شحن السيارات المستعملة مستمر..تجار السيارات المستعملة يتجهون لمقاضاة وزير المالية
مصطفى محمد عبد الهادي
كشفت مصادر مطلعة في سوق تجارة السيارات المستعملة، لـ(التيّار)، أنّ وزارة المالية منحت جهات بعينها رخصة لإستيراد (300) سيارة مستعملة، وأشارت هذه المصادر إلى وصول (80) سيارة بالفعل للبلاد وأنها تم بيعها في (الكرين) بالخرطوم بحري، وأضافت المصادر التي طلبت حجب اسمها أنّ ذات الجهات شحنت (75) سيارة مستعملة أخرى يوم (22) من فبراير الحالي. وأبدت المصادر استغرابها لجهة أنَّ رخص استيراد السيارات المستعملة هذه منحت لجهة سيادية لا تستخدم السيارات المستعملة. من جهة أخرى يتجه أصحاب معارض السيارات (المستعملة) لمقاضات وزير المالية علي محمود، لجهة تضررهم من قرار حظر استيراد السيارات المستعملة. وقالوا لـ(التيّار) إنّ القرار ينبع من مصلحة شخصية، مبدين تشككهم في "من المستفيد من القرار". من جانبه قال، الهادي البشري، صاحب معرض سيارات، أنّ القرار ساهم بقوة في رفع معدل البطالة بوقف وظائف كانت تستوعب عدداً مقدراً من المواطنين. وتساءل في حديثه لـ(التيّار) إن كان وزير المالية يملك وظائف بديلة لهؤلاء الذين فقدوا وظائفهم جراء هذا القرار. ونصح وزير المالية بمراعاة المصلحة العامة، وإعادة النظر في قراره. إلى ذلك نقل مصدر مطلع لـ(التيّار) أنّ الرئيس البشير نفسه يقف مع إلغاء قرار وقف استيراد السيارات المستعملة وأكّد ذات المصدر أنّ البشير وجه الأسبوع المنصرم بإعادة النظر في هذا القرار وفتح الباب أمام استيراد السيارات المستعملة. يشار إلى أن وزير المالية جدد الأسبوع المنصرم أمام البرلمان أنّ قرار وقف استيراد العربات المستعملة (خط أحمر). ويتوقع أنّ يكون تم مناقشة هذا الموضوع على مستوى رفيع بالمؤتمر الوطني ناقش الليلة الماضية (ليلة السبت الأحد)، بحسب مصادر مطلعة. وفند صاحب معرض سيارات مستعملة، خالد الشيخ ، تبرير وزير المالية لقرار وقف استيراد السيارات المستعملة، الذي قال فيه إنّ السيارات المستعملة تستهلك اسبيرات تكلف البلاد (143) مليون دولار سنوياً، ووصف خالد التبرير بالمعيب، وتساءل عن قيمة الاسبيرات التي تستخدمها السيارات الفارهة مثل اللاندكروز، وقال في حديثه للتيار إنّ عمرة سيارات الدفع الرباعي تصل إلى (30) ألف جنيه، فيما لا تصل عمرة السيارات الصغيرة (الفيستو والاتوس) ألف جنيه.
التيار
ان الشعوب الان تحارب في الانظمة بسبب الفساد وناسنا ناسين غضب الرب وغضب الشعب وهم لا يشبعون ابدا فهم مثل نار جهنم كلما القي فيها كافر قالت هل من مزيد وهؤلاء كلما اكلوا حراما قالوا هل من مزيد. انا لا اتعاطي السياسة ولكن فساد ولاة امورنا ظاهر للاعمي. اسال الله ان يرينا فيهم عاجلا وليس اجلا.
دعوا المواطن الغلبان يعيش ايها الظلمة الفجرةالا تكفيكم الاموال التي نهبتوها حتي الان والتي سوف تكون سببا لشقاءكم يوم لا ينفع مالا ولا بنون.
والله دا اسمه قلة ادب ما اكثر
يا اخوانا ما تستعجلو اى وزير فى الانقاذ دى يجيبوه جديد بيعمل فيه ابو العريف وهو مافى غيرو فى البلد ولاذم ولاذم يعمل انو الولد خخخخخخخخخلللللللاص ساديه وقاديه وطبعن الكلام القالو فى البرنامج المقدم قال ليهو هل القرار بتاع السياراة ليهو علاقة سيارة ولدك قام يتزاوق بى جاى بى جاى ياخى اكان القرار ده كان فى صالح انسان اكان طبقوه من قبال ما تتخرج انت من الجامعة ودى هى المعاملة بتاعة الانقاذ لم تلغى الناس ناجحين فى حاجة طووووووالى تلغى وطماطل الشركات المملوكة لى افراد من الحكومة هى الجابة القرار لو تتذكرو قبل سنتين او ثلاثة جات ذيادة فى اسعار الجمارك والتجار لم يوقفو الاستيراد وبعده بى فترة الجماعة لقو الناس ديل اى لتجار ماشين فى الشغل تانى عملو ذيادة وبرضو العالم شغاله وطبعن يا اخوانى الذياده اول مره كانت 15 فى المية بعده ذياده20فى المية لمن عرفو البلد دى فيها فطاحله قالو حريقه فيهم ولو لاحظتو بعده شغل الشركات فتح تقصيد وما بعرف شنو ولاكن اصبرو الكان قايل بن على وزوجتو وحسنى وولدو بيتخارجو منو وهى كان دايمه يا وزير المصلحه اقصد المصلحه العامه كان دامة لى غيرك من الفاتو انا ما عارف اى واحد بيمشى وما بخلى وراهو ذكره عطره ليه:mad:
رائنا في اغني دول العالم يستعملوا السيارات القديمه ويتاجروا بها بل يفتخروا بها من امريكا مصنعة العربات الي اليابان و دول اوربا …..ولكن تبين لنا ان كل قرار يصدر من الماليه الانغاذيه وراءه شبكة من مافيا مصالح الكيزان السوداء ….لقد استوردوا عربات "كوريه" مضروبه يريدوا ان يجعلوا كل السودانين ان تشتريها بتجفيف السوق …كما ان حظر استيراد الاثاث من الخارج لصالح اخوان البشير اللذين يملكون اكبر مصانع الاثاث في السودان فكل قرار بالحظر يصدر من المالية والتجارة يصدر لمصلحة وزير او تجار يعملون في ظلمات الانغاذ
استيراد السيارات المستعملة مستمر ولكن لاهل الحزبة فقط بتصاديق خاصة كل وزير وكل مدير وكل غفير بلعب صالح ورقة – انس الصالح العام – الصالح العام دة معناة قطع عيش غير اهل الولاء – فهمتو ولا لسع( نحن من احسن ثلاث دول علي مستوي العالم قاطبة من حيث الفلسفة وعندنا شهادة بذلك ) وكل من ينتقد ذلك فهو عميل – سير سير يابشير من اجل التعمير
يا جماعة يشهد الله اشتريت لورى من الكويت وسقطه قبل سنة من القرار ودفعت 800 الف بالقديم للاستثناء و800 الف قالوا لناس وزارة التجارة ايضا قبل سنة من اتخاذ القرار اياه وبقيت الملم فى حق الجمارك من البوفروا من مصاريف الاهل فى السودان ومن دون سابق انزار يطلع القرار المعجزه واسقط فى يدنا وبعد شوية ادوهو تمديد 15 يوم وما قدرنا نكمل حق الجمارك والترحيل الى السودان والان مركون لافى ذول بشتريهو ولا فى طريقة يترخص تانى وكان حصاد 6 سنوات غربه مارجعت فيها السودان ولا مرة والان انا واللورى عالقين بالكويت لانودى لانجيب وكذلك احد الاخوة عندوا بوكس تقريبا نفس المشكلة .قس على ذلك كثير فى دول المهجر يعنى لا ليهم ذنب لامن بعيد ولا من قريب اين الخطا الذى ارتكبناه وما ذنبنا يا دولة الاسلام وياوزير الهنا , عموما امرنا لله وهو المستعان .
والله ديل اخطر من اليهود منعوا الناس من استيراد العربات وجابوها ل ناسهم والله شفوت لكن ناسين رب العباد :confused: :confused: :confused: :confused: :confused: :confused: :confused: :confused: :confused: :confused: :confused: :confused: :confused: :confused: :confused:
:eek: :eek: :eek: :eek: :eek: :eek: :eek: :eek: :eek:
ياخونا0000يا اهل الله00000وين شعب اكتوبر؟؟!!!!!!!!!!!!!!!!!!!!
0000000000000000وين شعب ابريل؟؟؟؟!!!!!!!!!!!!!!!!!!!!
00000بصراحه ابتديت اشك اننا احرار!!!!!!!!!
:eek: :eek: :eek: :eek: :eek: :eek: :eek: :eek: :eek: :eek:
حتى استيراد السيارات المستعملة خصخصو لصالح بطانتهم 0000والمغترب المسكين بعد ما دفع دم قلبو ضرائب يمنعو يجيب سيارته المستعملة الماعندو غيرها وما قادر يشترى موديل السنة…ده بدل ما يعفو من الجمارك نظيرا لما قدمه من خدمة للبلد ودخل ليها عملة صعبة طوال اغترابة …..التبرير الوحيد لمعاكستهم للمغتربيين هو الحسسسسسسسسسسسسسساده اآى والله الحساده لاانو المغترب سيارتو حلال وكان بنا بيت بيتو حلال يعنى يتمتع فى الدنيا وكمان فى الآخرة…اما هم الكيزان متعتهم منغصة بالحرام وآخرتهم طين
والله متابع ليه ديك العده ده يسوقك سوف يوديك فى داهيه دير بالك من الاهبل ده
رجاله كده نحن الكيزان الماعجبو يقع البحر لناسنا بس دى حجة الكيزان الله لارحمهم لكن الله لايضيع خق المظلوم ولنا رب اسمه الله لاينسى كل مظلوم