قيادي بالإتحادي : الحكومه الان وصلت الى طريق مسدود وعليها اللإستعداد لما بعد المرحلة..الطوفان قادم وماعاد الصمت ممكناً
عبدالوهاب همت
حول اللقاءات التي تمت في اديس أبابا خلال الايام الماضيه مابين قيادات الجبهه الثوريه والسيد محمد سيداحمد سرالختم عضو الهيئة القياديه والناطق الرسمي المناوب باسم الحزب الاتحادي الديمقراطي الاصل سألت الراكوبه الاستاذ محمد سرالختم عن ماتم فقال : أولا نحن من المؤسسين للجبهه الثوريه ممثلين في نائب رئيسها الاستاذ التوم هجو, جئنا الى اديس ابابا لان هناك قضايا كبيرة وكثيرة لابد للجميع من الجلوس مع بعضهم البعض وايجاد الحلول لها, لان السودان ليس حكرا على المؤتمر الوطني ولاضيعه من ضيعاته يتصرف فيها وفق هواه , ويكفي الدمار الشامل الذي حاق بالسودان والسودانيين طوال ربع قرن من الزمان, أولى هذه النتائج الانقسام الذي حدث وفقدنا جزء عزيزا من وطننا , وماعاد من الممكن أن ننتظر والوطن ينسرب من بين أيدينا, بالتفتت والانقسام والاحتراب, يكفي أن سعر الدولار كاد أن يتجاوز العشرة جنيهات, وتفشى الفقر بشكل غريب ومعظم المواطنين يكابدون ليأكلوا وجبه واحدة لسد رمق البطون الجائعه والافواه المتعطشه وأصبح الحرمان والمرض والفاقه رمزا لبلد وانسان كان مضرب الامثال في الكرم والشهامه وايواء المحتاجين من داخل السودان أو خارجه , وكنا مضرب الامثال في الامانه ورموزها ولكن الان تغير الحال بفضل سياسات اهل الجبهه الاسلاميه القوميه.
ماذا ينتظر الناس ولماذا يلفهم الصمت؟ هذا سؤال مطروح لكل الشعب السوداني نساء ورجال.
نحن نعتقد انه آن الاوان لكل القوى السياسيه وللحركات المسلحه ولكل الوطنيين أن نتفق اليوم قبل الغد على برنامج حد أدنى وحكومة انتقاليه تنفذ البرنامج الذي يتفق عليه الناس, وهذا هو جوهر مبادرة السيد الميرغني والحكومه القوميه الانتقاليه تنفذ الاتفاقيات وقد ناقشنا ذلك باستفاضة مع الجبهه الثورية وأن يحدث وقف شامل لاطلاق النار وتفتح مسارات آمنه تسمح لمرور الاغاثة في كل مناطق النزاعات والحروب في جبال النوبه ودارفور والنيل الازرق , ونحن الان أكثر حوجة للتكاتف ونبذ الخلافات والترفع عن القضايا الانصرافيه وقضيتنا أكبر من المناصب والمغانم الشخصيه أو الحزبيه نحن أم وطن ينهار تماما اذا انتظرنا الى يوم الغد فقد لانجده.
الحكومه الان وصلت الى طريق مسدود وطوال فترة حكمها سجلت فشلا ذريعا وبشكل يومي منذ استيلائها على الحكم بليل. وعليها أن تعترف بذلك ,والا عليها أن تستعد لتبعات مابعد المرحلة لان الطوفان قادم وسيقضي على كل شيء وماعاد الصمت ممكنا لان الصمت خيار البائسين فاما أن يكون السودان أو لايكون .
[CENTER]
[/CENTER]
وهل ستتم محاسبة سعادة مسطشارى الفطيس !!
ولا قايلنها منظره ساكت وما هى عقوبة التستر على قتله ولصوص حتى ان لم تشاركوا فى الجريمه ففد تسترتم على مرتكبيها واغضضتم الطرف عن الانتهاكات فى كل ارجاء السودان
وماذا عن خيانة الاسياد للدين والوطن !!
غربة المثقف المؤدلج
الاستعمار البريطاني ليس سيئا وفر دولة حديثة واحترم السودان والسودانيين وشاركهم في الحكم عبر الادارة لاهلية استتبع االسودان للخارجية البريطانية وليس وزارة المستعمرات ومذكرات لانجليز تنضح بحب و احترام السودانيين وارسلو لنا فلذات اكبادهم
الذى دمر السودان ليس الاحزاب التقليدية بل بضاع خان الخليلي”الناصرية +الشيوعية+ الاخوان المسلمين”
المثقف المؤدلج جلب الحداثة الزائفة من المحيط العربي والفضاء الايدولجي لها من ناصريين وشيوعيين واخوان مسلمين وهم من شوه العلم والتعليم والشعار والخدمة المدنية والقوات النظامية والامن والاقتصاد.. الموضوع في النهاية المثقف الممسوخ في السودان هو الناصري والشيوعي والاخوانجي ويعيش غربة من زمان حتى الان بعد ما انتهى مسلسل انيمال فارم المكسيكي بنهاية اخر وجوهه القبيحة الاخوان المسلمين في ميدان رابعة العدوية 30 يونيو 2013 والانجليز ليس لهم ايدولجية وكانو في الهند والولايات المتحدة الامريكية وليس السودان فقط ومشروعهم ديموقراطيةوست منتسر والاحزاب والمحكمة الدستورية العليا لدعم التطور الدستوري وليس التنظيمات وقرود بافلوف…والزعيم وودا وسواعا ويغوثا ويعوقا ونسرا
وهؤلاء الممسوخين حرفوا مسار الدولة السودانية الطبيعة وحتى الان
ويوجد فكر سوداني اصيل وليس فراغ تم حشوه بهذه الايدولجيات
1- الفكرة لجمهورية -اسس دستور االسودان 1955
2- التفاقية اديس ابابا 1972
3- السودان الجديد -اتفاقية نيفاشا 2005 والدستور
والاتحادي الديموقراطي الاصل لا يتناقض مع رؤية السودان الجديد بشهادة د.جون قرنق
…
وقلنا ليكم للمرة المليون..التخشب السياسي ده خلوه..خلو عندكم اكثر من خطة قال المؤتمر الوطني مافي حكومة انتقالية او برنامج انتقالي في انتخابات بس…انتو طوالي تقدمو للشعب رؤيتكم البديلة -شنو الذى يجب ان يفعلها المؤتمر الوطني وفقا للدستور القائم من الان بداية بي لتسجيل ولحدي وقت الانتخابات مارس 2015وتنفيذه نصا وروحا وبرقابةدولية..يعني يفككوانفسهم براهم..لمن الشعب والمجتمع الدولي يشوف نقاط محددة لتفكيك ومن قلب الدستور والمؤتمر الوطني ما يلتزما حزب المؤتمر الوطني الحاكم وفقا للجدولة الزمنية المحددة..بكونو فقدو شرعتيهم الاخلاقية والدستورية معا وبكون عندهم مشكلة مع مجلس الامن والشعب ايضا
1- تغيير القضاة التسعة في المحكمةالدستورية العليا من اجل الفيش والتشبيه لانتخابي ومن هسة شوفو تسعة قضاة مستقلبن ومحترمين ينظفو الدستور من القوانين المعيبة
2- اطلاق سراح كافة المعتلقين السياسيين وابطال المحاكمات الجائرة وبواسطة لمحكمة الدستورية العليا نفسها”الجديدة”
3- تسجيل الحزب الجمهوري
4- استعادة الاقليم والغاء المستوى الولائي -عبراصدار مراسيم جمهورية- واجراء انتخابات اقليمية عاجلة قبل ان ينهار المركز وتتصدع الاقليم ..
5- هيكلة المفوضية العليا لانتخابات وتعدديتها ووضعها تحت المحكمة الدستورية العليا لتناسب المرحلة والمستوى الجديد لانتخابات”الانتخابات الاقليمية (حاكم اقليم +نائب اقليم”” التي تعقبهاانتخابات مركزية ثم تختم براسية…لاحقا
…
بعني نحن ماعايزين-تصفير عداد و حكومة قومية لانه اصلا ما في شخصيات قومية حقيقية بدون فيش وتشبيه وده مضيعةوقت..عايزين برنامج انتقالي يفكك الشمولية ويقود للانتخابات لا يخرج من نيفاشا والدستور القائم ويحرج الحزب لحاكم مع المجتمع الدولي والشعب
عندكم حزمة اصلاحات تواجهو بيها قرار الانتخابات …ولى ناكل باسطة
وييييين كان زمان ياسيدي زمنك فات وغنايك مات الكنس جاييكم بالدور الزمن زمنا نحن الشباب حركة قرفنا وقاوم والمؤتمر السوداني أما انتم أيها النفعيين فلا صراخ عليكم بعد اليوم
يا جماعةويا قناة النيل الازرق الصورة دى كدى تأكدو منها يمكن فوتو شوب ما قلتو عرمان وودمناوى ختوها قرض وفاردين ليها برنامج تلفزيونى وجايبين محللين( تيوس) الله لا تكسبكم يا كذابين يا مجرمين يا قتلة ما قلتو اخوان مسلمين وهى لله والله معاكم والله ناصركم نزلتو الفقر والمرض والجهل وسرقتو معايش المساكين وكمان مفترين وقليلين ادب لكن اصبرو جاياكم الطامة قرييييييب وحرم حتندموعلى اليوم اللولدتكم فيهو امهاتكم!!!!!
الآن وقد عصيت من قبل !! ياود السيد انتفاضة سبتمبر لم تحركوا ساكنين لاانتو ولا الصادق جايين هسه تركبوا الموجة التيار الآن والزمن زمن الحركات وقبائل الهامش وتيار وزمن قرفنا وقاوم لامكان للديناصورات وسيتم كنسكم جميعا حان الآن وقت الشباب التكنوقراط القمم السامقة المهاجرة لقد طفح الكيل تماما واثبتم خيانة القضية بإدخال ابناؤكم واسباغ الشرعية لنظام كان اقرب للسقوط لولا دعمكم انتهي الوقت
احذروا يا اهل ماااااامكن السودان واهل يعانوا ويجوعوا 25 سنه
واخيرا نفطر ب بصله وكمان معفنه انتوا نسيتوا زمن هذه الأصنام
ويكفى هبة سبتمبر مااافى راجل فية حرك ساااكنا السودان ﻻ
تصلح لحكمه احزاب وخصوصا هذه اﻻحزاب يا شباب يامنظمات
يا مفكرى السودان اصحوا ونتفاكر بعد زوال الكيزان كيف يحكم
السودان ﻻن هؤﻻء ﻻ يقلون فساداً عن الكيزان بل احتمال أسوأ
وتااأنى يجي انقﻻب وووو وساقية السودان ماااافى ليها استقرار
عشان كده منذ اﻻن نتفاكر ونخطط كيف يحكم وﻻ احد فوق القانون
وكلنا سودانين وﻻ اقصاء ﻻحد او اقليم
الحكومة الان وصلت الى طريق مسدود….الان بس يا مفترى؟
سألت الراكوبه الاستاذ محمد سرالختم عن ماتم فقال : أولا نحن من المؤسسين للجبهه الثوريه ممثلين في نائب رئيسها الاستاذ التوم هجو, غايتو الاحزب الاتحادي وحزب الامة انتهازيين لدرجة مبالغة ديل التوم هجو مانكرتوهو حطب لما مشي الجبهة الثورية وناس حزب الامة فصلو نصر الدين المهدي انتو قايلين الناس دي ذاكرتها مقدودة ولا شنو
يكفى الصور أعلاه
والله إذا كنا راجين الناس ديل فعلى السودان السلام
عقار ومناوى وعرمان والميرغنى هؤلاء لامكان لهم لدينا الليلة ولابكرة ولا بعدو
لو إنتوا نسيتوا نحنا ماناسين ،،،،
هزلت والله ،،،،،
السلام عليكم يا شباب الراكوبة تعليقاتكم بالحيل عجبتنى ما تهتموا بالجماعة ديل نهائى وارموهم وراكم وما تتلفتوا ليهم وامضوا فى طريق الانتفاضة ديل كان قعدتوا تستمعوا ليهم بحبطوكم وبكسروكم خاصة ناس اسياد روحهم فلان وعلان يل منعمين ومرتاحين وشبعانين ورويانين وناضرين ولاتباعهم وحوارييهم اللقمة جادعين اللهم لا حسادة لكنهم لا يشعرون بمعاناة المواطنين وعايزين الناس تناضل وتموت ويجوا هم يركبوا يمتطوا ظهر الشعب ويقولوا عر لا ابدا نحن الشعب الذين سنقول بانفسنا للحكومة والمتخاذلين كر وعر وجر وكل كلمات الطرد وسننجح ان شاء الله
الأنتهازية الطائفية …شوفوا جاء التصريح متى … يريدون أن يقفزوا من المركب قبل الغرق … كنت وين ثلاثون عام من حكم الأنقاذ الى أن وصل ابن الطائقة الى منصب مساعد رئيس الجمهورية … هكذا حالكم فقط مصالحكم الشخصية والشعب فى دهية يعيش مذلولا يبوس أياديكم ويشيل أحذيتكم وأنتم تتلذذون بعذابهم … يا شعب السودان أنتفضوا ضد الطائفية البغيضة والقضاء عليهم مع الأنقاذ دفعة واحدة وأرجو أن لا ترضوا بهم حاكمين الى الأبد أذا اردتم للسودان رفعة … هؤلاء يميلون الى القوى الذى يحفظ مصالحهم ولا هم لهم غير ذلك اما الشعب فهو فى ذيا أهتماماتهم وحتى أذا كان هذا القوى دولة أجنيية … الختمية فى أحضان مصر وهم مع مصلحة مصر أكثر الشعب السودانى
كلام نظري يفيض بالحقائق المعروفة التي”آمنا” بها حيث أصبحت لا تطرب السامع..المطلوب هو خطوات عملية فعلية تترجم ذلك الايمان “الايمان ما وقر في القلب وصدقه العمل”…
** نرحب بكل من يضع يده في يد الشعب السوداني من اجل تحقيق تطلعاته وآماله المشروعة..
يا جماعة انتو عايزين الديمقراطية عشان السكر والدعارة والنضم الكتير والتدهور فى جميع المجالات؟؟ هسع عاينوا امريكا وبريطانيا والمانيا واليابان وايطاليا وسويسرا والهند اى كل الدول الديمقراطية كلها ممزقة واقتصادهم منهار ولولا مساعدة سوريا والعراق والسودان ومصر وليبيا وهلم جرا اى الدول المحكومة بانظمة الضباط الاحرار والاحزاب العقائدية لهم كانت الدول الديمقراطية دى ماتوا من الجوع والتخلف والفقر واكان مكضبين كلامى هذا اسالوا ناس نافع وربيع عبد العاطى وامين حسن عمر وغندور والحاج ساطور وهلم جرا!!!!!!!!!!!!
كسرة: اى جاهل وغبى ودلاهة عارف انه الدول المحكومة بالعسكر والاحزاب العقائدية هى الدول المتطورة سياسيا واقتصاديا وتكنولوجيا وان الديمقراطية ودولة القانون والحريات ما عندهم غير السكر والدعارة والنضم الفارغ!!!!!!
كسرة تانية: الله يستر من المعلقين الما بيعرفوا التعليقات الساخرة!!!!!!!!!!!
كسرة تالتة: هسع الدول الديمقراطية دى قدرت تعمل طرق وسدود وكبارى وتطلع بترول ما معدنها سكر ودعارة وكلام ونضم ساكت!!!!!!!!!!!
كسرة رابعة: اقسم بالله ان ناس المؤتمر الوطنى بيصدقوا كلامى هذا ناس الحلاقيم الكبار!!!
وما عاد تصديقكم ممكنا….
وما زال عجزكم عن هز شعرة من الانجاس واقعا….
وما زال قولكم سوف نعمل … ونعمل …ونسقط … ونزلزل الارض تحت اقدام الانجاس حتي صار سرمدا….
ديل كانو وين ..؟ اكيد شامين حاجة
لاحكومه انتقاليه ولا حكومه اتحاديه ولاحكومه طائفيه خلاف الانقاذ لا نبغى (بضاعتكم
مردوده لكم) كفى عماله منذ زمن جدكم على الميرغنى اكبر عميل وطابور خامس على
على الشعب السودانى وعاوزين تكرروا هذا السناريو تانى مافى ليكم اى طريقه
تونست مع صديقى البشير الرئيس الدائم .وسالته عما يجرى فى اديس ابابا ..فقال لى ..ديل بتونسوا . والونسة لا تؤثر فى سلطتى وحكمى . وانا الان اجريت عمليات جراحيه واصلاحات استعدادا لربع القرن القادم . ولن اترك السلطة الا على جثتى والشعب كله معاى ..فاى حوار وونسة تهمل خلودى فى السلطة تعتبر حرثا فى البحر ..
يا عالم خلوا الاحزاب في حالها . واعملوا بجد وسط الشباب الاحياء ، لتكوين خلايا المقاومة بلاحياء و العمل على تسليح الخلايا و رصد الكيزان و كلاب الامن ، لتحريم النوم عليهم ،فردا فردا ، عشان يعرفوا البقمد عينو بيموت. سهر الجداد و لا نومو.
ما زالت حسابات بعض نافذي الحزب الحاكم تجافي واقع الحال وتصب في خانة (الكنكشة) في اطلال ماتبقى من السودان بعد انفصال الجنوب نتيجة للسياسات غير الوفقة بتوقيع المشئومة نيفاشا وذهاب الجنوب مع البترول الذي بذل الشعب السوداني الغالي والنفيس من اجل استخراجه وتصديره ومع ذلك ذهبت عائداته ادراج الرياح ولم تصرف على تنمية زراعية او صناعية حيث يعاني السودان من الانهيار الاقتصادي التام حيث بلغ سعر صرف الدولار مقابل الجنيه السوداني من توم ال10000جنيه مقابل 12 جنيه عندما جاءت الانقاذ من جنح ذلك الليل البهيم كما اشتعلت الحروب الاهلية بدلا من حرب اهلية واحده بجنوب السودان صارت ثلاثة حروب اهلية بدارفور والنيل الازرق وجنوب كردفان وليس هذا كل شئ فهنالك ثلاثة خناجر مسمومة تم غرزها في صدر الشعب السوداني تتمثل في الثلاثة بروتوكولات الملحقة بنيفاشا لابيي والمشورة الشعبية في جنوب كرفان والنيل الازرق والتي كل منها العن من اختها .. فضلا عن تردي السياسة الخارجية اقليميا ودوليا وارتال من قرارات مجلس الامن اخطرها القرار 1593 الذي خول المحكمة الجنائية اختصاصا قانونيا بملاحقة مسئولين سودانيين بتهم جرائم حرب وابادة جماعية ..
اما زالت حسابات صقور حزب المؤتمر وطني بعد كل هذا يصرون عليها وكيف يفهم هذا الانر بربكم
سألت الراكوبه الاستاذ محمد سرالختم عن ماتم فقال : أولا نحن من المؤسسين للجبهه الثوريه ممثلين في نائب رئيسها الاستاذ التوم هجو….
———-
الجماعة ديل لما التوم هجو وقع مع الجبهة الثورية قالوالا يمثل إلا نفسه , وقاموا بأخذ حصتهم من الوزارات في الحكومة. قال مؤسسين قال
ياربى الطوفان دا لاحق جعفورى ولا سيذهب لجبل يعصمه ؟؟؟
الله يلعنك يا جاكومي جبت لينا الإساءة والكلام الفارغ الهداك علي كده شنو حب الظهور والله أنا ما عندي معاك قضيه لكن عايز أقول ليك انت شخص عندك موهبة عدم القبول يا أخي ارجع الي تجارة البلالي العمل العام يحتاج للذكاء والقبول وانت جاكومي يا ود سيد احمد ما عندك القبول والحاجه وده ربنا ودي حكمته
واللة حكاية ياناس الاتحادى الديمقراطى الاصل ( ما هو التقليد) طيب يا اخى ما دام الناس ديل وصلوا لطريق مسدود مشاركين فى الحكومة لية ؟؟؟انا لا احترم العامل حكومة ومعارضة فى نفس الوقت واخير منكم ناس المؤتمر الوطنى وازيدك من الشعر بيت جماعتكم داخل الحكومة كان وجه مولانا بانسحابهم بيرفضواوهو لن يوجة
ما عاد الكلام يجدي نفعا وقد صرف منه الكثير خلال 25 سنة والمؤتمر الوطني يبرطع في البلد تماما كأنها ملك له يفعل فيها ما يشاء وما عاد في الناس صبر للتفكير في الحلول المائلة وهم منتظرين فعل حقيقي يعني شغل رجال بمعنى الكلمة يجبر المؤتمر الوطني على الهروب من البلد هذا اذا استطاع ووجد طريقة للهرب وما قام به المؤتمر الوطني خلال ربع قرن يستوجب الدق وليس فقط ترك السلطة والنجاة بالسلامة…….
يا ناس الراكوبة الكلام ده جد ولا دي الكاميرا الخفية
ي اخوانا مالوا خلوهم انشاء الله يطيرو الكيزان وبعد داك نرشح لينا وجوه جديده عند احساس بمعاناة الشعب . ماالشعب كل مره بعمل ثوره ويجيب الوهم ديل خلوهم المره دى يعملوه هم او على الاقل يساعدوا حتى لوا بالحياد
فى مصر القريبة دى الشباب هم العملوا الثورة وهم الطردوا حسنى مبارك وهم البهدلوا الشرطة غايتو عملوا حاجات كثيرة لغاية الثورة نجحت وكانت التلفزيونات المصرية كلها تغنى للشباب ليل نهار وبعد الأمور استتبت وكل حاجة قعدت فى مكانها .. ماعارف العجائز الكهنة الانتهازببن طلعوا من وين ما تعرف نفس الوجوه ونفس النصابين مسكوا المناصب القيادية ونفس قيادات الشرطة ونفس قيادات الجيش أيام حسنى مبارك تسلطوا على الشعب المصرى .. أما الشباب يا عينى طبقوا فيهم المثل المصرى (العريس للعروس والجرى للمتاعيس) .. الله يستر على شباب مصر .. أنا قلت الكلام دا كله عشان اليومبن دول فى السودان شايف فى أمور غريبة قعدة تحصل .. نفس الوجوه القديمة ونفس العجائز الكهنة والنصابين والمجرمين جارين للامارات العربية عشان يتفقوا بيناتم ويحكمونا من أول وجديد وشباب السودان ما جايبين خبر الدنيا .. قاعدين بس قدام البقالات وفى أركان البيوت مصففين شعرهم كبف وكيف وبعض منهم خاطين الروج والله يا جماعة الكلام دا جد والشاطر فيهم ماسك ليه ركشه وهاك يا مشاغلة البنات .. أيها الشباب أنتم براءة الماضى ونوارة الحاضر وجيل المستقبل هلموا جميعا لكى نقول لهؤلا ء الكهنة نحن هنا جيل العلم والحداثة سوف نبنى سوداننا بعيدا عن طمع الطامعين وجالبى التعاسة والفقر والقهر نقول لهم أذهبوا الى الجحيم أنتم من تسسببتم فى تقزيم الوطن الكبير بلد المليون ميل مربع وأصبحنا اضحوكة الزمن الذى لايرحم .. أيها الشباب لا تتركوا سفينتنا تغرق بمن فيها بهذه السهولة بأيدى هؤلاء العجزة المتسلطين علينا زهاء الستون عاما قولوا لهم كفى ان اماكنكم دار العجزة .. والسيف أيها الشباب اذا اخرج من غمده يتلألأ ويخيف قلوب المهزومين والسفلة .. أخرجوا وبانوا لنستحضر نشيد (أمتى يا أمة الأمجاد والماضى العريق )……. شباب قنع لا خير فيهم وبورك فى الشباب الطامحين
حرمية ونصابين وعلي محمد عثمان المرغني
اذا كان الوضع كذلك فلماذا ابنكم جعفر الصاق في الحكومة
مساعدا لرئيس الجمهورية ؟؟؟؟ وهل ابنكم ليس طرفا في الدمار ؟؟؟
كفاية لعب علي الذقون وضحك علي الباد