غرفة الزيوت تشرع في إجراءات استيراد زيوت الطعام

عيب والله عيب ان نستورد زيوت الطعام ولدينا مئات من مصانع الزيوت بطاقة انتاجية تقدر بالاف الاطنان!!!

الكيزان هم البستوردوا وهم الببيعوا للشعب … هو فى زول بقدر يتاجر معاهم ؟

عيب والله نستورد زيت دمرو مشروع الجزيرة والله بس زيت البزرة حق القطن تكفي السودان
في كل موسم وزراعة الفول بس تكفي والباقي حدث ولا حرج حليلك ي سودان اصبحنا في زمن الضياع ي كيزان

تمام

فضيحة ان نستورد زيوت الطعام من الخارج وقد بدأ تصنيع الزيوت في السودان منذ مئات السنين وكانت بذرة قطن مشروع الجزيرة تكفي احتياج السودان ويصدر الباقي هذا بخلاف السمسم وزهرة الشمس ولكن لا نستغرب فقد فقدنا كل شئ ولم نحصل على شيئ لم نحافظ على ما كان موجودا ولن نضف جديد وطال الهدم مشروع الجزيرة والسكة حديد وسودانير وسودان لاين والمصانع والمزارع لان الدولة لا خطط لها ولا استراتيجيات بل هي عصابة تجار تنهب فقط دون ان تخطط لمستقبل

السودان مافضل فيهو راجل يقول بقم الرجال مشو مع سيدى محمد عثمان الميرغنى
والمحيرنى انو التجارة على راسا عثمان عمرالشريف وهو مناضل وخبير اقتصادى
لايشق له غبار والان وزير الزرعة قال السنة الموسم مبشر بس شيلو الصبر شويه
والخير جايينا انشاء الله .. وجزاكم الله خير وبارك الله فيكم واحسب ذلك فى ميزان
حسناتكم …. ادونى حبة مورفين زيادة كان عندكم

قبل يفتح باب الاستيراد علنا كان قد فتح سرا والناس (المروقين) بضاعتهم جاهزة في الميناء وكل ما يحدث بعد هذا القرار عبارة عن مضاربة في الدولار ..

والله حاجة غريبة!!!
ناس الانقاذ يجيبوا ليكم انهار وامطار ومياه جوفية واراضى زراعية من وين؟؟؟
انتو قايلين نفسكم زى دول الخليج التى تجرى من تحتها الانهار وباراضيها الزراعية الطينية المنبسطة الهائلة وامطارها ومراعيها وغاباتها؟؟؟
انتو قايلين عندكم زراعة قطن وفول سودانى او زهرة الشمس او خلافها حتى تنتجوا الحبوب الزيتية؟؟؟
بس كل مرة قايمين على الانقاذ لا احسن الانقاذ تحفر ليكم نيل ازرق وابيض وعطبرواى وقاش ورهد ودندر وخلافهم زى دول الخليج عشان تزرعوا الخ الخ!!
السودان مافيه غير الدهب وشوية بترول ولو كان فيه انهار او امطار او مياه جوفية كانت الانقاذ دى خلت البلد بقت سلة غذاء السودان آسف سلة غذاء العالم!!!
ما اى حاجة تختوها فى الانقاذ!!!!
ما كتر خير الانقاذ العلمتكم اكل البيتزا والكلب الحار(الهوت دوغ) والهامبيرغر ومن عبادة الاصنام لعبادة الواحد القهار؟؟؟ كمان ما تقولوا لى انكم قبل الانقاذ كنتوا بتعرفوا حاجة عن الاسلام؟؟؟؟