ابنة الشريف زين العابدين الهندي تنعى الحزب الاتحادي
الخرطوم: فتحية عبدالله
نعت القيادية بالحزب الاتحادي الديمقراطي المسجل سلافة الشريف زين العابدين الهندي الحزب الاتحادي وقالت – ان الحزب الاتحادي تحول الى تكتلات ومجموعات وأن ادارته التنظيمية اصبحت غير مرحبة للجميع ولن تخدم الحزب اطلاقاً ولا تملك سوى نعيه متهمة القيادة باقصاء آل الشريف من الحزب، مؤكدة على تجميد نشاطها وممارستها للعمل السياسي خارج منظومة الحزب. ومن جانبه صوَّب القيادي بالحزب عبدالحميد جبريل هجوماً عنيفاً على قيادة الحزب المتمثلة في امينه العام د.جلال يوسف الدقير متهماً اياه باختطاف الحزب، مضيفاً ان آل الدقير يريدون الآن ان يرثوا الحزب الاتحادي وتحويله الى اتجاه مغاير لما يدور في الساحة السياسية.
الوطن
الحزب الاتحادي الأصل ما نافع ينفع الفرع وبعدين كلهم ناس مصالح الأمة والاتحادي وأحزاب بقايا مستعمر والسيد محمد عثمان والمرغنية ومن بدور في فلكهم كلهم يبحثو عن مصالحهم الشخصية والأسرية قبل مصلحة السودان. ماذا نفهم احزاب تعارض الإسلاميين الحرامية وترسل ابنائها للقصر بماذا نفسرهذا وبعدين عبدالحميد جبريل مش عينو كم سنه سفير في كوريا وسلافة البنتعي الحزب لو كا عينوك مكان اشراقة ماكان نعيتي كان زغردتي لحميدتي زي ماعملت اشراقة. ،،،،،،،،،لعلمكم الكيزان أسوأ من من حكم السودان وأسوأ من دمر السودان لكن الأسوأ منهم علي الإطلاق الحزبين الاتحادي اصل وفروع والأمة اصل وفروع لأنهم هم بسوء تصرفاتهم من سلم السودان علي طبق من ذهب الحرامية وسرقوا بمهلة وحتة حته من خط هثرو الإنقاذ الغربي مشروع الجزيرة كل المؤسسات الحكومية ومازالوا وكل مرة يجونا بأفكار جديدة التهليل التمكين التحلل الأكبر والأصغر وكلو حاجة لو كتبته سنة كاملة مش حاخلص من الألم علي السودان الذي ضاع اقصد القيم والاخلاق
عشان الكلام الفارغ دا مفروض البلد تتحول لمملكة على رأسها ملك يكون من آل المهدى (سيد صادق أو واحدة من بناتو)بحكم الدور التاريخى الرائد الذى لعبه الإمام المهدى عليه السلام أبو السودانين الأولين و الآخرين و العوائل التانية دى إما تتلغى أو يكون عندهم تمثيل نسبى فى مجلس العائلة المالكة ويكون عندنا حزبين يتنافسو فى السلطة بشكل ديمقراطى
ههههههه ال الدقير وال الهندى وال الميرغنى دا حزب ولا زريبة عيش ؟ من زمان نحن نعينا الاحزاب الطائفية لانها لا تمثل الشعب السودانى البائس وهم مع الحاكم وكلهم قاعدين بره السودان ويجو يقبضوا المعلوم ويرجعوا لقصورهم فى القاهرة ولندن وهم شاهد ما شافش حاجة.
يعني البكي دا كلو عشان أبعدوا أسرتكم من الحزب؟ إذن إنتو هدفكم مناصب .. يا للدناءة.
نرجو من سلافة الشريف زين العابدين الهندي الاعلان عن تكوين حزب جديد باسم الحزب الاتحادي الديمقراطي الحقيقي ،،،
برافو ابنة الراحل والرجل الوطني العفيف الذي نزر حياته من اجل وطن يسع الجميع وليس بمستغرب قرارك لانك ابنة زعيم لايرضي ما يحدث من هوان لهذا الحزب الكبير ولان عمكم حسين الهندي اول من علم ادب المقاومة في الجبهة الوطنية واستشهد من اجل سودان كبير يسع الجميع .. اما المدعو السفير صاحب التعليق بان ال الدقير وال الهندي وال الميرغني فعليك ان ان تفرق بين الاسر التي تقدم زعماء للوطن وعاشوا اشراف ورحلوا نظاف وليس هناك اي مقارنة بينهم..
على الاخت سلافة عدم الخروج وعدم تجميد نشاطها لان التجميد هروب من المعركة في وجه اشراقة والدقير وهؤلاء هم مؤتمر وطني وغواصفات للمؤتمر الوطني وعلى سلافة مع الوسيلة والدكتور مضوي الترابي الوقوف بصورة حازمة امام الدقير – اشراقة وبعض مستشاري الولايات الاتحاديين وعلى سلافة والوسيلة ومضوي الوقوف بحزم في وجه مخطط المؤتمر الوطني لاختطاف الحزب
كل الاحترام والتقدير للاخت سلافة .سلافة دى منو وعملت شنو بالعربى كده اى واحد او واحدة اسمو فيه المرغنى او المهدى اوالشريف احق ليه اكون قيادى فى الحزب او رئيس (مدى الحياة) وسلم لى على الديمقراطية (فاقد الشىء لا يعطيه)مع تحياتى لعبدالرحمن وجعفر
الحزب الاتحادى الديمقراطى مات سنة :1996م عندما جاء والدك واصبح نائب الامين العام للمؤتمر الوطنى (انتو قايليم الناس بتنسى يا بت الشريف ؟ ) كان عليك تنعيهو من الزمن داك ..عليك الله ما فاكره عمك الشهيد الله يرحمو : الشريف حسين الهندى : كان رجلا والرجال قليل ، وين انتو منو يا بت زين العابدين؟؟؟؟؟؟؟؟؟؟ظ
يا بت يا سلافة انتى الذمن دا كلو كنتى وين الدقير دقر ليكم معليش
انــــــــــــــــا ابكيـــــــــــــــك يا وطنـــــــــــــــى العزيــــــــــز !!
يجب تنظيم هذه الاحزاب الكرتونيه وخلق احزاب حقيقيه لان الية الديموقراطيه الحقيقيه هى الاحزاب الحقيقيه ولذالك يجب وضع معايير علمية لبلورة احزاب حقيقيه تقود عملية البناء الديموقراطى الحقيقى للسودان بعد زوال الدكتاتوريه ومن هذه المعايير التى يجب توفرها فى كل حزب مثلا:-
1- برنامج الحزب
2-فكر الحزب
3- جماهيرية الحزب بحيث لا يقل اعضاءه عن مليون عضو
4- قانون الحزب واهم شىء فيه تحديد فترة الرئيس بدورتين فقط
5- الايمان بتنوع السودان والعمل مع الاخرين لبنائه وتطويره ووحدته ووضعه فى حدقات العيون.
واى معايير اخرى تلغى هذه الخرمجه فى الاحزاب السودانيه كل واحد خالى ذهن عنده قرشين عمل ليه حزب والله هذه ملعبه واستهتار بالشعب وبالبلد وبهذه الطريقه سوف نظل فى ذيل الامم