
بعد زوال هذا النظام الذي اذاقنا الهوان سوف نقيم علاقات مع اسرائيل وندعو رجال الاعمال الاسرائلين بالاستثمار في ارض حلايب وعلي حدودنا مع مصر …سامع يا السيسي
اولا دى صورة قديمه من احتفالتهم بتاعه عرس الشهيد اما موضوع انهم استلموا مواقعهم فى حلايب دى اكبر كذبة لانو المصريين محتلنها وهم كان حرروها او طردوا المصريين كنا حا ننوم ما كان ظعطونا لبل نهار قى التلفزبون والرادبو كفااااااااااااااااااااااااااابة كضب
كانت كما اشيع هناك ارهاصات وتحركات سرية تجري في الخفاء في جميع المعسكرات والقواعد والحاميات (الوطنية) لكن يبدو انو ديشنا قد قام بالفعل بعملية سرية خاطفة على ظهر دبابة لتحرير حلايب التيس وابشركم فان الزحف جار لتحرير بيوض الديك كمان عما قريب ويجري حشد المجاهدين لاستعادة منطقة جناح الحمار الاستراتيجية من حجافل ود ام بعلو الغاشمة تكبيير تهليييل وين الفنان والساوند والربة يا خوانا
والخجة دييي مالا والهزة ديييي مالا والتتتي تاتا تتتتي تاتا اها نططنا ليكم !
السودان ما وداهو في دهية الا الشعارات والعنتريات الفارغة نحن ومن زمن نحن شايلين هم فلسطين وبقية العرب نايمين في العسل فالمطلوب الان ان لا نشيل وش القباحة ونعمل علاقات مع كل الدول لكي ينفك هذا الحصار الذي قتل الشعب ونشغل مواردنا ويعود السودان كما نتمنى اما نعاين لارض وماء وناس جعانين ونحن شايلين الفسالة وشعب وبلد محاصر فعندها سوف نوري اولاد بمبة شغلهم ونسترد اراضينا من كل معتد اما البشير وزمرته فاليرقصوا
يا بت قضيم لك التحية خليكي واقعية بعيدا عن العواطف الجيش السوداني غير مؤهل لا دينا و لا قوة تم تفكيك الجيش السوداني زمان في عهد التمكين هناك قوات الدعم السريع تعتمد عليها الحكومة اعتماد كلي يا بت
يا بت قضيب ليس الفتى من يقول كان اجدادي بل الجيش الذي يقول انا هنا احمي الديار
من الأسباب التي أدت الى تفكيك الجيش عدم الاعتماد عليه في معارك غرب السودان
الجيش يعتقد ان إمكانيات الدولة في الدفاع تذهب للدفاع الشعبي والمليشيات اذا لماذا يقاتل دون إمكانيات فلتقاتل الفصائل التي تدعمها الحكومة لذلك يفر الجيش من ارض المعركة تاركا الغنائم وراءه