مجلس الوزراء يؤكد اهتمامه بالمؤتمر العام السادس للمغتربين

والله الظاهر بقي مافي مصدر دخل للبلد الا المغتربين !
زراعة اتدمرت وثروة حيوانية اتدمرت وبترول اتشال غايتو الله يكون في عون المغتربين لا وفروا ليهم الشغل داخل الوطن ولااااا دايرين يخلوهم بعد طلعوا من الوطن !
بس بقوا زي الراجل الطلّق مرتوا واهمل اولاده وبعد خيلانهم ربوهم وكبروا واشتغلوا يجي الاب داير اولاده يصرفوا عليهو ..
تتزكروا نكتة الحلفاوي المتضايق من الامام الماطيهم في الصلاة , الامام جاء في آية وبقي يردد شان واحد يزكروا , عمك الحلفاوي قال للجماعة مافي زول يكلم … هسي كمان مافي زول يكلم ..
كمان يومتا حاج ماجد سوار يقول المغتربين المصريين بيحولوا كذا مليار في السنة ! سمح ما قالوا ليك المغتربين المصريين الواحد فيهم بكون في الغربة عشرات السنين وبيدفع لحكومته مبلغ معين في السنة مقابل الاحتفاظ بوظيفته في مصر ولما يرجع بلده بينزل في نفس وظيفته وبنفس درجة دفعته في الشغل ونفس راتبهم ؟ لا وكمان معاشه الشهري بينزل ليهو في حسابه وهو في الغربه !ولآ بس كل السألت عنه انهم بيدوا حكومتهم كم ؟ ما سألت حكومتهم بتديهم كم ؟

الآن وبعد سنوات طوال جداً جداً , جاءت الحكومة تستسمح المغتربين بأن يحولوا مدخراتهم عبر المؤسسات الإقتصادية أو البنوك , ماذا جنى المغتربون من تحويلاتهم السابقة ؟ والله أنا مغترب منذ (35) عاماً بالسعودية والله وأقسم بالله ثلاث بأنني لا أملك قطعة أرض أوي بها أولادي وتقدمت بذلك منذ أن كان الأستاذ السميح الصديق هذا وهو مدير أراضي المغتربين آنذاك , ولم أحظى بهذه القطعة من الأرض , أرض سوداننا الكبير , نحن قوم لنا وطنية كبيرة فعلاً علينا دعم هذا الوطن متى ما إحتاج لنا وهذه ضريبة علينا دفعها وللوطن علينا دين كبير مستحق لا نقول غير ذلك ونعترف به , ولكن أليس لنا حقوق على هذا الوطن ؟؟ هناك كلام كثير ليتنا كنا هناك حتى ننخرط بهذا المؤتمر الذي يجمع كوكبة مقدرة من هؤلاء المغتربين الأشاوس ولنا فيهم ثقة كبيرة بأنهم سوف يشاركون بآرائهم السديدة ومقترحاتهم المهمة , والى أمام أيها السودان العزيز ..