كلامات
كلامات
د.كمال عبد القادر
في أيام النميري خرج طلاب المدارس والجامعات في مظاهرات، وبدأت الجهات الأمنية في اعتقال كل من يخرج في مظاهرة، واتهمت الشيوعيين بتحريك الشارع.
وقف دفار البوليس أمام المظاهرة واعتقل عشرات الطلاب والطالبات وبعضهم من حناكيش ذلك الزمن. أحد الشرامة كان يريد أن يكون في الدفار وسط تلك الزحمة الفيها الرحمة فوقف أمام الدفار وهو يهتف “تسقط تسقط ثورة مايو — عاش نضال الحزب الشيوعي”؛ فرد عليه سنجك البوليس قائلا: “عليّ الطلاق كان بقيت لينين ما تركب معاهم”.
منذ أكثر من أسبوع يحاول الشيخ الترابي استفزاز السلطة بالدعوة لإسقاط النظام ثم التحالف مع الشيوعي وأخيرا قال “ماشي جوبا ذات نفسها”. الشيخ اشتهى السجن وما فاضل ليهو إلا يؤجر أمجاد ويمشي كوبر عديل ويكرر مسلسل “سجن كوبر أنا المسجونة فوقو أنا” “تمسكني حمى وارقد في العنابر واكشف عليّ دكتور الباقر أنا”.
الشيخ اشتهى السجن ولكن يبدو أن تلاميذه في الوطني يقولون له: “عليّ الطلاق كان بقيت لينين ما ندخلك كوبر المشتهيهو دا”.
السوداني
أعتقد العكس تماما..ردة فعل الترابي الشديدة على بهتان نسيبه له يدل على خوفه من الاعتقال، فضلاً عن تصريحاته عن العمر القليل الفضل وتطهير ذنوبه يعكس حالة شيخوخة نفسية اقتنع بها اخيرا!
دى لذية منك يالذيذ
وانت لو بقيت لينيين ما حتدخل الحكومة دى تانى
قمة السخف واللمز الغير محتشم……………يا ناس الراكوبة عووووووووووووووووووووووووووووك ارحمونا الراجل دا مابستحى ما تخلوهو يكرهنا الراكوبة.. ياها الفضلت لنا من الضل والضري !!!!!!!!.,
بصراحه كنا قايلين القبه تحتا فكي طلعت انسان ساذج وسطحي لابعد الحدود وداير تتظارف في الراكوبه قعدتنا في الراكوبه دي جادي من اجل اصلاح ما افسده امثالك وليس هناك مكان لمثل هذه الترهات التي تكتب فيها اذا كان لديك ماتدافع به عن نفسك من تهم الفساد وتلويث السمعه الذي لحق بك او ان كان لك فكر وثقافه ديمقراطيه تريد نشرها اوحتي توعيه طبيه فهذا مايفيد الناس بدل هذه الخزعبلات وونسه المشاطات علمتنا مهنه الطب الفعل الجاد في وقته وانت تتخافف في وقت بلدنا احوج ماتكون للجديه والوصح
بالله زول بالمستوى ده يكون فى منصب وكيل وزارة؟ ده عهد الإنحطاط بحق و حقيق.
ياااااا لسخافة الفكرة و الموضوع والمضمون والمراد……… و الله تعمل للزول أرتيكاريا (كاروشه) ……………قلنا ليك إتلهى يا رفيق كفايه عبط بقا …….هو الزول لما يشيلو من منصب كبير بيصاب بـتـقـل الـدم و اللا شنو ؟؟؟؟؟؟……
زمن نميري كانت كوامر الدفار دة جديد
على بابا والدكتور الحرامى
كلما تمضي كم يوم وتختفي تفاهات كمال نفرح ثم ……………… يجي مقلع تاني يا ناس الراكوبة ده شنو ده الا اذا كان كمال قاصد يهزأ كده
يا جماعة والزملاء منسوبي الصحة والله كان ترضوا أوتابوا الراجل دا عظيم وقال ليكم الحساب ولد ما قريتوا أنتباهة الخال وبرأة الذمة
أسموا بتعليقاتكم ،حتى نضمد جراحنا
ولوجابوك يا د/سيد وكيل ح تلقى ناس يشوه صورتك وبحافز عيد يجيبوا خبرك
مش تتظارف وتحاول تتسلق على أكتاف الآخرين ، تعرف لو تبقى صرتك قطعوها ودفنوها في حوش بانقا الحكومة دي تاني ما تشمها شم
تــــــــــــــــــــــــــــــــــــــــــــــــــــــــاني قام علــــــــــــــــــــــــــــى العــــــــــــــــــوارة بعــــــــــــــــــــــــــد مــــــــا طــــــــــــردوهـــــــــــــو مـــــــــن الــــــــــــــــــــــوزارة….عدم الاحساس يسوو ليهو شنو؟؟؟
يا اخوانا فهمونا الحاصل شنو قايمين على الزول الظريف ده بالاجماع كده