ترباس يفتح النار على اولاد الصادق : واحد في (كرين) والتاني في (كرسي) انا ح ادخل المسرح بـ(قطر)..!!
ابدى الفنان كمال ترباس استغرابه الشديد من تقليعات الفنانين الشابين (احمد وحسين الصادق) التي ظهرا بها على خشبة المسرح القومي بأم درمان من خلال (ليالي ام در الموسيقية ) التي تقيمها وزارة الثقافة الاتحادية حيث ظهر اولاد الصادق في وصلتيهما الغنائية بشكل غريب حيث اعتلى حسين (كرين) تحركه آلة رافعة فيما جاء شقيقه احمد الصادق محمولا على (كرسي) يحملة اربعة من الشبان قبيل بداية وصلتيهما الغنائية
وفي السياق وصف ترباس المتواجد بإمارة دبي هذه الايام الظاهرة بالغريبة والجنونية وقال في حديثه لـ(فنون) لو اولاد الصادق ظهروا بي (كرين وكرسي) انا بدخل المسرح بـ(قطر) وتابع موجها حديثه لاحمد وحسين الصادق بقوله ان لفت انظار الناس لايكون بهذه الطريقة مشيرا الى ان شيمة الفنان هي التواضع معتبراً ان ماحدث من الاثنين لا يعد سوى كونه (غرورا) منهما
وقال ترباس ان الكثيرين هاتفوه مستنكرين هذا التصرف وتابع ان ديناصور الاغنية السودانية محمد وردي حينما اجبره ظرفه الصحي للغناء من على كرسي قدم اعتزاره لجماهيره لان الفنان يجب ان يحترم جمهوره مؤكدا ان ذلك يخصم من رصيد الفنان ولا يضيف له وختم حديثه قائلا ( واحد في كرين والتاني في كرسي طيب الوزير يقعد وين ) ..؟؟!!
صحيفة فنون
هذا زمانك يا مهازل فمرح من المفترض انو كل الجمهور اغادر المسرح ويخليهو فاضي عشان اكون بادلوهم عدم الاحترام بي عدم الاحترام لانو ديل صعاليق ليس إلا طيب الفانين الكبار يعملو شنو؟
احييك استاذ كمال ترباس . والله فعلا اولاد الصادق مغرورين اكثر من اللازم وين ابداعهم البعملوا ليه كدا . وانا شخصيا ما شايف ليهم اى غناء غير مسيح الكريمات والمياعه ماعندهم شى . بالجد حرام زى ديل يستمعوا ليهم . والله الجمهور من المفترض يخرجوا كان . ديل خصم على الفن السودان وليس عندهم اضافة . الشعب السودانى بغى شعب يستمع الى كل من هب ودب . والله دى مهازل مهازل يا اولاد الصادق .
يا أخوان ديل مصاقيع بنقو
ههاهاهاهاهاهاهاهاهاااااااااااااااااااااااااااااي ….. أحيّ … إستغفر الله
ترياس بتكلم عن التواضع طيب نسا لما قال انا زي الحج (لمن إستطاع له سبيلا")
اولاد الصادق ديل منو كمان ؟ عشنا وياما حنشوف؟؟
يا هيثم بارا
عليك الله أمشي إتعلم اللغة العربية كويس بعدين تعال علّق على الموضوع !
قال : ( هذا زمانك يا مهازل فمرح ) والصحيح : فمرحي .
وقال : ( من المفترض إنو كل الجمهور أغادر المسرح ) والصحيح : يغادر المسرح .
أرحم نفسك يا كابتن إنت منوا علشان تتكلم عن أحمد وحسين الصادق .
إنته عباره عن …………. ما في داعي أكمل .
والله كلكم عواليق .. وفنانين آخر زمن .. بي ترباسكم .. جاتكم داهية تخمكم
كان مفروض يجو بالكارو الكان شغالين عليها
هذا زمن النجومية المصنوعة . فالنجومية لا يصنعها شلة الفنان ولا يصنعها الاعلام المأجور بل يصنعها الجمهور الذي هو مقياس النجومية كالجمهور الذي كان ينتظر ابراهيم عوض منذ خروجه من منزله الى الاذاعة وهم يعلمون من أي الطرق سيعبر نعم الجمهور الذي قلد ابراهيم عوض في تسريحة شعره هو الذي يصنع النجوميةوالجمهور هو الذي يطلق الالقاب وليس الفنان نفسه ذلك الجمهور الذي أطلق على ابراهيم عوض لقب الفنان الذري . سؤال بسيط لأولاد الصادق وانتم تتغنون بأغاني الغير فعلتم هذا لو كان ابراهيم عوض موجود كان ينزل بمركب فضائي ولا بصاروخ ????????
هههههههههههههههههههههههههههههههههههههههههههههههههههههههههههههههههههههههههههههههااااااااااااااااااااااااااااااااااااااااااي
والله لكين دي قصه ….
الولدين ما فنانين و ما عندهم علاقة بالغناء مفروض يحاكموا بالجلد يوميا لمدة 5 سنوات حتى يتوقفوا عن الغناء , و يرجعوا للكارو وبيع المويه . :lool: :lool:
معليش ده مستوي البلد اصلو عايشين عصر الانحطاط كل واحد صعلوك او صعلوكه عاوزه تعمل كمان شنو مداحة الظاهره الاغرب الشواذ وشذاذ الآفاق هم الطليعه اليوم
طيب انا اقترح (وردي – ود الامين – الكابلي ) كل واحد يجهزوا ليه منطاد وكل مسارح السودان تكون لها مواصفات استقبال المنطاد (0) هسع ما حرام تكون كلمة فنان تطلق علي اولئك الكبار ويشترك معهم فيها هولاء الكرات مفسدي الذوق مدمري القيم والاخلاق مروجي الرزيلة والفاحشة وكل ماهو قبيح ( الملحمة – يقظة شعب – فتاة الغد ) بس نأخد من كل واحدة من هذه الاعمال الجليلة حرف و جميع اغاني اولا الصادق او خلافهم من هذا الجيل الهابط ونضعهم في ميزان لما رضي الميزان بهذا التحكيم الذي سينقص من قيمته وفضله
ممكن ابن ادم يحاول يعمل حاجة تخالف الناس عشان يذكر لكن اولاد الصادق ما حسبوها صاح ، بس فنك في تقديم الحاجة وتوصيلك لها الي الجمهور وخصوصا انت كمغني هي البتضيف الي الشخص الروعة والجمال وانجذاب الجمهور اليك لكن كل ما انت تمهزل الناس وتحاول تجذبم بطريقة غير لائقة اكيد ح تكتر الانتقادات حولك وتفقد الكثير بدل ان تضيف ليك ، اي مهنة بتكسب الاحترام من شكل الطريقة البتتعامل بيها الشخص مع الجمهور خصوصا لوكنت انت العنصر الاساسي في مهنتك الجمهور عشان كدي بنقول اولاد الصادق الله يهديهم (والانتقادات الشينة مافي داعي ليها)
ممكن التعليق يكون باحترام والناس تراعي فيهو مشاعر القاري عشان في ناس مدمنة لاحمد وحسين وهم اولاد الصادق ما حسبوها صاح بس امكن قاصدين المثل ( خالف تذكر) نحن مانرجع بالناس ونقول الكلام الشين الكارو دي مافي داعي ليها وكمان الموية
هذا إن دل إنما يدل علي أن كلاهما خالي الوفاض لايملك شيئا وحاسس بالدونية
بقت عليهم المقولة لا فن ولا أخلاق
وبعدين الهبل الشايلنه ديل بني آدمين ولا بقر
لو كان في شيل كان الناس شالت من كرومة مرورا بوردي ومحمدالأمين الي الهادي الجبل وعصام محمدنور وكفي
يا أخوانا أولاد الصادق صوتهم جميل جداً ودي ما عايزة أي كلام ،،، وطريقة دخول أحمد المسرح بصراحة ما ظريفة ولكن طريقة دخول حسين دي طريقة عالمية ودخلوا بيها قبله فنانين عالميين ،، والانتقادات لازم تكون في محلها عشان اولاد الصادق يستفيدوا وباقي الناس برضو يستفيدوا منها،،، وما يكون كلام حقد وحسد ساي والمثل بقول ( الما بتلحقو جدعو )
الظاهرة لاتدل على الغرور __ حاول الاخوان استحداث شىء جديد فقط ____ ظاهرة حسين
ليست جديدة __ موجودة فى المسارح الراقية سواء العربية (قطر)_ او الاوربية __ شىء من
التجديد ___ اما أحمد الصادق فلم أشاهدها من قبل _ لكن من المؤكد لابقصد بها ماوصفه
المعلقون والذين تحاملوا كثيرا عليهما ____
اما ترباس فهو أفضل له الصمت __ بعد فشله فى المنافسة مع الشباب أصبح يسب ويشتم شباب
فى سن ابنائه__ وكما بيوصف وردى بالديناصور!!!!!!!!!!!!!!!!!!!! وقبل ايام هاجم عبدالوهاب وردى
هجوم عنيف __
لو تكلمنا عن البدع فعمة كمال ترباس بهذه الصورة بدعة وضلالة كمان ___ ويصرح عمتى ب100
دولار !!!!!!!!!!!!!!!!! استحى ياهذا __ فهؤلاء الشباب قدموا مالم تقدمه فى تاريخك الطويل ياديناصور
من فن شعبى لحديث ل شنو ماعارف _______ خلى الشباب فى حالهم __
يااااااخي ديل عاملين ليهم ضجة غريبة احمد وحسين وزفت يااخي ماتقومو لفو كدة ولا كدة واللة ماعندكم غناء بتعريفة " والغريبة انو احمد صدق اسم الامبراطور وقال رافعنو كماان يااخي عليك اللة امشي شوف ليك كسرة اكلهاا "" فعلا هذا زمن الفوضي
والغبي الاسمة ترباس دة قال انا حاادخل المسرح بي قطر "" يااخي يدخل فيك قطر انت واولاد الصادق قووووول اميييييييين "" شوف ليك شغلة اقضاها انت في وادي والغناء في وادي "
الجماعة اخدوا التقليعة من مشاهدات المصارعة اصله الجبانة هايصةلا فرق بين مصارع ومضارع
الاخ زهير نديم __ الهادى الجبل ده الا تشيله انت براك _ وبعدين ياخى كل جيل ليه ناسه والدليل
فى كلامك __ قلت سرور وكرومة ووردى وعصام ..الخ كده مامختلفين ولاشنو؟؟؟
اما طريقة الدخول للمسرح شوية شوية حتبقى عادية ___ وترباس ده احسن ينزل بهيلكوبتر__
يا عالم انا علي صله بالفنان العملاق ترباس واعرفه جيدا واعرف اخلاقه تماماً ،، فلا يمكن ان يقول مثل هذه الخرافات ،، هذه من خزعبلات الكاتب ومن تأليفه ،، فأتمني من المعلقين الاعتذار للهرم ترباس وعدم تصديق مثل هذه الشائعات التي هو بعيد عنها كل البعد ،، فأتمني النظر في مثل هذه الامور بعين العقل وعدم التسرع ومهاجمة الناس الافاضل ( عذراً لمن لم يعجبه تعليقي ) لكنها الحقيقه وفي الختام اقول للاستاذ الكبير ترباس :
كن كالنخيل عن الاحقاد مرتفعاً
بالحجر يرمى فيلقي اطيب الثمر
ديل هبل وعبطا فن شنو العندهم ياخ قوم لف قال امبراطور قال
من حب الصعود للقمة علي ظهر الرجال وقع سريعا؟؟؟؟؟؟ الناس في شنو واولاد الصادق في شنو,, الناس بتئن من كاهل المعاناة والضائقة المعيشية… وشبابنا الممتهن الغناء لا يكترث لهذا بل اراد ان يزيد الحمل علي الناس بجيفتة.. افيقوا ايها الشباب وغنوا للثورات وللوطن وجددوا الدماء الوطنية في الشباب الذي يسمع لكم؟؟
ياجماعة ترباس قامة غنائية وصوت نادر و في حلقات اغاني واغاني عامل الشباب بكل تواضع واعتبرهم مثل ابناءه واخوانه الصغار ما تهاجموه ساكت اما اولاد الصادق فاعوذ بالله من غناءهم اسأل احمد الصادق اذا كان بقدر يمد اي اغنية من غير ما صوتو يتحشرج وينكم من ترباس امي الله يسلمك وياريت ديل مفروض يدخلوا المسرح بكارو لو دخلو اصلا قال امبراطور امشي العب بعيد ياولد
الله يرحمك يا عثمان حسين ;( ;( ;( ;( ;( ;(
لا نريد الدخول في مهاترات الفنانين ولكن نقول لكل فنان سوداني اصيل وفنانه ..اللحن اللذي يطرب له العالم الان الي حدود تقديم الروح قربان هو :
الشعب يريد تغير النظام ….لحنها التوانسه والمصرين بالسلم السباعي…ولحنها الليبيون واليمنيون بنغمة الراب والعدني …….
ونحن السودانيون سنلحنها بالسلم الخماسي …الشعب ……يريد ……تغير…..النظام
نرحب بكل السودانين الفنانين لابسين "اسبور" او "جلابيه" وعمه
يا فنانين السودان شنفوا مسامعنا بغناء ملحمة :الشعب …….يريد …….تغير…..النظام
انحنا المضيعنة شنو غير الغناء والرقيص والله الواحد بخجل من القنوات السودانية لمن يجيبو فيها فنانين ونسوان ورجال يتمايلو ويرقصو اليوم كلو غناء ورقص فضحتونا الله يفضحكم صدق من قال اذا كان رب البيت (البشير) بالدفء ضاربا" فشيمت اهل البيت الرقص والطرب شعب من الرئيس لحدي القفير شغالين رقيص احترمو ماضيكم ياشعب السودان وانتبهو لمستفبلكم
والله إن هذا هرج ومرج وبعد عن الدين ، وإذا كانت هنالك زرة من الوازع الديني لما
طاوعتما مطلب الشيطان لأن هذا هو الغرور وهو من الشيطان والتواضع من شيم الصالحين و المؤمنين وهويحبه الله في خلقه ويزدادوا به علواً عند الله سبحانه وتعالى .
وفي هذا قال الرسول صلى الله عليه وسلم : "لا يدخل الجنه من كان في قلبه مثقال ذرة من كبر "
وقال الإمام على بن أبي طالب ، كرم الله مجهه : " عجبت لابن أدم يتكبر، وأوله نطفة وآخره جيفة "
وقال طه حسين : "أكثر الناس تزدهيهم الأماني، ويعبث بعقولهم الإغراء، فإذا هم من صرعى الغرور "
و أعلموا أن الغرور هو تعويض الطبيعة للتفاهة و الغرور هو أن ترى في نفسك ما لا يستطيع الآخرون رؤيته و من علامات الانهيار العصبي أن يظن الإنسان أن ما يفعله في غاية الأهمية.
فإذا كان الغناء حرام فكيف يكون الغناء الممزوج بالغرور ، والعياز بالله
ونعوذ بالله من مرض الغرور ، ونسأل الله أن يشفي القلوب المريضه بهذا المرض ،،،
الذين سبقوا أولاد الصادق فى الغناء من عمالقة الفن والغناء النبيل والذى ماذال
يترنم به وجدان الكثير والغالب من الشعب السودانى لم يأتو بما أتى به هؤلاء وأمثالهم
والمثل يقول ((عيش كتير تشوف كتير )) ولكن لم نتوقع أن نشوف مثل هذه الرافعات والمحمولات وكأننا فى عمارة تبنى . (( من تواضع لله رفعه )) ولكن هؤلاء يريدون رفعة المخلوقات لا رفعة الخالق .
من حق الفنان كمال ترباس أن يركب ماشاء من الآلات والدواب وذلك لأنه صاحب أبداعات
ومن فنانى التطريب المميزين ,وعرفنا من زماااااااااااااان أن الفن (ذوق) و (أدب) و (تواضع ) و(أحترام للغير )وخاصة جمهور الفن الراقي .
وبارك الله في أمرئٍ عرف قدر نفسه .
يااخوانا داير اسال سؤال؟ هل هم فنانين معروفين يعني!!! وعندهم اغاني خاصة بيهم وكدا!!! وهل ابوهم عبد الوهاب الصادق ولا كيف ومنذ متى وهم بيغنوا يعني عندهم جماهير للدرجة دي
الناس فى شنو وانتوا فى شنو ؟
فضحتونا ,, كل الفضائيات تفاعلت مع ثورات الشباب فى الوطن العربي الا فضائياتكم الفاضية التى كلما رجعنا ليها وجدنا الغناء والرقيص بقيادة ايمان لندن وحنا ن بلوبلو واحمد الصادق ومافضل الا تجيبوا لينا حواء كلاب .
اختشوا على دمكم وشوفوا ليكم حاجة تنفعكم .
لو ترباس تبرع بى عمته دى بتعمم ليها عشرة مساكين مالاقيين طاقية يستروا بيها رؤوسم المليانة اكتر من راسه الفارغ الا من العمة .;)
يا اخوانا الموضوع اديتو اكتر من حقو ترباس شنو و اولاد الصادق شنو و بعدين نحن موافقين انو اولاد الصادق يخشوا المسرح انشاء الله بى طيارة بس يكونوا قدرها يعنى يعموا اغانى من شاكلة جميلة و مستحيلة و قلت ارحل لوردي وبتتعلم من الايام و وعد النوار لابو الامين و هذه الصخرة و اتلاقينا مرة للعاقب اكيد ما يكونوا سمعوا بيها ذاتو قال شنو قال صوتهم جميل امال زيدان و ابن البادية و ابراهيم عوض يكونوا شنو؟؟؟؟؟؟؟؟؟؟؟؟؟؟؟؟؟؟؟؟
مااظن فيها حاجة……..عالم الفن بشتى ضروبه مليان بالتقاليع والاشياء الملفتة للانظار…….ويخيل لى الحركتين العملوها الفنانين…بقصد احمد وحسين….مااكتر من تقليعة من عندهم…. احرار…..اى فنان ضربت فى راسو فكرة معينة يعملها….ليه لا.
فعلا (فعلا صاحب العقل يميز)
بالله بلد فيها من هم على شاكلة القشير وترباس وحناكيش الغنا الجدد ممكن يكون فيها خير ؟؟؟
التغيييييييييييييييييييييييييييييييييييييييييييييييييييييييييييييييييييييييير
لابد من كنس كل من مكنته السنين العجاف لحكم آل (كوز)
قال شنو ؟؟؟قال الامبراطور قال وكمان الاستاذ ترباس .
تف عليك ….
انا بس عاوز اعرف الناس الشايلنو ديل حمير ولا ناس ؟؟؟؟ لو ناس كيف يرضو لنفسهم المهانة ده . ام احمد الصادق اكيد حمار
اول شى هو الاستاذ كمال ترباس عمل تقليعه ***_—————العمه-13 متر او اكثر مابعرف مش كانت تقليعه هسه اولاد الصادق لو كرسى او كرين دة زمن الشاب لو كان* من اولاد جيلك اكيد ح تكون فى حاجه غريبه الى العمه ولو عن الاغانى الخاصه كل الفنانين الكبار فى البدايات غنو من فنانين سبقوهم فى المجال الفن حتى فى اختبار الاصوات والمقدره المهم ان شاء الله ربنا يوفق الجميع والكلام فى الموضوع دة طويل****** امنه حسين صفوت ***______كندا**هاملتون**ونتاريو_—————-
يعني ياكمال ترباس انت عندك مبدا الفنانين
بداية ثورة الانقاذ هربت وبعدين جيت تغني هبت ثورة الانقاذ اسكت ونحن عارفين عمايلكم كلها والله نطلع المستور اذا تكرر منك المطاولة علي الناس