” جلبة وجعجعة ” شديدة لنواب البرلمان داخل القاعات بشأن حلايب
البرلمان :مشاعر دراج
رفضت لجنة الامن والدفاع بالبرلمان ما اسمته بالتصعيد المصري لقضية مثلث حلايب المتنازع عليه بين السودان ومصر ووصفت التصعيد الاخير بتدمير المنطقة واكدت اللجنة رفض البرلمان القاطع لقرارالحكومة المصرية بتعيين رئيس وحدة لمحلية حلايب امس الاول في وقت اعتبرت ردت فعل على اعلان مفوضية الانتخابات حلايب ضمن الدوائر الجغرافية السودانية.
ونبه رئيس لجنة الامن والدفاع بالبرلمان مالك حسين في تصريحات صحفية امس لحرص الحكومة السودانية على العلاقة مع مصر لا يعني السكوت عن قضية حلايب التي اكدت بانها سودانية بموجب القوانين الدولية .
ووعد رئيس اللجنة بطرح قضية حلايب في جميع المنابر الدولية لتعزيز سودانية حلايب واضاف (ان الاجهزة التنفيذية ستقوم بالواجب و بما هو مطلوب تجاه ما قامت بها الحكومة المصرية من تصعيد)قال (انهم يرفضون تماما ما اقدمت عليه الحكومة المصرية) وتابع (كان من الاجدر لمصر عدم التصعيد طالما السودان ساكت لان التصعيد يؤثر على الاوضاع بالمنطقة).
لافتا لتعامل الحكومة السودانية بالحكمة في ادارة الملف لا يعني السكوت عن حلايب واعتبر مالك قرار مصر ردت فعل على اعلان مفوضية الانتخابات حلايب ضمن الدوائر الجغرافية السودانية.
واكد عدم سكوت الحكومة عن ملف حلايب كما يردد البعض وقال ( القضية قانونية وعقلانية وليست قضية راي عام) ودعا الى عدم الاستجابة الى ما اسماها بالاستفزازات المصرية التي تحدث من وقت لاخر
المستقلة
حلايب بخير طالما انها بعيدة عن الكيزان وكذلك السودان
مصر مستغلة الوضع الفي السودان، وعايزة تترجل علينا، لكن اصبرو يا مصريين
القضية ليست حلايب فقط … الآن معبر اشكيت الذي تم افتتاحه قريباً داخل الأراضي السودانية بحوالي 40 كيلومتر … المصريين زاحفين عل طول للجنوب والحكومة تفرح بفتح معبر بين البلدين وسط أرضه وداخل حدوده ويقولون معبر حدودي مما يعني إعتراف ضمني من الحكومة بأن الحدود بين الدولتين هي منطقة اشكيت … لانه من الجهة الشمالية ستجد الجوازات المصرية …ما الذي أتي بهم داخل حدود السودانية ؟؟القضية تحتاج الي قرار رئاسي يتحمل كافة تبعاته لايقافهم عند حدهم …. وكلام لجنة الامن والدفاع بالبرلمان بالضبط زي ونسة النسوان في مجالس الجبنة .. ينتهي الأمر بنهاية الجلسة …
كضاااااااابة يا رابحة
يا اخوى حلايب رااااااااااحت شيفوا غيرها
“جلبة وجعجعة ” شديدة لنواب البرلمان داخل القاعات بشأن حلايب”
كالمعتاد “نسمع جعجعةً ولا نرى طحيناُ”
ودا آخـــــــــــــركم …. متشطرين علي المواطن الغلبان.
الجهاد في سبيل الوطن وينو؟ عرس الشهيد و أخوات نسيبة؟ دا مش كلامكم الضيعتوا بيهو عمر الناس في الفاضي؟ خلاص إنتهيتوا بقيتوا في جعجعة الشهيد؟ يورينا فيكم يوم قريب.
وفي النهاية دعي لعدم الاستجابة للاستفزازات المصرية!!!!!!!!!!!!!!!!! كدا الموضوع وضح…. اقول ليكم حاجة؟ تفوووووووووو عليكم.
مقهى النواااااااااام العام …. برلمان آآآآل هذا برطمان النوم والترطيب فى الكندشة والهواء البارد من الفيلا المكندشة الى السيارة الفارهة المكندشة الى داخل مكاتب البرطمان الباردة المكندشة = جنة رضوان اكثر من دى = ثم المخصصات والرواتب المحترمة وقضاء حوائج البيت والابناء والاقربين والاصحاب والاحباب بالمعارف والواسطات ثم العلاج من عضة النملة (ام ريش الساكنه تحت الزير) وقرصة الناموسة خارج السودان بتذاكر مجانى او مخفضة لان السيد عضو برطمان (عضاهو كلب سعران) وجوازه دبلوماسى والعلاج على حساب دولة اسمها السودان !!!!
الله لابارك الانقاذ كلبا كلبا دنيا واخرة حياة اوموت
أول شيء يجب أن يقوم السودان بطرد سفير مصر وسحب سفيره ويقول لمصر لكم دينكم ولنا ديننا وكل واحد من الطرفان السودان ومصر يجهز العصي وبعدها الحشاش يملا قرعتوا من ينتصر فلتحل له مصر وغير ذلك لا حل والعاوز له كلام مجمجة كمان يتكلم