قوة من أمن الأراضي تقتحم الصيحة وتعتقل ياسر محجوب بطريقة وحشية ومستفزة

هلا جلست في كوكيل نيابة في إحدى النيابات أو كوكيل لوزارة العدل في مبني الوزارة و تحصلت على اي من هذه القطع ؟؟؟ ( هذه على وزن : هل جلس احدكم في بيت أمه و أبيه و أهدي إليه ) و شتان ما بين الزمنين و رجالهما مع أن الرابط واحد و هو دين الإسلام ؟؟؟؟ عجبي ، و لا حول و لا قوة إلا بالله كما يقول شبونة .

هل لو كان هناك أمن حقيقى للأراضى هل كان سيمتلك ذلك اللص كل هذه القطع وهو فى نهاية النهاية موظف دولة ذو دخل محدود ؟ راجل لص حرامى جعان مقطع و عينو فارغة والقلم مابزيل بلم .

أعتقد ان هـذا الرجـل ركـــن متين في ” الدولة العميقة ” فلا تقتربوا منه.فهـو محمــي بالفطرة.

نقدكم لحيازة قطع الاراضي هذا موجها بصورة او باخــرى لناس حوش بانقــــا وعلى رأســهم عمر البشير. وبالمناسبة التكويش على الاراضي هذا اقل انواع الفســـــــــــــــــــــــــــــــــاد.

يا جماعة الراجل دا كانت مغترب خمسة سنوات واكيد القطع جابها بعرق جبينيه خلال الخمسة سنوات يعنى خمسة سنوات 8 قطع وبالتالي اي مغترب قعد 10 سنوات المفروض يكون عندو 16 قطعة والمغترب الذي اغترب 15 سنة الفروض يكون عندو الان 24 قطعة سبحان الله حتى وكيل وزارة العدل (العدل) يجيب اعذار كاذبة وواهية

يا أخوتى متصفحي الرتكوبة ويا دكتور ياسر محجوب وصحيفة الصيحة ماتقعوا فى الخطأ فما يملكه مولانا عصام لا يتجاوز 4% من نصيبه فى أرض السودان ، وهذه أول مرة أكتب فى أمر يقع ضمن مجال تخصصى وبمعرفة لا تخلو من جهالة متعمدة وتزييف للحقائق متعمدا مع السبق والإصرار ، أخاطبكم يا أهل الراكوبة ويا أهل الصيحة بحكم تخخصى كمساح أرضى عجوز فقد قمت بحصر المساحة الكلية لممتلكات المفترى عليه المسكين الفقير مولانا عصام الدين عبد القادر الزين فوجدتها لا تتجاوز 2,532 مترا مربعا
وحيث أن مساحة ماتبقى من دولةالسودان بعد الإنفصال تقدر بحوالى 1,882,000 كيلومترا مربعا وكل كم2 = مليون متر مربع يعنى المساحة الحالية للسودان الشمالى تساوى 1,882,000,000,000 متر مربع
عدد السكان يقدر بحوالى 30,000,000 نسمة
ولو قسمنا مساحة الأرض بالمتر المربع على عدد السكان يكون نصيب الفرد كما يلى أدناه
نصيب كل فرد سودانى من أرضه يساوى 1,882,000,000,000 متر مربع ÷ 30,000,000 نسمة = 62,733 مترا مربعا
يعنى بالحساب وليس بالكوار فمولانا عصام الدين تبقى له لديكم يا شعب السودان 60,201 متر مربعا وبما أنه من الشخصيات الـ VIP فيطلب منكم أن تخصصوا له 60 ألف متر مربع على شاطىء النيل الأزرق فى المنطقة المحصورة بين القصر الجمهورى ومقرن النيلين ويفضل أن تكون فى الموقع العمله الخضر مطاعم ومقاهى تلم الصعاليك والصعلوكات لمه لا داعى لها فى دولة الشريعة والمشروع الحضارى لو فاكرنه لسع ، أما ماتبقى من مستحقاته والبالغ قدرها 201 متر يتبرع بها لجمعية سند الخيرية الأخوانية وسيسلم الصك من يده مناولة للسيدة الأولى راعية الجمعية الخيرية أدام الله طلها ، ويا ياسر محجوب ماترموا الناس الشرفاء بالباطل بالأول تعلموا مساحة زينا ثم إتكلموا ( إذا جاءكم فاسق بنبأ …….. الأية والفاسق هنا هو رئيس تحرير الصيحة عشان ماقرأ مساحة كويس )
طبعا الدراسة دى عمدت لعدم الخوض فى حقوق أجيال الغد فى هذه الأراضى لأن السودان مات وشبع موت ومافيش لا غد لا أجيال غد ولمان البلد تموت لايحسب حساب لأجيال الغد – لمن لايعرف أن عدد سكان السودان فى العام 2050م سيكون فى حدود 92 مليون نسمة وأن حاجة المواطنين لمياه الشرب النقية ستتجاوز 22 مليون متر مكعب فى اليوم وفى العام 2117م سيبلغ عدد سكان السودان الشمالى فقط بدون الجنوب مليار نسمة وأن حاجة المواطنين السودانين لمياه شرب نقية آمنة تضخ عبر أنابيب مياه صحية خالية من التسربات ستزيد عن 200 مليون متر مكعب – طبعا الحاجة التى تبشر بالخير أن فى العام 2117م سينقرض كل الكيزان بأمراض السمنة والسكرى والضغط والإغتيالات والإقصاءات وسيختفى جيل ناس جودة الله وسيأتى جيل جديد يؤمن بسودان العدالة والمساواة والحرية والجمال مش حرية وجمال حسين خوجلى وقناته أمدرمان
ثانيا تلاحظون أنى فى هذه الدراسة عمدت لأن ياخذ أصحاب المقامات من أل كابونى الكيزانى VIP نصيبهم ( 62733 م.م. ) داخل ولاية الخرطوم أما الشرامة والمهمشين أمثالى تخصص لهم أراضى بنفس المساحة( 62733 م.م. ) مابين أضان الحمار شرقا وعد الغنم غربا وقنينيطه شمالا وقنينيطة لمن لا يعرفها هى محطة مبيريكية الحالية شمالي العبيدية ، وقد جاء هذا التخصيص بعيدا فى الريف لأنها أراضى زراعية والجماعة نهدف من هذه الدراسة لتحويل الشعب كله لقوة منتجة ? زراع ورعاة وحفارين قبور دهب – وقوة منتجة معناها ? تزرعوا وترعوا وتنقبوا عن الدهب وتطقوا الصمغ وترسلوا إنتاجكم لجماعة الـ VIP عشان تسوقه ليكم بره لأن المناطق التى وزعت لكم بها أراضى ليس فيها أسواق محاصيل عالمية وليس بها بنوك ? عشان كده حنحفظ ليكم أموالكم فى حساباتنا فى بنوك ماليزيا والدوحة وبما أنكم فى هذه المناطق النائية لا تحتاجون لتعليم لأبنائكم ولا لعلاج لأن القرض والحنضل واللالوب متوفر لديكم ولو اصبتم بنقص فى كرويات الدم الحمراء فعندكم ماشاء الله القضيم وعصيدة الدخن باللبن والسمن حاجات نحسدكم عليها نحن سكان ولاية الخرطوم من أل كابونى الكيزانى VIP
فأخرجوا جميعا من الخرطوم وأتركوها لنا نحن جماعة المؤتمر الوطنى VIP السودان أل كابونى الكيزانى VIP وسنفكك كل بقية مدن السودان وتحويلها لريف يتناسب وأحتياجاتكم وستلغى كل الولايات والولاة والوزراء الولائيين فلا داعى لهم لأننا لن نقدم لكم خدمات تعليم وصحة وأى خدمات إجتماعية فقط سيكون لدينا جنودنا من الجنجويد يحرسونكم حتى لا تهربوا ما تزرعونه وترعونه وتحفرونه شرقا أو غربا
وبكده نكون حلينا كل مشكلات السودان
صفوة من جماعة أل كابونى الكيزانى VIP يسكنون بولاية الخرطوم
وإخراج البقية للريف محروسين برعاية الله وجنودنا من الجنجويد
كل شخص تحدد له مساحة 62,733 مترا مربعا يزرع يرعى يحفر ينقب يطق صمغ يأكل مما يزرع عصيدة دخن بلبن يتعالج مما يزرع من سنمكة وحرجل وحمريب وحنضل وقضيم وحلبه وقرض ويرسل الفائض عن حاجه للباب العالى فى ولاية الخرطوم
لا حاجة للكساء فكل شخص يعيش لوحده فى مساحته وحيث أن الكساء جاء ضرورة للإختلاط والتعايش الحضرى فأنتم تعيشون يا اهل السودان فى كنتونات معزولة كل فرد بمفرده
وأجيال الغد أين تسكن ؟
عن أى أجيال تتحدث – أنتم ستعيشون فرادا – لن يلتقى ذكر بأنثى
سننقرض ونموت – لا علاج لا تعليم لا زواج ؟
هذا مانريده لا تخشوا فنحن جماعة المؤتمر الوطنى VIP الكيزانى فى مجتمعنا المتحضر بولاية الخرطوم نعدكم بالزواج نيابة عنكم مثنى وثلاث ورابع وبتوقف الدورة الشهرية للزوجة الكبيرة تطلق وتستبدل بزوجة صغيرة وبهذه الطريقة يكون مجتمعكم فى الريف فى طريقه للإنقراض ومجتمع جماعة أل كابونى الكيزانى VIP الذين يسكنون بولاية الخرطوم فى زيادة سكانية وما أن ينقرض كل المهمشين المبعدين للريف حتى يتسنى لنا إقامة دولة الشريعة التى أعاق وجودكم بيننا أيها العلاميين الى عدم قيامها
عرفتوا ليه مشروعنا الحضارى لم ينجح فى وجودكم بيننا

عصام عبد القادر الزين رجل البر والاحسان والاعين التي لاتنام من مخافة الله عمته هديه بت الزين منجبت هدية السماء للسودان عمر البشير (طبعا دا كلام الشيخ العجل في الساحة الخضراء في بداية الانقاذ) يلاحظ انكم كلكم شيوعية بتحاربو في التوجه الحضاري لدولة الاسلام بالسودان ماعندكم شغلة تتابعو جرائد الطيب مصطفي خال الريس يعني الوكيل الحرامي دا قريبه يمكن مشكلين في خرج ولا ملوده حقت جدهم الزين ويمكن القفاف بتاعت الجردقه والحرجل ما وزعهم في الورثة اعملوا حسابكم الطيب مصطفي دا قتيت عارف ود اخته دا تخه وعوير لا بحل ولابربط وبعدين موسي ود عبد القادر ود الزين انشرو الاراضي بتاعته قالو جر له خط بكراعو من كافوري لحدي السبلوقه قال دي حقته اسع يقال عنده حوش في كافوري خوش بانقا مساحته 5000 متر يعني دا يقسمو ذي مرارة التور يكفي الحلة كلها علي بالطلاق ما شفت لي زول عينوا قوية ذي عصام دا كمان هو ما بخاف الله ولا سأل في الناس كدي اليعاين لخاله الطيب مصطفي انعل ابو القفاف لا ابو الخرج ورثة حاج الزين( والناس البعرفو حاج الزين دا قالوا كان نظيف وبخاف الله انا ماعارف الشواطين ديل جابهم من وين) كان للبشير عبارة عن موبايل 3310 لابودي لابجيب بس الناس تعمل حسابها كل شي ولا الطعن في المشروع الحضاري بتاع الترابي قالو الايام دي قاعد يستخار( انا قريتها قاعد يخره) يستحار في شنو هو زول داير ينتقم من تلاميذه يقوم ينك ام اهلنا نحن كان لعلي عثمان دا شيطان بعوت ما بتقدرو علي وكان علي نافع داك خمار الوادي يا راحل مع الكشه الفرايحيه اما ناس نبي الله الخدر سمعتوا بالبعبوص عود العشر كان قام اتحشر وكان قعد اتكسر موضوعوا منتهي وقطبي الحرامي وامين العجل بالمناسبة نسبة العجول الفريزين كتيره عندهم من التور الكبير الاول هاك السجن دا وتعال القصر دا علي أي حال الحل عند الفريق بكري حسن صالح قالوا بجيبوا له العرقي البكري من دنقلا ويقوم يلفه ب 5 كروت ويبداء فيهم شلاليت قولوا امين

هههههه والله دي نكته امن الاراضي بدل يحمي الاراضي من السرقه يجري يسك المستندات عشان يحمي الحرامي الله يعين البلد

(إقتحمت قوة مكونة من سبعة أفراد مكاتب صحيفة ” الصيحة ” وقالت القوة إنها تتبع لأمن الأراضي)
*** السبعة ديل اكيد غلاظ شداد…بعد شوية طلعوا لينا واحدين قولوا تابعين لامن السموات !!!

في السودان الشخص الذي تصرف عليه الذكاء اغني من الشخص الذي تؤخذ منه الذكاء وفي نظام التعامل بالريباءيتعاملون بالاحتيال علي الله مباشره يعني لوعاوز تشتري عربيه 50الف يمشي يشتري العربية هو ب50 ويجي يبعها لك ب70 في الأساس 20 ريبا لكن هو خدع الله (فماذا تتوقعون من هؤلاء ) الوالد قال يا ولدي الناس ديل ود حلال مابعيش معاهم