جعفر الميرغني: لاخوف على مصر في زمن الرئيس السيسي… والاتحادي الاصل ضد الكراهية
أكد السيد جعفر الصادق محمد عثمان الميرغني، مساعد رئيس الجمهورية، موقف الحزب الاتحادي الديموقراطي الأصل، الأكيد ضد الإرهاب ومع التسامح، وجدد إدانته للإرهاب الذي يضرب الدول العربية خاصة في العراق والسعودية ومصر، وقال إن خطورة الاتحاد الوهمي بين دعاوى التهميش والتطرف أنه يُستخدم لتقويض سلطة الدولة، ويستخدم الدين كغطاء له، وذلك يترتب عليه جهود متفاوتة على رجال الدول وقادة التفكير والسياسيين، مؤكدًا إن مصر قويّة وقادرة على الانتصار في حربها تحت قيادة الرئيس المشير عبدالفتاح السيسي، ولا خوف عليها فشعبها حصيف وقيادتها حريصة. ولكن المهم تشجيع الأزهر الشريف والعلماء عمومًا على التوعية بخطورة التشويه الذي يمارس باسم الدين، مؤكدًا أن التطرف والغلو داء يستحق أن تشن عليه حملة كبيرة، مضيفًا علينا دراسة الأمور بحكمة وحزم، ولا يجرمنا شنئان قوم أن نعدل فالعدل أقرنب للتقوى، وقال نحن استبشرنا بقيام مجلس حكماء المسلمين الذي دشن في أبوظبي الشهر الماضي برئاسة شيخ الأزهر، ونأمل أن يسهم مع رصفائه في البلاد الإسلامية لتعزيز السلم، ورفع الضرر.
وعلى صعيد الحزب الاتحادي الديموقراطي الأصل، قال “إننا ظللنا نحمل ملفات تدعو إلى الوحدة والاتحاد والوفاق، للوصول لحد أدنى من الإجماع الوطني ورفضنا ثقافة الكراهية وظللنا نؤكد على ضرورة أن يستوعب الجميع أن الوطن يجب أن يستوعب الجميع، وبذلك نستطيع تجاوز أزمة الإقصاء، والتهميش، التي يأتي على ظهريهما الإرهاب الوحشي والفشل الحتمي” وأضاف “نحن مؤمنون بأولوية الوفاق الوطني في السودان، ونحمل ملف تصالحي، لتعزيز الكيانات الاتحادية في السودان والوطن العربي كله، قبل فوات الأوان، ونسابق الزمن لعلنا نربح المستقبل لأبنائنا” رافضًا “أي سلوك إقصائي في الساحة السياسية السودانية” مؤكدًا “مجرد الدعوة للحوار تعني حريته، وفي طاولته يجب منح الجميع الحق بأن يقولوا ما يشاؤون” وختم “إذا أخلصنا النوايا فإن تجاوز المرحلة الحالية سهل، والصعوبة تأتي في المرحلة التي تلي الاتفاق، وهي ما ينتظرنا وحزبنا يقوم بالاستعداد له بالدراسة والتمحيص، وندعو الجميع للتفكير في مرحلة ما بعد الوفاق، كيف نبني السودان”
** اعلام الاصل.
ورفضنا ثقافة الكراهية ؟؟!!!
طيب
نحنا
بنكرهك
بنكرهك
بنكرهك
بنكرهك
بنكرهك
بنكرهك
بنكرهك
بنكرهك
بنكرهك
بنكرهك
بنكرهك
بنكرهك
بنكرهك
بنكرهك
بنكرهك
بنكرهك
بلادي أنا
بلاد ناسا في أول شئ
مواريثهم كتاب الله ،
وخيل مشدود،
وسيف مسنون حداه درع،
وتقاقيبهم تسرج الليل مع الحيران
وشيخا في الخلاوي ورع
وكم نخلات تهبهب فوق جروف الساب
وبقرة حلوبة تتضرع وليها ضرع ،،،
وساقية تصحّي الليل مع الفجراوى..
يبكى الليل ويدلق في جداولو دمع
يخدر في بلادي سلام ..
خدرة شاربي موية النيل ..
تزرد في البوادي زرع
بلادي أنا بتشيل الناس وكل الناس
وساع بخيرها لينا يسع،
وتدفق مياه النيل علي الوديان
بياض الفضة في وهج الهجير بتشع،،،
بلادي سهول ،،بلادي حقول،،
بلادي الجنة للشـافوها ،أو للبرة بيها سمع ،،
بلادي أنا بلاد ناساً تكرم الضيف
وحتى الطير يجيها جيعان
ومن أطراف تقيها شبع ،،
بلادي الصفقة والطنبور ،،
وبنوتاً تحاكي الخيل
،يشابن زيي جدي الريل،
وشبالن مكنن في طريفو ودع ،،
بلادي أمان ،،بلادي حنان،،
وناسها حنان ،يكفكفوا دمعة المفجوع ،
يبدوا الغير علي ذاتهم ،
يقسموا اللقمة بيناتهم ،
ويدوا الزاد ،حتى إن كان مصيرهم جوع ،
يحبوا الدار ،
يموتوا عشان حقوق الجار ،
ويخوضوا النار عشان فد دمعة ،،
وكيف الحال كان شافوها
سايلة دموع ؟؟،،،،
ديل أهلى..
البقيف في الداره وسط الداره
وأتنبر وأقول للدنيا ديل أهلي
عرب ممزوجة بي دم الزنوج الحارة..
ديل أهلي
ديل قبيلتي لما أدور أفصل للبدور فصلي..
أسياد قلبي والإحساس
وسافر في بحار شوقم زمان عقلي
أقول بعضى..
ألاقيهم تسربوا فى مسارب الروح بقو كلي
محل قبلت ألقاهم معايا معايا زي ضلى
لو ما جيت من زي ديل..
كان أسفاي وأسفاي وآمأساتي وآذلي.
تصور كيف يكون الحال
لو ما كنت سوداني وأهل الحارة ما أهلي
تصور كيف يكون الحال؟
……….ياخسارة يااسماعيييييييين يكون الزي التبيعة ده سوداني …الظاهر دفنوا الFoetus وربوا الplacenta
صحة وعافية .. يامدلل زيد دلالك ده .. هاك قلبي هديتو ليك ورده.
أهـــــلا وســــــهلا ياســــــــيد قــــعــفر ( غيابك طال وشغلت البال بألف سؤال )
مـــنور يا باشــــا , بتتكلم من فين من لندن ولا من المحروسه ولا الدايره في الخرطوم بحري , ونتساءل ليه حارمنا من طلتك البهيه مسجلا هذا الغياب الطويل , معذرة يا باشا على تأخر التهاني بالمنصب الجديد وقبل طلتكم هذي لم نكن نعلم أنه قد ألقيت على كاهلكم أعباء جديده بترقيتكم لوظيفة مساعد الرئيسين في مصر والسودان فمعذرة يا أهل لها .
ولما أنت بتعرف تتكلم بالشكل دا وبتفكر بالشكل دا ك , مش حرام عليك يا قـــعفر باشا تحرم البلاد والعباد من رؤيتك التي تسر القلب وتسعد القلب المعنى – وافكارك النيره التي تحقق السلام والوحده وتوقف الحرب وتحقق العداله والتنميه المتوازنه وتزيل الظلم والجهل والفقر والجوع والمرض – بحبك لوطنك وتفانيك المتواصل لخدمة شعبك دون كلل أو ملل , نستحلفك بالله ونتضرع اليه سائلين ومتوسلين ببركة جميع اجدادك الساده الكبار , الا يطول غيابك فنحن نعيش الامل ونقرأ تباشيره في عينيك العزيزتن المرهقتين بهموم شعبنا, ونسأله تعالى أن يحرسك ويحفظك من عيون الحاسدين وشرور الشياطين , ودمت مساعدا للرئيسين في مصر والسودان متمتعا بنعمة الباشوية وامتيازاتها ما بقيت الدنيا وننتظر طلتك القادمه ونحن على جمر لتحدثنا عن الاوضاع في ليبيا وسوريا وتونس وماذا عن الخليج وايران وتوابعهم , وأمي وخالاتي وحبوباتي وكل نسوان الحله الطيبات يغرنك السلام وقالنلك لا تطول الغيبه .
مشكلتك يا سيدي الصغير جعفر الصادق أنك لم تأخذ الحكمة مباشرة من جدك مولانا المعظم طيب الله ثراه السيد علي , فلازالت ( الفته حاره ) واعمل حسابك من داعش وعيالهم .
حبيبو انا..
والله ولد سي دي دا كلاّم خلاص..
انا لو بفهم كلامو ده عمرو ما حيكون سي دي ولد C D..
عدل شنو ياباشا؟؟
اذا فيها عدل انت تكون في منصب مساعد رئيس جمهورية؟؟
ماهي مؤهلاتك لشغل هذا المنصب؟؟
المؤهل العالي هو “ابن بابا”
وفي الحقيقة بكل ده وانت مؤهل اكتر من بابا زاتوا
بس للاسف لاقين قطيع من الخرفان ماشي وراكم
مافي فايده في البلد دي… محل ما تقبل فيها فساد نتن
ي ابوجضوم
ماالمناسبة لهذا الكلام اماكن ثروات الغبش بالشمالية والشرق مكانها ** العراق والسعودية ومصر** اكيد ولا انا غلطان اكرر هل لا زلت بمقرك الدائم بلندن لو تعلم ماذا فعل فينا الخريف وعيالة من ضبان وناموس وعفن عليك الله الفاتحة عسي تفيدنا بركاااااااااااااااااااااااااااااااااااااااااااااتك
الكلام المكتوب ده صحى قالو الزول الفى الصوره دى؟ والله ياالسودانيين كان كده الرماد كال خشمكم القاعدين ليها شنو؟
الود بدرس كورسات مكثفة في فن الخطابة
بالله شوف الزول بمدح في مصر كيف!!
أنت مصري و لا سوداني يا حمار؟؟؟
انت العرفك شنو عامل وشك زى اللقيمات البايتة
مالنا ومال مصر يا بتاع الفتة.
النار تلد الرماد
والله حزبكم ده ذاته ما عارفين ليه راس من قعر
اسمه الحزب الاتحادي الديمقراطي
الديمقراطي ده عرفناها …. خلاص خلوها
الاتحادي ده شنو ؟؟؟؟ تتحدوا مع منو ؟؟؟
مع مصر ؟؟؟؟ ايوااااااا – نعم نعم نعم – عشان كده الشعب السوداني بيكرهكم
قالوا اتحاد مع مصر – امصر مصارينكم يا رمم…..
لحد هنا – عشان لو زدنا ناس الراكوبة حيلغوا التعليق – ما عارفهم مالم هم كمان
ده منو المنفوخ ده ,اخيرا نطقت
يا لبش هاك دي سوا سوا حبيبي حبسوه حبيبي عاوزلوا منصب منين اجيب لو منصب
ايوه نسيت ، عندي ليك سؤال مهم يا جعفوري ( النبي فيك بتشيل حواجبينك وين؟ خصّمتك أكان ما وريتنى)
والله انا مبسوطة من جعفوري دا يا اخواني! بتكلم في مواضيع مصر اكتر من مواضيع السودان، مفاصله محلوجة زي يوم ما أدّى القسم أتكلم عن مشاكل النيل الأبيض و شمال كرد فان !!! ماشي من الشماااال لليمين ، ثقافة إنجليزية! ههه
وقال إن خطورة الاتحاد الوهمي بين دعاوى التهميش والتطرف أنه يُستخدم لتقويض سلطة الدولة، ويستخدم الدين كغطاء له،
كلام الباقير في الطير
التهميش في السودان يا استاذ ناتج من مركزية الدولة القابضة على السلطة والثروة وما بتدي الاقاليم حقها في السلطة والثروة
اضف الى ذلك افتراض العروبة والاسلام كموحد للسودانيين رغم انه السودان متعدد الاعراق والاديان
دي المشكلة والحا اعادة هيكلة الدولة بصورة تلغي التهميش والتمييز وتحقق الدل والمساواة
لكن نقول لمنو
انت النيل الازرق من الابيض ما عارفه
سبحان الله
يا بلدياتنا الزول وشوا مربع مالوا يمكن كرامات ما معروف اللهم يا مثبت السماء بغير عمد زلزل الارض تحت أرجلهم ومعهم الترابي وعلي احفاد من ادعي جدهم انهو المهدي يا رب
يا جعفرالميرغني
أولاً لا بد من الإشادة بكل ما جاء في أقوالكم والأفكار التي تحملها ولعمري لو لم تكونوا في حكومة الإرهاب هذه لكنت الآن فوق الأعناق ولرشحناكم لقيادة هذا البلد الأصيل . يا جعفر إذا كانت هذه رؤيتك فعجل من الخروج من تحالفك مع تنظيم الكيزان فستجد كل الشعب معك لا عليك .
انت وين بلادك أزيء ما عاوز تجي خليهم يدوني مرتبك الشهري ولا الود حريف عاوز تجئ تلاقي مرتب سنه شهور مكومه مستنياك اعمل حسابك أزا حصل انقلاب ما بتلقي مرتبك آلسته شهور عشان كدي خليهم يدوني مرتبك الشهري ألعب حريف وخليك حنين
إن شاء الله تكون قاعد على قصرية عشان ما تعملا في روحك يا بابا
ايزك ياجعفوري أخبارك شنو برضوا بتتكلم من مكان سري ..
يا عينــــــــــــــي.
بكرهك وبكره ابوك حتى النخاع تنابلة تابعين تمامة عدد، سجم رماد الشعب السوداني كان راجي منكم نفع
الحمدلله اطمنت علي بلدك!!!
يا حليلوا هو وين الشخصيه دي
اطمئن على بلدك واصلك حريقة تحرقكم من اللالف الى الياء
وملعون ابو اليوم اللى جعلنا نحن وانتم نحمل صفة سودانى تفوووووووووووووو
“إن مصر قويّة وقادرة على الانتصار في حربها تحت قيادة الرئيس المشير عبدالفتاح السيسي”
السيسي حارب و انتصر علي الاخوان المسلمين
وانت مساعد رئيس الجمهورية لحكومة أخوان مسلمين
والأتحادي طابور خامس يعمل لصالح لمصر
يا إنتوا مجانيين … يا نحن هُبل
ولا حلاتى يا اخوانى ود منو الكلبوظى ده
انته معانا ولا مع مصر ؟؟
وبرضو لا خوف على السودان فى زمن العريس عمر العوير !!
ياحليل زمان وقت تشوف المناضل ولا المعارض اغبش وحالتو صعبه يامسمسم انت