كيس إخوان السفارة.. جهل المصيبة (مُنع من النشر)..!

بردت بطننا

وبعد الكضب فى كل مكان وزارة التعليم عندها مقرر للدين بيدرسوهو للأولاد والبنات اكيد فيه ” الكضب حرام والقبر قدام” وفيهو “ما يزال المسلم يكذب ويتحرى الكذب حتى يكتب عند الله كذابأ”
والى الخرطوم موش قبل كدا اعلنها ان مصنع اليرموك اتحرق بشرارة لحام!!
اى تربية هذه واى تعليم تتحدتون عنه يا قوم! يا ويحكم

مضاف لذلك حموضة في المنطق لا يستسيغها أنس ولا جن هههههههههههههه هذا التبرير الفطير ليس لامثالك وانما لمن يستسيغها وهم السواد الاعظم من الشعب السوداني الجاهل … وبما انك سوداني وبتفهم ليس لك حق غير ان تكفر وتكره اليوم الذي ولد فيه سوداني

والله حكاية الكيس دي كعبة عديل كده
وحمالة اوجه يعني لو المصريين مسكوا الكيس ده وقالوا الكيس ده ماشي وين وزنقوا مش ورطة ولا شنو
عموما نكذب عليكم والله حتى نحن كسودانيين حكاية الكيس دي ما اقنعتنا رغما اننا نعرف ناس الحكومة بتصرفوا بعنجهية وكبرياء كانما كل الارض سودان وكل الشعوب شعب سوداني
عموما مرؤة من المصريين كونهم فكوا الكيس ولكن ماكل مرة بتسلم الجرة
ده شنو ده الناس ديل بقوا بتعولقوا كده مالهم كل ما يكبروا يبقوا عويرين زيادة بس

حموضة المنطق و الزغولة والكذب والعشكبة والبشتنة أصابت دبلوماسيتنا منذ أن سطا الإنقاذيون على كراسى الحكم فى ليلة ما فيها ضو قمر..وبدأت البهدلة الجد بعد إختراعهم لقانون الشؤم ..قانون الضرر العام.. وقد أسموهوا هم زورا وبهتانا بقانون الصالح العام حينما سرحوا وشردوا كل الكوادر الأكفاء الذين تدربوا وتدرجوا فى مجال العمل الدبلوماسى سنين عديدة وعملوا بكل كفاءة وسترة حال ..
وأتى الكيزان برعاعهم الذين لا عرفوا الدبلوماسية يوما ولا سمعوا بيها .. فإنكشف حالنا وبقينا مهزلة بين الدول شىء تجارة وشىء شحدة وشىء تهريب عملة والله يستر..

عندنا حبوبتنا رحمها الله كانت تقول الله يغرب خيارنا ويستر حالنا ..لكن للأسف ناس الإنقاذ ما ستروا حالنا بل العكس ديل كشفوا حالنا..

سلام أخونا عثمان ، كيف أهلنا في الشبونات عساهم بخير وهم في العشر الأواخر نتمني أن نكون معتوقين من النار،،، أخونا السفير جمال محمد إبراهيم كتب قبل فترة عن هذه الحادثة وذلك الكيس وقال إن الجهل والإستخفاف وعدم الإلمام بالقوانين والبروتوكولات الدبلوماسية قد قادت إلي هذه الحادثة ، بل كشف إنهم ومنذ سنوات خلت كانوا يحملون تلك المبالغ في الاحقيبة الدبلوماسية التي لا يمكن فتحها إطلاقا حسب العرف الدبلوماسي ولو شكت البلد المضيفة في محتوياتها فإن الالسلطات تخطر الخارجية لتخطر السفير وعندها يمكن تفتيشها إذا وزافق السفير أو يمكن أن ترجع إلي بلدها دون كشف محتوياتها ، ولكن أخونا احامل الحقيبة الدبلوماسية ما عارف القانون وزلا العرف الدبلوماسي ولا أضان الاحامل طرشا ،،، أما فقه التبريبرات فهم أهلو ،،، تاني شي ذكر السفير جمال إن سفير السودان في القاهرة يمكثل الدولة وزرئاسة الجمهورية و جميع العاملين بالسفارة تحت سلطته المباشرة ولا يحق لأي جهة أخري أن تتدخل في ما يخص السفارة ولهذا فإن إصدار تبرير من جهة غير الخارجية يصب سالبا في قصة هذا الكيس فذلك الموظف مهما علت رتبته العسكرية فهو تحت إدارة السفير وكان المفروض أن يكون هنالك بيان من الخارجية وليس من الناطق الرسمي لالقوات المسلحة، وفي النهاية هذا هو السودان الفضل بقيادة لاتدرك ما تفعل لأنهم أتوا من وين كما قال المرحوم الطيب صالح طيب الله ثراه

شكراً يا أبو عفان على الضرب تحت الحزام ,

عجبتنى عبارة;(عادة حكومتنا المحببة (التبريرات..!!) وهي بمثابة الفاكهة في مائدة النفاق العامرة دوماً..) .
دى عبارة بليغة جداَ و كلام كُبار , الله يديك العافية و يذيد من شأنك يا رب , قول آمييييييييييييين .

الأخت بنت الناظر، بارك الله فيك، كلامك عين الحقيقة وليست هناك حاجة للتعليق
ورغم كل ذلك يظل السودان وطناً عزيزاً لا يعرف قدره إلا من يدركون حقيقته، لأن السودان ليس ملًكاً للكيزان ولا للمنافقين والمتاجرين باسم الدين
لك التحية والتجلة أختي بنت الناظر