والي البحر الأحمر (إيلا) … نافذون في حكومة الخرطوم يسعون للإطاحة بنا

بورتسودان- خاص الراكوبة

قال والي البحر الأحمر (محمد طاهر إيلا) أن نافذين في حكومة الخرطوم يريدون الإطاحة به من خلال تأليب جماهير الولاية عليه خلال الأيام الماضية.

وتوعد إيلا بكشف المستور إذا لم يتوقف هؤلاء الخبثاء بحسب وصفه عن الحفر والدسائس، وقال: انه ليس (الزبير بشير طه) في إشارة لوالي الجزيرة المقال وليس (احمد عباس) والي سنار حتى تتم إقالته تحت ذرائع رفض الجماهير له، وأقسم انه لن يترجل عن عرش الولاية التي شيدها بعرقه وفكره كما ذكر، إلا بانتخابات مشهود بنزاهتها و(أضاف) لو عايزين يشيلوني خليهم يمشوا هم أول بعدها ان مستعد للتنحي في الحال!!

يذكر أن ولاية البحر الآحمر تشهد احتجاجات جماهيرية منذ الأسبوع المنصرم مطالبة بتنحي إيلا من عرش الولاية التي تعاني من الجوع والمرض في عهده منذ سنوات ولم يتغير حالها البتة.

وفي السياق اشتبكت بالأمس السبت مجموعتان إحداهما مؤيدة لإيلا والثانية مناهضة له بوسط بورتسودان مما أوقع عدداً من الإصابات بين المجموعتين قبل تدخل الشرطة التي فضت الاشتباكات ونقلت المصابين المستشفى.

تعليق واحد

  1. كلهم يتكلمون نفس اللغة بل نفس العبارات ثم يذهبون من سكات ليتم نبش أسرتهم وكراسييهم لإستخراج الفساد الكريه

  2. الواحد عشان يكبر فى عيون شعبو مايهدد يكشف المستور على طول ويبقى شفاف يا يمشى غير ماسوف عليه كلهم نفس العجينة والله لو ايلا قال حيعمل كدا يكون طلع اى كلام والله ندمت على مدحك يوم سويت الانترلوك بتاع سوق المنقبة تاريك واحد وسخان زيهم يخسى عليك اتغشيت فيك
    لما قالو خليت ناس المؤتمر الوطنى فى القطاع يتباكو زى النسوان وجبت ناس ايلا حديد قلنا برضو ود بلد تاريك نايم فوق سرك ربنا يقطع طاريكم مله الفساد والنفاق

  3. عفارم عليك “أمير الشرق أيلا” فقد شهدنا ما تسرب من فيديهات لإنتخاباتكم “المضروبة” في المرة السابقة، وشفنا المراقبين (من الشرطة تحديدا) وهم منهمكون في حشو الصناديق بالأوراق …
    يا جماعة الخير أفيدونا بالرابط بسرعة!!
    ولا نسيت الفضيحة ديك؟
    إنت قايلنا برضو ضاربنا “زهايمر” زيك ولا شنو؟؟
    يا راجل قوم لملم عفشك وقريشاتك المنهوبة ولف …
    وما تنسي تحرق الأوراق والمستندات المضروبة وبسرعة …
    قبال ما تجيب ليك هوا ساخن!!
    فهذا خروج بلا عودة!!

  4. هلا هلا يا عبدالله… الحكاية ولّعت وكل مكنكش صار يتحدى .. ياحليل بلدنا ناس المؤتمر الوطني عملوهو ميراث وصاروا يتنازعوا في القسمة. يا أخوانا الموضوع دا فات حدو وناس يفكروا بهذا المفهوم فلا سبيل للفكاك منهم إلى بإستباحة دمائهم. وجب علينا تكوين منظمات سرية لبتر هذا السرطان (مثال منظمة إطلاق النار على المكنكشين) ننيش واحد ونجيب خبرو وصبحيتها تلقوهم إختفوا من على البسيطة السودانية.

  5. المستور دى شنو
    بالله ديل رجال حكومة
    زى المشاطات
    تفوا عليكم
    يا مزابل التاريخ
    مش احسن كان تنقطنا بسكاتك بدل الكلام الفطير دى
    يا فسده يا بتاعين المخدرات
    الكونتنيرة تبع منو
    ابقى راجل وقول
    قربت يا مزابل

  6. وتوعد إيلا بكشف المستور إذا لم يتوقف هؤلاء الخبثاء بحسب وصفه عن الحفر والدسائس..
    ** هو فضل شيء تاني اسمه مستور.. والله المستور ده الا اذا (حَمِل) أحدهم و(أنجب) و (أرضع)…..

  7. المتشددون ديل منو ؟ ناس المخدرات الذين قمت بفتح الكونتينر بنفسك ما لازم يحاربوك للنو انت حاربتهم فى معيشتهم

  8. قال”خليهم يمشو هم الاول”!!
    ده اعلان تمرد عديل لا لبس فيه
    واي والي مهدد بالاطاحة به سيبحث لتحسين هبرته الاخيرة الدنيا مامضمونة وكده

  9. الكيزان إحساسهم زايد انهم ملكوا السودان .. وأصبحوا هم الحكومة والمعارضة والشعب

    وده مش كويس عشانهم

  10. يا أخوان من يتبرع ويفهمني لأنه فهمى كمل كل والى يقولوا ليه غور يرفض؟ هل الولايات هذه ضرعها ماكن وكبير وماجف ضرعها من الحلب ولا في حاجة تانية أنا مافاهمها وليتبرع احد الأخوة ليفهمنني لها.حسبى الله ونعم الوكيل.

  11. دي شهاة حق ياجماعه، الانجازات الحققها ايلا في بورتسودان مافي اي والي في السوظان عملها ، والله رجل م فيه كلام ، لو اي والي بيشتغل مثله كان بلدنا بقت تحفه الانظار ،لكن للاسف المخربين الدجالين شغالين ضدو ، عايزين يخربو كل شي ، ياخي بورتسودان دي زمان غير الناس الجاية من السعوديه مافي حد بمش هناك ، لكن بعدما ايلا استلم ، الآن بقينا نتابع عبر القنوات متين موسم السياحه يبدأ ،الآن الاوروبيين قاعدين بمشو سياحه في بورتسودان ، والله حرام والي زي إيلا يعملوا فيهو كدا ،صحيح سمعنا ان عمل ليه كم فيلا وكم شقه في دبي والله اعلم م بعرف المعلومه دي صحيحه. ولا كلام الناس ساي ، لكن لو بياكل وبيشتغل برضو احسن من الفساد الحاصل دا..
    بالله ياناس بورتسودان ما تسمعوا كلام المنافقين والله الكيزان الفي المخرطوم ديل حيخربوا ليكم مدينتكم الجميله دي ،الآن بقت محطة انظار لكل الناس العريس العاوز يمش شهل العسل بفكر في بورتسودان ، ولسه والله واليكم دا حيعمها احسن من كدا بكتييير..انا شايفو احسن والي مر في تاريخ فترة الكيزان المعفنين ديل .. اللهم امّن بلدنا من المفسدين والمخربين.

  12. والله العملوا ايلا في البحر الاحمر لم يحدث في اي منطقه يقولوا ليك الصرف علي السياحه ياخي ارحموا الشعب دا وبلاش تدمروا اي حاجه ماشه لقدام ياخوانا الحكومه بعد تعمل طرق ومستشفيات ومدارس تعمل شنو تاني تاكل الناس في خشما

  13. ياجماعه خلو ايلا في حالو لان ايلا غير كتير جدا في بورسودان بقت مدينه اشبه بامارة دبي العربيه وادعو ليهو ربنا يوفقو كمان وكمان باقي ولاة الولايات يحذو ويسيرو في طريقو عشان بلدنا تتطور وتنمؤ وتمشي لي قدام

  14. يا ايلا قول بسم الله
    انت قايل بورتسودان دى حقتكم ولا شنو
    انت موظف عادى جدا
    لو اشتغلت باخلاص ماكنت حتقول كلامك ده
    اعرف انو اى حرامى اذا حاصروه بتلفظ بالفاظك دى
    هدئ اعصابك ان كنت شغال باخلاص
    لكن لمن تقعد تتلفظ بالفاظك دى بتنكشف سريع
    ماتعمل فيها حشدت اهلك ولا بطيخ
    شنو بعرقى وما ادراك
    انت بتاخد مرتب ومفروض يتابعوك لكن
    وييين الناس البتابعوا يخلوكم تاكلوا كدااااا
    لمن يختلف اللصوص ينكشف لينا المسروق
    والسارق عشان يغطى يقعد يهترش هترشتك دى

  15. الشهاده لله بورسودان بقت عروس الشرق بحق وحقيقه والراجل استفاد وفاد وياريت لو الباقين حذو حذوه كان البلد اتعمرت لانو الخير كتير بشبعكم وبشبعنا لكن الطمع ودر ماجمع وبدل مانجيب ولاه جدد اولا يعملو ليهم بيوت وعمارات وعربات وارصده خلوا الشبعو ديل بعد كده يعمرو البلد

  16. أبقي راجل ولد راجل و قول و أفضح المستور و علي و علي أعدائي يا إيلا ؟؟؟ و ما تبقي زيد علي الحاج القال (خلوها مستورة )) لمتين مستورة أنحن ما عارفين جاء مبارك المهدي و قال الشخص الأخبر الأمريكان عن مصنع الشفاء هو مدير المصنع نفسه (حاليا في أمريكا) و بمعرفة الحكومة نفسها لما كان في الحكومة (مساعد رئيس الحكومة ) ليه ما قال اكلام دا ؟؟؟ حسع حاي بعد عشرة سنين يقول الخائن الذي دل الأمريكان علي مصنع الشفاء هم مدير المصنع نفسه ثم ما قصة إستدعاء و إعتقال الصادق المهدي هل لها علاقة بعودة مبارك المهدي ؟؟؟
    يا أيلا احسن ليك تتغدي بيهم قبال ما يتعشوا بيك ؟؟؟؟
    الناس ديل لحمهم مر في البداية لكن بعد اللقمة الأولي الباقي سهل ؟؟؟؟ و اللبيب بالإشارة يفهم ؟؟؟؟

  17. يعني لو ما هبشوك ما بتهبشم هذه بتلك .. استر علي واستر عليك .. شيلنا واشيلك . والله كلام في غاية الخطورة ليتك سكت يا ايلا . مهما كانت انجازاتك فأنت ساقط في هذا التصريح الفاضح .

  18. البشير وزمرته من اجل السلطة والثروة ماعندهم كبير فأنت يا ايلا لست باكبر من صلاح قوش ولا الزبير والى الجزيرة سوف ترجع الى بيتك وبالبوليس اذا لم تمشى بحسنتك واذا لم يودعوك السجن … بلاش تهديد ووعيد وحلف طلاق فى الفاضى ، كلكم سواسية فى الذنب والنفاق .

  19. لن يشفع لك تحويل بورسودان الي شرم الشيخ اخري السوط واصلك واصلك و لسعتها تلك التظاهرات اما تهديدك بكشف المستور هؤلاء عيونهم قوية مثل المومسات لا يخجلن امرق بشوية كرامة اخير ليك

  20. صبيانو شابكيننا(ايلا هديد)…نعم حديد مصدي ضربو الملح و الرطوبة
    كفاية صاحبو محمد طاهر احمد حسين و كفاية سلوكياته و شذوذه.
    يشهد السد الذي شيده جوار مزرعة الدواجن خاصته و اوصل لها المياه على حساب الولاية.
    و اتعجب لمن يقول جمل بورتسودان و صارت مثل دبي…اولا لم يجملها لسواد عيونكم لكن الحكاية نهب مصلح و فروقات اسعار…و من يمدحه لمنظر بورتسودان يجهل الولاية و من فيها من البشر فولاية البحر الاحمر ليست بورتسودان و اتمنى منهم زيارة الاحياء الطرفية بعيدا عن الكرنيش و الاسواق.و من هو البصيري؟صاحب محل كفرات الموبايل و كروت الرصيد!!!!والآن صاحب البصيري بلازا و عطاءآت الانارة.

  21. والله الزول ده اذا كان قال الكلام ده يعنى ماقولو( بكشف المستور إذا لم يتوقف هؤلاء الخبثاء) معناها هو واحد من الاتنين يا بيضرب معاهم ياما بيضرب وعارف الناس البترضب وفى الحالتين يبقى هو زول مانزيه لان الساكت عن الحق شيطان اخرص .
    وما دار يتكلم الا بعد وصلو راس السوط.
    فحقو الناس تفهم الحته دى ومافى داعى لتائيد زول بشوف فى الحراميه بيسرقو وهو بيتفرج وساكت ساااااى. وبعد ده بيدعى النزاهه . هى النزاهه ده غيروها والا شنو.

  22. انت ارجل راجل في الحكومة دي

    ومحلك القصر الجمهوري

    عفيت منك

    مافي زول قدر علي اللصوص ديل غيرك

  23. الله يستر ده نحن قلنا انو انت الوحيد ألما بتآكل لكن تصريحاتك تدل علي ان في المر شي عموما أنا لا استغرب اي واح انضم للمؤتمر الوثني يكون نظيف لا بارك الله فيكم اللهم انتقم من كل فاسد فاسق اكل مال هذا الشعب …… ولا نامت أعين الجبنا

  24. يا ايلا ورينا فنونك = يا ايلا انفخ جضومك – يا يالا ورينا حلقومك – المخدرات دي حقت منو – يا ايلا اكشف المستور وقلينا – اكشف قبل ما يكشفوك الدور جائي عليك اتغدى بيهم قبل ما يتعشو بيك – لشعب واكسب واخسر السلطة اصلو السلطة زائلة قريب.

  25. كل الخرفان لمن يضبحوها بتفرفر اسال بتاع سنار والجزيرة والشنبلي وتماسيح القصر لمن يسمعوا تصريحاتك دي بقولوا ومايضير سلخ الشاة بعد ذبحها دحين يازول قبل علي القبلة بدون فرفره

  26. المصيبة الحكومة نفسها لاتعرف ان ايلا محصن بقوات قادرة علي فصل الشرق ناهيكم عن يشيوه رغم ان الولاية تحتضر وان مهرجانات السياحة تستقطع تكاليفها من موظفي الولاية وهناك هل يوجد بلد في الدنيا سياحي وهو موطن السل والفقر والجوع كل ما يعمله ايلا لا يتخطي اربعة متر هي مدينة بورسودان وحسب التي وعد الرئيس وهو كالعادة يخدر الوجدان بانها تصبح شنغهاي وهو ما عارف ان ميناء بورسودان اصبح (شن هاي ) وعلي طريقة الشوام (شو هاي ) وبالسوداني شنو دي

  27. برضوا احسن من والى كسلا ، شايل شيك بمبلغ 300 مليون لفقراء مكة عمل بيها عمره و فوق ده كلوا قال ليهم شهادة الأساس ما توزعوها لغايه ما أجى انا من العمره

    فى رجالةاكتر من كده

  28. قال ايلا ((( لو عايزين يشيلوني خليهم يمشوا هم أول بعدها ان مستعد للتنحي في الحال!!)))))

    هههههههه ههههههه ههههههه ههههههههههههه هههههههههههههه ههههههههههههه هههههههههه ههههههه
    شغل …. الله يكرمكم

  29. شهادة حق ,,,بصراحة ما قدمه إيلا لمدينة بورتسودان لم يحدث ان قدمه أحد لها .. و تشهد له بذلك كل طرقها و أزقتها و حاراتها …فصارت في عهده من درر المدائن …

  30. الناس اللي عايزين يطلعو ايلا ديل الحرامية القاعدين في الخرطوم لانه الزول حبس منهم القروش الطالعة من الميناء لصالح شرق السودان زمان كانت قروش الميناء كلها بتمشي وزارة الماليه بعد داك يتم توزيعها ع بقيةالولايات ونصيب البح الاحمر يكون زي بقية الولايات الزول دا طلع للبحر الاحمر اكثر من ثلتي العائد من الميناء وكانت الحكومة بتعتمد ع بترول الجنوب كان سادي الفرقة ولمن الجنوب ولع بقت الحكومة محتاجة لي عايدات لسد هذا العجز فماكان الاتجاه الا عائدات الميناء فكانت المصادمة مع ايلا الذي رفض التراجع
    عن منحهم عائدات الميناء بالاضافة الي خلاف قديم حول مبالغ صندوق اعمار الشرق الذي رفض ايلا دخولها وزارة الماليه كل هذه التراكمات جعلت من ايلا هدف لتصفية حسابات قديمة بالرغم من اهل الشرق يرغبونه وانجازاته التي يشاهدها القادم والعابر من والي بورسودان الا اته يعتبر في نظر الحزب (مهرجل) ( ومبرم عضلاتو )شبيه بالسيد كرم الله عباس والي القضارف السابق مع اختلاف في الاسلوب والانجازات

  31. والله كتر خيروا ما قصر
    شغلو واضح
    اعداء الجمال قبلوا علي بورتسودان
    ما يشوفوا حاجة سمحه في البلد الا يخربوها
    ابشروا يا ناس بورتسودان .. راجعين لي زمن الوسخ والضبان تاني

  32. اشهد الله على ما في قلبي والله على ما اقول شهيد تثنت لي الفرصة لزيارة الشرق وكنت ذاهب عمرة الى السعودية وكان الفقر وقتها فقر مدقع خاصة عندما حلت رحالنا في درديب وسواكن كأنها مدينة اشباه وشاء القدر ان ازورها العام 2013 وكانت واحة ورارفة الظلال واتمنى ان تكون كذالك ثمة عمل جبار بذول وعليه ما دام هناك من يعمل بجد فلماذا لم تدعوه ان يواصل المسير وهو مضرب مثل ليكون قدوة لكل الولاة الا وهو الماهر ايلا

  33. ?ومن الأفضل للشعب السوداني أن يمر بتجربة حكم جماعة الهوس الديني. وسوف تكون تجربة مفيدة للغاية. إذ أنها بلا شك ستبين لأبناء هذا الشعب مدى زيف شعارات هذه الجماعة. وسوف تسيطر هذه الجماعة على السودان سياسياً واقتصادياً حتى ولو بالوسائل العسكرية. وسوف يذيقون الشعب الأمرين. وسوف يدخلون البلاد في فتنة تحيل نهارها إلى ليل. وسوف تنتهي فيما بينهم. وسوف يقتلعون من أرض السودان اقتلاعاً.?
    الشهيد محمود محمد طه

  34. ليس لنا اي تعليق بعد تعليق محمد ادروب والله بورسودان دي في القريب كانت الشوارع تتغسل وين انتوا اصحوا وشوفوا المحافظين العاعدين في البيوت من اي جنس (لاجئين) وكمان كانوا سواقين في السعوديه تخيل سواق خصوصي الي محافظ والمصيبه انوا ما سوداني

  35. سبب المظاهرات في بورتسودن بيع المدارس وتحويلها الي ابراج سكنية هل هذا يرضي الله وتشتيت الطلاب ومن اعرق المدارس في بورتسودان المدرسة الشرقية وفيها 1400 طالب سلمو اوراق رسمية قيل هذة الاجازة با قفال المدرسة هذة المدرسة الخرجت الالف من الولية والسودان يعلم الله وغيرها كمان

  36. يا اخونا دى بلد شنو دى……
    اى زول يهبشو يقول بيكشف المستور…
    وفيهم من يقول خليها مستورة!!!!!!!

  37. يا اخونا دى بلد شنو دى……
    اى زول يهبشوهو يقول بيكشف المستور…
    وفيهم من يقول خليها مستورة!!!!!!!
    وفيهم من يعمل بفقه السترة..
    وستر المؤمن خلاف الجهر بمعصي المؤمن…
    والتستر على الجريمة شريك في الجرم…
    والسكوت على الحق شيطان اخرس

  38. اللهم اجعل كيدهم في نحرهم ….ايلا الوالي الوحيد الناجح وفالح عمر ولايته وجملها ومايحدث له شي محير وخاصة من وزراء المؤتمر الاوطني فحسبنا الله ونعم الوكيل فيكم ياحكومة القتاس

  39. قالوا فى ناس نافذة تريد دغمسة حازيات المخدرات وأمن إلا معارض وعشان كده عاوزين يشيلوا إيلا عشان يشيلوا حاويات المخدرات ويا خبر بفلوس بكره ببلاش ولمان إيلا يعطى نصف تصريح ويتكتم على النص الباقى ولمان ناس الخرطوم يتكتموا على حقيقة الموضوع الوشــــــــــــــــاعات بتوشـــــــــــــع

  40. اقول لمحمد ادروب ما اجمل الحلم لغدا مشرق والاحلام مشروعة ما دمت تسعى لتحقيقها وانا من اقصى غرب السودان حيث الحروب والدمار والخراب وتوقف التنمية واصبحت غاية انسان دارفور الامن و الامان ناهيك عن التنمية والمخليصين في هذا الزمن قلائل واحسب الطاهر ايلا منهم الذي يبني غير من الذي يهدم واذكرك بأن كل اجزائه لنا وطن

  41. اقول لمحمد ادروب ما اجمل الحلم لغدا مشرق والاحلام مشروعة ما دمت تسعى لتحقيقها وانا من اقصى غرب السودان حيث الحروب والدمار والخراب وتوقف التنمية واصبحت غاية انسان دارفور الامن و الامان ناهيك عن التنمية والمخليصين في هذا الزمن قلائل واحسب الطاهر ايلا منهم الذي يبني غير من الذي يهدم واذكرك بأن كل اجزائه لنا وطن

  42. يعني ايلا لوحده وسط كل هذا الطوفان لو كشف ليكم المسنور انتو فاكرين الجماعة الشيطانية حتقف ساكتة أكيد حتغتاله. ديل جون قرنق كتلوا ومشوا في جنازتو.
    وللذين يتطالبون ايلا بكشف المسنور – ما انتو الآن عرفتو أكثر مما سيكشفه ايلا فماذا فعلتم بعد كشف قضية والي الخرطوم و الوليد أبو 48 مليار؟؟؟
    فما هي الفائدة لو الرجل كشف المستور وتم اغتباله؟ والخسران منو؟ لأننا شعب جبان ما قادرين علي الفيل ونطعن في ضلو .. ايلا لو كشف ولا ما كشف هل سيؤدي ذلك لخروج الشعب للشارع؟؟؟
    في كثير من الاحيان تفرض عليك السياسة أن تلبس ثوباً ليس ثوبك ومبادئ غير مبادئك وتسكت عن اشياء ضد مبادئك لتجد موطئ قدم بين كل هذا السواد الحالك لتخدم ولو جزء من أبناء هذا الوطن.
    يعني لو ايلا ما كان والي للولاية أكيد اخوة الشيطان عندهم حرامية جاهزين.
    لقد أثبت أيلا وفضح كل بقية الولاة وعلمهم معني النجاح وسط سوق الحرامية.
    لو ايلا كشف المستور انتو حتعملوا بالمعلومات الحايكشفها شنو؟ حتطلعوا الشارع؟؟؟
    والمستور الكشفوا ليكم عملتوا وعرفتوه بيهو شنو؟؟ طك جنك؟؟؟
    يا ايلا للامـــــــــــــــــــــــــام أنت الضوء وسط هذا الظلام الدامس ولو البلد دي عايزة تمشي للامام انت مكانك القصر الحمهوري بدل الرقاص ابو ريالة.
    أكيد هناك معارضين لايلا من مواطني البورت مثلاً لو الرجل بدَل العتالة والحمالين بالميناء بالآليات والكرينات لنحميل وتفريغ البضائع آلياً كل يحدث في كل العالم أكيد سيتم العمل الآلي في زمن قياسي وبصورة حضارية مقارتة بالعمالة اليدوية واضراباتهم المتكررة فهل نقف مع عتالة الميناء ضد ايلا وضد التقدم العلمي و يا حليل زمن البوستة قبل الايميل و الموبابلات فلن يرجع الزمن للوراء حتي لو اردنا ذلك. أكيد بعد النقلة الحضارية للولاية سنجد ضحايا لهذه النقلة خصوصاً اصحاب المهن الهامشية
    ايلا شمعة وسط ظلام دامس فدعونا لانطفئ هذا الامل ونرجع نغني علي عجوبة الخربت سوبا وعلي نفسها جنت براقش ….. وعجبي لشعب بذاكرة السمك.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى