الفراغ من أطلس السودان الجديد

29 مايو، 2014
0

الخرطوم: ندى رمضان
فرغت اللجنة المكلفة بإعداد الأطلس الجديد لجمهورية السودان والعالم المكلفة من قبل المركز القومي للمناهح والبحث التربوي من إعداده ويتضمن التغييرات الجغرافية المحلية والإقليمية معلومات جديدة عن السكان والحدود بعد الانفصال وقالت الوزارة إن الأطلس قيد التحكيم حتى يكون متاحاً خلال العام 2015م بمؤسسات التعليم العام.

الجريدة

29 مايو، 2014
0

تعليق واحد

  1. انا راي الشخصي الحكومة تنتظرعشان ما يقعدوا يغيروا كل شوية حلايب الفشقة ابيي دارفور الشرق الشمالية كردفان امكن ما يطلعوا اطلس ذاتو

    رد

  5. دارفور موجودة فالأطلس كأقليم ولا أرض حدودية متنازع عليها زى ابيى وبعض نقاط الإرتكاز للجبهة الثورية القابلة للإنفصال بالله أنشروا نسخة للتوثيق سياسية وجغرافية وكنتورية ومعدنية مع كل التفاصيل لكى تعم الفائدة ويمكن الناس الطفشت دى ترجع .

    رد

  6. يا حليل أطلس عبيد الذي كان مفخرة التربية والتعليم.
    يجب اخضاع الأطلس الجديد لمراجعة دقيقة قبل تعميمه.

    رد

  8. عملتو لينا سافوتة حلايب حلايب،،،جهزو الجيوش واتقدمو الصفوف !!!ساكون اول الذاهبين للجهاد لتحرير الحلايب

    رد

  11. نحن درسنا فى الزمن الجميل وكان الاطلس ذلك الكتاب الاخضر الذى يحوى بداخله كل خرائط العالم العربى واوربا واسيا والامريكتين وافريقيا باللوان الزاهيه وكنا نكون فى منتهى الفرح عند توزيع الاطلس علينا وفى حصه الجفرافيا كانت متابعتنا
    وما بالك بالاطلس الجديد هل تغيرت كل خرائط العالم وتقسمت كما حصل لهذا الوطن الجريح الذى اصبح كجلباب الانصار او الزى الجديد الذى يطل عليه اسم على الله نحن فى ذاكرتنا ان السودان الوطن الواحد شماله وجنوبه وشرقه وغربه

    ولكن جزأ الله من كان السبب فى تقسيم السودان وحتى لاتختلط علينا الامور وكثره الولايات (99) ولايه كان السودان كلها يحوى 9 ولايات النخله والفيل والسمبر والتبلدى والشوتال والخرتيت

    الحين الولايات لاتحصى ولاتعد وبدون شعارات

    يعنى لو فكروا يصمموا اطلس للسودان ولكل ولايه لوحدها فاننا فى حاجه الى كرين لحمل اطلس السودان

    وياحزنى على السودان الذى فقد هويته فى هذا الزمن الغابر

    رد

  12. لن يكون كالاطلس القديم لأنه سيكون ناقصا و يفتقد جزءاً عزيزاً .. فالسودان في عهد الانقاذ افتقد البوصلة فتاه فيه التوقيت و ضاعت فيه خطوط الطول و العرض و تقلصت فيه المساحات و الاتجاهات فأصبح شمالاً بلا جنوب .. كنت أحب الجغرافيا و أبرع في رسم الخريطة و كنت أحرص على التفاصيل و الثنيات و اسن قلم الرصاص لابين حلايب و كل صغيرة لكي لا تخونني الذاكرة فانسي شبرا داخل دولة جارة و ما أجمل بلادي زمااااان و الآن أصبحت خريطة مشوهة و أخشى أن يضيع ما بقي منهاو لا نحتاج لاطلس بل مجرد لافتة كانت هنا جمهورية السودان الديمقراطية …. و تصبح سودانا بلا خريطة و لا صقر الجديان..

    رد

  14. الناس ديل ما بيختشو شويه , شنو دايرين يعرضوا لينا الخريطه المشرومه دى زى الزول اللى لابس ليهو عراقى من غير سروال . عليكم الله خريطتكم دى احتفظوا بيها لنفسكم و بعد انتو ما تمشو مننا نحن بنرجع الخريطه القديمه اللى ورثناها من اجدادنا و حقتكم دى لا بنعرفها و لا بنعترف بيها ابدا , يلا بلاش فضائح و دغمسه .

    رد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

جميع الحقوق محفوظة، لصحيفة الراكوبة© 2026 .. تعبر المقالات المنشورة عن رأي أصحابها، ولا تمثل بالضرورة وجهة نظر إدارة الراكوبة
زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..