فتاة تقوم بحركة (حميمية) تثير جدل الجمهور… حفل حسين الصادق بالقومي…تفاصيل (مثيرة).!!

هذا نتاج المشروع الحضار الكيزاني الشيطاني ؟؟؟؟ شعب خاوي تائه لاهم لهم سوى الرقص والمجون ؟؟؟ المرأة السودانية كانت من أعف نساء العالم وأكثرهن حياء ورزانة إلى ان هولاء المسخ ليدمروا العفة والأخلاق

هذا حالنا نسال الله السلامة
تخيلو يا اخوان تفتح اي قناه من قنوات السودان صلاه الصبح تلقي الهجيج والرقيص شغال ، دي دولة الشريعة والمشروع الحضاري ، ما في حاجة جابت لينا الفقر والضيق وربنا يسلط علينازي الملاقيط ديل غير الكلام الفاضي دا ، كل الشباب اصبحو فنانين ، والما فنان مباري الفنانين من حفلة لي حفلة، تخيلو يا اخوانا شباب السودان بقي من المخدرات للحفلات ، يعدي النهار كلة نوموبالليل يا حفلة يا سهر مع البنات في الواتساب ، حكومة عرفت توجية الشباب بصورة تضمن استمرارها لمئات السنين ، نسال الله ان يرفع البلي

فعلا،،،،سير سير يا البشير،،،،تستاهلوا أشد وأقوي من الإنقاذ

حركة حميمة يعني شنو ،،، نفهم أنها حركة “تبا لك” البت انفعلت عملت شنو؟

حركة حميمة دي ما عرفناها , يعني باستو ؟ ولا حضنتها ؟ ولا عملت شنو لابد من نقل الخبر كاملا دي ما صحافة دي نقل الخبر بالطريقة دي مجرد هراء!!!!

سبحان الله

«هذا زمانك يا مهازل فامرحي »

تسجيل فيديو كليب يجمع بينه والممثلة القديرة ؟؟؟
دي منو كمان !!!

تعيش أكثر … تشوف أكثر

حركه حميميه لولبيه عارفها دي انا

الحركه دي قبل كدا حصلت لي طه سليمان فى جامعة السودان طلعت واحده باسته بعد شويه بتحت تحت طلع طه دافع ليها قروش عشان تعمل كدا . نظام مايكل جاكسون وكدا
اعترف ياود الصادق دفعتا ليها كم

هذا زمانك يامهازل وهذا جيل المسلسلات التركية ..لكن والله ياود الصادق مش لو غنيت للحلنقي واو كرمت فايزة عمسيب أو أسماء حمزة برضو رصيدك صفر كبيييير وأحسن حاجة تمش تشووف شغلة من بدري أنت وفناني جيلكم لاتعدو أن تكونو مجرد ظواهر فقط .. بعدين ياأخوي كان داير تبني مجدك بأنك غنيت للحلنقي ؟؟ أبشرك بأن الحلنقي بتاع اليومين دي ( زادو موية ) ..

علي مااظن ثقافة تفاحه وعدم مرجعيه حقيقيه لما هو ات اكثر من ذلك لكن كل ذلك الان في مرمى علماء الدين الشرفاء …. اين هم الان مما يجري . اللهم احفظ بلادنا من المصائب وجنبنا الفتن ماظهر منها وما بطن.. امين

شعب فارغ بنات فارغات وحسن وحسين الصادق دي بلد يرفعوا ليها علم ياسبحان الله

بالله اسه الوهم ده لو جا عنا في كراب العنقريب الراقد فيهو انا ده برفع راسي بعاين ليهو .. والله المعايش جبارة يا الحلنقي من روائعك مع وردي وود اللمين تنزل لمستوى الشفع ديل ؟

سبحان الله ..هذا زمانك يا مهازل

والله الود ده لو قالي اديني سّفّه وبغني ليك ف عرسك ح استخسرها فيهو…

حركة حميمية …….. طيب لايه ما جبتو الصورة بتاعت الحركةدى كان على الاقل نستفيد من المصطلحات

كده ما بنصدقكم ؟

هي عملت الحركة هو ذنبه إيه شغالين تشتموا في الراجل ساكت ! على كل هو فنان موهوب وأغانيه راقصة وأمبارح فاتحين قناة وكان عنده حفل( إعادة ) وأولادي نازلين رقص ومبتهجين .. الناس أذواق لكن صراحة أخوه دمه تقييل .

على كدا يكون أحسن مننا شعب الساجدين … هذه العبارة رددها الشعب الجزائري إستئزاءً بحركة البنت التي سجدت للمطرب تامر حسني ..وأستغلها الشعب الجزائري للنيل من الروح المعنوية لفريق القومي المصري الذي كان عليه أن ينازل الفريق المصري في الخرطوم ..المهم..نحن كدا نحمد الله أن قنواتنا الفضائية لا يراها غيرنا ..وإلا كانت فضيحتنا بجلاجل …خاصة وأننا ندعي تطبيق نهج رباني.. اللهم أدركنا بسترك وألأطف على ولايانا …وأبعد عنا السكر والعهر والمجون .

يا جماعة مافي واحد من الراكوباب حضر الاحتفال دا عشان يورينا البت دي عملت شنو !؟

لأني مما قريت حسناء عشرينية و حركة حميمية اتجهجهتا و جاتني خيالات ما كويسة

طيب .. ما في واحد حضر الحفلة يورينا الحاصل

تبا لكم والدين السجم الما عرفتوا تربوا وويلكم من عذاب القبر والله
وهذا دليل انوا الحكاية فى السودان فاااااكة انوا البنات فى السودان
اتنزع منهن الحياء وﻻ تبالى بحرام وﻻ حﻻل انحﻻل واﻻعاذ بالله ينذر
بهﻻك انى اراه قرررررريب وبصمتنا وعدم التصدى عذاب الله سوف يعم
وﻻ يفرق بين صالح وﻻ طالح طالما الصالح يرى المنكر وﻻ يمنعة وسفر
البنات لدبى وغيره وغيره مخدرات تروح وين يا من وﻻك الله امر هذا الشعب
اسف يا من وليت نفسك على هذا الشعب الجبان الذي صار ينقاد مثل البهائم
ﻻن الحاصل اﻻن في السودان ﻻﻻﻻﻻﻻ يمكن السكوت عنه ا ﻻ البهائم
اصحوا افيقوا والطااااااامه قربت استعدوا

السودان أصبح مهزلة الدول بعد أن كان عنوان لكل القيم السامية والجميلة. وما نشاهده ونسمع عمه الآن هو غليان وهزيان لتلاقح العادات والقيم الاجتماعية الموروث منها والجديد المبتكر. وهي عصارة سنوات الإنقاذ البشعة التي طمست كل الحضارة السودانية السابقة. و25 عام هي ربع قرن تكفي لظهور هذا التفسخ الاجتماعي وهذا المسخ الحضاري الجديد.
إذا نظرت مثلا لوسط الفن الغنائي في السودان ، تجد أن حسين الصادق هو المثال الجيد للشكل الجديد للفنان السوداني. الشكل العام يميل للميوعة والتخلي الواضح عن الرجولة بمدلول القوة والشهامة والنخوة . كذلك الميل للنعومة في الملبس والألوان الصارخة النسائية حتى في طريقة المشي والجلوس بالإضافة إلى تسريحة الشعر ومساحيق الشعر.وقس على حسين الصادق بقية جيله تجدهم على شاكلته ونفس نمط الانحلال . مثال شكر الله وشريف وأحمد الصادق وكثر .
هذا بالإضافة إلى المستوى الهابط من الكلمات والتي قد تصل إلى حد البذاءة. وكما يلاحظ رقم ذلك ، تجد أن لهم جمهور غفير من المعجبين وهذا إن دل على شيء إنما يدل على تدني المحصلة العامة للأخلاق في الوسط الشبابي . كذلك يلاحظ قلة الحياء في مجتمعهم ودائما يحدثوك بأنهم شباب ضائع بممارسات كل أدوات العربدة من خمور ومخدرات . الشيء الذي ينبئ عن أن هناك جهات خفية تهدم في هذا الوسط وتمده بكل أدوات الإفساد . وغالب الظن أن تكون أولى هذه الجهات هم أهل الإنقاذ بقيادة الفاسق الكبير الترابي وزمرته. ولاشك أن حاويات المخدرات الواصلة أخيرا عبر ميناء بور تسودان ، هي الدليل على هذا العمل.
كذلك ظهور بعض الكهول أمثال محمد سليمان ، ورغم عدم درايتهم يدربون الفتيات على الغناء ويحفزونهم بالغالي والرخيص لزجهم في هذه المستنقعات. والعيب صار فضيلة في حكومة البشير.