إستمرار تراجع الدولار مقابل الجنيه السوداني
كتب مركز حزب البشير الصحفي
SMC الخرطوم
شهدت أسعار الدولار الأمريكي تراجعاً أمام العملة الوطنية فيما شهد السوق الموازي ركوداً في حركة البيع والشراء بعد الحملات التي نفذتها السلطات خلال الأيام الماضية.
وعزا وكيل وزارة المالية السابق الأستاذ الشيخ محمد المك في تصريح لـ(smc) الانخفاض نتيجة لزيادة الصادر من الثروة الحيوانية للملكة العربية السعودية وعائد رسوم عبور نفط جنوب السودان في الأيام السابقة، موضحاً أن إنخغاض الدولار سيعمل أيضاً على خفض معدل التضخم وزيادة معدلات النمو في الناتج الإجمالي المحلي، مشيراً إلى أن موسم الخريف كان جيداً وهو ما سيسهم في زيادة الإنتاج.
من جانبه قال د. سيد علي زكي الخبير الاقتصادي أن تراجع سعر الدولار وضعف الشراء من السوق الموازي نتج عن الحملات التي تفرضها السلطات ضد تجار العملة، مبيناً أن قلة الطلب على العملة الأجنبية أسهم في انخفاضه.
وسجل الدولار اليوم إلى 9,100جنيهاً مقارنة بـ 9,500 في السابق، في ظل مخاوف من التجار من توالي الانخفاض وهو ما حال دون حدوث مضاربات في الأسواق فيما تراجع سعر الريال السعودي إلى 2,3ج.
الدولار تعب من الطلوع بياخد نفس ويواصل سيرو طالما انتو قاعدين
وجنيهنا يا حسرة ماخد راحتو في الحضيض ثم يواصل الهبوط h
الدولار ده ذى ضغط الدم هل سمعتوا قبل كدى ضغط دم نزل وما ارتفع.؟ في النهاية يقتل صاحبوا بالفرح اذا ارتفع سعره او بالزعل اذا انخفض سعره .
تحويلات المغتربين لعيد الاضحي لها تاثير – بعد شهر ح تشوفو الحاصل
اللّهم خفف على أهل السودان عب المعيشة. اللهم خفض الأسعار والدولار. اللهم آآآآآآآآآآمين
مركز حزب البشير الصحفي
SMC……….كذابين والف كذابين مساء امس الاحد سعر الدولار 9470 …..لماذا لا تقولون الحق ….الناس عارفه سعر العمله وان الجنيه في هبوط وان المعيشة في هبوط
9,100 جنيه
وبرضو انخفاض قيمة الدولار، استحي يا مركز حزب البشير الصحفي هسع انا افتكرت الجنيه بقى بتلاتة دولار ….
الدولار عايز يشوت بنالتي راجع لوراء بعدين يجيك شايت في سقف المرمى.
ما طار دولار ووقع ، سرعان ما نراه فى العلالى ارتفع هعععععععععع انا اخوك يا جنا واشنطون ، غيب وتعال تلقانا نحنا يا نحنا فى سجمنا ورمادنا….
استراحة محارب كلو كذب ونفاق اصبرو شوية بعد العيد سوف تشوفو العجب من ارتفاعات بعد العيد
ديل عملو حملات موقتة علي التجار ودايرين يشترو بالرخيص ايامالعيد لان المغتربين برسلو لاهلهم مضطرين
شوفو الكذب قال ارتفاع عائدات بترول الجنوب علي الرغم من ان التصدير انخفض للربع
يامغتربين امسكو قروشكم عليكم ولاترسلوها البلد منتهي ومافية الترابة وشغال رزق اليوم باليوم
ديل حرامية ضيعو البلد باسم الدين لكن الحمد للة ماعنهم حل الا يدخلو البيوت وياخذو ذهب النسوان
مضاربات تجار الكيزان في الدولار هم ينزلوه ليشتروا ويرفعوه ليبيعوا
الحملات الامنية و الكشات للتجار العملة لا تمثل علاج لسعر صرف الجنيه السوداني — و هي مثل مريض السرطان الذي يعالج بالمسكنات لتخفيف حدة الالم — البنك المركزي افقر من فار المسيد — اخر رصيد كما ذكر صحفي انقاذي قبل يومين ( الباز )هو 267 مليون دولار —
و بشهادة صندوق النقد الدولي : الحكومة و القطاع الخاص يعتمدان بشكل كبير علي السوق الموازي في تمويل الصفقات التجارية و المعاملات الاخري — اذن من مصلحة الاقتصاد السوداني ترك السوق الموازي يعمل لجذب العملات بالسعر العادل الذي يرضي البائع و المشتري .
معظم كبار تجار العملة هم متنفذي الحكومة و الحزب الحاكم .
دي عادة تجار العملة كل سنة مع موسم الاعياد وعودة المغتربين ينزلوا السعر عشان يملوا غلتهم من الدولارات وبعد العيد بي شهر كدا يرفعوا السعر التاني
حافظنهم
بالمناسبة لا اخفيكم سراّ ,,,, كل تجار العملة الكبار في البلد هم كيزان ونافذين في السلطة ومحافظ بنك السودان واحد منهم
خموا وصروا
والله بكل أسف النزل الدولار هو كساد التجارة . يعني القوة الشرائية في أضعف حلاتها. عدم قدرة المواطنين على شراء السلع والخدمات قلل طلب الموردين عل على الدولار ودي كارثة عندها عواقبها اﻹقتصادية لما بعدها في الزمن المتوسط والبعيد. ليست المشكلة في الحملات ولا الانتاج كما ذكر البيان. دولة انتاجها الاول للعالم المشردين والنازحين وتصدير آلام وأحزان شعبها للعالم ليست جديرة أن ترتفع عملتها مقابل العملات الاخرى. مع احترامي للحالمين
السبب الحقيقي لإنهيار الدولار
قبل اليوم عندما تريد فتح إعتماد بنكي لشراء سلعة
يقول لك بنك السودان أجلب دولاراتك وسنقوم بفتح
الإعتماد اما اليوم فتذهب لبنك السودان حاملا فى
جعبتك دولاراتك لفتح الإعتماد فيقول لك البنك
لا استطيع ان افتح لك الأعتماد لعدم تعامل البنوك
الخارجية معي فاصبح الدولار عملة فاسدة.
الدولار ممكن ينزل لحدي ما المغتربين يرجعوا من اجازة العيد(عشان ينهبوهم) وبعد كدة يرجع بسعر اعلى من الاول
سيعود الجنيه إلى قوته بإذن الله، فقط ساعدونا بالصبر.
كل هذا الكلام البتقولوه كذب فى كذب ، الشىء الصحيح هو حقل سفيان النفطى فى منطقة اللعيت شرق دار فور إنتاجه قريب جداَ ، وهو حقل ضخم وسوف يعمل علي وضع الإقتصاد اسودانى فى الوضع الصحيح ، وتجار العملة عرفوا ذلك ، لذا كان تراجع العملات الصعبة أمام الجنيه السودانى
يل شباب لو سمحتو ممكن نعرف ليه تم مسح والغاء ( أتعهد بان أدفع لحامل هذا السند مبلغ ) التى كانت تكتب فى كل العملات السودانية هل ممكن نعرف السبب ليه يعنى أو لماذ دى مش برضو قروش ولا ورق للتداول لابين الناس باعتباره عملة – الجنيه والخمسة جنيه والعشرة والعشرون والخمسون كلهم بلاطة ساكت ما فيهم أى كتابة بالمعنى الذى ذكرته أعــلاه أفيدونا يا خبراء
ياحليل السودان انتهى
دا انخفاض طبيعي ويحصل كل عام . بس العام دا زيادة لانو فى كساد وتضخم وبلاوي …
لاكن في العادة تتم تحويلات كبيرة من المغتربين قبل عيد الاضحي بسبب العيد والمناسبات واللازم منو من خروف وشربوت ووهمات مغتربين ..
المغتربين بنزلوا بي عرباتهم افراج مؤقت وهاك يا صرف ريال دولار شيك سياحي ،،، وفي النهاية يرجعوا بعد الفشخرة دي يد وراء ويد قدامي ،،، يمشوا يربطوهم فى الساقية فى دول الاغتراب لمن يجوا السنة الجاية برضوا يتبوبروا
ايضا الناس فى الحج والشغل واقف بيع وشراء والناس قابلين علي العيد وبس الهم حق الخروف والشية ، واي زول ولا زولة عندهم عمله صعبة فكوها …
بعد العيد وبعد ما يرجعوا المغتربين بي عرباتهم الافراج المؤقت المالية شوارع الخرطوم اليومين دي ،،، تاني الدولار برجع للارتفاع ،،،
دي فرصة استغلها تجار العملة بشراء اكبر كمية للمضاربة فيها …
الدولار دا بعد العيد بحصل 10 جنية عدييييييل
اصلوا الخروف لما ينطح برجع لي وراء وبجئ دافر
جينا ليك والشوق دفرنا !!!
ياخ والله ديل جهجهووو الدولار لاعارف انزل لاعارف اطلع