توسط له في شراء منزل بمبلغ تجاوز الـ(19) مليار.. سمسار يشرع في مقاضاة وزير المالية السابق لرفضه منحه عمولته البالغة (5%)!!
ذكرت صحيفة (الأهرام اليوم) الصادرة اليوم الثلاثاء أن سمسار عقار يُدعى عبد الجليل علاء الدين يعقوب شرع في مقاضاة وزير المالية السابق علي محمود عبدالرسول ــ بسبب رفضه منحه مبلغ عمولته في التوسط له لشراء منزل بضاحية الرياض بالخرطوم بمبلغ فاق الـ(19) مليار جنيه كما ذكر السمسار! ،
وقال عبدالجليل في إفادته للأهرام اليوم أن وزير المالية السايق أرسل له “مدير مكتبه” و”حرسه الشخصي” كمناديب عنه حتى يتوسط لشراء المنزل ، وقال أنه بدأ رحلة البحث في ضاحية الرياض ليعثروا عليه بواسطة (وكالة عقارات) وتم الإتفاق علي السعر الذي تجاوز الـ(19) مليار بقليل! ، بيد أن (المناديب) تجاوزوه لحظة السداد وتجاهاهم منحه نسبته من إجمالي المبلغ البالغة (5%) حسبما نصّ قانون العقارات!، وإتهم السمسار وزير المالية بـ(التلكؤ) و(التباطؤ) بل رفض حتى مقابلته بعد أن وجّه له إنذاراً قانونياً عن طريق محاميه!.
علي ذات الصعيد ألمح المحامي معاوية خضر الأمين باحريكه إجراءات قانونية لدى نيابة الثراء الحرام والمشبوه ضد الوزير السابق علي محمود كما سيتقدم بشكوى مماثلة لرئاسة الجمهورية والأمن الإقتصادي حتى يقومان بمحاسبة الوزير ومعرفة (من أين له تلك الأموال الضخمة) .
ومضى المحامي معاوية قائلاً: مبلغ شراء المنزل تم دفعه بالدولار وفي عاصمة دولة خارجية مما يضعه في خانة (غسيل الأموال) ، وتمسك في ختام حديثه على ضرورة إخضاع الوزير لإقرار الذمة ومعرفة أصول أمواله!!.
ياناس الاهرام جببوا لينا شمارات صاح ولا بطلوا(في كم وزير مالية سباق) كتار يعني ديل كلهم متهمين ولا شنو؟؟
من الله خلقكم شوفتو ليكم لص يشتكوهو الى لصوص ؟؟؟؟ كلهم حرامية ويتستروا لبعضهم ويتنافسون فى الثراء الحرام بدون وازع او خوف من الغير .
قريبي سمسار عقارات و قد حدث له نفس الموقف لكن مع السفير الأيراني!!!
كلهم حراميه لعنة الله عليهم
هي لله ،هي لله .. لا للسلطة و لا للجاه … 19 مليار يا مفترين و بالدولار كمان .. الله يفضحكم اكتر … نحن مزنوقين و انتو مبحبحبن … تفو عليكم ما بتخجلوا ، الناس تاكل في لحم الحمير
وبرضو ناكل كسرة ؟ تاكلو السم
تخيلوااااااااا….. حسبنا الله ونعم الوكيل …. وعليك الرحمة ياوطني!!!!!!!
أكتب إملائيا صحيح ..موضوع تنقل خبر دا لسه بدري عليك..
سمسار جعان يعني ال 950 مليون دي حتعمل ليك شنو؟
للأسف كلهم حرامية!!
وزير المالية بغسل أموااال هههه .. سلملى على اليدنجااااااااان
الإملاء تعليم عواسة شيطة حرقانة وواحدة نية وواحدة مقطعة.
أكلو رغيف أحسن ليكم.
هذا وزير مالية لفترة قصيرة أشترى عدة أشياء الظاهر فقط هذا المنزل نسبة لشكوى السمسار
وما خفي أعظم؟؟؟؟؟؟؟
ماذا أشترى الضال على و الضار نافع والجاز والمتعافي و الزبير و زوجته الوزيرة وغيرهم وأهل هؤلاء المفسدين
اللهم أرنا فيهم قوتك و ارجع لنا أموال الشعب و اسكنهم في سجون السودان و في الأخرة أنزلهم مع المنافقين و الفاسدين والكفار
حرامي وسخ وعفن والله لو في عادلة المفترض الاعدام شنقا حتي الموت اختلاس اموال ضحمة من خزينة الدولة19 مليار لاحول ولاقوة إلا بالله هي جريمة كبري والناس تعبانة ملاقين حق دواء حق وجبة وقال ايه الشعب السوداني يرجع تأكل في الكسرة والله انتو اوسخ بشرية مرت على تاريخ السودان دمرتوا اقتصاد السودان باإختلاساتكم المشبوهة في الصفقات القذرة خلاص وقت المحاسبة قربت على اي مليم اكلت في كرشتك المعفنة دي حاشاك يا سودان أن تسقط بيننا فليسقط الخونة وحرامية أموال الدولة معنا من أجل اسقاط النظام .
يا اخونا الحلو مر أفهم الكلام قالك وزير مالية سابق وليس الاسبق والفرق شاسع بين الاتنين
بمعني لو اخذ عمولتو ما حيحرك القضية من اين لك هذا بلد ما ليها وجيع
…وقال أنه بدأ رحلة البحث في ضاحية الرياض ليعثروا عليه بواسطة (وكالة عقارات) وتم الإتفاق علي السعر الذي تجاوز الـ(19) مليار بقليل!
حلك أيها السمسار الداقس… في الاقتباي أعلاه…
وكالة العقارات… التي سلمت عقد البيع…. استلمت العمولة!!
يعني حقك… عند الوكالة…
ولو انت وريتهم المنزل وبعدين مشيتو الوكالة…. تكون دقست دقسة عمرك
القانون لا يحمي المغفلين… ولا الداقسين!!
تستاهل… ما عارفهم همباتة؟
والله انا سمعت الكلام ده من سمسار وهو قريب او صديق السمسار ده ،، وهو سمسار برضو ،، المهم قال لي الوزير الاسمو علي محمود وزير الماليه السابق اشتري بيتين كمان وليس بيت واحد وقال عاوزين يقاضوهو الكلام ده قبل شهور
الكيزان اولاد الحرام ،، المعفن الاسمه هلي محمود ده يزيدالبترول والاسعار والمصايب دي كلها من تحت راسو ويجي يلم القروش يشتري بيها بيتين في الرياض وانتو تضحكوما وتقولوا ماكتيره وتهذلوا ياشعب ياجعان يا جبان
ان تلعب بالكورة فهذا شئ عادى….اما ان تلعب بشعب
انت سمسرت في البيت ولا بنيته؟ . 950 مليون في يومين ؟ أنتو معشر السماسرة البوظتو البلد وخليتو الكليك ب200 مليون بتاعين فرص وقليل منكم بخاف الله يا بتاعين المواسير . إن شاء الله ما يديك ولا مليم .
يعني البيت ب2 مليون دوررررررراااااااار؟؟؟؟
شر البليه مايضحك كمان وزير ماليه بالدولار و في دولة خارجية (هي لله لا للسلطة ولا للجاه ) اين انت يالبشير
“الكبر لقمته بيخرب الضرايا” ماذا يرجى من منافق أشر كذاب أنتهج الاسلام ليخدع البسطاء، “وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ ۚ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ” وأولاد العمومة أهل الهامش يوقعون الاتفاقيات الثنائية والنصفية مع الأبالسة لدنيا يصيبونها أو مركبة يفتخرون بها أو جيفة يقتسمونها، كلهم في الأذى والفساد سوى
ناكل مما نكوس
اهداء للبشير الذي يلعلع كل مرة بأنه لا يوجد فساد في أروقة الدولة وسلملي على البتنجان يا جدع
انا بس بغيظني السودانيين لمن ينسوا الموضوع بعد فترة ويتشبكوا في موضوع تاني .. انتو ما سألتوا وزير الخارجية علي كرتي لقى القروش وين عشان يشتري فندق قصر الصداقة 580 مليون دولار على ان يسدد نصف في خلال ستة اشهر والباقي ما عارف حيسدد كيف
الأخوة المعلقين الغاضبين من فعلة وزير المالية السابق والله مالكم حق فى ذلك فالرجل أصغر حرامى فى شلة العصابة وكان بيتدرب على اللهط بحبة قريشات تقوموا تفرموا فيه كده.مافى فائدة ياناس كل يوم ننوح ونبكى ونحن واثقين بأنهم سرقوا الوطن كله وليس خيراته وأمواله وكل يوم نلعن ونسب ونبكى على الكيبورد فالحل واضح وضوح الشمس وهو خروجنا جميعا للشارع لأسقاط العصابة وبعد ذلك المحاسبة وأرجاع ما نهبوه.
محكمة شنو يا زول. البلد دي ما فيها محاكم وعليك الله سمعت بوزير محكوم هم كلهم حرامية. ربنا يعوضك
قرارات ثوريه ووطنيه رادعه كما طبقت من قبل ايام الهمام رحمة الله عليه(نميرى) وهى التجريد من الرتبه والاموال والممتلكات العامه والاعدام رميا بالرصاص او حبل المشنقه المتين لكل من سولت له نفسه الدنيئه بانتهاك مقدرات واموال الدوله والشعب !! ويمين الله عهدا ووعدا امام الله وقسما اخلص فيه كل النوايا الطيبه ووعد بتطبيق كلكم راع ومسئول عن رعيته بان اكون على سدة الحكم لمدة عشره سنوات ولى مطلق الحريه فى اتخاذ القرارات ،، صدقونى لو ما شفتوا الناس كلها والكمال لله بان يكونوا متساويين فى كافة الحقوق والحريات التى تضمن عزة وكرامة المواطن !!! مدينه مدينه واى ولايه وكل المحليات شارع شارع وزنقه زنقه الشعب عنوانه ومطلبه الاساسى ::: من اين لك هذا؟؟؟:: الحق حق والوارث فى السودان واصحاب الاموال معروفين من عشرات السنين وهم قله ومعروفه وغير ذلك هم دمار البلد وسارقوا قوته وخيراته !! التاميم والمصادره مطلب شعبى لاتأخذنى رحمه او شفقه فى شخص منتهك مقدرات وحقوق الشعب!! زوجة الرئيس من اسره وقريه لاتذكر اين هى الان وكيف حال اهلها؟؟ وود الوالى أسالوا ناس فداسى عن حالهم ! هل ما عنده اتاه من ارث؟؟ ودكتور عبدالله اخو الرئيس كان معانا فى القطيف بالدمام والخفجى وزملاؤه حتى اليوم يعيشون براتب حلال!!! وعباس شقيق الرئيس من أين له كل ذلك؟؟ وأخوته وبقية الاسره التى تقبع الان كافورى !!! عجبا عجاب الرحمه والارزاق تتنزل على البشير واخوته وبقية الشعب لا!!! صرخه مدويه ارفعها الى المولى سبحانه وتعالى وصرخة مستغيث بلسان الشعب بان ينعم علينا بالخير والنعيم وكفايه شقاوه وبهدله يارب واستغفر الله…. نقيب يمتلك عمارتين وموظف جمارك يمتلك مزرعه بمليارات ووكيل وزاره عنده اسطول من الشاحنات واخر له كم مصنع واللهاطين التافهين والدجالين الكبار اصحاب الدقون والكروش والوزراء النهبوا خيرات البلد وعشرات المليارات نقدا اودعوها عقار فى دبى وماليزيا ولا مش كدا يا جاز 1 وجاز2 ؟؟؟وما خفى اعظم وأخيرا اسمعوا رأيى وأشوف وجهة نظركم!!!!
للاسف الشديد طالما انه فى ناس زى السمسار دا بتعاون هذة الشريحه على مص دم البلد سوف لن تدنو نهايتهم قريبا .متى يتعلم هذا الشعب كيف يتعامل مع الكيزان .
اذا لم تتم مساعدتهم من قبل السودانين المنتشرين فى شتى بيقاع العالم سيظلو جاثمين على صدورنا .الكوز يقاطع تماما ولو تاب واناب . (لعن الله اوى المحدث )
عبدالجليل علاء الدين يعقوب فاهمين حاجه
اه ياناس دارفور والتعايشه عموما دا واحد منكم يعنى كلنا شمالى ولا غرابي ولا ادروب ولا عربى من الجزيرة ولا جنوبي كلهم همهم المصالح الشخصية فقط اصحوا ياناس الضائع هو اي انسان سوداني بغض النظر عن الانتماءات القبلية فلا حول ولا قوة الا بالله من نفس لاتشبع
دا نموذج سافر للفساد هذا الوزير السابق لا اعتقد انه كان يمتلك شئيا قبل الإستزوار سواء قابليته على البصم والتوقيع وتمرير كل ما يطلب منه وقد اجاد ذلك واكتسب ود شلة الحرامية ولم ينسى نفسه يعني الباقين ديل احسن منه في شنو ما كلهم نكرات زيو وقبل الانقاذ كان التكتح ما عندهم
بيت ب 19 مليار؟؟؟ يا وجعي عليك يا سودان والجواب باين من عنوانه يعني لو قبل كم يوم واحد بروفيسور (تخيلوا) قال مرتب البشير ما قايت ال 4 الف جنية لو قلنا دا صاح طيب وزير المالية دا يعني بالمنطق يعقل ياخد اكثر من البشير ؟ خلينا نقول بياخد دبل يلا خلونا نضربا ونقول كمان كلها بيوفرا ما بياكل منها اي حاجة ..معقول يلم المبلغ دا من راتبه؟
افقرتم الشعب واهدرتم موارد البلد وبعد دا عاملين فيها مسلمين؟ ياخ انتو لو سايرناكم بمصطلحاتكم بتطلوا انتو الفئة الضالة ..
كلاب شوية عليكم
الله لا بارك فيكم وفى ذريتكم يا خونه يا الما عندكم دين.. الناس ما لاقيه حق الاسبرين والله لم ارى ناس زباله ذى ديل والمحيرنا بروف ودكاتره وياما حنشوف وماخفى اعظم .
تذكر يا عمر البشير قوله تعالي ” يَقُولُ الْإِنسَانُ يَوْمَئِذٍ أَيْنَ الْمَفَرُّ” القيامة الآية 10 وقوله تعالى :”وَقِفُوهُمْ ۖ إِنَّهُم مَّسْئُولُونَ” الصافات الإية 24″ وتذكر قوله صلى الله عليه وسلم :” كلكم راع وكلكم مسؤول عن رعيته” وقد فسره الخطابي رحمه الله تعالى في معالم السنن 2/81 بقوله:طمعنى الراعى ههنا المؤتمن على ما يليه يأمرهم بالنصيحة فيما يلونه ، ويحذرهم أن يخونوا فيما اوكل غليهممنه وأن يضيعوا، وأخبر أنهم مسؤولون عنهمؤاخذون به” ويقول المناوى رحمه الله في فيض القدير 3/182:ط مسؤول عن رعيتهمتحمل بكل ما يأتون به من أوزار” ويكفي أن الحديث قد جاء في باب فضيلة الإمام العادل وعقوبة الجائروالحث على الرفق بالرعيةوالنهي عن إدخال المشقة عليهم من كتاب افمارة بصحيح مسلم 1829/3/1459
لمسرحية هذيلة الاخراج هذه لا تنطلي علي شعب السودان الفضل مسميات ما انزل الله بها من سلطان من وثبة ونطه وقفزة ومن حوار وطني وحوار مجتمعي ولجنة 7/7 ولجنة 6/7 ولجنة الطماطم والبطيخ هذه الاعيب القوم السفهاء السارقين المتاسلمين كفايه مضاحك واستهتار الشعب جوعان وياكل وجبتين ميسور الحال منه 20% اصابهم السل 20% اصابهم التهاب الكبد الوبائي و20% اصابهم السرطان و20% اصابهم مرض القلب والدماغ والشلل من الهموم والمعيشة الصعبة10% مجانين في السوق 10% كيزان متنعمين بكل اقتصاد السودان من سيارات فاره وعمائر وناطحات سحاب وافك وضلال ولعب بالالفاظ السودان بلد غني بثرواته الزراعية والحيوانية والمعدنية لكن اشباه الرجال ديل ما خلوا حاجه في السودان سرقة ونهب وفساد والان السودان علي خطر محدق يجب ان نفوت الفرصة بالانقضاض علي الخولات ديل واسقاط النظام الفاسد وشنقهم في ميدان ابوجنزير قال تبرع لغزة وحال الشعب السوداني اصعب من غزة لان ناس غزة بموتوا مرة واحدة لكن الشعب السوداني بيموت بالتدريج والشعب السوداني بيموت كل يوم لازم نسقط الحرامية ويجب ان ننتهج سياسة الاقتيالات غير كده الناس دي ما بتمشي واختطاف اسرهم وتجريعهم الكاس الذي شربوا منه اسر السودان الحرية للشعب السوداني الحرية للاحرار
اللواء / جارعودوا قائد كتيبة اسود الدندر
لمسرحية هذيلة الاخراج هذه لا تنطلي علي شعب السودان الفضل مسميات ما انزل الله بها من سلطان من وثبة ونطه وقفزة ومن حوار وطني وحوار مجتمعي ولجنة 7/7 ولجنة 6/7 ولجنة الطماطم والبطيخ هذه الاعيب القوم السفهاء السارقين المتاسلمين كفايه مضاحك واستهتار الشعب جوعان وياكل وجبتين ميسور الحال منه 20% اصابهم السل 20% اصابهم التهاب الكبد الوبائي و20% اصابهم السرطان و20% اصابهم مرض القلب والدماغ والشلل من الهموم والمعيشة الصعبة10% مجانين في السوق 10% كيزان متنعمين بكل اقتصاد السودان من سيارات فاره وعمائر وناطحات سحاب وافك وضلال ولعب بالالفاظ السودان بلد غني بثرواته الزراعية والحيوانية والمعدنية لكن اشباه الرجال ديل ما خلوا حاجه في السودان سرقة ونهب وفساد والان السودان علي خطر محدق يجب ان نفوت الفرصة بالانقضاض علي الخولات ديل واسقاط النظام الفاسد وشنقهم في ميدان ابوجنزير قال تبرع لغزة وحال الشعب السوداني اصعب من غزة لان ناس غزة بموتوا مرة واحدة لكن الشعب السوداني بيموت بالتدريج والشعب السوداني بيموت كل يوم لازم نسقط الحرامية ويجب ان ننتهج سياسة الاقتيالات غير كده الناس دي ما بتمشي واختطاف اسرهم وتجريعهم الكاس الذي شربوا منه اسر السودان الحرية للشعب السوداني الحرية للاحرار
اللواء / جارعودوا قائد كتيبة اسود الدندر
ده اكيد علي محمود الحرامي لانو قبال كده برضو اكل واحد من قرايبو كان مغترب اسمو الحيمادي
الحمدلله الشعب تخطى مرحلة القهر والرضوخ إلى مرحلة الرفض والمقاومة اللفظية وحتما هذا سيقود إلى التمرد الشامل والتغيير
الوزير هو على محمود حسب الرسول وهو يملك عماره وتلآتة قطع اراضى بحى المجاهدين
نساالله ان يصبرشعبنا اكثر وان يلهمهم الصبر ويدخلهم حناته مع الصايرين وان يدمر كل خائن للوطن وفاسد
ولو سبب في الفساد …ربنا انك تعلم بهؤلا ونحن ننتظر انرا فيهم يوم كيوم عاد هؤلا الخونه والدخيلين عل الوطن دمروا شعبنا وقسموا وطننا وشتتوا شملنا ياحي يا قيوم …
لبتوسطو ( ليوسطوا)
منزب ( منزل)
السايق ( السابق)
باحريكه ( بتحريكه لاجراءات قانونية)
عسيل الأموال ( غسيل الأموال )
…….وهلم جرا . هذه أمثلة فقط للأخطاء الاملائية والمطبعية في هذا الخبر الصغير . أضرستونا حرام عليكم.
عندما جاءت الأنقاذ كان يسكن حى سكر شتت فى نيالا قطية صغيرة والله على ما أقول شهيد…..أكل قروش بنات صديقه الذى توفى فى نجيريا….عمارته الثانية فى حى المجاهدين …ووووو…الله يجازيك يا على محمود..
لماذا اعدموا مجدى؟؟؟؟؟؟؟؟؟؟
تهجموا على الشهيد/مجدى محجوب محمد احمد فى منزله وفتحوا خزنة المرحوم والده وصادروا اموال الورثة واعدموا مجدى بدم بارد بالرقم من توسلات امه الحنون لانهم كانوا معدمين واكثرهم. حاقدين ولم يعرفوا الدولار ولا الاسترلينى من قبل بل حتى ما شافوها.
أنها جريمة القرن ولم ولن ينساها اى سودانى اصيل ووطنى ونزيه وشريف وغيور وامين ونظيف القلب ويؤمن حقا بالله وبرسوله.
دم مجدى معلق فى رقابنا جميعا ألى ان نأتى بتاره ونسمع زغاريت امه واخواته.
ليس على محمود وحده، بل على محمود هذا يعتبر أشرفهم قياسا على ما ارتكبوه من ماّسى فى حق الوطن.
مازالت أم مجدى فى أنتظارنا يا شرفاء الشعب السودانى.
علي السمسار توضيح وصف مفصل للبيت حتي نقوم بتحطيمه في انتفاضة 22 سبتمبر
السمسار دة لو اخد عمولتو ح يسكت دة همو العمولة ما هماهو البلد .امسكوا السميسير دة واعصروة بطلع الكثير .اصلا دة ما وزير دة بلطجى ساكت .دةصفى لية 22 شركة منها شركة كردفان للتجارو والهندسة والجزيرة .شركات كانت تعمل قبل ما يجى هذا المستوزر للوجود .شرد الاف العاملين بين يوم وليلة بقينا فى الشارع .نحن فى كل غمضة عين وانتباهتها ندعو علية . اللهم ياعزيز يا مقتدر خذهم اخذ عزيز مقتدر اللهم ارينا فيهم يود اسود كيوم عاد وثمود .اللهم ارحنا من الظالمين اللهم ارحنا من الظالمين اللهم ارحنا من الظالمين
بشرى لكم جميعا .. علمنا من موثوقين أن العصيان المدني في القريب العاجل .. نرجو من الجميع التركيز والإنتباه وفي لحظة الصفر نتمني الحاضر يكلم الغائب .. وليكن معلوم أن اللحظة الحاسمة ستكون القاصمة لهم .. ولو حدث ما يشوب فحينها لكل حادث حديث .. تمايزت الصفوف تماما .. نرجو التعميم
لا يسلم الشرف الرفيع من الأذى ، حتى يسال على جوانبه الدم ..
كـلـهـم لـصـوص .. كلهـم كانوا فقـراء مـعـدمين مقـطـعـين .. هــذا إسـتـغـفال وإسـتهبال عـيني عـينك ..
لا حــوار مـع اللـصوص .. لاصـفقـات لا مقايضـات ، لا مسـاومـات ، لا مشـاركات !!.
الـثورة الـشـعـبيه .. الـسيل الـعـرم .. يكســح مـا يقضـل شــيئ ..
الـعـدالة الإنتقاليه ، ومحاسبة ومحاكمة كـل الـمجـرمين .. الـقصاص .. الـقصـاص .. الـقصـاص !!..
دا يا شباب بسيط مقارنة بما لحفته جماعة مكتب والي الخرطوم. والقصة الثانية قالو لما الحاج ادم يوسف شالوه من منصب نائب الريس قام شفط ليه زي 2 مليار وقال لي الجماعة أنا دا شيلت حقي. وكان مفتكر ان بشبش حيشلع الحكومة.
كافي تعبت و دمرة الشعب time is finshe akzanne
ويقول وبكل بجاحة الكوز متعدد العملات ان البشير رجل المرحلة ولااحد غيره حتى يخلو لهم الجو لينشرو الفساد والسرقة والنهب واكل اموال الناس والفواحش بانواعها
يتم الزام الوزير السابق بدفع عمولة السمسرة للسمسار بدون مماطلة
اما موضوع من اين لك هذا فهذا سيتم بعد الانتفاضة المباركة
غريبة!!!
لنفترض ان هذا الوزير منذ ولدته امه ولدته وزيرا براتب ومخصصات وحوافز وظيفته كوزير مالية مع اعتبار ان رتل السيارات بمحروقاتها وصيانتها وحجه وعمرته وعلاج وتعليم ابنائه بالخارج والداخل والصرف على معيشه زوجاته من بند الضيافة .. يعني ما بيصرف ولا مليم احمر من ما يحصل عليه .. فان المحصلة لن تصل الى مليار جنيه .. وهذا منزل قيمته 19 مليار .. وكم منزل وقطعة ارض وشركة وارصدة بالداخل ولربما بالخارج ألله اعلم .. هذا امر خطير جدا واجابة شافية وكافية حول كيف وصل الاقتصاد السوداني الى الانهيار التام ..
بموجب الحساب والعقاب بعد الانتفاضة لا مناص من مصادرة هذه العقارات ثم تقديم هؤلاء لمحاكمات عادلة وناجزة
بدأ العد التنازلي لانهيار المافيا الاخوانية. وسيقوم كبارهم بالهرب طيران و جري يلحقوا قروشم النهبوها و هربوها. حيفضل معانا صغار كلاب الامن يعني الجريوات. و المغفلين النافعين للكيزان و شوية هبل ما ناقشين شئ. عشان كده يا شباب عليكم بانشاء خلايا المقاومة بالاحياء لرصد كلاب الامن و الكيزان و تحضير الملتوف عشان اليوم قرب.
وازيدكم من الشعر بيت كمان البائع برضه وزير سابق و هو عصام احمد البشير
حدثنا عمر بن حفص بن غياث حدثني أبي حدثنا الأعمش قال سمعت أبا – — صالح عن أبي هريرة عن النبي صلى الله عليه وسلم قال لعن الله السارق يسرق البيضة فتقطع يده ويسرق الحبل فتقطع يده قال الأعمش كانوا يرون أنه بيض الحديد والحبل كانوا يرون أنه منها ما يسوى دراهم
بصراحه … بالنسبه لحرامية الكيزان .. المبلغ تافه … وهذا رأس جبل الجليد …. والتقيييل ورا … ولو ظهر ستشيب رؤس الأطفال … الناس ديل حولو البلد لملكيه خاصه وحوض كبير لغسيل الأموال القذره
المبلغ يساوي مليون ريال سعودي تقريبا…
لم يبق شئ غير الثورة، ثورة تدك حصونها وتصادر ممتلكاتهم وتزهق أرواحهم هؤلاء الأنجاس
يملك بيت درجة أولى فى شكل فيلا فى نيالا وعمارة بجنوب الخرطوم وعمارة أخرى وثلاثة قطع اراضى بحى المجاهدين و3 زوجات وعالج إبنه بقروش السفارة فى واشنطن وأكيد لو سألوه من أين لك هذا فسيقول أنا تاجر بقر،، وكان منشن يكون مديرا لشركة سكر كنانة بعد محاولة إقالة المدير السابق بواسطة وزير الصناعى الحالى السميح الصديق إبن عم على محمود ولترتيب ذلك عمل عشاء ضخم لصحفى الإنقاذ حضره بوسف عبدالمنان والصادق الرزيقى للقيام بحملة ترويجية له وإغتيال شخصية أى منافس آخر.
بعدين الموضوع دة ما جديد ليهو شهور وعندما تنشره جريدة الهندى عزالدين الصفراء لا بد أن يكون هناك تسريبات قد تمت وعلى العموم سوف لن يحدث شيئ فهل قبضوا على الذين ضربوا عثمان ميرغنى وأين القضاء من قضية إغتيال عوضية عجبنا وكذلك إغتيال طلاب دارفور بجامعتى الخرطوم والجزيرة،، خربانة من كبارها,
يا عزيزى ماكان تشوف كنيه غير دى .
الراجل كان عندو مزرعة قعونجات وكان بيصدرها لفرنسا
عمولتك 950مليون ياسمسمار والله انا بكره السماسره كراهيه شديده انتو السبب فى الغلاء الحاصل فى البلد (غلاء العربات غلاء العقارات غلاء الدولار الخ
لن يفعلوا له شيئا لان علي محمود ماسك للبشير الكتير وعارف كل القروش الكان بتنصرف هبتلي للنافذين
وزير المالية يشتري منزلاً بمبلغ 19 مليار جنيه وما في رئيس أو أية هيئة أو شخص يقول ليهو بغم؟ أعتقد أنه أخذ حصته من الإثنين ألف مليون دولار التي أتى بها ولم يفصح عن مصدرها ولا بد أنها كانت من ثمن حلايب التي دفع الأمريكان منها 2 مليار دولار كما نشرت مجلة أماراتية نقلاً عن مجلة فرنسية ذكرت أن المؤتمر الوطني باع حلايب بستة مليار دولار تدفع منها مصر 2 مليار وإسرائيل 2 مليار وأمريكا 2 مليار وقد دفعت أمريكا نصيبها ولم تدفعا (ولن تدفعا)مصر وإسرائيل نصيبهما
مرتب رئيسك 1200$, وقت عندك ثروة قدر دى ما تحلحل لينا مشاكلنا ال فى دارفور.
نحن فى انتظار يوم تسال من هذه الثروة من اين اكتسبت وفيما انفقت ي ….وزير.
ياخي الناس ديل فارقوا الخجل فراق الطريفي لي شداد
لعنة الله عليهم في المذاهب اﻻربعة
انتو كلكم ناس حاقدين ساكت شنو يعنى 19 مليار جنيه اقل شوية من 2 مليون دولار اى واحد فى سوق الله اكبر عنده اكثر خليك من ورير مالية ووين فى السودان انتو الظاهر عليكم من الشماسة او المهمشين اللى عمرهم ما شافوا الدولار ولا يوم عدو ليهم مليون جنيه و لا حتى فى الاحلام يا جماعه صحى النوم و بطلو الحقد و القطيعة فى خلق الله و شوفو ليكم شغلة اشتغلوها علشان تعملو المليارات زى السيد الوزير السابق و خليكم من احلام ظلوط ثورة قال بالله
الكيزان يتعاملوا مع المال العام كغنائم بدر وحنين وغزوة الخندق وفلسفتهم أن كل الشعب السوداني كفار ومالهم حلال نهبه .
ي اخوانا المعلقين,
مع عداوتنا للنظام, ارجو مراعاة اللياقة والاخلاق والتهذب فى التعليق, دى متنفس الشعب ي اخى, ربما يقرأ تعليقك من لا تريد له/لها ان يرى سوءا / فحشا او منكراً ي اخى ويا من سميت نفسك بسالم عبدالله.
دا من باب الغيرة ع اهلك.
ياجماعة دا مش الوزير القال لينا اكلو الكسرة ؟؟ يكسر رقبتك , تلهف في القروش 19 مليار يامفتري وانت ماعارف ( طرقةالكسرة سعرها كم ؟؟ ) قال وزير مالية ؟ نحن ذاتنا شعب يستاهل أكثر من كدا كل يوم فضيحة مالية جديدة , وكل يوم طالع لينا حرامي ونحن قاعدين نعاين وساكتين ساااااااي , إيه رايكم نستورد لينا شوية ( رجال ) من الخارج عشان يعملوا لينا ثورة نقلع بيها الهلافيت والحرامية ديل .
مالكوم عليه دا زول مسكين ساكت القروش دا جا من ثمن بيع الزرقة في دارفور و الحكومة كافاءته
فهو جنوجيد فما تبكو ساكت
حاولت احسب نسبة السمسار بس اصفار المليار لخبطتنى. ويبقى السؤال يعنى هسع وزير المالية دا مرتبو كم فى الشهر يا ربى؟؟ طيب القروش البسرقا دى بختها وين؟؟
لقد صدق الزعيم الكمبودى حين قال :إن السمسار ادنى مكانة من العاهرة !!
غايتو المشروع الحضاري دا ورانا النجوم في عز الضهر ..وديل لو كانوا عملوا للدنيا ,, حالنا كان ح يكون كيف ,,والواحد منهم يمسكك ماسورة لامن تتكيف ..ويقول ليك هي لله ,,إحتسب ..إحتسبنا لمن أمورنا جات وأخيرآ طلعوا لينا بالتحلل ..من اين أتا هؤلاء ..
الكيزان ديل مش دقسوا السمسار ده براه ديل دقسوا الشعب السودانى كله ولربع قرن من الزمان والشىء المحير إنه الشعب السودانى لا يحرك ساكنا ..
وكما قال الشاعر :-
تحالفت الأفاعى والعقارب
وأجلبت الذئاب مع الثعالب
وقومى نائمون على سرير..
تحيطبه الكوارث والمصائب..
يا شعب يا طيب زعلانين على 19 مليار دى ولا شىء جنب هبرى كبار حرامية الإنقاذ .. فيهم ناس بتاخد فى تعلية فاتورة واحدة بس مايستطيعون به شراء عشرين بيت زى بيت وزير المالية ده .. وتعلية الفواتير دى أسألوا منها ..بتعرفوا البلاوى تحتها..
إنتوا عارفين سيارة البشير المايباخ Maybach سعرها أكثر من سعر البيت ده ؟؟
يا إخوتى الأعزاء نحن شعب طيب حكومتنا عبارة عن شلة سماسرة أى والله كلهم سماسرة لذلك أقترح أن يسمى حزبهم بحزب السماسرة اللاوطنى .. اللهم زلزل أركانهم وهدم بنيانهم عاجلا غير آجل يارب…
والله ياجماعة شهادة لي لله . دكتور حمدي كان مغترب بالسعودية ويعمل بمنصب كبير جدأ بشركة كويتية كانت بتنفذ فندق الهوليدي آن بجده . الكلام ده سنة 76 وكان واحد اخ عزيز يعمل معه كمحاسب وانا زرت الشركه مره لكن لم اقابله حتي اعتقد كمان زوجته انجليزية . وصدقوني الفلوس ماغريبه علي دكتور حمدي . علشان في ناس بتبرطع ساكت وماناقشه حاجه ..
كانت اشهر مسرحية فى الثمانينات لعادل امام ( شاهد ماشافش حاجة) فتلك المسرحية شهرتها لاتساوي 1% من شهرة فساد طغمة الانقاذ الحاكمة فى السودان ، موضوع منزل وزير المالية على محمود (19) مليار ، هذا المبلغ اذا قورن بما طفحت به الاخبار عن اختلاسات مكتب والي الخرطوم كمثال يكاد لايذكر .. ويجب علينا تقدير قيمة ممتلكات البشير التي اعترف بها على الهواء فى برنامج الطاهر التوم بقناة النيل الازرق ، والذي خصصه لابراء الذمة ( ياعيني على الذمم ).. على الاخوة المعلقين الرجوع الى وضع رئيس البلاد قبل الانقلاب ، ووضعه اليوم !!!! علي محمود استلم الوزارة ووجد شارع السرقة واللغف ابوابه مشرعة على مصراعيها ،..
والان بدل كل هذه التعليقات على فساد المفسدين علينا التفكير بكل جدية فى طرح افكار للخلاص من هذا الكابوس العقيم .. مع طرح افكار جديدة عن كيف يحكم هذا البلد فى المستقبل ، والتركيز يكل جيدة على تشريع قانوني جديد يحرم على العسكر التحرك الى قيادة البلاد سياسيا حتى اذا شافوا الوطن يتخطفه الطير كما قيل . لانه كل الوبال والوباء والضياع جاء فى ظل الكاكي .. اذا استطاع الشعب السوداني فقط تحييد الكاكي بعيدا عن قصر الحكم يكون انجز افضل الاعمال ..
سمسار صاحبي جدا اتوسط للبشير زاتو في شراء قطعة ارض بكافوري مربع 11 بمبلغ تجاوز ال500 الف دولار عبر نسيبه نور الدائم والمحامي ابو بكر وحصدنا السراب؟؟ قطعة من ضمن 4 قطع بنفس السعر تقريبا وفي نفس المربع..طبعا بعد بيع قصر..يشتري ويبني ويبيع وتاني يشتري..
علي محمود (تور شين) صدقت القول إذا سرقت اسرق جمل وإذا عشقت اعشق قمر، اهو ده الشغل، شغل نضيف يا فارس تمام جدك خليفة المهدي عبد الله التعايشي طبعا في الشجاعة ولكن في السرقة لا. وكل بطل بزمانه.
علي بابا انت الأول في الشجاعة (همباتي) عملتها عديل(سواها ولا يخاف عقباها) مازي الجماعه يعملوهابالدس ،خليكم رجال زي عليوه الجماعه انت بالنسبة ليهم شبل مبتدئ وايه يعني عشرون مليار من الجنيهات ولا حاجه الناس ديل ناسين انك كنت نشال في بورسودان ثم المالية الخرطوم والنشله الكبيرة في دار فور (كان دار أبوك خربت شليك منها شليه) وانت ما قصرت وآخر الشطور الذي رضعته وزارة المالية الاتحادية .الحقيقه ربنا سهل ليك عشان كده تحلل رجع شويه ونوم بالباقي .عندك ثلاثه زوجات ماشاء الله لاحق جدك ماشاء الله عليك.
لكن نحن زعلانين منك في اثنين انت وزير ما ليتنا وحارس أموالنا كيف يكون الدفع والاستلام بالدولار وخارجيا دي ماليك فيها حق!
السمسار المسكين ده ليه ما اديته قروشه ما سمعت( صدقه قليله تكفي شر بلوه كبيره)
هديه للشعب السوداني هذا علي بابا محمود تورشين اشتري مباشرة أوعن طريق شركاء كل الحبوب الزيتية ويبيعها بثلاثة أضعاف سعرها لمعاصر الزيوت . وهذا سبب ارتفاع سعرالزيوت
والآن نحن أمام فقه الستره أو خلوها مستوره أو التحلل ا والطناش أدوها كوووووز.
آآآآن قلتو كم ؟
السؤال المحيرني:
البيت دا إشتروا من منو؟ أو
من هو مالك المنزل أبو 19 مليار قبل عملية الشراء؟
لأن اجابة السؤال يمكن تفتح أبواب جديدة للتساؤل.
يذهب الحرام من حيث اتى:اصلا النوع دة ربنا بيعمى بصيرته وليس بصره:هسع فى زول عاقل بكُب المبلغ دة فى بيت؟يجى يوم يفلس يبيعه بتمن المبلغ دة لانه انا لو محله وعندى المبلغ دة والله ما ادفعه حتى فى القصر الجمهورى!!السعادة فى البساطة :بيت عادى ممكن يكون الانسان عايش فيهو بسعادة اكتر من فيلا!!
لما شاف روحو مزنزق قال أنا مشيت مع السمسار اتفرج ساااااكت هههههههههههههههه