تماسيح نيلية ضخمة تثير رعب سكان جنوبي الخرطوم
الخرطوم – بليغ حسب الله
ظهرت ثلاثة تماسيح نيلية ضخمة في بحيرة سد جبل أولياء الواقعة على النيل الابيض جنوبي العاصمة السودانية الخرطوم اثارت الرعب وسط آلاف السكان الذين يقطنون بالقرب من الشاطىء.
وأكد معتمد محلية جبل أولياء مجاهد الطيب محمد سعيد العباسي في تصريحات تلفزيونية ظهور التماسيح الثلاثة، مشيرا الى أن السلطات تمكنت من اصطياد أحدها فيما بقي اثنان منها طليقان في البحيرة.
وناشد العباسي السكان أخذ أقصى درجات الحيطة والحذر عند اقترابهم من الشواطئ النيلية.
ويرتبط موسم الفيضان في السودان بقدوم تماسيح من النوع الضخم غالباً ما تأتي من مجاهل افريقيا على مجري مياه النيل الابيض الذي ينبع من بحيرة فكتوريا في يوغندا.
ويدفع ارتفاع مناسيب مياه النيل التماسيح من مناطق تواجدها جنوب النيل الأبيض باتجاه الشمال.
الرياض
التماسيح النيلية مقدور عليها الكلام تماسيح الانقاذ لا بتشبع لا بتستحي
دى بروتينا أعلى من ضفدع حميده!! وخالى من الكلوسترول…
ما كفانا تماسيح الجبهه الاسلامية يااخوانا
اثارت الرعب وسط آلاف السكان الذين يقطنون بالقرب من الشاطىء.!!!!!!!!!!قاعدين ليكم ربع قرن مع اخطر نوع من التماسيح في العالم البخوف شنو مفروض يكون حصل تأقلم
التماسيح النيلية هين امرها .. المشكلة فى التماسيح البشرية
زمان كنا نستمع لمدائح اولاد حاج الماحي الجيل الاول .. وكنا نردد معهم ..
شئ لله يا ابوجلابية .. يا عثمان شيخ الختمية .. التمساح سكن الشايقية ..
اما الان .. فالتماسيح سكنت كافوري والمنشية .. و (( يا ابوجلابية )) ..!!!!
” مجاهل افريقيا ”
ليس في افريقيا مجاهل يا عالم
فالبلاد معروفات حدودا
المجاهل فقط في العقل العربي المريض
و اللعنة علي مرضي الاستعلاء العرقي
هذه ثلاثه ماسيح نيليه عندنا تماسيح بشريه ه الخضر والجاز االمتعافى اسامه عبدالله كمال البكاى اشريف ودبدر اخوان واهل البشير وانتو تمو الباقى
معقولة فى تمساسيح اكبر من تماسيح الكيزان؟
تماسيح الحكومة أشد خطرا وأشد فتكا بالمواطن من التماسيح الليلية فهل من منقذ ؟
البلد ناقصة تماسيح !!
سؤال: أي التمساحين اشد خطرا ? تمساح بيبلع ام تمساح بيسف أفيدونا أفاد كم الله
وزارة الصحة تعلن عن منتجها الجديد ضفادع معلبة بطريقة شرعية والمفاجئة الكبري تماسيح شرعية وارد كافوري للحجز والإستعلام إتصل بمأمون حميدة .
عليك النبي يا التمساح التماسيح العندنا شوية ؟!!
اها ومامون حميدة قال شنو ؟ البروتين وكده ,,
عليك الله شوف المتخلفين ديل!! مجاهل افريقيا !! تقول خلاص هم تامين التحضر
لا يستحق الكيزان أن يطلق عليهم لفظ التمساح
لن التمساح عندنا في السودان رمز للرجال الشجاعة
“على ظهره الخبوب والطين”
ديل من فيصلة الورل والسحالي والعناكب
هاهاهاهاه والله انحنا بنتمنى الموت بدل الحياة نص كم دى وانشاء الله ضربة اسرائلية شاملة وبعدين الراى العام ماحيتاثر بهذه المفرقعات الغير مؤثرة فى حياتهم والان فى مجاعة داخل الخرطوم وهنالك هبة الجياع التى حذركم منها كبيركم الزى علمكم الظلم والهرج
دي ما تماسيح نيلية، دي ضفادع نيلية كبيرة، وغنية بالبروتينات… الله أداي التماسيح، وكمان البعشوم معاهم.
يقال ان دهن التمساح يساعد على علاج العقم والركب المخلخلة ومرض القلوب بكل انواعه والطمع وكذلك الحد من سفك الدماء والعنصرية وغيرها من الامراض المزمنة..”والله أعلم”..فاصطادوها عسى ولعل..
ارجو ان تعمل ادارة الحياة البرية على القبض على التماسيح و ترحيلها حية الى مناطق اكثر امانا لها وللمواطنين حفاظا على الحياة البرية وتنوعها ، و ارجو ان لا تقتل هذه التماسيح رميا بالرصاص و يصبح صادئها بطلا تغنى له اغاني الحماسة والفروسية
العنوان مفروض يكون القبض على تمساح وهروب اثنين ..كدة ممكن الناس تدخل الفلم …
تماسيح البلد زادت…
تماسيح النيل هينة تماسيح الكيزان حلها شنو يا معنمد الغفلة ؟
التماسيح جاية تزور اقاربها ..صلة الرحم برضو واجبة واتمني ان يجدو حق الضيافة.
المصريون سيتوافدون علي بحيرة جبل اولياء لصيد تلك التماسيح لا نهم يهيمون حبا في حلل التمساح المقوي الجنسي كما يعتقدون,, خاصة وان سد النهضه سيقلل من وجود التماسيح في مصر وهذا واحد من اضرار سد النهضه علي مصر,,,ولا ايه رائك ياهاني رسلان ؟؟؟
اها ديل بتقبضوا بس البقبض التمساح العشاري مامون حميدة منو
تماسيح النيل ساهل أمرها، الكلام في تماسيح الانقاذ الواحد فيهم بفطر بألف لوح زنك وألف كيس أسمنت وبتغدى بشارع ظلط وكذا طن سيخ، وبتعشى بكوبري كامل، أنا ما عارف ليه ناس انترناشونال جيغروفيك ما يجوا يسجلوا حلقه كاملة عن حياة وسلوك هذه التماسيح، سوف تكون خبطة كبيرة جدا
(اثارت الرعب وسط آلاف السكان الذين يقطنون بالقرب من الشاطىء.) ليس صيحيحاً أن يرتعب اليوم سوداني من تمساح.. فقد ألفوا منذ عقود التعايش مع فصيلة الكيزان أشرس تماسيح عرفتها البشرية…لدرجة أن أكلت إبنائهم في صمت مريب…
اين جنود حمايه الحياه البريه يقبضو التماسيح لو ما عايزنها يصدروها او يرجعوها محل ما جات طوالي جاريين للكتل اه في الجنوب التماسيح لا تهاجم الناس خوف من ان تخلق عداوه مع الناس
التمساح النيلي احتمال يكتفي باحداطرافك كان يد…..اورجل(كراع)لكن…التمساح ابودقن
مايخلي فيك عظم.
وااااااو تماسيح نيلية ضخمة!!!! ده مخطط صهيوني علي قول ناس الأنقاذ
غالباً ما تأتي من مجاهل افريقيا على مجري مياه النيل الابيض الذي ينبع من بحيرة فكتوريا في يوغندا.
*******************************************
كيف تتدعى إنها آتيه من مجاهل افريقيا يا غبى وانت تحدد المسار بدقه متناهيه….مجرى النيل الابيض الذي ينبع من بحيرة فكتوريا في يوغندا….ثم ان بحيرة فكتوريا تقع على ارض ثلاثه دول يوغندا..كينيا وتنزانيا والمويه واحده بمعنى جزء يوغندا ليس هو المكون الاساسى للنيل الابيض.
وبما إنك قمت بتحديد من اين أتى النيل الابيض فهذا ينفى صفة المجاهل الافريقيه التى الصقتها بالنيل الابيض زورا وبهتانا يا صمويل بيكر.
يا جماعة انتوا ما سألتوا السؤال الصحى ، التمساحين التانيات اتحللن بفقه التحلل والمسكين القبضوه كان كرت محروق.