النابغه أمنيه الفاتح الحلاوي تشرف السودانيين بالمملكة العربية السعودية

اولادنا يرفعو راسنا وناس ندى راسطة وود الحافط ينزلوهو الارض ….

الف مبروك … والتهاني موصولة لجميع اسرتها … بارك الله فيك وانتي تشرفي وترفعي من مكانة السودان الذي يتمرمط في كل الاصعدة …

آٍسف المقام مقام افراح ولكنهم افسدونا علينا حتى الهواء النقي

الف مبروك بنتنا امينة والاخ الفاتح وعقبال الدكتوراه

الف مبروك لبنتنا أمنية وأصلا التفوق ما غريب عليها ومن قبلها جدها خال أبوها د/على محمد أحمد العوض كان قد أحرز المرتبة الاولي في الشهادة السودانية.

مبارك يا امنية وتهانينا لك ولاسرتك الكريمة ومعلميك ومدرستك وكل من حولك شرفت السودان والى الامام يا دكتورة …. خوفى يقطعوا درجاتك دى فى السودان زى ما قطعوا السودان ويخطفوا الفرحة
مننا حسبنا الله ونعم الوكيل عليهم عشان يقبلوك فى الكليات العلمية بالدولار

الف مبروك علي فكرة الإمتحانات بلسعودية ليست موحدة بمعني كل مدرسة بمفردها هي التي تقيم
طلابها وطالبتها وبعض المدارس الأهلية تحصل فيها أكثر من 180 طالب وطلابة نتيجتهم 100%

مليون مليون مبروك ومزيدا من التفوق بإذن الله

الف مبروك
تكريم ?
وبعدين! في منحة من السودان والا لا

مليار مبروك ليكى ولى أبوك أ/الفاتح ولى والدتك ولى السودان الجديد .

الف الف مبروك و مزيد من النجاح و التفوق

ألف مبروك “النابغة أمنية الفاتح الحلاوي ” أمنياتنا لك بالتوفيق والنجاح في المراحل القادمة وجلك الله مفخرة للسودان

ماشاء الله تبارك الله ملييييييار مبروك يا حبيبة شرفتينا ورفعتى راسنا ربنا يحفظك …والتهنئة موصولة للأستاذ الفاتح بالراكوبة ولوالدتك التى أكيييد سهرت وتعبت معك ولوالدك ومزيد من النجاحات …

دائمآ اسم السودان يبقى عاليآ فى جميع المحافل الدولية شكرآ أمنيه على هذه النتيجة الغالية حقيقى شرفتينا ورفعتى اسم بلدك عالى الى الامام .. والتحايا نرسلها الى الاستاذ الفاتح عضو ادارة صحيفة الراكوبة

الف مبروك وعقبال الدكتوراة —لكن هذه النسبة اطرح منها 10% في السودان كالعادة في السودان تطرح من الشهادات العربية 10% وبالتالي حيكون لك 89.9 ويدخلك طب :
بحري
2-الابيض
3-الفاشر
4-النيلين
واخرى حديثة الانشاء

مليون مبروك يا أمنية ومليار مبروك لوالدك ووالدتك.فعلا يا أبنتى رفعتي رأسنا عاليا ونصيحة من عم لك أن تنفعى نفسك وأسرتك ثم وطنك الذى مزقوه الكيزان وأمنيتنا يا أمنية نحن آباءك وأعمامك وخيلانك وللشباب النوابغ مثلك أن تتولوا أنتم قيادة الوطن ولا تفرطوا فيه فنحن على وشك مغادرة الدنيا والوطن في حدقات عيونكم.

بسم الله ماشاء الله حفظك الله حلاااااااااااااااااااتك الف مبروك والله فتحتوانفسنا وشرحتوا صدرنا بالخبر الحلو الف مبروك لوالديها ولنا جميعا اسرة الراكوبة خاصة والسودان عامة

الف مبروووووك امنية ومزيدا من النقدم والنجاح

الف مليون مبروك امنيه وعقبال الدكتوراه ان شاء الله
التحيه موصوله للاخ الفاتح وكل الاسره بابي فروع
عبد الله علي عبدالله ابوفروع

نقول وقولوا معنا :
ما شاء الله لا قوة إلا بالله
مبارك نجاحك وتفوقك يا ابنتي الغالية ، وأسأل الله أن يجعلك قرة عين والديك ، وأن يصلح لك نيتك دائماً ويصلح لك ذريتك مستقبلا :)
وأسأله تعالى أن ينفعك بعلمك وينفع بك أمة المسلمين .
تهانينا لوالدها ووالدتها وأهلها جميعا.. ولكل من يحب – مثلي – المتفوقين والمجتهدين المثابرين .

،،،،،،،،،
،،

المتتبع لطلبة الشهادة العربية فى كليات الطب والهندسة بجامعة الخرطوم الذين يدخلون بعد دفع رسوم باهظة يحرزون طيلة سنوات دراستهم بالجامعة درجات يعجز طلبة الشهادة السودانية إحرازها وعشان مايفهم من كلامى دا تحيز فإن ابنائى الخمسة درسوا جميع مراحلهم النعليمية من الإبتدائية للجامعة بالسودان ولمان قررت أن يذهبوا ويدرسوا فى السودان أنا كنت مقتنع أن مستوى التعليم فى السعودية أقوى ومستقر اكثر من السودان ولكن هنالك شىء فى السودان لا يوجد فى السعودية – إبنك لو تعلم فى السعودية ذكر أو أنثى سيفتقد مدرسة الحياة ومدرسة الحياة دى لا تجدها إلا فى الشارع السودانى – مدرسة متفردة تعلم الطفل نطق الكلمات والحديث وتزيد إدراكه فى سن مبكرة والمشى لبيت ناس عمه وخاله وعمته وخالته وكم كانت سعادتى لمان اشوف واحد فى أولادى بيحفر فى تربة ميت أو ينصب فى صوان عزاء – أو يمشى وراء جنازة – دى حاجات لا يجدها ابنك فى دول الخليج – قد يتخرج إبنك طبيب ولكنه يجهل غسل الجنازة – لأن فى الخليج كل شىء يؤديه مختص والناس فراجه من بعيد
الطالبة النابغة أمنية حتى لو خصم من درجاتها ماخصم ستدخل بإذن الله طب الخرطوم وستكون الأولى على دفعتها وسوف تستفيد من حياة السودان وأى زول سودانى أولاده ما تعلموا جزء من حياتهم فى السودان دون شك قد فقدوا الكثير – السودان بجوعه ومشاكله لا يعوض بأى بلد فى العالم عشان كده نحن بنزعل لمان نلقى البلد بيتحدث نيابة عنها أمثال ربيع عبد العاطى وكمال عمر ، فمن أين أتى هؤلاء ؟
بنتى الكبرى وهى محاضرة حاليا فى جامعة سعودية كانت تدرس فى الجامعة بالسودان وفى فسحة الفطور فى بنت من بنات الشهادة العربية بتقول للحبشى الماسك البوفية ( عطنى عطنى ) والحبشى يفتش لعطنى دى بين البيض والكبدة وخلافه – بنتى قالت ليهو بتفتش على شنو ؟ الحبشى ببراءة قال لها : عطنى – قالت له بنتى : هى بتقول لك أدينى واشارة لها بأصبعها لأنها لا تعرفها وكانت بيض عجه مع لحمه مفرومة –
نصيحة لكل اب لا تغيبوا عقول ابنائكم بتربيتهم خارج الوطن
أنا كنت منذ السبعينيات صاحب نظرية ( أول ماتتزوج وقبل أن تنجب أبنى بيتا ولو رزقك الله بذرية ودخلت فى معركة التربية والتعليم والعلاج فلن تستطيع أن تبنى قطية – الكلام دا للشباب صغار السن – بسرعة إجتهد أن تحصل على بيت للعائلة ثم تفرغ للإنجاب ومشكلات ما بعد الإنجاب
فالرجل الذى لا ينجب لديه مشكلة واحدة فقط : أنه لا ينجب
لكن الرجل الذى ينجب لديه مشكلات عديدة ولو تأخر فى بناء البيت حتى وصول الأبناء للجامعة إلا يسكن فى بيت شعر أو شعر

الف مبروك و آلاف التهاني و التبريكات لك و ربنا يحفظك و يخليكي لأهلك و موفقة دايما يا رب

مبروك النجاح وانشاء الله نشوفك وتكونى دكتورة لان السودان محتاج لاْمثالكن

ربنا يحفظا وبالتوفيق فنبوغ اي سوداني في اي مكان فخر لنا!

الف مليااااااااار مبروووووووووووك
يا أمينة يا عسل والله فرحتينا وفرحتى السودان وربنا يحفظك لاهلك ولبلدك
والتهنئة لامها وابوها الذين وفروا لها الاجواء المناسب واطعموها اللقمة ((الحلال))
بارك الله فيكم وربنا يوفقكم مع بقية اخواتها واخوانها -اذا كان عندكم- وتطلعوهم زيها وكتر خيركم
ودمتم

مبروووك عقبال الدكتوراه،، بس هل هذه النسبه بعد التحصيلي والقدرات؟؟؟؟ لانوبعض البنات تحصلن علي نسب عاليه وهي 100% ولكن بعد القدرات والتحصيلي نزلت النسبه جدا ومبروك مره اخري ونتمني لك مستقبلا زاهرا وكل المتفوقين بعد التحصيلي والقدرات لانو نسبه المدارس غير محسوبه في الشهاده السودانيه ووفقكم الله ياابنائي وتعبتم وسهرتم مع اسركم ولكن ظلم التعليم يعوق كل متفوق والله المستعان

الف مبروك وعقبال الماجستير والدكتوراه ووفقك الله وسدد خطاك والتهنئة موصولة للوالدين .

الف مبرووك يا استاذ الحلاوى على تفوق بنتك وكل ناس ام جر الغربية النيل الابيض يباركو ليك وعقبال التقدم ويثبتها الله على مستواها وينفع بها الوطن

ألف مبروك وعقبال الدكتوراة ، وجعلها الله ممن يقيمون أود هذاالبلد ، ويعدلون حاله المائل ويرفعون دائماً إسمه عالياً ، والتهنئة لأبويها وشكراً لهم على هذه الإشراقة فهي ليست أبنتهم لوحدهم بل هي أبنة السودان كله

مبروك مبروك يا رفيق الدرب في قريتنا الوادعة ، حيث عشنا صبانا الاول مبروك لابنتنا واتمنى لها دوام التقدم والازدهار في حياتها العلمية وإلى الامام يا اخي الفاتح مليون مبروك لاسرتكم ولنا جميعا فهي بدون شك ابنتنا اخوك ورفيق الدراسة في قريتنا التي تقع على جوار الظلت .

مليون مبروك مليون مبروك لكم ولها.

ألف مبروك . وهناك مشكلة في السودان في تقييم الشهادات العربية حيث يتم خصم نسبة كبيرة من درجات الشهادات العربية وحتى من يحرز 99.9 % لا يستطيع دخول طب الخرطوم وبالتالي يلجأ المتفوقون إلى الجامعات الخاصة . آآآآآآآآآآه يا بلد

الشكر .. كل الشكر لكل .. الأعزاء المشاركين
والشكر .. لأمنيه .. الأمنيه .. التي أهدتنا .. هذا .. الألق
كما .. التحايا أجزلها .. لكافة .. الأهل والأصدقاء … الذين هاتفوا
من كل بقاع الدنيا .. وأولئك الذين أمكنهم الحضور .
درب .. مفروش .. بأزهار .. وورود .. تفوح أريجا .. و عطرا
حفظك الله .. وسدّد خطاك .

الشكر .. كل الشكر .. لجميع الإخوة والأخوات الذين أبدوا تبريكاتهم .. وفرحتهم بهذا الإنجاز المقدّر من إبنتنا أمنيه .. ولا يفوتني هنا أن أسجل صوت شكر خاص …. وتقدير صادق للأخ السعودي / أبو محمّد
الذي .. أبان وجهة نظر .. أود أن……. أقيف عندها .. وهذا ليس بالأمر الغريب .ز من إخوة لنا .. عاشرناهم .. و خبرونا جيدا .. ليس هذا فحسب بل .. فإمتدت الأواصر .. و الصلات بين شعبينا .
أقول .. للأخ الكريم الفاضل / أبو محمد أرغب في التواصل معك .. إن أمكن .. فأنا أعمل مترجماً .. بشركة أمريكية تعمل كإستشاري لأمانة محافظة جدّه .. وهذا هو رقمي للتواصل : 0546062547

ولكم جميعا .. الثناء كلّه .

الفاتح الحلاوي – والد أمنيه

[email protected]

الف الف مبروك للابنة النابغة ونتمنى من الله العي العظيم ان يحفظهاويفقها وتهانينا للاستاذ الشاعر الرقيق الفاتح الحلاوي