إعلان مهم من سفارة السودان بلندن إلى جميع السودانيين بآيرلندا واسكوتلاندا
بسم الله الرحمن الرحيم
امتدادا لبرنامج السفارة الهادف للوصول الي المواطنين السودانيين الكرام وتقديم الخدمات القنصلية لهم وأسرهم في اماكن اقامتهم، والذي غطي خلال الثلاثة اعوام الماضية كل من كاردف، أدنبرا، بيرمنغهام، برايتون، دبلن ،وكورك، تعلن سفارة جمهورية السودان بلندن (القسم القنصلى) عن تنظيم زيارتها القنصلية نصف السنوية إلى آيرلندا يومى السبت 31 مايو ، والاحد 1 يونيو 2014، والي أدنبرا يوم الاحد 15 يونيو 2014 وذلك بالتنسيق مع اللجنتين التنفيذيتين للجالية السودانية.
سوف يتم خلال البعثة تقديم الخدمات التالية:
1. إستخراج جوازات السفر (يتم حاليا إستخراج الجوازات السودانية باللون الأخضر بحضور مقدم الطلب لحين إكتمال الترتيبات لإدخال خدمة الجواز الإلكترونى والرقم الوطني بالسفارات فى المستقبل القريب في اطار خطة الدولة لضبط الهوية السودانية).
2. تجديد جواز السفر.
3. إضافات الأطفال دون سن 16 عام لجوازات الوالدين.
4. شهادات الميلاد السودانية (تصدر فقط للأطفال الذين لم تتجاوز أعمارهم 6 أشهر ولمن تجاوزوا هذه السن يمكن عمل توكيل إجرائى لإصدارها لهم من السودان).
5. تأشيرات الدخول (تصدر بحضور الشخص المعنى)
6. الجنسية السودانية للأطفال حتى عمر 16 سنة (تصدر للأطفال بحضورهم مع الوالد للتحرى).
7. التوكيلات التجارية، الشرعية، والإجرائية(تصدر بحضور الشخص بعد إبراز جواز السفر مع التفاصيل موضوع التوكيل).
8. الإقرارات بسفر الزوجة والأطفال من السودان (تطلب من وزارة الداخلية لغرض التسجيل للأجانب بالسودان، ولغرض تأشيرة الخروج من السودان وتصدر بحضور الوالد بعد إبراز جواز سفره).
9. توثيق المستندات( إحضار الأصل موثقا من وزارة الخارجية البريطانية، الآيرلندية،أو السودانية).
10. شهادات حسن السير والسلوك.
11. أية خدمات أو قضايا أخري يود أعضاء الجاليات مناقشتها.
الزمان والمكان:
دبلــــــــــــــن:
السبت 31 مايو من العاشرة صباحا وحتى الخامسة مساءً مسجد دبلن الكبير.
الاحد 1 يونيو 2014 من العاشرة صباحا وحتى الثانية ظهرا Castleknock Community Centre (المدرسة السودانية بدبلن).
ادنبــــــــــرا:
مقر الجالية السودانية باسكوتلاندا
الاحد 15 يونيو 2014 (9:30 ص الي 4:30 م)
لمزيد من المعلومات والإطلاع على مطلوبات الخدمات أعلاه، يرجى الرجوع إلى موقع السفارة الإلكترونى [url]www.sudan-embassy.co.uk[/url] ? ستتواصل هذه الزيارات مستقبلا لتشمل مناطق أخري، وسيتم خلال هذه المهمة توزيع استمارة حصر السودانيين لأغراض الاعلام عن البعثات القادمة وللاستفادة منها كقاعدة بيانات عن الجاليات للرجوع اليها عند الطوارئ، فنرجو الحرص علي التسجيل.
مع تحيات السفارة السودانية بلندن
[email][email protected][/email]
قصدكم الناس الكانوا سودانيين
بعد ما ارتاحوا من خلقة ناس السفارة بالجواز الأوربى
برضو ما عاوزين تريحوهم
لقيتوا نفسكم قاعدين ساكت ، ومافى زول بمشى ليكم
قلتوا احسن نمشى ليهم نحن
زول اتخلص منكم ومن جهاز سلب المغتربين ، تانى بجيكم؟؟
انتظرونا لمن نقطع البحر بس ما ظنيتوا نحتاجه الجواز ههههههههه متورط في ليبيا الله يلعن الكان السبب
جينااااااكم—–زييييييي—–وزييييين!
أنحنا لمان نلقي الإحترام والتقدير من عساكرة مطار الخرطوم الدولي (موقف الخرطوم الدولي)، بنمشي نفتش عليكم في بلاد الغربة كمان. ننزل في كل المطارات الدولية، نحف من الموظفين والعمال بالمعاملة السمحة والأدب الجم، حتي ولو بلغة الإشارة، وحتي نغادر مطارات البلدان. ننزل مطار بلدنا السودان، نشعر بالأشمئزاز والجلافة، والواحد يشعر فينا، وكأنوا قتل زول قداموا، أو شايل ليه فطيسة في شنطتوا معاه. جااي من وين، سااكن وين، جااي ليه، معااك شنوا. ندخل بذنب يرافقنا ولا نعلمه، ونخرج بذنب يرافقنا ولا نعلمه. وفي الخروج تأتي المتاعب، تخرج حتي تخرج روحك وروح المعاك، لا نظام، لا أدب ، لا إحترام في المطار. أنت إنتظر هناك، مااشي وين، معااك منوا، مااشي ليه، داا جوازك، دي مااصورتك، أادخل التفتيش هنااك، أمششي أدفع الرسوم، جييب إصاال. والعجب لو كان معاك أولادك. في البداية لازم توري ناس المطار إنك شحاد ليهم قدام مرتك وأولادك. خلينا كل شي ليكم، خلونا الله يرضي عليكم في حالنا.
شكرا سفارة السجم وفروا دفاتركم و حبركم جوازكم ما صدقنا خلصنا منه جاين تاني ترجعونا كان زمان لما يكون في حكومة محترمة و الجواز يكون محترم تدخل بيهو اي دولة من غير فيزا بعد داك نفكر نشيلو تاني جنيه استرليني ليكم ما في ههههههههههه
دبلــــــــــــــن:
السبت 31 مايو من العاشرة صباحا وحتى الخامسة مساءً مسجد دبلن الكبير.
وهسى فى ذمتكم ده شغل سفارات ليكم ؟ فى الجامع ؟ دار العبادة ؟ ولا كمان هنا فى المدرسة ؟
الاحد 1 يونيو 2014 من العاشرة صباحا وحتى الثانية ظهرا (المدرسة السودانية بدبلن).دى شنو الخرمشة دى ؟؟ لا فى السودان تريحوا ولا فى اوروبا تريحوا الله لا جاب عقابكم يا حرامية
مرحبا بكم في دبلن ونتمنى لكم إقامة طيبه بين اخواتكم السودانين
ههههههههه ومن العندو جوار سوداني هسع ولوقلنا عنده معقولة بس يطلع لاولاده جواز ملطشة لدولة منعدمة الوزن …. لمن تغورو بنطلع الجواز السوداني لاننا بنفخر ببلدنا وعار من يحكموها
قبل عشرة سنة وبعد ان حللت بالمملكة المتحدة البريطانية وبعدها بسنوات تم منحي الجواز البريطاني واول ماقمت به هو انني اخفيت هذا الجواز السوداني الفضيحة الكبري والذي ارتبط بالاجرام والدموية منذ يومها ولم اراه ولا انوي ان اراه ومافي داعي تحرجوا نفسكم بس لو كنتو عاوزين مساعدة وصدقة فنحن اهلها مرحباً بكم Aid to the poor and destitute pple
سجمانين خلاص فلستو ودايرين تتسولوا بطرق ملتوية لجلب الدولارات – يا ابناء السودان في الخارج هؤلاءالكلاب كلاب حمر البشكير ديل سبو لهم اين ما وجدتهم اندال العصر الويل لكم ** اليومين ديل وين زولكم الرقاص هههه هاااااي هيهي هوي هههههههههههههه انشاء يجاوب اسئلة الملكين هيهيهي
السفارة فلست بعد انفصال الجنوب…..و هذا هو السبب وراء هذه الخدمات القنصلية
ما ممكن تتعمل بالبريد ؟
غايتو البيمشى ليهم يستعد ويملأ جيبه جنيهات إسترلينية كاربة لزوم الجز والنهب المصلح،، هم أصلا وضعوا ميزانية الجولة دى ضمن رسوم الخدمات والعندو موضوع معاهم يدفع مرتين: للرسوم وللمأمورية.
مافى مافى تانى ليكم بالله عليكم ياناس المنطاق الجيه ليهم عصابة السفاره استقبلوهم بالحجاره
بعد ما خلصو قدر القروش الفى جيين ملاحقين الناس تانى هو العاوز جوازكم منو والله شهادات ميلادكم نحنا ماصدقنا اتفكينا منكم ومن جوازكم المحظور ده تانى جايننا نحنا ماعندنا ليكم اى حاجه امشو تانى كوسوها عند مغفلين ياحمير يالصوص …………
اوعي واحد يمشي او يسوق اولاده كلهم حرامية اغلب السودانيين حصل علي الجنسية البريطانية عايزين بالجواز الاخضر شنو تعالو السودان اجانب ااحسمن من تجو مغتربين ويحلبوكم ناس حاج ماجد سوار
هو الزول قاعد فى بريطانيا البيخليهو يتسجم باجراءتكم وجوازكم شنو ؟ ياخ اختشو واطلبو تبرعات احسن ليكم . تخريمه : فى واحد هنا رد على تعليق اسمو المر الحجازى زعلان من واحد شال الجواز البريطانى
ههههههههههه ماعرفت ارد ليهو بالجد والله لكن الجواز السودانى بقى فضيحة
ليه الخدمه دي ما تقدموها السودانين الفي الخليخ وأفريقيا متوكحين بالجواز السوداني وسفارات الفساد والتحلل والمشكله ما ممكن ياخدوا حوازات الدول الخليجية التي افنوا فيها زهره شبابهم .هنا في اروبا بلد الكفر والكفار الواحد يحترم كبني آدم وفي ثﻻث سنوات نأخذ جواز وتكون مواطن من الدرجه اﻻولي مافي زول يقول لك عبد ويا اجنبي وﻻ يا مقيم انشاء تقوم القيامه في الدول العربية جمعا
17 سنه في اروبا يوم ماشفت سفاره وﻻ عارف محلها وين يوم قلت اعمل توكيل شرعي للوالد .مشيت بجوازي اﻻروبي .الموظف اول ماعرف موضوعي ابتسم ابتسامة صفراء نوع اﻻبتسامه الغيازه ديك وقال ما ممكن تطلع توكيل اﻻ بالجواز السوداني قلت ليه ماعندي جواز سو داني .زادت اﻻبتسامه الصفراء واصبحت برتقالي وقال انت تبدأ اوﻻ بستخراج جواز بدل فاقد وبعدين نعمل ليك التوكيل .امشي جيب بﻻغ من الشرطه وشهادة جنسية وشهادة ميﻻد وشهادة سودانية وتﻻته سودانين يشهدوا علي انك سوداني .طلعت التوكيل بعد ما روحي طلعت
Hhhhhhhhhhhhhhh
No way
This is garbage
Who need Sudanese passport
Hhhhhhh
معظم هؤلاء المعلقون أدناه يتحدثون بلا معرفة لواقعنا هنا في الغربة ومن دوافع لا علاقة لها بالموضوع وإنما من وجهة سياسية لا علاقة للأمر بها فهم لا يعرفون قيمة وأهمية زيارة الوفد القنصلي والتي ننتظرها نحن في دبلن كل ستة شهور.
نحتاج بوصفنا سودانيون أولاً قبل أن نتجنس لإستخراج شهادات ميلاد وشهادات جنسية لمن ولدوا بالخارج تثبت سودانية أبناؤنا التي نتمسك بها رغم التجنس فالوطن يبقي ولن نتخلى عنه في بعادنا المؤقت. نحتاج لشهادات تواكيل نرسلها لإخواننا, كل هذه الإجراءات التي نحتاجها كانت ستتطلب منا ومن إخواننا بأسكوتندا السفر بالطائرة والإنتظار الطويل والمبيت والمشاق مع الأبناء وخاصة لأن بعض الإجراءات للسلامة والتأكد تتطلب الحضور الشخصي كما هو معلوم.
وفد السفارة الآن هو من يتكلف المشاق والسفر ويأتوننا في أماكننا ليخدموننا وكان بإمكانهم عدم فذلك وكنا سنضطر للسفر إليهم.
للسفارة ووفدها كل الشكر والتقدير على لفتتها الكريمة ونحن في إنتظارهم بكل ما عرفنا به كسودانيون من كرم وترحاب وأريحية وطيب إستقبال ٍ حللتم أهلا ونزلتم سهلا إخوانا كراما.
والله حظكم انتو اتخارجتو من البلد دي عقبال لينا احنا لامن ننتهي من خدمة وطنيه ونوثق شهادات وروحنا تطلع ويا رب بعد دة كلو نطلع
هههههه كل يوم الهموم بتذيد