(قوش) يهدد بإيقاف مد الحكومة بالجازولين إذا لم تكمم صحفها
الخرطوم – خاص الراكوبة
علمت (الراكوبة) أن مدير جهاز الأمن والمخابرات الوطني السابق الفريق (صلاح عبدالله) الشهير بقوش هدد الحكومة وعدد من أجهزتها الأخرى بإيقاف تعاملاته التجارية معها خاصة في جانب الجازولين والمواد البترولية الأخري إذا لم توقف الهجمة المنظمة التي تقودها عدد من الصحف المملوكة للحكومة عليه منذ خروجه من السجن عقب اتهامه بالضلوع في المحاولة الانقلابية الأخيرة.
وقال قوش أن جهات وأفراد من الحكومة يسعون لاغتياله سياسياً حتى لا يكون له دور في المستقبل من خلال الحملة المرتبة التي تشن عليه منذ اشهر عديدة وتصفه بالعديد من الصفات غير اللائقة. وأمهل قوش الحكومة مدة محددة وإذا لم توقف هجمتها عليه سوف يوقف كل تعاملاته معها خاصة في جانب المواد بترولية.
ومعروف ان شركات قوش هي أكبر ممول للحكومة في جانب المواد البترولية والقمح وعدد آخر من السلع.
تستهال حكومة السجم الصنعتك من لاشيئ ايها الاعور كمان بقيت عينك قوية تهدد
شر البلية ما يضحك!!!!
إذا كان إمداده للحكومة بالجازولين من قبل 30 يونيو 1989 م فله الحق وإلا كان فاسدا بحكم وضعه الحالى حيث كان موظفا فقط .أما أن يهدد الحكومة فذاك أمر يسأل عنه عمر البشير !!!!
هذا الخبر غير متماسك وتفوح منه رائحة الفبركة …
أقبضو الزول دا القروش دي لقاها وين لدرجة يوقف شريان تشغيل الآليات والشاحنات والوابورات وكل وسائل الإنتاج. دا مال الشعب السوداني إتقسموه وأي واحد أعطوه مرفق اقتصادي وتحكموا في حياة الشعب ولما اختلفوا أي مجموعة بقت تهدد في الأخري بمال الشعب (ألا تستحون).
كلام يا عوض دكام كتمت امرقوا ياناس هوى الموضوع اتقنطر
هو قوش دا مستثمر عربى والا ضابط والا رئس حزب والا معارض والا شنو ماتفهمونا??
** ديل جماعتك بتاعين الامن الذين دربتهم ياقوش.. محمد عطا والعيال.. انطبق عليك قول: علمته الرماية فلما اشتد ساعده رماني…والتسوي كريت تقلقاه في جلدها.
**تهديدك (بقفل) انابيب الجازولين والبترول (الخاصة) عن الحكومة.. ده معناه أكيد عندك آبار بترول ومصفاة (خاصة/ قوشدار)
وهذ يؤكد الزعم بأن انتاجية البترول في الشمال الموضحة للعامة ومذكورة في الميزانية هي لا تساوي 10% من الانتاج الفعلي..مما يعني انه عندكم (ابار بترول وحفاير بالدس) ملكية خاصة..
**البشير عنده كم عليك الله! والاوكسجين تبع منو!!!
هو المعفن ده اسس الشركات دي من وين ، سرق قروش الدوله كلها ،وعندك نفس تهدد الناس حقو يصادرو منه الشركات دي كلها، الله لا كسبكم خير ياآكلي مال السحت
انت مت من زمان يا اهبل
بالله انت تعتقد بأن يكون لك دور فى السودان الجديد
والله ناس الانقاذ عاوزين زول امشى عليهم واحد واحد وتراح وتراح كفين عشان افيقوا
يا قوش انت يا مجنون يا انحن المجانين
احنا منتظرين يوم الحساب حساب الدنيا فى اشد من حرارة الجمر
جهزك دبرك وابقى مارق جاى
دى راى الشعب وليس راى فردى
انا شخضيا راى غير ذلك
لى قدام
يعني نفهم أنو قوش عنده آبار بترول خاصة به حتى يهدد الحكومة بإيقاف مدها بالجازولين؟ كلام غريب جداً .
فى سؤال فى راسى صلاح قوش جاب قروش الشركات دى من وين
ومعروف ان شركات قوش هي أكبر ممول للحكومة في جانب المواد البترولية والقمح وعدد آخر من السلع.
إذا جمعنا قيمة الأصول الثابتة والأموال السائلة لشركات ( قوش ) التي تمول الحكومة بالبترول والقمح ، أعتقد أنها تفوق ( تريليون جنيه ) استحلفك بالله يا صلاح قوش من أين لك هذا .. خذ راحتك وأعطينا الإجابة الصحيحة بالتفصيل ……
وكذلك اوقف امداد الماء والهواء والحياة
************ من اين اتي هذا الاعور بهذه الشركات البترولية ؟؟؟؟ *********** النهاية جات يا قوش اركز *****
يا أخوانا الكيزان دي عندهم احساس حقيقي إنهم ملكوا البلد
الحكومة لو بها شيء من النزاهة لكانت سألت قوش من أين له هذه الأموال ولكن كل حرامي خائف من الآخر.قربت ياقوش والقروش التي سرقتها سوف نرجعها لخزينة الشعب وسوف نعد المقاصل لك ولرفاقك.بالله العالم دي ما بتستحى منو فيهم جميعا أتى منذ ميلاد يوم حكمهم الشؤم كان يمتلك منزلا حرا فكلهم مؤجرين وزيهم زي أي مواطن عادى.دمرتم الرأسمالية الوطنية صاحبة الأموال الحلال وأخذت مكانهم أنتم بمال الشعب الذى سرقتموه وكمان تتبجح.قربت فوالله لن نترككم بل ستقتلع سنون اللبن التي ولدتوا بها.عالم حقيرة لا تستحى.
لماذا تضع الحكومة أصبعها في فم قوش وغيره ؟!! حاجة عجيبة !!!!!
من اين لقوش هذه الأموال وهو من دخل الحكومة اباطه والنجم . زمن المهازل . قوش يمول الحكومة والشعب يمول قوش والصادق المهدى ينفس اى مشروع تغيير
ومن اين لك هذا ياقوش تمتلك شركات ضخمة من اين هل تذكر نفسك قبل دخولك الحكم نعم نعلم انك ميسورالحال لكن لي للدرجة التي تجعلك أكبر ممول للحكومة في جانب المواد البترولية والقمح وعدد آخر من السلع.من الذي يحاسبك من اين لك كل هذه المليارات في فترات حكم لا تتجاوز ال20عام كم كنت تتقاضي في كل عام وكل شهر حتا تصبح(أكبر ممول للحكومة في جانب المواد البترولية والقمح وعدد آخر من السلع.)نأسف للتكرار….برفسوارت عملو في مناصب اعلا منك ولم يعملو ربع الذي عملته… وفي اخر المطاف صار يتحكم في لقمة ومستغبل الحكومة التي اتت به ولقمة المواطن المسكين لله درك ياسودان
الشركات والتمويل دي جابا من وين ..
سبحان الله من اين له هذا
كل يوم شىء جديد.. اذا ضيعتو ألأنقاذ دى من ايدينكم تانى حتضحكو على ايه ؟ وحتشتمو منو؟ وتلقو الجديد المثير وين! وفى ألآخر تقولو وترددو مع ود القرشى: يا جديدا فى كل لحظه اشتاق ليك ,, تكفينا لمحه.. فما بكيتم من شىء الآ وبكيتم عليه!!
ألأنقاذ دخّللتكم الجنه يا ناس السودان وانتو احياء .. ورّتكم ما لا عين رأت .. وسمّعتكم ما لا أذن سمعت .. ولا خطر على قلب بشر ,,, تانى شنو؟ هل قصّرت معاكم ,, وزى ما قال مهدى ابراهيم ألأنقاذ صابره عليكم يا ما بتخافو الله.
دوّر بى البلد دا نحرق الجازولين يا لوابور جااااز .. دوّربى..حبيبى..دوّربى.
من أين له هذا؟ آه يا سوداننا الحبيب. لا بارك الله فيك أيها الوقح البشكير. حرام أن أذكر اسمك على فمى. لعنة الله عليك. بس الشعب السودانى فى الداخل يستاهل.
من اين له قوش بهذه الاموال والشركات لو ناس الانقاذ والترابى الذى عينه من منزله برتبة المقدم فى جهاز الامن الذى عاس فيه فسادا لم يشهده تاريخ الامن من قبل والتعذيب الذى قام به لابناء الشعب السودانى والقتل وكل الموبغات التى ارتكبها وبعد خلافهم معه حول المناصب منحوه صفقات البترول بدون منافس ليغتنى منها هذه هى اموال الشعب السودانى تبعثر هنا وهناك ليكم يوم ان شاء الله قوش وغيره من العصابه المجرمه الملعونه ……………………………………………………..
اولا كيف تسنى لقوش وهو كان موظف بمرتب ان يكون شركات بترول يهدد بها الحكومة – هل هناك شبهة فساد اكبر من هذه – دنيا غريبة ناس تقطع ايدها فى ملاليم وناس تخم بالكوريك وما حاصل عليها شئ
سبحان الله !! ممكن اى اهبل شايقى يتم اعطاءه العقود والتسهيلات ويقوم بعملك !! خلاص صدقت انك بلقيتس؟
ياربى شركات قوش دى عملها متين ومن. وين؟؟؟!!!
شر البليه ما يضحك ومن اين اتي قوش بهذه الشركات ومن اين وكيف تحصل على هذه الصفقه والتي جعلته من المتحكمين في الجازولين القضيه اكبر من هذا بكثير والايام حبلى
سؤااااااال برئ من ايم له هذه الاموال
معقول انت تتحكم فى البترول الذى يتم استيرداه ؟ من اين لك هذا يا ايها القوش …لماذا لا تتحلل او تغنى يا ناس شوفو لى حلل
الحاصل شنو مافي حكومة ولا شنو تهديد عديل ..التسجيلات…شغل مخابرات ….
من اين لقوش بهذه الشركات انه قوت الشعب السودانى
ههههه نفهم انو صلاح قوش هو الحكومة؟؟؟؟ الله يفتنكم في بعض ويريح شعب السودان من شروركم وحروبكم يا سارقي قوت الشعب … كل من يملك ما يزيد عن حاجته فهو ملك للشعب …
الفريق قوش ؟؟؟ من اين لة المال لانشاء الشركات ؟؟؟ هل كنت من ابن النفيدى ام الشيخ مصطفى الامين من اين لك بالمال والدولارات …. انتظر عود اكبر من القذافى راجيك..
اللهم اجعل كيدهم في نحرهم نهبوا البلد وبدائو الخلافات
من يزرع شوكآ لا يجني عنبآ .. و علي نفسها جنت براقش .. اللهم أجعل كيدهم في نحرهم .
سبحان الله .. زول هرب أموال البلد و اصبح يتحكم في البترول بقروشها المنهوبة .. الآخذين والعار لكم يا كيزان
أولا شنو حكاية الاقتيال السياسى الطلعت جديده عندكم دى ان شاءالله ربنا احققه فيكم – الاقتيال السياسى البنعرفه نحن – قولوا آمين
الشى التانى انت ما بتخجل ياخ اذا بليتم فاستتروا . ولا فى فهمك ربنا ابتلاك بالمال الحلال ده من قبل الانغاذ . واصلا بتمول الشعب الغلبان ده من زمان والانغاذ اكترحكومه سيئه تمر عليك من دون بافى الحكومات ما دائره ليك الخير ولا الراحه للشعب الفضل !!!! .
وقال قوش أن جهات وأفراد من الحكومة يسعون لاغتياله سياسياً حتى لا يكون له دور في المستقبل
أي دور يا سفاح يا جبان؟؟
لقد نسي الأعور البكاء والجعري دخلوهو السجن تاني.
ايلا يهدد، قوش يهدد في اخوانه، بعد كشف بعض السرقات يبدو انه “سوق الاخوان” انتقل لمرحلة جديدة من كشف الورق
سبحان الله الحكومة دى فيها حاجات غريبة باين عليهو المدسدس كتير الناس ما جايبة خبر البلد منهوبة الضحى الاعلى الجماعة شغالين لهف وسرقة وناس شغالين مظاهرات وتسيل دماءهم . لا حول ولا قوة الا بالله .
ومعروف ان شركات قوش هي أكبر ممول للحكومة في جانب المواد البترولية والقمح وعدد آخر من السلع.
إذا جمعنا قيمة الأصول الثابتة والأموال السائلة لشركات ( قوش ) التي تمول الحكومة بالبترول والقمح ، أعتقد أنها تفوق ( تريليون جنيه ) استحلفك بالله يا صلاح قوش من أين لك هذا .. خذ راحتك وأعطينا الإجابة الصحيحة بالتفصيل ……
يسعون إلى إغتياله سياسياً حتى لا يكون له دور في المستقبل !! يعني عندك نيه تلعب دور تاني ؟؟
لم نسمع برجل أعمال في السودان اسمه صلاح قوش قبل انقلاب الكيزان فمن أين لصلاح قوش بالمليارات التي من خلالها يتحكم في واردات وصادرات البلد بأكملها.. وبل يهدد أخوانه اللصوص في الحكومة بفرض حصار اقتصادي عليهم!!!!. أموال الشعب ح نستردها على داير المليم وح نطاردكم يا كيزان يا لصوص حارة حارة زنقة زنقة بيت بيت وحينها حتى الحجر ح يكون ضدكم وينادي قائلا تحتي كوز تعال اقتص منه.
شئ غريب فعلا كيف زول يهدد دولة كامله بان يقطع منها المواد البتروليه كما يعلم الجميع ان البترول هو ملك لدوله موسسه حكوميه والله نحن ما قادرين نفهم معناتا السودان قسموه بيناتهم كل واحد اخذ موسسه حكوميه وخصخصوها انا خايف بعد شويه وزير الدفاع بالنظر حيقول الجيش حقو ملك خاص وكذالك كل المؤسسات الباقيه
ده كلام فارق
الناس دي مابتخجل!!؟
ًقوش آمو لمان ماتت ما. حصل اتعشت
كل الناس محتارة من ثروتك وشركاتك يا غشوش والمحيرنى اكثر قولك انهم يريدون اعتيالك سياسيا لكى لا يكون لك دور سياسى فى المستقبل يعنى انت يا قويش محنك وريقك جارى حد الريالة فى دور سياسى فى المستقبل حندوكك ويسمك انت وغيرك من جماعتكم وتشموها كشنة خليك فى شركاتك ونهبك وقروشنا تدخل عليكم بالساحق والبلاء المتلاحق كلامك ده ذااااتو ا مرض عدييييل الله لا شفاكم واحلام سعيدة بدور سياسى فى المستقبل المظلم الراجيك
من اين لك هذا .؟ يا مقطع .طبعا يمتلك عدد 8 قطع فى مناطق مختلفة فى العاصمة اضافة الى هذا القصر وقد كلف 5 مليون دولار اضافة فيلة فى دبى وشقة ايضا فى شارع الشيخ ذايد .؟؟؟؟
اول حاجة قوش وارث دة كلو من وين
ما ياهو دة الفساد بعيونو
يا ربي بيتهم في ديم كوريا لقو تحتو بترول ونحنا ما عارفين
كلكم حرامية كتالين كتلا
كدة يادوب عرفنا صاحب الكونتينرات بتاع المخدرات
غيرك مافي حد بيشتغل شغل عفن زي دا يا كوز ي حقير
عودك جاهززز خليك قريب ي اعور
يا سد النهضة لك التحية
تتكلم عن الدولة السودانية وين الدولة ذاتها اللي تتكلم عنها دي فمن شروط تكوين الدولة …. المؤسسات لكن في الحالة السودانية شلة حرامية و نصابين اذكر زمان قبل مجيء الإنقاذ وكان وقتذاك الجبهة الإسلامية القومية كانوا في قمة الاخلاق و التدين فحضرت كم معسكر للتثقيف التربوي تحفيظ القران والسيرة النبوية و الصحابة بواسطة طلاب الجامعات السودانية خاصة جامعة الخرطوم العريقة ام الجامعات في الوطن العربي وافريقيا ولكن بعد مجئ الإنقاذ شفنا العجب في جامعة الخرطوم من زملائنا الكيزان عندما ياتون ملثمين مع رجال الامن و يشيرون بأصابعهم للطلاب للقبض عليهم
اكل الحرام في السودان اصبح شطارة
هم فاسدين ونحن جبناء
ههههههههههههههه
ياقوش انت قشاك قطر ده ما اسلوبى لكن كرهتنا
تعال انت البقاك زول منو مش ياهو الحراميه ديل
وبقيت حرامى من مال التعابه دىل
سرقت الدوله وتانى تهدد بقطع التمويل
والله مافى حاكم عاقل عشان يكنسك تانى ماتشوف الشمس
صلاح قوش بنى علاقات قوية مع الامريكان حتى قبل أن يصبح مدير للامن الوطني، الحكومة فعلا تعاني من واردات البترول بسبب الحصار الامريكي والضغوطات الغربية، صلاح قوش تم دعمه أمريكيا لتوريد البترول للسودان باسعار لن تستطيع الحكومة الحصول عليها بسهولة،
تهديد قوش للحكومة حقيقي لأنه لو أوقف توريد البترول ستنهار الحكومة خلال 10 ايام، وهو نفس السبب الذي بسببه وافقت الحكومة على اطلاق صراحة بعد أن كانوا على وشك تصفيته،
صلاح قوش عميل أمريكي وسيكون له دور مهم في مستقبل السودانشئنا أم أبينا
( ومعروف ان شركات قوش هي أكبر ممول للحكومة في جانب المواد البترولية والقمح وعدد آخر من السلع )
مثل سلعة الذرة الشامية المخلوطة بالحبوب المخدره مثلا
بالله انت تهدد الحكومة بوقف الجازولين ؟
انت شكلك شبعت كثير ديل ممكن يخلوك على الحديدة زى ما كنت قبل – وبعدين احمد ربك تجارة وراتب برلمان وسفريات وتصريحات والشعب يقتل بعضه فى 500 جنيه والشرطى المسكين حاول ينفذ الاوامر ويقوم بواجبه علشان يدوه برضوا نهاية الشهر 450 جنيه يقتل ويرمل زوجته وييتم اولاده وانتو شبعانين تكرعوا تكرع وتبرطعوا تبرطع ويا الدنيا ما فيش فيك غيرنا
يوم لا ينفع مال ولا بنون كيفن تسوا
قولوا لمن الدنيا وزينتها لن تاخد منها غير القطن والكفن
قوش انسان انساني ورجل بر واحسان بس انتوا ما عارفين ما تتهموا الناس زور وبهتان القروش العندو ما سودانية وهل في السودان قروش هو بيعرف الاماراتيين من طالب في الجامعة وعنده معاهم علاقات
من وين عمل الشركات دي سبحان الله والله نحن شعب يستاهل الضرب بالجزم كل من هب ودب يشيل ويسرق فيناونحن ساكتين راضين يا حليلك يا وطن
قوووش تعال منسل قلتا لي تمنع البترول من الحكومه.. قادر الله !!! ومن متين بقيت تقيل ده وبيتكم في بورتسودان ديم كوريا واقف حرفنه ساي .. لو نمله دقت في مرينتو يقع كلووو.. يا ناس القاعدين ليها شنو؟؟ والله العظيم العبره مسكتني
سلام للجميع
غالبية الاخوة المعلقين يسألون عن مصدر اموال قوش فتخليت انو قروش البترول كانو خاتينها في صندوق نظام ختة حقت نسوان الحلة وكدا وكل شهر يدوها واحد او مجموعة يعني واحد غليد عندو صرفة كاملة واحدين مساكين عشرة عشرين مية مشتركين في صرفة واحدة، أها قوش دا كان داخل بي 3 ختات غير حقت غازي الاتنازل منها وقال دي قروش حرام، طبعا عوض الجاز شال الصرفة الأولى لأنو هو مؤسس الصندوق، مش كدا برضو تفسير معقول.
أسمعوها مني أنا …
الكيزان مافي شي بيهدهم غير تصفية حساباتهم مع بعض ….
إتفرجوا بس وشوفوا …
ما يجب معرفته ان كل الشركات, بتاعة قوش وغيرو, ما هي الا شركات ما يسمى الحركة الإسلامية والتي تسيطر على كل مفاصل الاقتصاد في السودان. ليس منظومة الشركات فحسب بل هنالك العديد من البنوك والشركات المالية التي تحت سيطرتهم. تنظيم شيطاني متحسب لكل شيء قذ يحدث, هذا فضلا عن الاستثمارات الضخمة في الخارج في دول بعينها كمليزيا وإيران وتركيا وقطر والكويت ودول أخرى كفيتنام وبورما وغيرها. هذا كله تنفيذ لاستراتيجية عرابهم الشيخ الترابي ان المال هو من يمهد الى ويضمن أمن السلطة. كل الأسماء التي لمعت في عالم الفساد ماهي الا شخصيات تمثل واجهات فقط للأخطبوط الأكبر وهذا هو السر وراء حصانتهم وعدم مساءلتهم عن ما يثار حول تكسبهم وتربحهم بليل. إنهم يعملون في كل شيء يدر مالا في السودان وخارجه.
كل يوم جديد فى مسرح الجرائم السودانيه قوش بن عم عطا وعبدالرحيم سفله
قوش قوش شيل يديك هذا الحكى (الكلام) مايفيدك
يا جماعة شوفوا قوة عين الحرامية الما بختشوا … يا أخي أنت بتفضح نفسك أنك سرقت حتى صرت مركز قوة ومصدر تهديد للحكومة وقوت الشعب الضروري ..يا أخي الأختشوا ماتوا …يا أخي إتستر … أكتبها باسم زوجتك … زيك وزي بقية الحرامية الآخرين .
يا جماعة احمدوا الله انه الاسلامويين حكموكم لانه السودان بلد فقير وما فيه حاجة هم من زمان عندهم قروش وشغالين تجار ووارثين وهم مما جو الحكم قاعدين يصرفوا عليكم ويجيبوا ليكم القمح والبترول والسكر والزيت وهلم جرا ويدوكم مواهى ويعملوا ليكم فى الطرق والجسور والسدود والعمارات والابراج وده كله من حر مالهم حتى انهم الآن من كتر الصرف على السودان وشعبه بقوا على الحديدة !!!
يعنى بدل ما تشكروهم تقعدوا تهاجموهم؟؟؟؟؟!!!!!!!!!!!!
يالا اضحكوا كلكم!!!!!
كسرة: هم هسع بقوا زى المشاطات يطلعوا فى فضايح بعض والبيقول خلوها مستورة وكل واحد ماسك على التانى حاجة ديل ما مر زيهم على السودان هسع هم لمن يقرأوا بيانهم الاول اصلا ما بيخجلوا ابدا؟؟؟؟؟
وين سمعتوا ليكم زول ماسك منصب عام ويكون شغال فى التجارة؟؟
هسع اشرف هم ولا الاسرائيليين او الغربيين الما بيرحموا اى فاسد ولو كان على هرم السلطة؟؟
ويجوا يقولوا دولة الخلافة والرسول قدوتنا وما يرمش لهم جفن !!!!
من إين جاء السيد/قوش بتلك الأموال الكثيرة والشركات المتعددة ؟! السيد/ قوش كان حتى الأمس الفريب يعمل في وظيفة مدير جهاز الأمن ، ومدير جهاز الأمن هو موظف عام ولديه راتب فقط يالكاد يستر الحال وربما لا يستر الحال ، والسيد/قوش كما أعلم ويعلم الكثيرون هو من أسرة فقيرة جدا، لا ندري من إين جاء بتلك الأموال اللهم إلا أذا كان جهاز الأمن يمتلك شركات بترول مثلا !! على السيد/ قوش أن يكف عن الحديث عن الفساد والمفسدين (حقيقة الإختشوا ماتوا)!!
الاجابة بسيطة يا صليحابي .. الزول دا ما كان يوم من الايام الخادم المطيع لوكالة المخابرات المركزية الامريكية (CIA).. ودي العمولة الكان بيتقاضاها منها مقابل خدماته للوكالة بتوفير المعلومات لها عن تنظيم القاعدة وبن لادن ..وطبعاً بن لادن كان قاعد في السودان .. وفي المنشية جنب التراتبي .. وانت ما عارف انو الزول دا كان بيسافر الى امريكا كل شوية بطائرة خاصة .. يعني رئيس دولة في الظل .. وكاد أن يكون رئيس الدولة في العلن وفق الوعود الامريكية له .. بس الجماعة انتبهوا ليه واتغدوا بيه قبل ما يتعشى بيهم .. هذه هي الحقيقة يا سيدى .. والقروش البتسأل منها دي قروش السي آي أيه الادوها ليه مقابل خدماته المخابراتية لهم… وبعد كله تقول لي الطيارة فيها بوري؟.
كده كويس معانا . لأنه اذا ما اختلف اللصان ظهر المسروق. وقوش وغيره من حرامية الجبهجية لن يفلتوا من يوم الحساب ، وهو قريب ، عندما تنزع منهم كل هذه المسروقات وتعاد الى الخزينة العامة . وعلى فكرة ، وقتها مافي حاجة اسمها ” تحلل” … لأن القانون لن يكون من قوانين الفاسدين المدعين للإسلام .
الراجل فيكم كان يقول الكلام دا لما كان ماسك مدير للامن قاعدين تجعجعو اسه ساكت والله اسم قوش الاعور دا ساي كان في ناس ما بتجي جنبو !!!!!!! عالم جبانات وليه الحق يسوي قروش وشركات من وهمكم دا
يجب محاسبة الكيزان ومصادرة كل اموالهم فى الداخل والخارج فهذه جماعه ارهابيه حكمت السودان بانقلاب عسكرى على حكومه منتخبه ديموقراطيا وعاست فى البلد فسادا ونهبا وتقتيلا وتشريدا وتقسيما….ووووو.
صدقوا القالوا المرفعين بعرف جعار أخوه. ديل كلهم مرافعين وبعرفوا نهب بعض ولكن المنتقم الجبار يمهل ولا يهمل.
لك الله ياسودان