الاتحادى الديموقراطي يقوم بجولة أروبية لدعم الوفاق الوطني
الخرطوم:
جدد الحزب الاتحادي الديمقراطي ثبات مواقفه السياسية والداعية إلى التداول السلمي للسلطة بطريقة ديموقراطية وعبر صناديق الاقتراع، حيث سيقوم الحزب بجولة تشمل بعض دول المهجر لعقد لقاءات مع السودانيين المقيمين هناك.
وقال عضو الهيئة القيادية للحزب ميرغني مساعد حسب المركز السوداني إن حزبه يؤكد ضرورة على المضي قدماً في إجراءات بناء الثقة وتهيئة المناخ الملائم لإنحاج الحوار الوطني كسبيل لتوحيد أهل السودان.
وتعليقاً على التعديلات التي أدخلت على قانون الانتخابات مؤخراً، قال مساعد إن الحزب الاتحادي يتمسك بضرورة إعادة تشكيل المفوضية القومية لانتخابات، زيادة مقاعد التمثيل النسبي، مشدداً على أن يكون الاقتراع عبر وثيقة الرقم الوطني، وأن تجري عملية التصويت في يوم واحد.
وكشف مساعد عن أن أهداف الزيارة التي سيقوم بها وفد من الحزب الاتحادي إلى ألمانيا وبريطانيا ودول أروبية أخرى، التبشير برؤى الحزب بين المغتربين، مبيناً أن خط حزبهم مع الحركات المتمردة الدخول في عملية السلام وإلقاء السلاح.
الجريدة
يااستاذ ميرغني مساعد الناس البرا عارففين الحكايه كويس جدا كدي وكز على ناس الداخل ومافي داعي لتبديد العملات الصعبه,,, البلد محتاجه ليها لاهم من موضوعك كتير وعاش ابوهاشم , سؤال , كيف الحال مع سيسي مصر والسعوديه,,, أثبت يا مولانا.
ديل ماشين اخموا الرماد لانهم ماعندهم زول برة معاهم
المفروض ناس المؤتمر الوطني هم الذين يحاولوا بناء الثقة مع الأخرين .. المؤتمر الوطني والكيزان ما عندهم عهد ولا عندهم ذمة ولا امان وديل مكارين اخدوا السلطة بالقوة ثم بالمكر والخداع والكذب ثم فصلوا كل الناس من وظائفها وعينوا كوادرهم في الخارجية والداخلية والشرطة والامن والسجون والمساجد والزوايا والتكايا والمنظمات التطوعية والجمعيات الخيرية والروابط الرياضية والمحليات والمعتمديات
وحتى الان يمارسون سياسة التمكين باسم الدين تاني ثقة تجي من وين وهم حتى الان لم يعملوا من اجل هذه الثقة والان يعدون العدة بالدستور الجديد وتعديلات الانتخابات عشان يضربوا ضربتهم لمدة خمسة سنوات قادمة وخلالها تاني والله لا عايزين ثقة مع زول وعايزين يستفيدوا من الزمن ويغشوا الناس بانه يوجد احتياطي دهب واحتياطي بترول والناس تموت بالملايين بالسرطان وبالفشل الكلوي وهم ما عندهم مانع لو مات نصف السودان عشان يعيشوا هم فقط راكبين عربات البرادوا وسايقين التاتشرات وهاك يا بلد
اخ توف
يعني الميرغني حضر للسودان علشان يقول لينا الحزب سيقوم الحزب بجولة تشمل بعض دول المهجر لعقد لقاءات مع السودانيين المقيمين هناك. ما كان في داعي للتعب ده كان وهو قاعد في لندن يعمل جولته دي. الله لا عافاك يا أبو كرش
بالله ده حزب ده
حزب اسمه غلط
الاتحادي الديمقراطي – الديمقراطي ده عرفناها طيب – الاتحادي ده تقصدوا بيها ايه ؟؟؟؟؟ يا ويلكم لو قلتوها لان كل السودانيين حيتفوا ليكم في وجهكم – بديتوها بحلايب مش كده ….