إبراهيم الشيخ… وليام والاس..! (منع من النشر)

يارب فجرها.. لقد أصابنا الضر وأنت أرحم الراحمين.

احسنت ستاذ شبونة وربنا يحفظك اها يا شعب اما ان الاوان للتدفق نحو المركز لنصرة المناضل البطل الذى لم ينحنى ولم يتلجلج اللهم انصره وفك اسره واشفيه وعافيه اللهم اجعل نصرة وتحرير السودان من الكيزان بفضلك على يديه امين

نعم انه وليام الذى قهر ذو الارجل الطويله عاش من اجل وطن ومات من اجله . لم يطلب الرحمه من الخونه ولكن نشيده وهو يموت – حريه حريه . اصمد ايها البطل فقد ان الاوان وازفت الساعه .

والله ياعثمان شبونة دائما تبهرني بشجاعة يراعك حفظك الله …. المناضل ابراهيم الشيخ ..رد الجميل صعب فقد ركبت مركبا يصعب علينا بلوغه ولكن حتما بنضالكم سنترجل وسندك هذه الصخرة ..لابد من صنعاء وان طال السفر …

نورا

وكتين يضيع
عرق الجباه الشُّم
شمار فى مرقة ..
آه .. يا نورة آه
من دربك التوّر
نفس خيل الصبر
فتـّر خطاوى الشوق
وراه .. يانورة .. آه
ساعة الشموس الغُر تهضلم
تلحق الصِّح .. فى المغارب
يدفر الضو الكهارب
تستر المدن السرابية ..
الضبابية .. الكآبة
حائط التيه .. والطشاشات ..
فوق قفيِّك يا أمْ عوارض…
يا أمْ عوارض .. مو دُعاشة
ماها شبـُّورة وتقيف ..
جايى ليك يا نورة غيمة
تملا ماعونِك خريف
يملا عي…ى ويفضـِّل
يروى جوّاك العطاشة
جاة ليك يا نورة غيمة
تملا ماعونك خريف .
**************
يا نفس فجر القصايد يا بلادى
دا القطع قلب الروادى ..
بى اللّواج الجاى .. وغادى
ماهو صوتك .. لاها صورتك
هى البترقش نادى
فوق صدر الجرايد
إنتى يا حُضن الصحارى
شُفّع العرب الفتارى
البفنـّوا الشايلا إيدمْ
ويجروا كايسين القطارى
لا سراب الصحرا .. موية
ولا حُجار سلّوم .. موائد
حالكم البصرخ وينادى
ياوطن عز الشدائد
*************
يا هُدى الناس الحيارى
يا ندى الفجر الببلِّل
نور عِوينات الفقارى
جايى ليك .. آه جايى ليك
جاى ليك يا نورة افة
آفة .. للسوس البنقـِّر

عود عِشيماً داخرو فيك
أصلى لمـّن أدور أجيك ..
بجيك ….
لا بتعجّزنى المسافة
ولا بقيف بيناتنا عارض
لا الظروف تمسك فى إيدى
ولا من الأيام .. مخافة
يا نفس فجر القصايد يا بلادى
ما ضِهِبْ فى بعدى عنـِّك
أصلى متغرِّب عشانك
راضى بى الجايينى .. منـِّك
ما شكيت شُح اليالى ..
وما بكيت نُحْ .. شِلتوا حالى
رغم إنو الحال بيفضح
إلاّ كٌتْ فى الحارة بصرُخ :
يا وطن عِز الشدايد

يا وطن عِز الشدايد
يا وطن عِز الشدايد

رحم الله الشاعر حميده

قلب شجاع ويراع شجاع… ما زال السودان بخير

ﺭُﻛﺒـــﺔ ﺳِﻴـــﺪﻯ ) .. ﻗﺼﻴﺪﺓ للشاعر الكبير ﻫﺎﺷﻢ ﺻﺪﻳﻖ)
August 13, 2014

هاشم صديق( فيسبوك

( ﺭُﻛﺒﺔ ﺳﻴﺪﻱ

ﺷﻌﺮ : ﻫﺎﺷﻢ ﺻﺪﻳﻖ

ﻳﺎ ﺧﻠﻒ ﺍﻟﻠﻪ

ﻭﺩ ﻋﺒﺪﺍﻟﻠﻪ

ﺑﺺ ﺍﻟﺜﻮﺭﺓ) )

ﻣﺎﺑﻲ ﻳﺪﻭِّﺭ

ﻛﺎﻥ ﺇﺳﺘﺎﺭﺗﺮ) )

ﺃﻭ ﻣﻨﻔﻠّﺔ

ﻛﻮﺭﻛﻨﺎ ﻧﻨﺎﺩﻱ

ﻫﻮﻱ ﻳﺎ ﺷﺒﺎﺏ

ﻫﻮﻱ ﻳﺎ ﺭْﺟﺎﻝ

ﻫﻮﻱ ﻳﺎ ﺣﺮﻳﻢ

ﻫﻮﻱ ﻳﺎ ﺷﻮﺍﺭﻉ

ﻫﻮﻱ ﻳﺎ ﻧﻴﻢ

ﻳﺎ ﻭِﻻﺩ ﺍﻟﺒﺎﺩﻳﺔ

ﻳﺎﻭِﻻﺩ ﺍﻟﻨﻴﻞ

ﻳﺎ ﺷﻌﺐ ﺃﻛﺘﻮﺑﺮ

ﻳﺎ ﺷﻌﺐ ﺃﺑﺮﻳﻞ

ﺗﻌﺎﻟﻮﺍﺍﻟﻨﻔﺮﺓ) )

ﻟﺰﻭﺍ ﻣﻌﺎﻧﺎ

ﺑﺺ ﺍﻟﺜﻮﺭﺓ

ﺇن ﺸﺎﺀ ﺍﻟﻠﻪ ﻳﻘﻮﻡ

ﻟﻮ ﻭﺻَّﻠﻨﺎ

ﻟﺒﺎﺏ ﺍﻟﻘﺼﺮ

( ﺣﺘﻲ ﺍﻟﻨﺼﺮ )

ﻓﻲ ﺍﻟﺨﺮﻃﻮﻡ

ﻭﻫُﺘﺎﻓﻨﺎ ﻓﻄﺮ

ﻣﺎ ﺳﺨﺴﺦ

ﻳﺼﻮﻡ

ﻭﺑﻞّ ﺣﺒﺎﻟﻮ

ﻭﻟﻠﺤﻠﻘﻮﻡ .

**********

ﻳﺎ ﺧﻠﻒ ﺍﻟﻠﻪ

ﻳﺎ ﻧﺎﺱ ﺍﻟﺤِﻠﺔ

ﻳﺎ ﺃﻫﻞ ﺍﻟﻠﻪ

ﻟﻤﺘﻴﻦ ﺭﺍﺟﻴﻦ

ﻧﺎﺱ ﺩﻳﻚ

ﺃﻭ ﺩﻳﻞ

ﻓﻲ ﺷﻠﻴﻞ) )

ﻭ ﺍﻟﺤِﺠْﻠَﺔ) )

ﻟﻤﺘﻴﻦ

( ﺣﻴﺺ ﺑﻴﺺ )

ﻟﻤﺘﻴﻦ ﺍﻟﺠﻮﻉ

ﻟﻤﺘﻴﻦ ﺍﻟﺬِﻟّﺔ ؟ ! .

**************

ﻳﺎ ﺧﻠﻒ ﺍﻟﻠﻪ

ﺍﻟﺒﻠﺪ ﺇﺗﻬﺮﺳﺖ

ﺩﺍﺳﺎ ﺍﻟﺴﻴﻞ

ﺟﺎﻧﺎ ﺍﻟﻮﺍﻟﻲ

ﻋﻴﻮﻧﻮ ﺣُﻤﺮ

( ﺣﻠﺐ ﺍﻟﺒﺎﻗﺔ )

( ﻓﻲ ﺍﻟﺸُﻨﻘﺎﻗﺔ )

ﺻﻨﻘﻊ ﻭﺩﻧﻘﺮ

ﺩﻭّﺭ ﻭﻟﻒّ

ﺇﺗﻤّﻬﻞ ﻭﻓﻜّﺮ

ﺇﺗﻨﺤﻨﺢ ﻭﺻﺮّﺡ

– ﻣﺎ ﻣﻄﺮﺓ ﺷﺪﻳﺪﺓ

ﺩﻱ ﺍﻟﻨﻘﻨﺎﻗﺔ) )

ﻭﺑﺎﻗﻲ ﺍﻟﻤﻮﻳﺔ

ﻭﺣﺘﻲ ﺍﻟﺴﻴﻞ

ﻣﻦ ﺃﻭﺑﺎﻣﺎ) )

ﻭﺇﺳﺮﺍﺋﻴﻞ

ﻭﺍﻟﻤﻮﺕ ﻳﺎ ﺟﻤﺎﻋﺔ

– ﻭﻣﻦ ﻣﺎ ﻗﻤﻨﺎ –

ﻳﺎﻫﻮ ﻣﻬﻤﺔ

ﻋﺰﺭﺍﺋﻴﻞ

****************

ﺁﺥ ﺥ ﺥ .. ﻳﺎ ﻣﻬﺎﺯﻝ

ﻻ ﺯﻋﻠﻨﺎ ﻭﺷﻠﻨﺎ

ﺟﻨﺎﺏ ﺍﻟﻮﺍﻟﻲ

ﻋﺪﻳﻞ ﻃﻮﺍﻟﻲ

ﻣﺮﻣﻐﻨﺎ ﺭﻭﻳﺴﻮ

ﺟﻮﻩ ﺍﻟﻄﻴﻦ

ﻻﺛُﺮﻧﺎ ﻫﺘﻔﻨﺎ

ﻳﺴﻘﻂ ﻳﺴﻘﻂ

ﺍﻟﻐﺶ ﺑﺎﻟﺪﻳﻦ

**********

ﻳﺎ ﺧﻠﻒ ﺍﻟﻠﻪ

ﺑﻌﺪ ﻣﺎ ﺑﺎﻋﻮﺍ

ﺑﻠﺪﻧﺎ ﻭﺧﻴﺮﻫﺎ

ﺑﺎﻋﻮﺍ ﺍﻟﻌﻮﻥ) )

ﺷﺎﻟﻮﺍ ﺍﻟﺨﻴﻤﺔ

ﻭﻟﺒﻦ ﺍﻟﺒﺪﺭﺓ

ﻭﺻﻠﺼﺔ ﺑﺮﺓ

ﻭﺍﻟﻤﻜﺮﻭﻧﺔ

ﻭﺷﻮﺭﺑﺔ ﻣﺎﺟﻲ

ﻭﻋﺠﻮﺓ ﻣﻜﺔ

ﻭﻋِﻠﺐ ﺍﻟﺘﻮﻧﺔ

ﻭﺻﺎﺑﻮﻥ ﻓﻮﻧﺎ

ﻭﺍﻟﻤﻌﺠﻮﻥ

ﺷﺎﻟﻮ ﺍﻟﻌﻮﻥ

ﺑﺎﻟﺤﺎﻭﻳﺎﺕ

ﻭﺑﺎﻟﻜﺮﺗﻮﻥ

************

ﻧﻔﺲ ﺍﻟﺨﻤﺸﺔ

ﺍﻟﺤﻮﻝ ﺍﻟﻔﺎﻳﺖ

ﺑﺎﻟﻜﺮﺑﻮﻥ

**********

ﺣﺎﺟﻪ ﻧﻔﻴﺴﺔ

ﺑﻴﺘﻬﺎ ﺇﺗﻤﺎﺹ

ﺍﻟﺠﻮﻉ ﺑﻜّﺎﻫﺎ

ﺟﺎﻫﺎ ﺍﻟﻮﺍﻟﻲ

ﻛﺮﻳﻢ ﺃﻫﺪﺍﻫﺎ

ﺑﺲ ﺗﻠﻔﻮﻥ

ﻭﻟﻠﺒﻄﻦ ﺍﻟﻄﺎﻣﺔ

ﻛﻤﺎﻥ ﺃﺩﺍﻫﺎ

ﻓﺺ ﻟﻴﻤﻮﻥ) )

************

ﻳﺎ ﺧﻠﻒ ﺍﻟﻠﻪ

ﻭﺩ ﻋﺒﺪﺍﻟﻠﻪ

ﺑﺺ ﺍﻟﺜﻮﺭﺓ

ﻻ ﺩﺍﻳﺮ ﻳﺪَﻭّﺭ

ﻛﺎﻥ ﺇﺳﺘﺎﺭﺗﺮ) )

ﺃﻭ ﻣﻨﻔﻠﺔ

ﺟﺎﻧﺎ ﺍﻟﺼﺎﺩﻕ) )

ﻗﺎﻝ ﺇﻧﺘﻈﺮﻭﺍ

ﻟﺴﻪ ﺍﻷﺯﻣﺔ)! )

ﺑﺘﻐﻠﻲ ﻭﺗﻨﻀﺞ ؟

ﺟﻮﻩ ﺍﻟﺼﺎﺝ

ﻭﺟﺎ ﺃﺑﻮ ﻫﺎﺷﻢ) )

ﻭﻗﺎﻝ ﻳﺎ ﺭﻋﻴﺔ

ﺑﻔﺎﺗﺤﺔ ﻗﻮﻳﺔ

(ﺍﻹﻧﻘﺎﺫ ﺩﻱ)

ﺑﺘﻤﺮﻕ ﺑﺎﻟﻨﻔﺎﺝ

ﻭﺟﺎ ﺃﺑﻮﻋﻴﺴﻲ) )

ﻗﺎﻝ ﻟﻴﻨﻴﻦ) )

ﺣﻴﺴﺨﺖ ﺑﺸﺒﺶ) )

ﺇﺑﻘﻲ ﻛﺪﻳﺴﺔ

ﻭﺟﺎﻧﺎ ﺗﺮﺍﺑﻲ) )

ﻗﺎﻝ ﻳﺎ ﻧﺎﺱ

ﺑﺤﻮﺍﺭ ﺍﻟﻮﺛﺒﺔ) )

ﺍﻟﺰﻭﻝ ﺩﺍ ﺣﻴﻘﻌﺪ

ﺯﻱ ﻣﻮﻗﺎﺑﻲ) )

***********

ﻳﺎ ﺧﻠﻒ ﺍﻟﻠﻪ

ﻭﺩ ﻋﺒﺪﺍﻟﻠﻪ

ﺭﺑﻊ ﺍﻟﻘﺮﻥ

ﻭﻧﺤﻨﺎ ﺭﻫﺎﻳﻦ

ﺟﻮﻩ ﺍﻟﻜُﺒّﺔ

ﻭﻣﻦ ﻓﺎﺕ ﺍﻟﻐﺎﺯﻱ

ﻭﺍﻟﻤﺴﺘﻌﻤﺮ

ﻣﺎ ﺷﻔﻨﺎ ﻓﻜﻲ

ﺗﺤﺖ ﺍﻟﻘُﺒﺔ

ﻧﺜﻮﺭ ﻭﻧﻔﻮﺭ

ﻧﺠﻴﺐ ﺍﻟﺮﻳﺲ) )

ﻧﻘﻮﻝ ﻳﺘﺤﺒﺎ

ﻭﻳﺠﻴﻨﺎ ﺍﻟﺨﻴﺮ

ﻣﺎ ﻳﺎﻛﻠﻮ ﺍﻟﻄﻴﺮ

ﻟﻜﻦ ﻳﺎ ﺧﺴﺎﺍﺍﺍﺭﻩ

ﺃﺣﻼﻣﻨﺎ ﺗﻤﻮﺕ

ﻳﻨﻀﺮﺏ ﺍﻟﺸﺎﺭﻉ

ﻭﺑﺎﻟﻨﺒﻮﺕ

ﺯﺭﻋﻨﺎ ﻳﻀﻴﻊ

ﻭﻋﺸﻤﻨﺎ ﺭﺿﻴﻊ

ﻭﻣﺎ ﻧﺤﺼﺪ ﺣﺒﺔ

*************

ﻭﻳﺘﻠِّﺐ ﻃﺎﻏﻴﺔ

ﻳﺤﺮﻣﻨﺎ ﺍﻟﻌﺎﻓﻴﺔ

ﻭﻧﺒﻘﻲ ﺭﻫﺎﻳﻦ

ﻻﻓﺎﻧﺎ ﺍﻟﻜُﺒّﺔ

ﻋﺴﻜﺮ ﻭﻛﺎﻛﻲ

ﻣﻬﺎﺯﻝ ﻭﺭﺗﺒﺔ

**********

(ﺑﺸﺒﺶ ﻳﻨﻘّﺰ)

(ﺑﺸﺒﺶ ﻳﻌﺮﺽ)

(ﺑﺸﺒﺶ ﻳﺮﻗﺺ)

ﻻﻣﻦ ﺑﺎﻟﻎ

ﻭﺣﻠﺞ ﺍﻟﺮُﻛﺒﺔ .

**********

ﺭﺑﻊ ﺍﻟﻘﺮﻥ

ﻭﺍﻷُﻣﺔ ﻓﻲ ﻛُﺒّﺔ

ﻳﺎﺧﻠﻒ ﺍﻟﻠﻪ

ﻭﺩ ﻋﺒﺪﺍﻟﻠﻪ

ﻻ ﻓُﺮﻧﺎ ﻭﺛُﺮﻧﺎ

ﺑﻠﻌﻨﺎ ﺃﺳﻔﻨﺎ

ﻭﺍﻟﻄﺎﻏﻴﺔ ﺧﻨﻘﻨﺎ

ﻗﺎﻋﺪ ﺁﻣﻦ

ﺳﻤﻴﻦ ﻣُﻄﺎﻣِﻦ

ﻻﻣﻦ ﺳﻮّﺱ

ﻭﺑﺪﻝ ﺭُﻛﺒﺔ

**********

ﻳﺎ ﺷﻌﺐ ﺃﻛﺘﻮﺑﺮ

ﺷﻌﺐ ﺃﺑﺮﻳﻞ

ﺃﻭﻻﺩ ﺍﻟﺒﺎﺩﻳﺔ

ﺃﻭﻻﺩ ﺍﻟﻨﻴﻞ

ﺑﺺ ﺍﻟﺜﻮﺭﺓ

ﺩﺍﻳﺮ ﻟﺰّﺓ

ﻋﺮﺵ ﺍﻟﻄﺎﻏﻴﺔ

ﻋﺎﻳﺰ ﻫﺰّﺓ

ﺧﺮﻃﻮﻡ ﺍﻟﻮﺍﻟﻲ

ﺍﻟﺴﻴﻞ ﺩﻛّﺎﻫﺎ

ﻭﺻﺒﺤﺖ ﻏﺰﺓ) )

ﺍﻟﺸﻌﺐ ﺟﻌﺎﻥ

ﻻﺑﻴﺖ ﻻ ﺃﻣﺎﻥ

ﻭﻧﺎﺱ ﺍﻟﺴُﻠﻄﺔ

ﺳﻴﻠﻬﻢ ﻭﻳﺴﻜﻲ

ﻭﻛﺎﻓﻴﺎﺭﻫﻢ ﻣﺰﺓ .

*************

ﻳﺎﺧﻠﻒ ﺍﻟﻠﻪ

ﻭﺩ ﻋﺒﺪﺍﻟﻠﻪ

ﺑﺺ ﺍﻟﺜﻮﺭﺓ) )

ﻣﺎﺑﻲ ﻳﺪﻭّﺭ

ﻛﺎﻥ ﺇﺳﺘﺎﺭﺗﺮ) )

ﺃﻭ ﻣﻨﻔِﻠﺔ

ﻛﻮﺭﻛﻨﺎ ﻧﻨﺎﺩﻱ

ﻫﻮﻱ ﻳﺎ ﺭﺟﺎﻝ

ﻫﻮﻱ ﻳﺎﺣﺮﻳﻢ

ﻫﻮﻱ ﻳﺎ ﺷﻮﺍﺭﻉ

ﻫﻮﻱ ﻳﺎﻧﻴﻢ

ﻳﺎﻭِﻻﺩ ﺍﻟﺒﺎﺩﻳﺔ

ﻳﺎ ﻭِﻻﺩ ﺃﻛﺘﻮﺑﺮ

ﻳﺎ ﺷﻌﺐ ﺃﺑﺮﻳﻞ

ﺗﻌﺎﻟﻮﺍ ﺍﻟﻨﻔﺮﺓ) )

ﻟِﺰﻭﺍ ﻣﻌﺎﻧﺎ

ﺑﺺ ﺍﻟﺜﻮﺭﺓ

صبرك لوطاااال ما باقي كتير ي بلادي

والله ابراهيم الشيخ وحزبه هم الحل لقضية السودان رجل صلد لابد وراه حزب صلد وقوي

اسقاط النظام وما ادراك ما اسقاط النظام .. قد سقط النظام منذ إتفاقية السلام ولكن المعارضة هى التى تطول فى عمر الإنقاذ اولا الجبهه الثورية لم يكن لها منفستو واضح ولم تبشر بسودان جديد كلها شعارات وقام افرادها بارتكاب تفلاتات في ابوكرشولا وبعض المناطق عكست مدى ضحالة الهدف والفكر ثارات زخت بدماء خلفت مشهد تهتك النسيج الإجتماعى قس على ذلك كل الحركات المسلحة بدار فور…
ثانيا الفرق بين الجبهه الثورية باسمها الرنان وبين المعارضة المسلحة باسم حركة تحرير السودان الذى صحح من اتهموه بالعنصرية ليس التحرير من منو التحرير من شنو ((الكلام دهم اجاء)) يعنى ليس صحيح.. القائد الكرزمى صاحب فكر ومبادئ ثورة كانت لها رسالة حققت هدفها بتكوين قاعدة جماهرية فاقت كل التوقعات بالساحة الخضراء التى كانت بمثابة استفتاء لجون جرنج وأكدت انها كانت ثورة اثمر حديث قائدها عبر اذعاتها بحديثه اليومى بالعربى المكسر خاطب العقول فتفنى الشخوص وتبقى الافكار صدى اقواله مازالت هى اساس السودان..لا الدين الاسلامى يوحدنا ولا المسيحية توحدنا ولا العروبة توحدنا ولا الافريقانية توحدنا ولكن السودانوية توحدنا هذا هو شعاره الذى يروق لاهل السودان …للاسف الجبهه الثورية لم تستفيد من التجربة ولا من الفيلق الذى يمتلك الراجمات والكانسات كنسا ((فيلق الإعلام ))؟؟؟لا قناة ولا موقع ولا شباب على الشبكة.
الان لا الحكومة ولا المعارضة لديها احد يقوم بهذا الدور لا الصادق المتذبذب ولا المرغنى العاوزها باردة ولا عرمان الماعندو مبادئ ينطلق منها ولا عقار يجيد مخاطبة الجماهير ولاالشيخ الترابى الإنتهت صلاحيته يستطيع اقناع جيل الواتساب والبشير الحلج ركبه مازال يقول هل كضبت لكم يوم ياجماعة؟؟؟ فيظل يحكم بالمتناقضات وفرق تسد الى ان يحكم الله في امره..
…ولم يبقوا لتغيير النظام إلا طريق واحد باقتفاء اثر نهج الثعلب العجوز عندما صعب اقتلاع نميرى تواثق معه وتخلله ثم خلخله الان الحكومة متخللها الافاعى المنتفعة المنتفخة بحق الغلابة وباتوا كلاب حراسة مجنونة بمرض السعر وهى التى قابضة على مراكز القوة والقرار ..بإمتلاك الثروة والبارود وإنتهاج مبدأ ((افلام رعاة البقر الامركان)) يقدموا للخصم فى الافلام الامريكية شنطة دولارات ومسدس إن اخذت الدولارات رضيت بما هو قائم وإلا خذ الطبنجة ودافع عن نفسك بس ((الكايبويات ))لهم شرف البطولة والشجاعة الذى لم يغفله الكاتب ولا المخرج أما قيادة الثعلب العجوز حاليا تقدم الجنجويد لحمايتهم هى إمتداد لتجربة قائدهم الابس كاكى ونياشيين ركبها لنفسه الرجال قتلهم في رمضان كان قائد بالوكالة فى غرب النوير قدم الدفاع الشعبى من البقارة والمسيرية مرافيد الهجانة وبمعيتهم كل انواع السلاح طلبوا ذخيرة فقد فكانوا له درع آمن((الناس ناس دواس)) وهو يرشف القهوة بالنيمة الظليلة وسط سوق كادقلى هذه حقيقة مغيبة ((كنا في لب النار))…لم يحارب قائدهم شغال تجارة بقر وبيع دمورية…وين عمر بنقو …القائد الميدانى في هجيليجة..
تبقى الأمل والنور في نهاية النفق ارادوا ان يخبأوا ضوءه .. القائد ابراهيم الشيخ …الحكومة لو ارادت ان تنتحر فالتغتال ابراهيم الشيخ …((ارادوا به كيدا فجعلناهم الأخسرين))صدق الله العظيم
((الناس ناس دواس ))منتظرين مثل هذا التصرف الاحمق.. نهمس لحمديتى ول عمنا ..ترى ماتنغش ول امى يخلوك تواجهنا..كك انقرع..ول عمنا ابراهيم الشيخ نصحكم ما داير لكم الشينة ما تكونوا ثيران حراتة ولا جمال عصارة..نريد سودان موحد من نمولى لحلفا سنعيد سيرتها الاولى ليست بنهج الترابى لكن ((بالدواس ))يصحبه الفكر فكر كلنا اولاد تسعة.. مافى ناس تمسك قرون البقرة وناس تحلب كلنا نشرب من الحلوب ارض السودان …وقتها حتى البشير لن نسلمه للمحكمة الجنائية نحكمه بالعدل داخل الحوش..

قلم قامة يحيى رجل قامة اتمنى الكل يشاهد ويقراء سيرة وليام والاس

زعيم يولد وتاريخ يكتب من قال ان حواء السودان قد عقرت شخص بامكانة ان يعيش مترفا وادعا اختار السجن والنضال ومحاربة الطاغوت لة التحية