الدية الكاملة والتعويض والغرامة فى قضية فاطمة خوجلى ونادية عثمان
أصدرت محكمة جنايات المرور حكماً , أمس , فى مواجهة عميد كلية الطب بجامعة شندى السابق دكتور مسعود اسحاق الخليفة , الذى ادانته المحكمة بقتل الاعلاميتين فاطمة خوجلى ونادية عثمان مختار إثر حادث مرور مروع, وقع بمنطقة الخوجلاب العام الماضى أثناء محاولتهما عبور الشارع , وقضت المحكمة بالدية الكاملة لورثة كل من الاعلاميتين المتوفاتين (30ألف جنيه ) لكل أسرة لتصبح فى مجملها (60ألف جنيه) , تدفع بالتضامن مع شركة التأمين او بالانفراد كما قضت المحكمة على المدان بدفع مبلغ (48.415 جنيها) لصالح مستشفى شرق النيل , عبارة عن فواتير علاج المرحومة فاطمة خوجلى , كما حكمت المحكمة على المدان بدفع غرامة قدرها (2000 جنيه ) , لمخالفته نص الماده 58 من قانون المرور لسنة 2010 م .
السوداني
الله يرحمهما ويعوض شبابهما الجنة الزول ده حيكون فى حالة نفسية سيئة ليس بسبب الديات والغرامة بل لانه تسبب فى ازهاق ارواح اراد الله ان تكون بسبب قيادته مشيئة الله سبحانه ةتعالى وربنا يكون فى عونه نفسيا
يبدوا ان قيمة الانسان في السودان ما يعادل 15الف ريال قيمة اقامة في السعودية …..يا اخوان واحد جدع يخلصنا من الصادق المهدي والميرغني والكرور الترابي وانا متبرع بدية الجماعة ديل ….اما البشير فخلوه للشعب السوداني الفضل…..
بالله الدية الكاملة 30 مليون…. لا حولة و لا قوة إلا بالله
حسي ال 30 مليون دي ح تعمل لي بت نادية عثمان يتيمة الأب و الأم شنو ؟؟؟؟
إتقوا الله يا جماعة
لهم الرحمه
لا حولة ولا قوة الا بالله العلي العظيم معقول الانسان رخيص لهذة الدرجة في السودان 30 مليون دية ؟؟؟؟؟؟؟؟؟؟ والعلاج 48مليون ؟؟؟؟؟؟؟؟؟؟؟؟ لقد كانتا موظفتين لا أظن ان دخلهما السنوي يقل عن مبلغ الدية ، كيف تم التشريع في قيمة الدية، تهور الجاني والإهمال أدي لفقد الاسرة احد مداخيلها الى ما لا نهاية، ماذا سوف تفعل ال 30 مليون في هذا الزمان ،
الانسان سعره في السودان 30 مليون
والعربية 500 مليون
والبيت 8 مليار!!!
لا حول ولا قوة الا بالله وانا لله وانا اليه راجعون … اللهم أكتبهن عندك من الشهدا والصديقين وادخلهما خير الجنان يا رحيم يا رحمان …
طيب دى بسيطه ياناس معناها ناس الانقاذ ديل كلهم ما يجو 100 مليون دورو فيهم وحلصونا
لها الرحمة ويجعل مثواهن الجنة
مهما كان المبلغ لن يساوي الأرواح التي أزهقت
هذه دية القتل الخطأ (غير العمد) ولا اعتقد ان اهل المتوفيتين سيأخذون
دية من الدكتور ، عليه ان يدفع للمستشفى ، والله يعينه على الحالة النفسية
التى هو فيها ،
يعنى سعر ( الركشه الجديدة ) أعلى من سعر الإنسان فى السودان !!!! وسعر العربية البرادو أو الهمر .. تساوي جموع من البشر السودانيين فى زمن هذا الحكم القرقوشى !!!!لقد صارت قيمة الإنسان فى السودان 4 الف دولار أى نصف راتب عامل النظافة فى اليابان ..حكمة والله وحكاية تتطرشق أذهان العباد .
الله يرحمهن بالجنه
اللهم ادخلهم فصيح جناتك يا رب العالمين
أولاً للمرحومتين الرحمة والمغفرة وربنا يجعل الجنة مثواهم ويعوضهم في شبابهن الجنة آمييييييين ..
ثانياً حكومتنا ما بتقدر الإنسان حياً أو ميتاً بالله ايه تعمل 30 ألف دية … في السعودية دية قتل السيارة 120 ألف ريال يعني بالسودان 300 مليون بالقديم وانتو يا أولاد الذين يا الكيزان يا حرامية دية المتوفي بالسيارة 30 مليون بالله لو عندها أطفال ايه تعمل ليهم … المفروض قانون المرور يرفع من قيمة الدية حتى يتعظ السواقين ويخافوا …
كانت الدية فى السعودية تقدر بمبلغ ستين الف ريال واستمرت على ذلك عشرات السنين ولكن مع تقدم الزمن وارتفاع مستوى المعيشة والظروف الاقتصادية الاخرى فقد حدد الشرع الدية بمبلغ 160 ريال للفرد الواحد اما فى السودان بلد الهوان لا زالت روح البنى آدم ارخص من ثمن البعير عشرات السنين ونسمع بقيمة الدية ثلاثين مليون والان الثلاثين مليون اصبحت لا تساوى شيئا نسبة لاقتصادنا المدمر وارتفاع المعيشة فلماذا لا يواكب هذا الارتفاع الكبير زيادة فى الدية حيث ان الجنيه الكيزانى كل يوم متدنى واصبحت الثلاثين مليون لا تساوى تكلفة بناء غرفة !!!!.
أسي عليكم الله ما بتخجلو .. ديه 30 مليون حسبنا الله ونعم الوكيل فيكم .. اسي دا لو مسئول او ود مسئلول كان الامر اختلف .. لنعة الله عليكم اينما كنتم .. وربنا يرحم موتانا وموتى المسلمين.
القضاء والقدر … 60 مليون بالقديم + 2 مليون بالقديم لناس المرور+48415 مليون بالقديم للحرامية ناس المستشفى = 110415 مليون بالقديم … ستدفع من الخزينة العامة لان الدكتور من حزبى المتامر الشعبوى والمتامر الواطى
دكتور مامون حميدة طالب تعويض مليار من احد الصحفيين واتهمه بنشر
اخبار كاذبة عنه..يعني لو قتلوه حتكون ديته كم…وكم هي دية الشعب
السوداني قاطبة؟؟؟؟؟
د مسود ليس له اي علاقة بالحكومة ورجل يخاف الله ومن اشهر اطباء الباطنة بمدينة شندى واعرف جا وصديق وقد صام شهرين متتالية عن كل واحدة يعنى اربعة اشهر وربنا اكرمه حيث تم الصيام بدون ما يفط يوم وهو سوف يدفع المبلغ رحمهما الله واسكنهما فسيح جناته مع الصديقين والشهداء والصالحين
يعني نفهم من كدة انو الدولة في السودان بتشجع الاغنياء علي قتل الفقراء
يعني أي حد صاحب سيارة ممكن يدوس أي شخص ماشي في الشارع
ياحليلك يالمواطن الرخيص في كل شئ