تقارير : تزايد نسب المتعاطين للمخدرات بالسودان

هههههه حتى انت ظهرت تتكلم كمان !!!!
المخدرات انتو تجارها وانتو الموردين الرئيسيين
والمصدرين فى نفس الوقت يعنى المخدرات بتدخل السودان
ومن السودان بتتفكك لاجزاء وبتتوزع تانى لدول الجوار
وماتنسى السودان ليهو نصيب الاسد لانو المورد
ابسط حاجه الحاويات الدخلت بورتسودان الناس عملتوا ليهم شنو
طبعا ولا حاجه ليه ؟ لانهم منكم وفيكم
هسه لو كان اتحاكموا كان قللتوا الجريمه حبه وقدرتوا حفظتوا
جزء كبير من الشباب لكن
تقعدوا تتفاصحوا لينا انحنا فاهمين الحاصل شنو

الحاجة المستغرب ليها انو المنتج المستورد (الشاش ) بقي متوفر و أرخص من المنتج المحلي (البنقو السوداني).

اسمحوا لى ان اقتبس الفقرة التالية :أقرت الحكومة السودانية بخطورة ظاهرة انتشار المخدرات. وقال مساعد الرئيس عبدالرحمن الصادق المهدي، إن التقارير تشير إلى تزايد مستمر في نسب المتعاطين للمخدرات، مشيراً إلى أن مخاطر المخدرات تهدد العديد من الدول ومن بينها السودان. هذا الاقرار تم خلال الاحتفال باليوم العالمى لمكافحة المخدرات ولم يتطرق الى اكبر عملية مخدرات تم القبض عليها فى ميناء بورتسودان بل لم يسمح للصحافة بتناول هذا الموضوع .يجب ان يتم اشراك كافة قطاعات المجتمع لمكافحة هذا السم الفتاك ومشاركة الصحافة فى نشر الوعى بخطورة المخدرات كما يجب ان تعمل كافة اجهزة الدولة للكشف عن هذه العملية الاجرامية التى لم يعرف السودان ولا الشرق الاوسط وافريقيا مثيل لها ومعاقبة من تثبت ادانتهم حتى يكونوا عبرة لغيرهم ارجو ان نسمع خبر القبض على المجرمين الذين ارادوا ان يغيبوا ويدمروا الشباب السودانى