كبر ينفي سقوط “سرف عمرة”
نفى والي شمال دارفور عثمان كبر أن تكون محلية سرف عمرة بيد أي مجموعة خارجة عن القانون، وقال إنها تدار عبر أجهزة أهلية وأمنية. وأعلن عودة السلطات الرسمية كافة بعد غياب جزئي لشهور بعد الأحداث التي شهدتها المحلية.
وشهدت سرف عمرة في مارس الماضي مصرع عشرات القتلى والجرحى من المدنيين إثر اشتباكات قادتها مجموعات متفلتة بشمال دارفور.
ووصف الوالي كبر حينها الأوضاع في الأجزاء الغربية والشرقية من الولاية بأنها حرجة وتستدعي تدخل الحكومة المركزية لتقديم المساعدات العاجلة للمتضررين من القتال.
وأعلن والي شمال دارفور عثمان كبر، خلال مخاطبته مواطنين بمحلية سرف عمرة، عن تطبيع الحياة المدنية بمحلية سرف عمرة، وعودة الأجهزة التنفيذية والأمنية والشرطية والاقتصادية كافة للمحلية بعد غياب جزئي استمر لأشهر عقب الأحداث التي شهدتها المحلية.
وبرر أن الغياب الجزئي للأجهزة التنفيذية اقتضته الضرورة والحكمة، حرصاً على السلام الاجتماعی والأمن والاستقرار للمواطنين كافة، مبيناً أن كل المسببات والمسوغات قد زالت من المحليات الغربية بانطلاق مرحلة البناء والإعمار للوصول إلى الاستقرار والسلام.
وقال إن الحكومة تؤسس لمرحلة جديدة ومعطيات جديدة.
وأوضح كبر أن زيارته لسرف عمرة تأتي تأكيداً على اهتمامه بالمحلية، وليست تحدياً لجهة أو جماعة. وأثنى على تماسك أهل المحلية ولجانهم التي كونوها لحفظ الأمن.
شبكة الشروق
كير الخواف صديق الجن أعوز بالله
ما تقول اتفقنا وان هذه الزيارة جاءت بعد الاتفاق وموافقة موسى هلال
هى ما سقطت بس وقعت ساى
الوالي كبر اصبح عايق اساسي للولاية من نحية التنمية والاستقرار والامن و رتق النسيج الاجتماعي في الولاية ضلل الحكومة بأنه عنده ختة للأنتخابات الجاية بعد ما نجح في مشروع المواسير و تكليبه ضد الشيخ موسى هلال و لو الحكومة عارفة المصلحة العامة موسى هلال اهم لها من كبر لأن جانب الامني هم
للبلاد
قبل الانقاذ كانت الحرب كلها فى الجنوب ولمن قرنق احتل الكرمك وقيسان كل اهل السودان وقفوا وقفة واحدة وما تم فيها شهر واحد وكنسوه بره!!!
بعد االانقاذ العاملة فيها بطلة والجهاد وما ادراك ما الجهاد يقينا نسمع بالكرمك وقيسان تانى وهمشكوريب وكسلا والقاش والفاشر ونيالا واللعيت وسرف عمرة ده غير كردفان والنيل الازرق وغيرهم الخ الخ الخ!!!
25 سنة عملوا شنو فى الاستقرار السياسى والاقتصادى والسلام وهلم جرا؟؟؟
ولا الاسلامويين ديل كانوا متوقعين من الشعب السودانى ينخرط معاهم فى مشروعهم الفاشل البائس؟؟؟
بالله العلى العظيم 25 سنة لا هم ضاقوا الاستقرار والعافية ولا السودان واهله كذلك( الا يكونوا ضاقوا الترطيب ونعيم الحكم والتمكين وهلم جرا)!!!
يكون اتقلاب الانقاذ او الحركة الاسلاموية ده خطط له فى دوائر الموساد يا ربى ولا كيف؟؟؟؟؟؟؟
تبقوا مواهيم اذا افتكرتوا اعداء السودان عايزين استقرار و تراضى وتوافق وطنى من حلال حوار دستورى وناس الانقاذ او الحركة الاسلاموية بيساعدوهم على ذلك بغباء او جهل شديدين او عمالة والله اعلم!!!!
الغير مقول والغير معقول انو علشان فرد واااحد يكون والي ورئيس ووو يموتو عشرين الف مواطن سوداني وعثمان كبر شخصية سلطوية دموية يبرع في اعمال فرق تسد وبث الغشاعات والفتنة وسكط القبالئل حتي تتقاتل فيما بينها لينعم هو بالسلطة ويغل الجميع باراقة الدماء وناس شمال دارفور اغبيالء لانم لسه الاعيب عثمان محمد يوسف كبر بتنطلي عليهم وكلام موسي هلال برغم اختلافي معه الا انه صحيح حول كبر كبر الذي حرم علي الناس الدخول لمناطق الذهب وتاَمر مع كمال عبداللطيف الرجل الذي بكي عندما قلعوه من سدة الوزارة مثل النسوة واكتنز الذهب لنفسه عبر الشركتين اللتين يمتلكهما وانا اعرف الكثير من استثمارات كبروعقارات كبر مثل فيلا كافوري التي تقع شرق طلمبة بشائر مبارة وامامها كونتينر وتقف امام الفيلا العديد من احدث السيارات المجهزة بأفخم وسائل الراحة وكل هذا من دماء الفتنة ياااااا أهل دارفور اياكم وفتنة كبر ويجب ان تعرفوا انني لست من دارفور ولا امت لها باي صلة لكني حريص علي وقف دماء الابرياء ولعنك الله ياكبر والله كبر دا لو ماقرضكم كلكم وقعد في الفاشر براهو مع اليوناميد البدفعوا لمملكته باليورو كل يوم لانه مستفيد منهم كدي اعقلوها في راسكم الداعي لوجود اليوناميد شنو لحدي الان برغم فشلها الذريع فقط صرف فارغ وبنود وهمية ومافي اي وجود علي الارض والله المستعان