عن مسرحية عدم ترشيح البشير للرئاسة القادمة.. حزب البشير : القرار يتخذه الحزب وهو الذي يقرر ذلك مع إحترامنا للرغبات الشخصية للرئيس.
كتبت الرائد صحيفة حزب البشير :
قال الأمين السياسي للمؤتمر الوطني البروفيسور إبراهيم غندور
إن أمر ترشيح الرئيس البشير رئيس المؤتمر الوطني لدورة رئاسية أخرى حديث سابق لأوانه، ونبه إلى أن مؤسسات الحزب وحدها هي التي تقرر في ذلك، وأضاف في حديث خاص (للرائد) "مع احترامي للرغبات الشخصية للرئيس إلا أن هذا القرار يتخذه الحزب وهو الذي يقرر ذلك".
من جانبه أعتبر المحلل السياسي والأكاديمي صفوت فانوس في استطلاع أجرته (الرائد) وسط سياسيين وخبراء حول عدم نية الرئيس البشير في ترشيح نفسه لدورة رئاسية أخرى – أعتبر- أن البشير كان موفقا لأنه قدم الكثير في كل المجالات من السلام مروراً بالطفرة في البترول والمجالات الاقتصادية والمشاريع التنموية والتعليم وغيرها، ورأى أن تصريحه موفق حتى لا تتكرر تجربة مبارك، لأن مبارك رغم ما قدم إلا أن الفترة الطويلة جعلت شعبه لا يذكر له الآن غير السيئات، مشيراً إلى أن الدستور الدائم يجب أن يعطي سقف زمني لتولي المناصب العامة حتى تجدد الدماء وإتاحة فرص للأجيال الشابة، لأن الاستمرار لفترة طويلة يؤثر سلباً على البيئة السياسية.
وقال المحلل السياسي عبد اللطيف البوني لـ(الرائد) إنه حسب علمه فإن الرئيس زاهد في هذا المنصب وكان من الممكن أن لا يترشح لهذه الفترة ولكن ظروف الجنائية هي التي فرضت هذا الوضع ليكون الترشيح تحدياً للجنائية ومقاومة لها وإنه إذا كانت رغبة الرئيس فالحزب لا يلغي شخصيته.
وكان قيادي بالمؤتمر الوطني قد أعلن (الاثنين) أن الرئيس عمر البشير ابلغهم بأنه لن يرشح نفسه في انتخابات الرئاسة المقبلة والمقررة بعد أربعة أعوام. وحقق الرئيس البشير الذي تولى سدة الحكم عام 1989 فوزا كاسحا في الانتخابات التي أجريت في أبريل من العام 2010 التي قاطعتها عدة أحزاب سودانية معارضة.
والله دي مسخرة بس – مسسخرة
دي ما مسخرة دي فرفرة ،،، و بعد شوية براهم برموها ،،، السفينة ليها اكثر من ريس ،،، و النسيم تلاعب بها ،،، ما بقدرو يصبروا ،،، الرياح صعبة ،،،
عايزين يشغلوا الناس بموضوع خلال هذه الايام _ايام الانتفاضات والاحتجاجات __ يترشح ولا ما
يترشح حيحصل شنو يعنى ؟__
الغايظنى الطبالين أمثال صفوت فانوس صاحب الاطلالة الدائمة بمناسبة وبدون مناسبة فى التلفاز
الحكومى __ وداخل فى أى لجنة وأى موضوع ___ شوفوا كسير الثلج ده كيف ؟ عالم ماتستحى
اما تعليق دكتور البونى فهو الواقع فعلا _____ خاصة الجزء الخاص بالجنائية أما حكاية (زاهد)
دى ماأظن _________
اما الطبال غندور بتعليقه عايز يفتح باب للمنتفعين واصحاب المصالح للخروج فى مواكب مليونية
للمطالبة باستمرار سيادة الرئيس وسحب قرار عدم الترشيح فهو امل الامة وأسد العرب ولايمكن
العيش بدونه __ مسرحية هزلية سيئة السيناريو والاخراج _ألعب غيرها ياغندور _
يا اخوانا زي ما قال اخونا قرفان يريدون ان يشغلوا الناس هذه الايام بهذا الموضوع الجديد يترشح وما ادراك ما يترشح لكن لابديل لشعب السودان سوى الثورة واجتثاث النظام الفاسد من جزوره وتقديم كل من تولى منصبا في هذا النظام ولو لمدة دقيقة للمحاكمة ومراجعة اصل المسئولين وفصلهم وما كانوا يملكون قبل حكومة الانجاث ويثبتوا لينا باقي ثرواتهم دي جابوها من وين واعوا من كلمة استثمار دي تجي على السنتهم والكلام الفارغ بتاع النفاق والكذب الذي اشبعوا الشعب السوداني منه 000 اما المطبل فانوس فنقول له ما تراه عينك وتسميها انجازات نعتبرها حقوق للشعب السوداني مقابل ما يقدمه للحكومه من ضرائب وجبايات لا حصر لها سرق معظمها وما تبق تمت به الاعمال التي تعتبرها انجازات لكن يا فانوس اطلع خارج الخرطوم وصف لنا الانجازات ولا تنسى العقود الزمنية التي قضاها نظامك البائس في الحكم والفتن التي زرعها بين ابناء الوطن الواحد وان تحدثت عن الانجازات فلا بد ان تذكرالسلبيات التي اوصلت الوطن لهذه الصورةالقاتمة فلا تنسى ولدكم القبطي ومجدي محجوب من ضحايا البشير وزمرته والكثير المثير الذي تدري عنه …
ها ها ها شوف الحلمان دا بقول شنو يأخى بدلا من الكلام المدغمس الملولو دا شوف ليكم طريقة تخارجوا بيها انفسكم ولا تفكروا وتحلموا بسلطة تانى ارجى الراجيك والله لسوف ترون اشياء لا قبل لكم بها ولو ما عاجبك الحس كوعك
يترشح ولا ما يترشح هو قايل نفسو حاكم شي ده ماسك القرون سااااااااااااااي ?!!!!!!!!! عجبي!!!!!!!!
والله والعظيم قايظنى كلام الاسمو البوني دى غيظة … يا أخى خليك واضح أنت مع الكيزان والانقاذ ولا مع الشعب الغلبان .. خلى مسلك العصاة من الوسط وحكاية وما أزعل دى ولا دى وأيهما كسب أنا معاه .. خليك فى لاغويس الفضائات والحكى الفاضى ومالك وما السياسية والمواجهة .. شنو يعنى البشير اترشح عشان الجنائية ؟ صحيح 100% وحا يعقد حتى لو أصبح السودان قرية صغيرة المساحة أو السكان ذى صراصر أو حوش بانقا عشان خائف من الجنائية وبرضو سيك سيك معلق فيك .. اما تخريفة زاهد فى الحكم أظنها من ابلغ انواع النفاق والكذب .. 21 سنة بحكم ومصر يكمل 25 سنة وبرضو زاهد .. يا بوني شوف ليك سهرة أو قعدة أشغل بيها نفسك والشباب زى ما بتسعى حكومة الانقاذ لاشغال الناس بالطرب والغناء والكورة والمرح .. أمكن العقيد فى آخر طلب من شبابو نفس الدور أمكن اتعلم منكم ..
استاذ جامعىى إإإإإإإإ
الناس تتكلم عن الانجازات كاننا عايشين فى كوكب اخر, مهاتير محمد بعد كل ماقدمه لشعبه فى ماليزيا رفض ان يترشح لفترة اخرى ,, عارف ليه ياحضرة القانوس؟ لانه امه لما كان صغير قالت ليه يا ولدى لما بتاكل فى الطعام , مجرد ما تشعر انك شبعت قوم من ( الطربيزة ) وامشى غسل يديك,,,,,,,,, فهمت يا حبوبة حجينى,,,,,قال فانوس قال
والله مسخرة مابعدها مسخرة اكان ناس صفوت فانوس مساند ومدافع الشمولية من زمن سىء الذكر الاتحاد الاشتراكى بتاع الهالك نيميرى وكان على البونى خلى كلامو ده يمشى يقولوا فى جرائد الهباب البكتب فيها زى حكايات والدار الاكاديمى المزعوم ده ماحصل كتب حاجة تفيد الناس غير كتابتو البتشبه ونسة اولاد الحلة فى طرف الشارع او جنب دكان بتاع الفول