شاهد: المصور الصحفي (سعيد عباس) ينشر مزيد من الصور لكوبري القوات المسلحة

حوض سباحة متسخ

ياخ ديل يغالطوك فى اسمك … اعوذ بالله

اذا كانت كل الكباري في الدنيا (حداباء) او مستوية فلأول مرة في التاريخ نشوف كوبري (افزر)……!!!!

انه زمن العجائب الدنيوية التي تجاوزت الـ700 بدل ما كانت 7 فقط…….!!

يا سعيد عباس
الذي صمم الكبري مهندس من أكفأ مهندسي الأخوان المسلميين ووهو عبارة عن كبري وخزان أها قلت شنو ؟

شئ اغرب من الخيال!!!!!!!!سمعنا بحدائق بابل المعلقة لكن اول مرة نسمع بكوبري بيحجز موية المهندسين العملوا الشغل ده راكبين فيل مغربي

يوجد منخفض بين جسم كبري كوبر القديم والنفق الذي صمم شمال الكبري من جهة كوبر هذا المنخفض هو الذي جمع الماء التي تنحدر من اعلي جسم الكبري هذا علي حسب مروري بالكبري في فترات سابقة وكان من مصمم النفق ان يعمل تصريف لهذه المنطقة المنخفضة التي كما ذكرت سابقا بين النفق والكبري

لاحول ولاقوة إلا بالله عمرنا ما شوفنا كوبري بتحجز مياه إلا في السودان فساد في فساد حرامية أولاد كلب لو في قانون المفروض يعدم المهندس الصمم الكوبري لكن للآسف مافي قانون البلد بقت ملطشة بقي فوضة كلو من هبه ودبه عامل فيها زعيم وحرامي الله يكفينا من شركم اعمالكم ربك مع المظلوم يوم الحساب قرب سوف تحاسبوا حسابا عسير ( والتحية لشعب السوداني )

تحياتي للمصور و أكثر الذي يحملني على الإشادة بك هو إصرارك على فضح زيف المغالطين ، في أزمات مماثلة في هذا البلد المنكوب بحكم هؤلاء ينكرون ضوء الشمس و يتولى الأرزقية الدفاع عنهم و بأي ثمن ، اغتصبوا الكثيرات و الهبوا ظهور البعض و نلك جرائم لا يستطيع الضحية كشفها على الملأ لأن مجتمعنا ينافق بالكاد يصدق الضحية فعنده الأسوياء لبسة الميري و يلونهم مرتبة الصحفيين و الاعلاميين اصحاب الحلاقيم الكبيرة !! شكري الجزيل و سيفيق مجتمعنا يوما من هذه الغيبوبة المتعمدة و سلام على الراكوبة على مر الزمان

إنتوا زعلانين ليه ؟ يعملوا للكبري سبلوقة وخلاص الموضوع إنتهي

اول مرة أشوف لي حفير في الخرطوم عندنا في الجزيرة شئ عادي وقد ما ِأحكي لأولاد خالتي في الخرطوم عن الحفائر وكيف كنا نعوم فيها بشبوهها لي بالمسبح لكن الحمد لله جات من ربك أهو بقت عندهم في الكبري والمايعوم يتفرج ومافي حد أحسن من حد ( عدالة السماء ) والله الجماعة ديل كان لقوا ليهم لقمة مع بصلة مع حبه موية من دي حاجة ما تخلص .

والله يا جماعة الخيرالكيزان ديل يغالطوك فى اسمك ويغالطوك فى الشمس البتكون فى نص السما ويقولوا ليك دى ما الشمس دى القمرة ويلموا فيك كتار يقولوا ليك شوف الزول الما بفهم دا دى القمرة ويحلفوا ليك بالله ما هم أصلهم ما عندهم دين ، والله يا عزت الكيزان ديل يمكن يغالطوك فى انك راجل ولا مرة ولو ما مصدقين أسألوا (أمين حسن عمر) عنده الخبر اليقين.

كان في حرامية بيتغالطوا مين فيهم الاكثر حرمنة واحد قال للاخر ان بغش في مواصفات الكباري وباكل وانت بتعمل شنو قال ليه شايف الخلا داك قال ليه شايفه اها انا بوهم انه ده كبري وباكل القروش بتاعته لحدي ماجاءهم الحرامي الجد جد وقال ليهم شايفين حوض السباحة داك اها ده الكوبري السويته واكلت الباقي

سمعنا بحدائق بابل المعلقة ولكننا لم نسمع ببرك الخرطوم المعلقة!!

في الدول المتقدمة الكباري تشيد من غير دراسة أو ميزانية صيانة،، في السودان يتم تشييد الكباري لتكون متعددة الاغراض وذلك على أساس أن الحياة السودانية لا تسير دغري فعلى سبيل المثال اذا كنت ماشي الدكان تشتري علبة كبريتة يلاقيك عوض الله جارنا في الطريق يحلف عليك طلاق انو بس عندو مشوار صغير لي دفع الله تمشي معاي وترجع أمشي معاهو وفي الطريق يلاقي فتح الرحمن ويقيف معاهو يتناقشوا في لجنة الحي البتقوم بالاشياء المفروض تقوم بيها الحكومة وبدل ما ترفع الحكومة كاهل المعاناة من المواطن تقوم اللجان في الاحياء برفع المعاناة من كاهل الحكومة وتستمر الحكومة في اعتبار الشعب مجرد بومة يحقق لها الخدمات بدل العكس،،، فلا غرو أو غرور ان يقول الخضر للمواطنين في عز ازمة السيول عدو السنة دي خنق ونحن بنعديها لبع ،، والسنة الجاية ان شاء الله بنسألكم تعدوها فطيس بعد الخنق،، وهذا هو حال الدولة السودانية خالية البال من جانب المواطن واحتياجاته ،،،

فدع الايام تفعل ما تشاء وطب نفسا اذا حكم القضاء
ولا تجزع من خريف او ايبولا أو غيره من انواع الابتلاء
فقد خلقت لذلك يا مواطن ونحن للكوارث بأيدينا فداء
وهل سألت اوروبا عنا فنحن شيمتنا البلاوي والعناء
فما لدنيا قد عملنا ومعجزتنا كبارينا فوق وتحت ماء
ولا تسمع لعزول فانت في عز وسلامة بل انت الرخاء
فاصبر اكثر يا مواطن حتى تشتهي جغمة الماء
فمبتغانا أن تصافحك بسببنا ملائكة السماء
ولا تنظر لما جنينا من مال وعقار ودولار فما الدنيا الا هراء
ولا تجزع من حال المستشفيات فلم العلاج والدنيا فناء
ولا تحتج لسفرنا للعلاج بالخارج فبوجودك نوفر مصاريف الشفاء
فكد وأجري يا مواطن من الصباح الى المساء
وأملأ حياتك بالمشقة وهذا هو برنامجنا للرخاء

واضح إنو الشركة النفذت الكبرى، الجماعة عملوا ليها كوبرى

ادعى المسئولين ان الصورة مفبركة بدعوى ان السباحة في هذه المياة التي تعبرها العربات غير منطقي و تم بايعاز من المصــــــــــــور ..و مع ذلك العيوب الهندسية واضحة …

بلد انتهت و ما في فايده

طيب فى سيارات طالعة من الكبرى وهذا يعنى أن الماء ليس بكثير وهو يحدث كثيرا فى كبارى دول الخليج …. الوضوع فيه مبالغه مع كرهى الشديد للأنقاذ…. وأظن ان المصور أعطى الشماسة شوية فلوس قال ليهم أقلعوا وأدخلوا الموية أصوركم وأعمل فرقعة على حساب الشماسة

قي اجتماع مجلس الوزراء الاخير والكلام ده من صحيفة السوداني غندور عاتب ضياء الدين بلال لانه عرض الصور الاولى وكتب عنها مرتين وقال ليه ده سغل فوتوشب يعني ما حققي

يا جماعة المشكلة تم حلها بواسطة ( صاحب السبلوقة للكبري ) بطلوا فلسفة فارغة قوموا شوفوا معايشكم وين ؟؟؟؟