شاهد الصور: الملازم غسان حراً طليقاً يمارس حياته بصورة طبيعية

لو انا عبدنا الله حق ماكان سلط هولاء الشرذمه

لكن يا خوانا الزول دا ما قالوا هرب كيف تاني جا ؟؟؟!!!

هو مش اتحلل منها؟ تاني يكون ملياردير كيف؟ الا اذا كان التحلل له معنيان، علما بانو المعنی الأول نحن ما فاهمنو.

ما هي اصلها كده. الما عاجبو ينفقع زينا . الله الله عليكم يا اهل الانقاذ، عملتوها شينه خلاص . اسوآ من كده ما في في العالم كله. البحيرني مين هم الموجودين في السجون ؟ وعملوا شنو اكتر من غسان؟ وليه غسان ما حوكم؟
طبعا بعد ايام حايرجع في وظيفه اعلي وبراتب اكبر وليسرق اكثر. يارب يارب خلصنا منهم
يارب ارينا فيهم يوم اسود كيوم عاد وثمود والظلمة من بعدهم حتي القذافي . امنوا يا مؤمنين عسي الله ان يستجيب في هذه الساعه ويخلصنا منهم
لعنة الله عليكم اجمعين

يعني يا حاسدين ياحقدين دايرنو يكون قاعد في الحراسة في السخانه دي ثم ثانيا مش منعوا النشر في الموضوع ده وسمحوا بالتظليل الدوكوووووووو عوووووووووووووووووكككككك

البشير مره قال( اذا سرق فيهم الكبير العظيم تركوه)
طبعا امام المسلمين ماحافظ الحديث الشريف فمبال جمال الوالي العمل المثل الشعبي اية قرانيه
شاهد الفيديو

http://youtu.be/8LptO78Q6I8

تسمعو قريب حادث حركة أودي بحياتو فكوهو عشان يكون الشاهد والضحية

شكلها كده والله أعلم آخر أيامو اجدع الآخرة الا رحمة الله بس ديل ما بينفعو نفسهم

الولد غسان خلاص إتحلل يعني يكون قبض ليه حكاية بتاع 18 مليار عشان خاطر الاعتقال وبعدين حق المحاولة التسمم والناس الخضر ناموا ب 30 مليار ياهو دا سودان في زمن النظام السادر

اللصوص طلقاء والشرفاء فى السجون

حلاتو يايمة

جدانتوا شعب يستاهل كل البيحصل ليهو لانو ( ومن اعمالكم سلط عليكم ) لانو الواحد فيكم مابيحاول يشغل عقلوا للحظه بس عشان يفهم يقولوا سرق تصدقوا اتحلل كمان تصدقوا بعدها اتسجن واتسمم واتقتل وهرب مع الفريق المازيمبي وبعدها رجع وسبحان الله هسي بتقولوا عايش حياتو بصوره طبيعيه وبرضو صدقتوا كل كلمه كانت ولسه بتتقال … منو فيكم الحدد اذا هو مدان او لا مش ديل نفس الناس الغاشينكم وسارقينكم ليهم كم وعشرين سنه وانتوا لسه بتصدقوهم .. خافوا ربنا في كل كلمه بتنشروها … ومدام انتو عندكم مبدا وقضيه اطلعوا الشارع وابقوا قدر اي حاجه بتحصل بس نهايتكم جعجعه في الفيس والراكوبه وسودانيز او لاين ..

بعدين التظليل دا الزمن دا حلال ولا حرام الزمن دا!!!!! قبل سنتين شفة الجيش في الشارع شايلين سلاح جد عشان يوقفو المظليين .. من شدة ما خايفين من ناس غسوني واخوانو المتنفزيين ولاحسي ابواتهم واصهارهم ومن لف لفهم،، بتاع الحركة ما يقدر يوقف مظلل يقوم يطلع زوج ود اخت وداد باكر ويقوم ياخد كف نص الشارع العام عشان كدا لازم تعمل كشة كبيرة مددجة بالسلاح لموضوع بسيط زي دا..
الدولة السودانية انهارت من مدة وما تبقي هو مجرد مكاتب للجباية تدفع للوزراء والامنحية رواتبهم..

ما شاء الله عليه يستاهل اموال اليتامي والمساكين ولاجئي دارفور

في صحاري تشاد

لعنة الله عليهم

حلاته , عاينوا ليه و ركزوا كويس فى الصوره , بالله ما قطعه من خاله الوالى !

كيف فات عليكم ياقراء ياكرام، انه قد تعمد التصوير والظهور علنآ نكاية وكيدآ فيكم؟!!،
ولمزيد من الاغاظة ابرز صورة العربة ومكتوب عليها “ماشاء الله”؟!!…

ووصورة تالتة وهو بالموبايل، اتكلم مع عمر البشير وقال له:”غظتا ليك شذاذ الافاق جنس غيظة!!..

ياخوانا ماتفهموا؟!! الزول عاوز يفقع مراراتكم، كان لسه مااتفقعت!!

عجبوني الليله تحللوا ومرقو حامو

طوووول عمرنا ما حنمشي لي قدام ولا حنشوف مستقبل زي الناس مادام في حراميه زي ديل وكمان ساايق اكسنت حسبي الله ونعم الوكيل

للهم آآآآآآآآآآآآآآآآآآمين ,, اللهم أجعلهم يشتهون الماء ولا يستطيعون شرابها ويتمنون الموت من شدة الالم فلا ينالونه ,, اللهم عذبهم بكل أم بكت أنصاف الليالى على فلذة كبدها أو زوجها أو أبيها ,, اللهم عذبهم وزبانيتهم بحق كل فم جاااع ,, وبطن قرقرت ومريض مات من عدم أستطاعته توفير الدواااء اللهم عذبهم بحق كل زفرات شوق وبعاد يعانيها ابناء المهاجرين والمتغربين الفارين من الوطن بسبب سياساتهم وأفسادهم ,, اللهم أجعلهم يشتهون الطعام فلا يتذوقونه بحق كل شبر من أراضى السودان التى باعوها والتى حبسوا عنها الماء فصارت بووورا تشكوهم لربها ,,, اللهم أنا غير شامتين ولكن أمرتنا بالدعاء على من ظلمنا لذا دعوناك ,, فأن كنتم أيها السودانيين تظنون أن البشير والكيزان ظلموكم فعليكم بالدعاء فأنه أمضى سلااااح ,,أدعوا عليهم بالويل والثبوور وعظائم الامور من سرطان وأمراض

الترابى .. البشير .. على عثمان .. نافع .. الجاز .. الزبيرين .. ربيع .. امين حسن .. غندور
قطبى .. مصطفى اسماعيل .. بكرى .. الخضر .. احمدهارون .. عثمان كبر .. وكل باقى التنابلة
وكل من اشترك فى دمار وتشريد محمد احمد دافع الضريبة .

اي زول في الدنيا دي ..( بظلل عربيتو ) حرااااامي ..!

وماداير الناس تشوفو .

لصوص جبناء ..!!!

طبعا الصورة رسالة لنا جميعا المهمشين من جل الشعب السودانى من الملازم الحرامى
ولا يخفى المعنى والشىء المراد منها افهموها ياناس اكيد التصوير تم بمعرفته //

الحل الوحيد عمل لجان ثورية سرية تقوم بالقبض على غسان وتجعلة يعترف بكل الحقيقة…

لو كان يدري أن ست الشاي التي يمر بجانبها هي أشرف منه.

عفيت منك يا التلب اكل لانو البلد حاميها حراميها

انتو عينكم في الفيل وتطعنوا في ضلو56

خلاص تحللته؟ الحمد لله. طيب ما تنسي تتصدق للمحتاجين

والله الموضوع عن غسان الحرامي والجماعة ماقصروا في التعليق …..لكن الصور عكست واقع مرير جدا .. البلد وسخانة ياناس …البلد معفنة … بالله شوف الدكاترة ديل فاتحين عياداهم وين معقول!! .. نقول الناس فيها المكفيها .. الدكاترة ديل عذرهم شنو ؟؟ الواحد ماعايز يخسر جردل جير يمسح بيه العفن ده !!.. السودان ده ماحيتقدم ابدا اذا كان المستنيرين او من يتوقع انهم مستميرين هذا سلوكهم وكمان اخصائي امراض جلدية ومختبر !!!!!!!!!!!!!!!!!!! والنوع ده يجيبوه وزير يكون ماعارف كوعو من بوعو غير الدال قدام الاسم والناس قايلين القبة فيها فكي.. وفي النهاية تلقاه يهتف معاهم هي لله وافصلوا ده وخلوا ده…….لله درك ياسودان

لا اعتقد ان بنك “الاسرار”في مكتب الوالي يترك حرا طليقا الا في حالتين ….ضمان سكوته وهذا مستحيل لكشفه اوراق ابن الوالي ورؤوس الحزب الحاكم وفسادهم في الاراضي, او تركه حرا وتصفيته جسديا بحادث مرسوم قضاء وقدر وهذا ما ستكشفه الايام القادمة

يا شباب هدو شوية الولد دا عايز يستفذ لان الصور اقطع ضراعي مقصودة واخذها برغبته لاغاظة الشعب السودان عبر الراكوبة، لكن رغم دعواتي ليكم بالهدو وانا اصلا انسان هادي كنت خنقت الشاب البتكلم في التلفون عشان كان الامر لا يعنيه شخص عمل كل هذه العمايل ويكون جنبي واعمل ماعارف حاجة، لكن احتمال يكون تبع غسان بودي جارد مثلا،/ احتمال كبير

مهما ارتفع الظالم ليس معناها اهمال الله له ولكن كل ما ارتفع كان السقوط مرعبا

حرامية البيوت والنشالين يتمنوا أن يصلوا للبوليس عند القبض عليهم من شدة الضرب المؤلم. اما هذا الحرامي طليق من شدة العفو عليه… يا عجبي.

هم خايفين يطلع اسرار الوالي وكل الفساد المحيط به علشان كده تركوه حر طليق

للشمس النايره قطعنا بحور………دى بيرددها محمد صلاح فى وجه جلاديه مرتزقة جهاز امن الاخوان المسلميين….محمد صلاح عينه باظت قبل ان ثشوف غلام الوالى الغلبان المتحلل سايق هكرة جياد ومنشوره صوره لزوم اثبات انو الوالى الطاهر الورع اقام عليه فعلا حد التحلل وقلع كل المليارات التى اكتنزها وبعد التشليح حلاتو ما لقى الا الهكرة دى عشان يظللها ويندس فيها من عيون الشامتين ودى شهادة تتماشى مع اجتهادات تجشؤات حسين خوجلى الليلية لاثبات انو رموز الحركة الاسلاميه اطهار وكل بلاوى البلد دى سببها الافنديه والاحزاب التجريديه واننا بعد 25 سنة تمكين من سلطة مجهولة واحتمال تكون شيوعيه او بعثيه او ناصريه ناقصه يقول ان لنا ان نجرب الاسلاميين الاطهار على شاكلة الوالى السابق والحالى لنقيم للدين مجده او تفنى كل الدماء
محمد صلاح ورفيقيه شرفاء جامعة الخرطوم يتبارى فى تعزيبهم وازلالهم حثالة من الفاقد التربوى والاجتماعى تم توظيفهم فى جهاز امن الجنجويد لبخلو الجو لمامون حميده لبناء امبراطوريته الطبية والتهام مساحة مستشفى الخرطوم وعبد الرحمن الخضر وعشيرته لبيع ما تبقى من شواطئ الخرطوم وغيرهم من اتفه كوز بيلغف فى محلبة وصولا لاخوان الاهبل ونسابته……..الخ
تاكدو بان شرفاء بلادى كثر وان التغيير لا يحدثه الرجرجره والدهماء وشذاذ الافاق ولكن ضكارة محمد صلاح ورفيقيه وجسارة ابراهيم الشيخ بتصنع المعجزات وشراسة الدكتاتورية الاخوانيه لكسر عزبمتهم بكل الاساليب الوحشيه بتورى مدى عمق الخوف منهم
الغلام ده لو ركبتوه عجلة ما بتطير عفنة فساد الوالى العبيط

قصة سعادة الملازم غسان غضبة الله علية واسكنه في النار هو شخص يتبع التعلمات من الشخسيات المهما في البلدالسودان فاذلك اقول نحتاج الى مخرج سنمائي حتي يخرج فلم عن هذه القصة بكل عبغرية وذكاء كي نصل الى حقيقة مايدور في قصة هذا الشخص في الشارع السوداني ويشمل هذا الفلم العديد من القضيا الاخرى مثل مشكلات دارفور ؤالثروة والسلطة ؤ والقبلي والتطهير العرقي ؤالتعليم والصحةؤحل وقضيا الموطن الفقير تخفيض الاسعار فيما يتعلق الارضي السكنية ؤسلع مواد البناء
على أن يعرض هذا الفلم في روتانا سنما موش حتقدر تغميد عنيك ههههههههههههههههه

حليل بلدا سخيه وعامره بالايمان
بلاد النيل…
بلاد السيل….
بلاد البسمه والتهليل…
بلاد الخوه والاخوان …
بلاد السندس النديان ,,,
بلادا اسمها السودان

طارت عقولنا من كثرة العناوين …. قبل فترة وصلتنى رسالة عن طريق الواتساب تفيد بأن هذا الركيب خارج البلاد وقد أقسم الراوى للحادثة أنه شاهده بمطار الخرطوم وهو يغادر صوب أثيوبيا …. دلونا نحن تهنا واتكسرت مقادفنا وغلبنا العوم وقلنا الرووووب …. رسونا على بر قبل الغرق .

يا جماعة واللة انا عا فى علية واحد شا يف الناس بيا كلو فى عينى انتظر راتب ب700 الف

بس اقول الى المناضل غسان حا ول اصدق الى المسا كين زور المدارس والاماكن الطرفية

حا تسمع اجمل دعوة مستجا بة ربنا اوفقك دة المخرج الوحيد اليك

وقت مافي دوله وﻻ قانون .يجب علي الشرامه اختطاف هذا الغسان ويطالبوا عمه عبدالرحمن الخضر بفديه 48 مليار وﻻ يقطعوا راسه وبعد ذالك توزع هذه المليارات علي اﻻرامل والفقراء والمساكين .ويا غسوني اعمل حسابك

البشكك و بقول كيف واحد مليادير وسايق سيارة اكسنت,,,, طبعاّ هو لازم يعمل كد عشان التمويه وعدم لفت الانظار خصوصاّ واحد في سنو
هذا هو نفس الشخص المتهم وحر وطليق وبحماية الحكومة ,,,, ماعايزة ليها كلام

واحد بيقول سيارتو اكسنت هي الاكسنت دي سعرها قريب الربع مليون اجيبه من وين ب 700الف حسبنا الله ونعم الوكيل

يا السيد sasa المخزومية لمان سرقت ماكان مشترك معاها الأخ الأصغر للرئيس ولا ولد الوالى ولا زوج بنت الوالى ولا رجل فى قامة مهدى ابراهيم عشان كده غسان المخزومى لن ولن ولن يقام عليه الحد لأنه محصن بأبناء المصارين البيض الله يكون فى عون السودان خلاص ادمر وضاع كما بيظلل فى السيارة عشان مايشوفوه – ماقالوا التظليل منعوه –

كسرة والله التحلل البعرفوا انا في البيكتريا لكن العلاقه شنو انا ماعارف

شكله اتعلم السياقة فيها صادمها خلف وامامي .. والله احسن ليه من يطلع فنان ينجلد يوم ويقبض يوم وحق المواصلات والعازفين وووو والله يغني عشرين سنه ما يرطب شوف الولد لمن ربى شلاضيم ..

طليق او في الحبس دي ما قضية….القضية ي ناس ده اختلس وسرق مبالغ مأهولة وحسب القانون يجب أن يقدم للمحاكمة ويجب أن تكون محاكمة أمام المجني عليه ( الشعب المغلوب على أمره ) القروش المنهوبة دى ملك الشعب فيجب أن نطالب وبشده تقديم هذا المتهم للمحاكمة ….لماذا حظر النشر في هذه القضية ؟؟؟ الجواب واضح لأنه ستكون هنالك فضائح تزكم الأنوف !!!! يجب المطالبة بتقديم هذا المتهم للمحاكمة ويجب أن يكون هذا مطلب شعبي

بلد ما قادر يكون جيش من مواطنينو الثلاثين مليون نسمة عشان يدافع عن أراضيه يمشي يجيب ليهو مرتزقة جنجويد عشان يحارب ليهو ويحموا ليهو العاصمة .. تفتكر سلوك زي سلوك الحرامي ده يثير أي إستغراب ؟؟ الشباب اللي زيو ديل هم المفروض يقودوا الجيش .. لكنو زي غيرو ما عرف إلا السرقة ومتمتع كونو فالت بجرائمو من القانون !!..

والله صدق محمد حسنين هيكل عندما قال السودان فضاء جغرافي .. فعلاً السودان ما فيهو سكان جذورهم مغروسة في ترابو .. وأظن المصريين أولى بيهو على رأي حسنين هيكل الذي لم ينطق به ..

تخيل الجيش المصري أو أي جيش آخر بكره جاء غازي السودان .. هل نفتش على جنجويد؟؟ وده مش حاجة مستحيلة .. حصل قبل كدة عندما غزا إمبراطور الحبشة الإمبراطور منليك الثاني شرق السودان أيام المهدية .. وقبلو جيش محمد علي باشا غزا البلد وكون دولة السودان من الأراضي المعروفة اليوم بإسم السودان .. فعلاً دي بلد همله ساكت وما عندها سيد ولا وجيع ..

انتو مالكم مالو يظلل يكتب ما شاء الله فى راجل يفتح خشمك ويقول الزول دا اكل حقنا اى واحد يجر البنبر بتاعو ويشيل موبايلو يقعد يعلق غسسسن وغسونه وحلاتو . فى راجل يقدر يفتح خشمو .. نحن ما بقينا كدايس الرجال الاسود مافى.. اصلا الحكومة لو مقتنعه فى رجال ما بتعمل البتعمل فيهو دا وغسان الراجل قال فى راجل بفتح خشمو يا كدايس هى الكديسة الا تقول ماوووووو

الحرامية يتبرطعون باموالنا والشرفاء في السجون … تبا لحكومة الاجرام .. تبا لحكومة الكيزان

لا ادري لماذا تسلط الاضواء علي هذا الطفل المعجزه ؟؟ والامر مستفحل وعادي جدا من رتبة ملازم مرورا بكل الرتب حتي مشير .. ثم ان امثاله كثر .. من اهل الضغمة الحاكمة .. ومن تشيع ومن اتبعهم بسوء .. ويعلم كل العالم بكل ما ذكر بل اسوأ .. والامر يومئذ لله .. تحللوا يغفر لكم .. تحايلوا نزيد لكم .. والله غفور رحيم .