شاب يهشم رأس نسيبه (بعكاز) أثناء فضه لمشاجرة مع زوجته
الخرطوم: مجدي تيراب
ألقت الشرطة بالخرطوم القبض على شاب هشم رأس نسيبه بعكاز وأرداه قتيلاً أثناء تدخله لفض مشاجرة نشبت بين المتهم وزوجته بمنزلهما بمنطقة مايو جنوب الخرطوم.
ونشبت مشاجرة بين الجاني وزوجته بمنزلهما وصادف وجود القتيل وتطور الأمر فقام المتهم بحمل عكاز وحاول ضرب زوجته وفي الأثناء تدخل القتيل بينهما وهوت إحدى الضربات على رأسه مما أدى لتهشم جمجمته بالعكاز وجرت محاولات لإسعافه إلا أنه لفظ أنفاسه الأخيرة متأثراً من شدة الضربة التي تعرض لها، ودونت الشرطة بلاغاً تحت المادة (130) من القانون الجنائي وتم توقيف المتهم رهن التحقيق وحرز سلاح الجريمة وأمرت النيابة المختصة بإحالة الجثة للمشرحة لمعرفة أسباب الوفاة.
اخر لحظة
ناس مايو اشرار خلاص دائما جرائم قتل ومشاكل لا تحصى ولا تعد وجرائم غريبة.
ابو النسب راح فيها الله يرحم كان نهر البنت وسكتها ماكان نسيبو ضربو لكن انا بقول البنت دي بنت حرام مفروض مادام ابوها موجود ماتثير النقاش مع الابله زوجها عشان ماتدخل ابوها في النص لكن دا قدرو كدا القدر يعمي البصر والحمار دا حايتعلق في المشنقة بدون فائدة والبيت خرب البنت مابتقعد معاهو والاولاد حايعيشو في حاله نفسيةبقية حياتهم والله ياناس مايو تقول ماسودانيين الناس ديل اصلو غير الكتل مافيها حاجة مايو تقول ساكنين معاهم هابيل وقابيل اللهم ابعد الفتن والمحن عن مايو وماجاورها
غالبية سكان جنوب الخرطوم اجانب من جنسيات افريقيه
لا حولة ولا قوة الا بالله .. الله يرحم المرحوم راح ضحية لحماقة زوج ابنته .. هذه الزوجة الجاهلة الغبية التي ادخلت المرحوم و المتهم الاحمق في نفق مظلم .. بقليل من الحكمة كان بلامكان افضل مما كان . له الرحمة و المغفرة … و الزوج الاحمق اكيد الى حبل المشنقة .. والزوجةالحمقاء اصبحت لا اب و لازوج … اعوذ بالله من الشيطان الرجيم الذي دخل في لحظات و خرب الاسرة . اللهم اللطف بالاطفال ان كان لهم اطفال .
يا اهلنا انتوا حريم الزمن ده بقوا مابيفكروا ولا شنو الحاصل .. تلاقيها مشكلة بسيطة جدأ وممكن تتحل بي ابسط كلام .. وبعدين الحريم مفروض يعذروا ازواجهم وهم عارفين الحالة الاقتصادية المزريه والضغوطات الهائلة . يعني راجلك جاي من شغله وزهجان ماتفتحي معاهوا مواضيع تزيدي زهجوا . شوية تنازلات مابتضر واليوم بيعدي .. المرحوم ربنا يرحمه اليوم اذاتم لا تسئل عن الاسباب . مع انه ضاع فيها الزوج يأخي حرام عليك حرمه بيشيلوا ليها عكاز .. حاجة تحير ..