المحكمة الجنائية الدولية : ما زال البشير ورفاقه طلقاء ..لم تتخذ خطوات ذات مغزى لاعتقالهم وتقديمهم للعدالة… قصرنا مع ضحايا دارفور

يا دوب اصحي يا —- السودان خرب والناس ماتت

علي بالحرام يوم إقبضوا عليه أضبح أربعة تيران في شارع الله أكبر وأربعة أرادب تمر للشربوت

يلا يابنسوده اتحركى

تعالوا شيلوه اشيله البلى … بس بعد ما ناخد حقنا منه ..وكمان عبد اارحيم دا خلوه لى انا عشان اوريكم بسوي ليه شنو .. وبرضو احمد هارون ادوني ليه عشان اطلع ديشو …. والباقينين شيلوهم عفيتهم ليكم ..

جنائية زبالة كلام فاضى يا حليلك يا جورج بوش فقدنا

ياربي الدور دا هبشوه عشان افصل ليهم وين ؟ طبعا الغرض من الكلام دا كلو ليس القبض علي الرئيس
ولكنها فرقعة السوط عشان تحصل الراجوفة والجعبات تصفق والهلع يحصل وتتم مساومات تحت الطاولة من اجل ان يفصل دارفور او سواها الجماعة عايزنو لاحي ولاميت كل مايشوفوه صنة إدوه (مس كول) صغير كدا لانه لااحد يستطيع ان ينجز لهم ماينجزه بني ماسون بالتبني حتي الصهاينة نفسهم لم يك في استطاعتهم تدمير الروح المعنوية والنزعة الدينية والبنية الاقتصادية والاجتماعية والسياسية كما يفعل عبدةالشيطان!!!

والله ياخوانا فاقد اخونا المعلق الذي يزيل تعليقة دائما بالقول شعب جعان لكنو…..وانا اقول ليه ياخي العارف عزو مستريح وبالطبع يختلف مصدرها عن مصدر جمال الوالي !!!!! واحد لذيذ سالني مرة قال لي انت عارف نحن اكتر شعب في العالم عندنا اغاني حماسة بعد تفكير قليل قلت ليه طيب مالو وامكن يكون كلامك صاح عشان حسب علمي الشعوب اغلبها تستخدم اناشيد وطنية قال لي عارف السبب شنو ؟ قلت ليه الشعوب تختلف عنا ونحن شعب مميز بعاداتو وتقاليدو فضحك عاليا قال لي طيب ياخ لما يكون عندك ولد مستواه ضعيف في الرياضيات بتعمل ليه شنو قلت ليه اكثف ليه دروس الرياضيات وامكن كمان احفزو بي جوائز عشان اتصلح ,قال لي طيب لمن اكون عندك لاعب كورة في مباراة مهمة جدا وجاء الشوط التاني مجهودو قلًََ شديد وكان لاعب مهم جدا نعمل ليه شنو ؟ قلت ليه نزيد من جرعة التشجيع قال طيب لمن اكون عندك واحد خواف وعايزو يكاتل تعمل ليه شنو قلت ليه بحمسو قال لي هل عرفت الان لماذا تكثر عندنا اغاني الحماسة فقلت له ياخي تاريخنا مابقول كدا رماة حدق وهلم جرا قال لي لوكان صحيح رماة حدق ومال اتفاقية البقط البشيلو مننا كلو سنة 200 ولا300 عبد دي قبلو بيها كيف ياخي تاريخك كلو مزيف فسكت وغلب حماري

ساذج من ينتظر عدالة وإنصاف من مجلس الامن.

إتهام الجنائية للبشير، حبل لُف حول عنقه لقياده إينما يشاءون، والله لو ذهب البشير برجليه إلى لاهاي لأعادوه إلى الخرطوم، وقالوا له ما تحرجنا!!.
إنه إتهام حق أُريد به باطل.
من يصممت عن ما يحدث في جبال النوبة، لا يُسعى وراء عدل وحماية مدنيين.

بنسوده والأجر على الله

محكمه جنائيه بتاعة شنو البتقلع الكيزان
مافى محكمه ولا حاجه ديل محكمتهم حتكون
زى محكمة القزافى بس
الشعب هو البقلعهم ويحاكمهم
بعدما يقعدوا كم يوم فى كنتنرات مكشوفه عشان الناس تعرف
ةبعدها يدفنوم فى مقابر النصاره لانهم اسواء من النصاره

من الواضح والثابت ان المحكمة الجنائية الدولية ونهجها مع الحكومة في السودان بانها اداة ابتزاز سياسي ليس الا .. فقد سبق اساءة استخدام قرار مجلس الامن 1593 الذي منح الاختصاص القانوني للمحكمة الجنائية الدولية للنظر في جرائم حرب ارتكبت في اقليم دارفور .. لكن قد اسئ استخدام ذلك بابتزاز الحكومة السودانية للتوقيع على اتفاقية نيفاشا ومن ثم البروتوكولات الثلاثة الملحقة بها وحتى ان الحكومة السودانية لم تكمل المستحقات من ترسيم الحدود واقتسام الثروة البترولية وحسم موضوع ابيي وتركت كل ذلك لتنفذ بجلدها من قرار مجلس الامن ومطاردة المحكمة الجنائية فغرزت ثلاثة خناجر مسمومة في صدر السودان وكانت وقودا لحروب اهلية فيما بعد .. ولكن هيهات بعد كل هذا الابتزاز وخنوع الحكومة السودانية له لم يتحقق السلام ولم تنل الحكومة جائزة نوبل للسلام ومازال سيف المحكمة الجنائية وقرارات مجلس الامن مشرعة على رقبتها بل ان الشعب السوداني من فرط المفاجئة لم يصدق انفصال الجنوب حتى الان وضياع الثروة البترولية التي ظل يحلم بها منذ استكشاف البترول منذ حكومة مايو بقيادة المرحوم الرئيس نميري لتحقيق الكفاية ولربما الرفاهية ..
لذلك فان الشعب السوداني يناشد مجلس الامن والمحكمة الجنائية بالتوقف الفوري عن الابتزاز بما ان الشعب بصدد الانتفاض قريبا ضد هذه الحكومة وان هنالك مبادئ لثورته من ضمنها ان محاكمات وعدالة ناجزة ستجري للعديد من الجرائم التي ارتكبت ومن اهمها الفساد والانتهاكات التي وقعت ابان الحروب الاهلية وعملية فصل جنوب السودان واضاعة الثروة البترولية كما الاستجابة للابتزاز من قبل مجلس الامن والمحكمة الجنائية الدوليه وتمكين بعض الجهات الاستهانة بدولة السودان

ملامح شبه ما عادية بين البشير وبنسودة لكن الاول مجرم والثانية قاضية

سير سير يابشير نحن فداك ووراك للتعمير

اللى بنسوى دا ما بجا يا البنسوده … و خليكم من الكلام السمبله و ارفعوا البلى و اوقفوا المهزله . لا مجال للمساوامات المصلحيه هناك بشر يموتون يا بشر .

اخوتي الحديث عن المحكمه الجنائيه مضيعه للوقت وشعبنا في الداخل يرجو من ابنائه في الخارج ان يلعبوا الدور الاكبر في التخطيط والتنسيق مع الداخل بدل مضيعة الوقت فيما لا يفيد علينا في الخارج ان نكون لجان سياسيه واقتصاديه وعسكريه لدعم الداخل وتحرك من هذا النوع سيزعزع اركان النظام ومليشياته التي تمارس الارهاب في الشارع السوداني وعلي الداخل ان يكون نفس هذه اللجان علي تكون هنالك حلقة وصل تربط بين الاثنين والدور لكلاهما مهم خصوصا الخارج حيث يتمتع بحرية الحركه ولكل سوداني شريف في الخارج والداخل عليه المشاركه ولضمان نجاح هذا العمل لابد من الابتعاد من معارضة هؤلاء العواجيز لاننا مرأينا ولا سمعنا بمعارضه يقودها عواجيز الثورات في كل الدنيا يصنعها الشباب فاتركونا من الترابي والمهدي والميرغني ودعونا نقود ثوره تلد من احشائها قياده تؤمن بحق اهل السودان في الحياة الحره الكريمه ومن هنا ادعو كل الكتاب والمفكرين والمهمومين بقضايا الوطن الانخراط في عمل تنظيمي سريع يتجاوز معارضة هؤلاء العواجيز كما ارجو ان يتمكن قانوني بلادي مسودة دستور يتراضي عليه الجميع حتي نتمكن من احكام السيطره علي اي خلل امني متطرف يخرج عن الاجماع ودعونا نرسي لوطن ينعم فيه الجميع بالعداله.

ما يسمى بالمحكمة الجنائية الدولية .. كأنها تقول للبشير .. تشبس بالحكم ,, إياك أن تبتعد عنه أو تسمح لأحد بإزاحتك .. يجب أن تظل في الحكم حتى آخر عمرك ..

— هذا هو الوقع للاسف الشديد —–
كلما لاح في الافق أمل لتغيير النظام وأهل النظام …
ياتي من يقول لا…

بس البت دى والله سمحة شديد و باين عليها دمها خفيف و لو قالت للبشير تعال بمشى ليها تب … لكن انا خايف بعد ما امشى ليها تطلعو برى وتطلع ناس دارفور مجرمين!!!!

ليس هناك جديد وهذه ورقة الضغط والضمان ترفعها امريكا عندما تريد من نظام الخرطوم ان يقدم شيء ما ؟ في الأيام القادمة وهكذا هو الحال مع كل المستعبدين والأرزقية من الأنظمة العربية الموجه من قبل النظام العالمي الماسوني الذي يتلاعب بكل الأوراق .
يمكرون ويمكر الله والله خير الماكرين صدق الله العظيم

يا بشبش ما تعمل فيها عيان وعندك حبال المراءة ما حتخليك نهائي كن مش عندك حبال كن عندك سلوك ما حيخليك انت انسب هل براخة بالليل اشرد من القرين حواس دي من دون ما يشوفك حرس وامشي اشتغل فكي في شرق السودان احسن ليك المراءة دي تمسكك قدام الشباب ديل ويعمل ليك فضيحة الجعلي اكبر من فضيحة المك نمر الخلي البنات وقعن في النيل والخوف الاكبر بعد يوصلوك لاهاي يدقك هي زاتها وتبقي دي اكبر من الاول زاتها بالبسيط كدة حاول شطط والشرق فاتح والحوش القديم ممكن تسكنها عادي والهارب يلبت في الساحة والمودر حاجة يدخل يدو في الزير ودي مثل سوداني حي

يا أختي معلوم لدي جميع كسالى السودان بان المحكمة الجنائية بالواضح لاتريد القبض على الشاويش ولو أرادت لفعلت قبل سنوات ولكن تريده شاويشاً ملاحقاً خائفاً مرتعشاً مسلطاً عليه عصا الجنائية الدولية في كل لحظة لينفذ القرارات والتوجيهات الدولية بحذافيرها وقد كان بفصل الجنوب والآن تبقى الشرق والغرب وجبال النوبة وأعتقد في النهاية بعد أن يشكف الشاويش كل أوراقه سوف تفكر الجنائية الدولية إن كان قبضه يفيد أم لا !!!!! وطبعاً الشاويش يعتبر خطراً على ماتبقى من مساحة السودان في هذا الوضع المهين ويجب التخلص منه للحفاظ على ماتبقى من مقاطعة في السودان.

لاسع امريكا ما قنعت من البشيرلمن تقنع منو يجبوا ليهو هوي من مافي وبشليهوه بره ويطعوا عميل بدله

وماذا عن البوشين والمالكى وبشار وغيرهم شكلها البنت عوراء لا ترى الا بعين واحده ما ذنب الشعب المكابد بسبب شخص او شخصين يعاقب شعب برمته

معلقين جداد امن فعلا !
امريكا صوتت للقبض عليه وتعهدت بدعم القرار يعني لامصالح لاوهم اما الدولة الواقفة ضد القبض عليه فهي الصين والدول العربية … شكابكننا امريكا امريكا بقيتوا زي شماعة الانقاذ مع اسرائيل
مالم تصوت روسيا والصين او تمتنع من التصويت لن يصدر قرار لتكوين قوة للقبض عليه من مجلس الامن مثل ماحدث في البوسنة وغيرها
ففشوا غبينتكم في الصين وفكونا من الفهم الناقص ده

المحكمة الدوليه احدي أدوات أمريكا لتنفيز سياستها الخارجيه القذره والمؤتمر الوطني الحركه الإسلاميه سهلت لأمريكا تنفيز السياسه وهي تدمير السودان اقتصاديا وسياسيا واجتماعيا وان يكون مثل الصومال في السنوات القريبه في ظل وجود البشير وأعوانه