ما بين مؤيد لتجربتها ومعارض…هند الطاهر…إثارة الجدل في الوسط الفني
يتناقل الوسط الفني السوداني هذه الأيام خبر فوز الفنانة الشابة السودانية هند الطاهر ضمن تسعة عشر فنان شاب من ضمن آلاف المتقدمين لشركة نشر وتوزيع فرنسية تقوم بدعم الفنانين الشباب بنشر أعمالهم وتقديمها بشكل أوسع للمستمع الأوربي، وذلك عبر أدائها لأغنية الراحل عبد العزيز محمد داؤود (دوام بطراهم) تلك الأغنية التي أقنعت اللجنة وجعلتها تقبل رعاية هند، هذا وسجلت قناة النيل الأزرق أمس الأول حلقة خاصة مع هند تحدثت خلالها عن ذلك الفوز وعن الكثير من المعلومات الأخرى عنها، هذا وانقسم الشارع الفني ما بين مؤيد لتجربة هند وما بين معارض لها، فالمؤيدون قالوا إنها خطوة للأمام للأغنية السودانية تستحق الدعم، أما المعارضون فقللوا كثيراً من إحداث هند لأي تقدم في مجال الغناء السوداني ضاربين المثل بالكثير من النماذج التي سطعت في وقت ثم تلاشت مثل الفنان الشاب خالد والفنان نايل
السوداني
هند ما سودانية ولا أي حاجه ،،، ومن الارجح ترجع أصولها إلي اثيوبيا لأنها بتظهر في إحدي اللقطات وعلي جبينها ( صليب ) !!!!
مبروك للعالمية ……..
خالد ده منوا ؟
و نايل خليك منوا … أغانى الجاز غناها شرحبيل احمد و جيلانى الواثق قدم منها شنوا ؟
البت دى غنت سودانى فى فرنسا و نحييها
والله شاهدت ولكن لا صوت ولا اداء وانما شوهت الاغاني السودانية
يافنانة هند . مبروك الجائزة .. انطلقي لي قدام ولا تستمعي لكلام المحبطين والحاقدين .. صدقني بتصلي لكل العالم . شوفي كمان اغنية الكاشف . كان مالي وانا مالي بي .. الفن السوداني خلق دولي لكن مالاقي فنان مقدام يقدمه .. الفن السوداني ثري جدأ . وركزي للالحان الحلوة ..
فاشلة يمعني الكلمة …..
صليب .. الله يكفينا شرها
اول مره اعرف انو في شارع فني في السودان …
كان وين الشارع ده من الهبوط و الاحباط الفني الحاصل ده ..
يعني بقت علي المسكينه دي .. عالم حاقده ليس الا وماااافي
اي فهم فني فكونا بالله …….
بصراحة كده ومن بعض التعليقات أقول في ناس أدمنت النكد وما بيعجبها شئ في الدنيا .. ما عجبك غناها أفرح ليها وبس أو على الأقل ما تحبطها وأتركها تفرح .
والله نحنا شعب محبط ولن نتقدم للأمام لانو النقد كلوا هدام كل مشكلة الغناء السوداني كيف يخرج من المحلية للعالمية ويعبر الحدود ولما نلاتق زول من جهد ال>اتي ومن جيبوا بصرف عشان الهدف دا البنت سودانية 100% وخريجة جامعة الخرطوم ومن مواليد مدينة الكاملين ومتربية في مدينة ودمدني بلد الفن والجمال استحوا يا عالم وختوا يدينكم في يدين بعض عشان نمشي لي قدام شعب غير النقه ما عدنوا حاجة يقدمهاوالنقد الفني عندوا ناس متخصصين وليس ونسة مجالس الغنوة حلوة في كلماتها والأداء مطرب وجميل
السودان يتزيل قائمة الدول
إقتصاديا ،وأمنيا ،وفسادا
ولكنه ألأول في الحقد،العنصريه،
والحسد،والنميمه، وكل العادات الضاره.
مبروك هند وللامام وهى سوانية مائة المئة وخريجة اداب الخرطوم قسم اللغه الفرنسية وزميلة شقيقى الاكبر
مش مولودة في الكاملين , لانو كلمة مولودة دي قد توحي انها ممكن تكون من مكان تاني بس اتولدت في الكاملين لكن هي من الكاملين أبا عن جد ,,, الكاملين المتفردة دوما ,,, بلد العلوم و الجمال و الاتيكيت .