لأسباب مالية.. الاتحاد السوداني يرفض مطالبات إقالة المدرب مازدا
رفض إتحاد كرة القدم السوداني إقالة مدرب المنتخب الأول محمد عبد الله مازدا وتمسك به حتى نهايةعقده رغم الخسارة يوم الجمعة الماضي من جنوب أفريقيا 0-3 بأم درمان على تصفيات كأس أمم أفريقيا. وقال أسامة عطا المنان أمين صندوق إتحاد الكرة السوداني المشرف على المنتخب الأول في تصريحات صحفية: “الخسارة ليست نهاية المطاف فقد خسرت البرازيل بسباعية في المونديال الآخير ونيجيريا حاملة لقب خسرت يوم السبت على ملعبها من الكونغو.. نحن نقدر حزن الجماهير لكن لا يمكننا تلبية مطالبهم بإقالة المدرب”.. وأشار عطا المنان إلى أن الأوضاع المالية لاتحاده لا تسمح بتغيير الجهاز الفني مشيراً إلى أن إدارة المنتخب لم تتمكن حتى من تدبير ميزانية سفر المنتخب إلى الكونغو التي يلعب فيها السودان ثانية مبارياته بالمجموعة الأولى يوم الأربعاء.
وكالات
وييييييييين المدربيين الالمان والطلاينة البتديهم دولهم علي شكل منح مجانية مدفوعة الراتب لاتحادات الدول الافريقية الفقيرة؟؟؟؟؟؟؟؟؟ مازدا حيكمل علي الباقي وحنتغلب من طوب الواطة وحنطلع بفضايح بجلاجل…زمان سيد سليم الكان غير مؤهل زي مازدا لمن مسك الفريق الوطني مااتغلبنا في بلدنا من اي دولة
الله ينتقم منكم ياحرامية
خسرت البرازيل بسباعية في المونديال الآخير ؟؟!!!
لكن البرازيل عدي بترجع وتشيل كاس العالم
ونيجيريا حاملة لقب خسرت يوم السبت على ملعبها من الكونغو ؟؟!!
ونيجيريا حامة كاس الامم وعادي بتحقق تاني بطولات .
اين انت موقعك ايها الموهوم ؟؟!!
نفس كذب ناس المؤتمر الوطني ،تقول ليهم الغلاء يقول ليك عادي انظروا الى الدول من حولنا كدولة كذا وكذا ..
طيب ما تنسحبوا مادام حتى حق التذاكر ماعندكم وتريحوا نفسكم وتريحو اعصاب الشعب المسكين ده تقارن غلب البرازيل بغلبكم ده انتو ما فى مشاركة رفعتو راسنا فيها ابدا منذ زمن طويل سامحكم الله وبعدين انت اصل كأس العالم واتغلب الف ما عندنا ما نع ولكن من الادوار التمهيديه تتلطش صعبة دى .
ياخي ياكوتش مازدا والله كرهتتتتتتتتتتتتتنننننننننننا ,, عليك الله شوف اي فريق اعجبك من فرق الممتاز ويكون قنعان من نفسه.. بس سيب المنتخب في حاله …والاتحاد الحالي الله يشيله بس … ياخي دمرته الكورة السودانية زي ما الحكومة دمرت السودان
ودمرت فريقنا العظيم الموردة رياضيا… الله ينتقم منكم.. قرف ايقرفكم. ده شنو المرض ده ياخي, ايبولا تاخدكم في ستين دهيه
وهو ما عندو دم ؟ انا اعتبرها خيانة عظمى ان يوكل له تدريب المنتخب وخيانة عظمي منه واللاعبين الذين ليس لهم ولاء الا لانديتهم راينا كيف يبتسم علاء الدين القبيح بعد الهدف الثالث ديل لعيبة ديل تفووو عليكم والبرازيل خسرت كم مرة خلاص حتعملوها حجة
ما تجلوا المنتخب وكل واحد يروح لحاله
الخسارة ليست نهاية المطاف فقد خسرت البرازيل بسباعية في المونديال الآخير ونيجيريا حاملة لقب خسرت يوم السبت على ملعبها من الكونغو..
————–
لما الناس تقول حكومة البشير قتلت أهالي دارفور يرد عليك مسؤول ويقول ليك أمريكا ذاتها قتلت الأفغان والعراقيين.
هذا الكلام يشبه ذاك.
يااخي لو ماقادرين علي تدبير ميزانية السفر ماشين لي شنو والديون في شنو ولا عشان مكاسب لبعض وكالة السفر اهو دين في الرقاب … بلايه ريحونا وانسحبو نهائي ولما يكون عندكم ميزانية جاهزة من قبل عام من المنافسة شوفو ليكم وليدات صغار عمر 19-25 وخلوهم يمشو يتفسحو والكوامير دي كفاها خلاص عايزين لينا ركشات واتوسات وامجاد …بلايه ماتخجل علي نفسك مباراة باقي ليها يومين تقول (إدارة المنتخب لم تتمكن حتى من تدبير ميزانية سفر المنتخب إلى الكونغو التي يلعب فيها السودان ثانية مبارياته بالمجموعة الأولى يوم الأربعاء.)
عليكم الله دي مافضيحه . اول مره في حياتي اسمع مسئول يصرح تصريح زي ده ماسمعناه حتي من اضعف دولة في افريقيا . طبعأ هم الحرامية الكبار تركوا شيء لسفريات ولا مدربين . بعدين يأخ مازدا الاتحاد اذا متمسك بيك خلي عندك كرامه وقدم استقالتك لاأنك مفلس وما عندك شيء تقدمه لفريق درجه ثالثه مش فريق قومي اذا اصلوا هم مفلسين فليحضروا مدرب وطني خلاف مازدا . وانا بأقترح فوزي التعايشه او مدرب المريخ بتاع سيكافا ده . ماعارف اسمه . والمدرب الجديد يبدأء من جديد اولاد صغار في السن مامهم في الاول بطولات المهم يبني فريق عنده غيرة علي الوطن وعنده روح قتالية عالية وعنده ثقافة الفوز .. واهم شيء يبلشوا الكسل داخل الميدان .. والله الموفق . تحياتي للجميع .
نفس اللون بتاع مصلحجية حزب المؤتمر اللاوطنى فى إعادة ترشيح الكذاب الاشر البشير هذا ينطبق على إتحاد كرة القدم السوداني الذى يرفض إقالة مازدا لأنهم عندهم مصالح من وراء الفاشل وعديم الإحساس مازدا.
ضرب المثل بالهزيمه والفشل مثال جيد. للانسان الفاشل وإدمانه. للفشل !!!!
اذا ما قادرين تدبروا مصروفات سفر الفريق القومي للكنغو لماذا قام النائب الاول للرئيس بالتبرع لفريق المريخ بخمسة مليار من مال الشعب السوداني اما كان الفريق القومي احق بذلك. مالكم كيف تحكمون
يا اخي مازدا ما عندو ذنب المفروض اقالة المنتخب بإكمله واقالة الاتحاد العام وكل واحد يشوف ليهو شغلة.. ويمشى بيت دا كلام فارغ والله لو جاءو مدربين العالم كله وكل مدرب قصاد لاعب واشرف عليهم الفيفا يمين لاعب واحد عندنا ما في واداري واحد مافي وكلهم واتحاد مافي شوفوا لكيم شغلة غير الكورة ونقوم نعد لاعبين من جديد من عمر عشرة سنوات لما ويدخلوا معسكر لمدة خمسة سنوات والكلام دا ينطبق في كل الاقاليم.. ونبدا في المشاركات الاقليمية بعد سبعة سنوات من الآن.. مرضتوا قلبنا
مازدا ياخد راتبين لتدريب المنتخب ورئاسة لجنة التدريب يعني هو ومساعدينه يقبضوا عشرات الملايين شهريا . والسنة كلها نايميين ومرة مرة يرفهوا في اديس او اسمرا . ديل السنة كلها مابكونوا اجروا عشرة تمرين . ولو خرجوا من البطولة وده أكيد حيضمنوا رواتبهم حتي نهاية العقد ألما معروف متين ! وعاايزنو يستقيل !!
تبريرات حرامية ولصوص مثل اسيادهم في المؤتمر الوطني ….. تفووووو عليكم وعلى مازدا الماعندو كرامة !!!!!!
يا شباب هو الماشي في السودان صاح شنو؟ الحاصل للكوره السودانيه جزء من التردي الحاصل في كل شئ في هذا العهد
نعم خسرت البرازيل بسباعية ولكن كم مرت فازت البرازيل انتم مهزومين قبل المباراة من سنة 72 وانتم في المبررات الواهية عن كل هزيمة رددوكم جاهزة قبل والله والله والله لو اتيينا لكم بكل مدربين الدنيا انتم مهزومين
اخواني الاعزاء
هل تعلمون ان المنتخب السوداني مكون من احسن وافضل اللاعبين جاهزية في السودان
هل تعلمون ان ماذدا لايتقاضي راتب
اما تبرع المؤتمر الوطني بخمسة مليارات للكسب الاعلامي فقط