نانسي محجوب .. نجمة السودان
في كأس العالم ويستمر البحث السوداني والأمل البسيط، ويتطلع كل الشعب بيأس ملاحظ في الشاشات الممدودة أمامهم علهم يلمحون طرف توب سوداني أو جلابية فوق رأس صاحبها عمامة فيبتهجون لأن في البرازيل شيء ما من السودان ليحتفلون.
وهذا بالتحديد هو ما منحته لهم تلك الفتاة الخلاسية ذات الصوت المؤثر والأداء العالي بطلتها الجميلة والبهية، منحتهم سبباً إضافياً لحضور مباريات كأس العالم ومتابعة النشرات الأخبارية، وجعلتهم ينظرون إلى العاصمة البرازيلية وبقية المدن هناك بشيء من الحب والمعرفة، كيف لا وهي تحتضن وسط كل خضرتها ومواسم حسنواتها الفاتنات بت سودانية قادرة على المزاحمة في كل المساحات لتظهر وهي تتحدث بتلك اللكنة السودانية المعروفة وتتحدث عن (ميسي وروبن نيمار وغيرهم من النجوم) حديث المعرفة والأصدقاء وتظهر وهي برفقة من يحبون سيرته جداً قبل تدريبه صاحب «التيكا تاكا» المدرب الفرنسي الشهير (بيب قوارديولا) لتمنحهم سبباً آخر للفرح وتشجيع البايرن.
الوطن
غوارديولا بقيتوهو مدرب فرنسي ؟
هي مجتهدة لكن اللغة العربية السليمة سوف تقف حجر عثرة في طريق تطورها المهني اذ أن اللسان السوداني يصعب عليه تعلم أجادة نطق العربية في معظم الأحيان و كذلك السان المصري و لكل قاعدة شواذ
ههههه اللهم طولك يا رووووح يسأل الله انت م كاتب ويسأل الله شئ مؤسف ف جريدة تسمي الوطن…ويطرشني لو فهمت شئ؟؟؟
ولو قصدك انو سوداني واحد ف البرازيل او كاس العالم بقول ليك يا باباا نحن فتنا الصينيين والحبش وفي اي بقعة من بقع الارض ممكن تلقي سوادني وما اكسرنا ف الدرك الاسفل؟؟؟؟،
اعد صياغة الخبر بلا فلسفة
نانسي محجوب
ولدت نانسي محجوب في السودان وعاش وترعرت في الدوحة. ودرست في الأردن-عمان -جامعة العلوم التطبيقية الخاصة – قسم الاقتصاد والعلوم السياسية.
متزوجه من المهندس سامي الحاج علي ولها ولد وبنت , يوسف واسماء
هى ابنة الاستاذ محمد محجوب عبد الرحيم الحائز على جائزة أفضل مقيم بدولة قطر آداء وسلوكاً .
والدتها الأستاذه إنصاف مشرفة إداريه للسباحه في جميع مدارس قطر حالياً إنخرطت في الكتابه وفي إنتظار روايتها الأولى قريباً .. حلمها وطموحها بأن يكون لها برنامجها الخاص.
وانضمت نانسي إلى قناة الجزيرة مسلحة بالعلم والمعرفة والثقافة الرياضية الواسعة لتحجز لنفسها مكانة وسط عمالقة المجال الرياضى فى القناة الاخبارية المتميزة. وعملت في قناة الجزيره كمعدة تقارير رياضيه ومن ثم إلى مذيعه في قناة الجزيره الرياضيه إلى الآن.
نانسى تسير بقوة وبخطى ثابته الى الامام من نجاح الى اخر وكل من يشاهدها يخيل اليه انه يشاهد المذيعة والاعلامية الرائعة ليلى . وهى بذلك تؤكد بانها قادرة على التحدى وتخطى الصعاب وتحقيق النجاح فى مجال ظل لفترة طويلة حكرا على الرجال.
اعتقد ان نانسى اضافة حقيقية للصحافة الرياضية العربية و لزميلاتها ميرفت حسين وهيام تاج السر وايمان بدوى ورفيدة ونشوة واخريات..واللاتى يبذلن ايضا الغالى والنفيس من اجل تقدم وتطور الصحافة الرياضية.
افرحكم شوية وابشركم بان السودان سيشارك بكاس العالم القادم فى روسيا( مامتاكد) لاننا شعب ومبدع واولادنا ماهرين بالفطرة ( مافطره الصيام ؟؟ انتو مسعولين من الخير الفطره بطلعوها والله خلوها)و البلد بخيره واستقراره بدليل ان العصابة تحكمنا منذ 25 سنة
وابشركم باننا بصدد الترتيب والتجهيز لوكالة سفر لروسيا خصيصا للسودانيين الراغبين فى السفر لمازرة الفريق السودانى ( صقور الجديان الجدعان) وستكون هنالك تذاكر سفر من الحيكومة بالقرعة
الله يجازي محنك ياكاتب الموضوع اكاد اجزم بأن هذا الشخص وجد هذا الكلام علي وراقه طايرة في الشارع وجا رصها هنا بي حزافيرها قايتو غير البت الفي الصورة دي اسمها نانسي محجوب تاني الخرابة كان طلعتا فاهم حاجه لا عرفنها هي مزيعة ولا صحفية ولامعلقة رياضية ….!؟
ده شنو ده
ما فاهمين حاجة – انا قلت قامت ثورة ول شنو
غايتو
جعران وقع في محبرة ومشى على ورقة بيضاء
يعني نفهم شنو هسع؟؟؟البت دي مذيعة نشرة اخبار رياضية عربية مثلا؟؟؟مشجعة عادية مشت البرازيل ؟؟؟
راسنا براهو عايز يطرشق من الحاصل في السودان ما ناقصين كمان صحافتنا الاعجمية دي
هههههههه تتجازى يا (((صابر مصبر))) ضحكتنى … صدق انا لما قريت فى العنوان نجمة السودان قلت فنانة جديدة ظهرت لينا ولا شنو لكن لما قريت الموضوع ذى ما قلت ما فهمت هى مذيعة ولا معلقة … تحياتى …
الزول ده لافيهاوساطل ولا شنو؟؟؟؟؟؟؟
نانسي محجوب هي موفدة قناة بين سبورت لتغطية المونديال في البرازيل
شاهدت لها عدة تقارير و هي مراسلة مجتهدة و موهوبة فعلاً
الف مبروك يانانسي نشد على يدك . احسنتى والى الامام واتمنى لك كل التوفيق.
اما الاخوة جماعة ( مافاهمين حاجة ) فخليكم كده نايمين وتايهين الخبر وااااضح وضوح الشمس وماعايز اى ترجمة ولا زيادة توضيح