شاهد الصورة: صفوف توثيق الشهادات في الخارجية تمهيدا للهروب من جحيم الطاغية البشير

الف مليار مبرووووووك للانقاذ حكم السودان مدي الحياة….

ديل مش طلبة ديل أساتذة الجامعات البيعلموا الطلبة وبكره سيجف معين الجامعات ويتوقف التعليم العالى نهائيا فى دولة المشروع الحضارى

نسال الله ان يصب عليهم رزقه صبا
جد الوضع اصبح صعب

وهل الهروب الجماعي بحل مشكلة البلد ولا بحلكم ؟؟

سؤء الحال والضغوط في السودان عمل لى صلعة بس الحمد للة بعد ان استقر بي الحال في الاغتراب عملت زراعة شعر

ألف مبروك لعمر البشير (بختك)… تحكم أرض فاضية من البشر (وزعها للقطريين والكويتيين) وأخوانا الأثيوبيين ديل أصاحب حق … والطريق من أم الدنيا فتح… بس هم سيصبحوا وحدهم الحكومة والشعب.. ويتراح من المطالبات الكثيرة للمواطنين … دايرين أكل وعلاج ومدارس ومصاريف وهلم جرا… يرتاح من وجع الدماغ.. وهاك يا …………

الصورة الأخيرة من داخل صالات جهاز المغتربين …
أرجو من غدارة الصحيفة تحري الدقة في النشر.
مع تحياتي

البشير هارب من العدالة لحد ركبو اتلحست فما عنده شئ يقدمه لهؤلاء الناس

واحد داير يعرس سال صاحبو المسطول قال ليهو احسن صالة وين في السودان الايام دي ؟
المسطول قال ليهو صالة المغادره

تهجير الناس من ارضهم من اسواء انواع الشرور . وانتم هجرتم الناس بسبب سياساتكم الفاشله المقصود منها تدمير السودان وقتلتم الناس فى درافور وكردفان و النيل الازرق والخرطوم وشرق السودان وفى كل مكان وهجرتم الناس بسبب التسلط والكذب باسم الدين ., ، كل ما يهم الكيزان فى الوقت الذى التقطت فيه الصوره هو الدخل من عائد توثيق الشهادات واجزم ان كرتى سيتصل فى اخر اليوم و يسأل دخلتو كم اليوم ؟ بالاضافه الى عائد بيع الليمون داخل صالة وزارة الخارجيه ( وزارة الخارجيه السودانيه تبيع عصير ليمون داخل صالة توثيق الشهادات )
الطفل الصغير لو قلت ليهو حرامى بيزعل حتى الحرامى البتلب لو قلت ليهو انت حرامى بيزعل اما انتم الشعب كلو بيقول ليكم انتو حراميه وبيقول ليكم كده ليهو 25 سنه لكن انتو صراحه ما هاميكم الواحدبقى محتار انتو مخلوقين من شنو وزى ما قال واحد فى تعليق الحمد لله على نعمة الاسلام و نسأل الله ان يثبتنا على دين الحق لكن لو ما كنا اتولدنا مسلمين كان حسى بقينا مبشرين فى الكنيسه لانو مستحيل شخص يدخل الاسلام فى وجودكم ويسمعكم تتكلمون عنه ثم يرى افعالكم ثم يستمر فيه . لا حول و لا قوة الا بالله العلى العظيم عليكم لعنة يا فجره يا فسده يا ملاعيين

لله د كم يا شعب السودان

انتو قايليين الانقاذ قالبا تشغل الخريجيين ديل وتفتح افاق للاستثمار تستوعب العطالة – بس دي قصة مقصودة بتهجير ابناء السودان غير المواليين و استيراد بدلا عنهم الافارقة من دول الجوار زو الولاء الكيزاني وتوطينهم في حركة لتغيير السكان بعد ما تمكنوا من ابعاد المعارضيين من الخدمة المدنية والقوات الرسمية والتجارة والاستثمار – لو ما مصدقيين ادوني كوز او اسلامي واحد عايز يهاجر لضيق الظروف – يعني المعارضة لمن تاني تخاطب الشعب السوداني حيكونوا – اسلاميين وحبة حبش واثيوبيين ونيجيريين وماليين – الا توصف ليهم ميدان ابو جنزير لو حبوا يطلعوا معاها مجاملة في احتجاج او مسيرة

من التعليقات هذه الحكومة ستجثم على قلوبكم 25سنة اخرى فتلبيس الحكومة هذه الصفوف في الخارجية والاحصاءوهي موجودة منذ تخرجت من الثانوية سنة84فهذا يدل على اننا نحمل حتى ما يخصنا للحكومة وهذا قمة العجز فنحن في العالم الثالث والا فالحكومة مطالبة الان بصرف بدل عطالة

العالم أصبح قرية صغيرة ومن حق هؤلاء التجول فى هذه القرية ، أما الكيزان فهم محكومين بأوامر قادتهم فى تنظيمهم الهلامى العالمى وإن كانوا قد نفذت أوامرهم فى بعض البؤر فى العالم فإنهم فى السودان سوف لن ينالوا مأرب من مآربهم … السودان ليس بأفغانستان وليس بالصومال فهو الوطن الوحيد الذى قتل رسول ملكة بريطانيا فى كل مستعمراتها ( غوردون ) ..