لجنة تحقيق سودانية في مباراة شطرنج ضد لاعب إسرائيلي
أعلنت وزارة الشباب والرياضة السودانية عن تشكيل لجنة للتحقيق في ملابسات خوض لاعب سوداني لمباراة في بطولة العالم للشطرنج لفئة الناشئين في جنوب أفريقيا ضد لاعب من الكيان الصهيوني، وذلك يوم 25 سبتمبر الجاري.
وجاء على لسان وزارة الشباب والرياضة الاتحادية التي كلفت المفوضية الاتحادية لتسجيل هيئات الشباب والرياضة بتشكيل لجنة التحقيق المعنية برئاسة الدكتور حاتم عبد الماجد الليلي، وضمت كل من اللواء صلاح النور مطر عضواً والعقيد د. عادل محمد ساتي عضواً ومقرراً، وحدد القرار لعمل اللجنة فترة أقصاها يوم الخميس القادم الموافق الثاني من أكتوبر لرفع تقريرها الختامي.
وكانت المباراة المعنية قد شارك فيها اللاعب السوداني عمر التيجاني الذي يحمل جنسية مجرية أيضا، وقد خسر تلك المباراة أمام خصمه الصهيوني، وأدت هذه المشاركة إلى استقالة رئيس اتحاد الشطرنج السوداني طارق زروق من منصبه يوم أمس الأحد.
من جهة أخرى، كشف لقاء عقده السيد وزير الشباب والرياضة عبد الحفيظ الصادق عبد الرحيم أمس مع المفوض الاتحادي لهيئات الشباب والرياضة مولانا أزهري وداعة الله ومدير الرياضة في الوزارة، الخبير محمد صالح وداعة، عن قرارات مرتقبة في ظل الأصداء الواسعة التي صاحبت مشاركة اللاعب السوداني في تلك البطولة ضد لاعب الكيان الصهيوني.
وأوضح مدير الرياضة في الوزارة أن مشاركة اللاعب السوداني في البطولة لم تتم بموافقة الوزارة بمثل ما هو متبع في مشاركات الاتحادات في البطولات والمنافسات الخارجية، كما أن المشاركة في بطولة الشطرنج لم يكن فيها ممثلاً من الوزارة والاتحاد السوداني للشطرنج.
كووورة
خلاص ما دام اللاعب يحمل الجنسية المجرية.. فهو مجري.. فكونا ياخ…الحصل ده لعب شطرنج.. ولا زواج مثليين !!!!
لجنة كاملة بحوافز وبدلات ومرطبات ووجبات عشان لاعب شطرنج قبل التحدي مع لاعب اسرائيلي بلا يخمكم ويخم حكومتكم كلها اوع اكون اعتقلتوه من المطار واتحرتوا معاهو كمان
وشنه فيه لو لعب مع اسرائيلي اسراتئيل مشكلتها مع البكيزان والملبي واجهزته
ماعنده دخل هو يلعب مع من يشاء
وهذه حرية
يجب احترامها الكيزان لو ساحت لهم الفرصه يعملو اصدقاء مع ابليس
وفي النهايه يتحللو وخلاص
هوووووووووووووووو حررررررررررررررررومن حقه يلعب مع من يشاء
شنه يهم الوزاره
وشنه قدمت للاعبين والمدعين والمثقفين
منه اهتم بي الرسام الي مات في شوارع القاهره بردا
و كمان اتغلب
الهزيمةدائما تولد يتيمة ويظهر للنصر الف اب
برضو خسر ؟؟؟؟؟؟
الحكاية شنو؟؟؟؟؟
خسارة خسارة خسارة
يا ريت لو لعب بالجنسية المجرية
امكن كان يفوز
ايه الكلام الفارغ دا المشارك مجري ودولته لها علاقات مع اسرائيل
أفضل الخلق كان متزوجاً من يهودية ومات ودرعه مرهون لتاجر يهودي
وبعدين حاتكونو اكثر عروبية وغالبيتهم يصنفونكم سوادنة وحبوش وعبيد
وداعش تسمي بلادكم ارض الحبشة كما في خريطتهم المنشورة
ليبيا غزت السودان ومولت المعارضة السودانية والكثير من السودانيين ماتو بالسلاح الليبي ومصر تحتل أرضكم
وايه يعني لو سوداني لعب شطرنج مع إسرائيلي فكوناا بلا عرب بلا كلام فاضي معاكن
ورئيس الوزراء الفلسطيني احمد قريع ابوعلاء كان بيسكر مع شيمون بيريز في بيتو
وأهل الجلد والراس قاعدين يجتمعوا مع اليهود وعلى عينك يا تاجر
ويعني ايه يعني ، معااااادي العرب بيشاكروا في دوريات وديه مع اسرائيليين،والله أنهوا عايشين في وهم،
هو الرسول أتعامل مع اليهود واتزوج مهنم، انتو شنو ????
بعدين إسرائيل دي معظم الدول العربيه بتتعامل معاها ،ه في البورصه الإسرائيلية في تل أبيب شوفو عيني عرب الخليج والشام موجودين بكثره الناس بتنظر لمصالحها ،حتى ناس عباس تعاملهم عااااااادي ،
الوهم الفي راسكم ده شيلو برا يا عالم.
اللجنة الحافز بتاعها كم ؟؟؟ !!!!
هسي تلاقيهم فكروا فى الحاجز قبل ما يجتمعوا زاتوا …
المشكلة شنو لو لعب مع اسرائيلى؟؟ رسول الاسلام محمد زار وتفقد جاره اليهودى المريض الذى كان يؤذى الرسول صلى الله عليه وسلم. بعدين انتو اصلا ما عندكم علاقة بالاسلام بتتعاملوا مع الشيطان جات على اليهودى الرياضى.
أها لو غلب كان الوضع حيكون كيف ؟؟؟؟ طيب اعتبروها حرب خسرتوها المرة دي وزودوهو بسلاحكم عشان يغلبو المرة الجاية … وانتو ما اسرائيل جاتكم في عقر داركم وضربتكن سكتوا ليه؟؟؟؟ بالله خلونا من سفاسف الأمور عينكم في الفيل وتطعنو في ضلو ؟؟؟ عالم غريبة وعجيبة
كلام في قمة الاستهتار الرياضة لعب وليس سياسة اذا فرضنا السودان قلنا تاهل الي نهايات كاس العالم وواجهنا اسرائيل كيف يكون موقفنا هنا ?
خلاص حليتو مشاكل البلد كلها و بقت في لاعب و فلاحتكم في الاشياء الهايفة دي وين لجان التحقيق في خط هيثرو و الطائرات التي سقطت و مشروع الجزيره وغيرها الله يورينا فيكم يوم
ا لشطرنج عباره عن. لعبه حرب حماس لعبت حرب مع اسرائيل وخسارتها المشكله هى عارفه انها حات خسر قبل ما اللعبة تبدأ
هل تحاكم حماس
نعم تحاكم
الطريف فى الموضوع ان بطل الامارات واجه الاسرائلى فى نفس المنافسة
ولم نسمع باستقالة اى اماراتى
والحقيقة اتحاد الشطرنج السودانى طلب من الولد المجرى المقيم فى المجر
وما بيتكلم عربى انو يشارك باسم السودان لتصنيفه الدولى العالى والولد
بعد ابوه السودانى واهله حنثو حنيث حتى وافق يلعب باسم السودان فقام اتحاد الشطرنج السودانى باستخراج جواز سودانى للولد دون علمه يعنى بالواضح كدة وزارة الشباب والرياضة زورت جواز سودانى لواحد ما طلبو
نهنئ اللاعب الإسرائيلى بالفوز عشان شكلو الود عمر التجانى ده أخو خالد التجانى و عندهم كلب .. إذن هو كوز
اتحداكم ان تطرحوا موضوع التطبيع مع اسرائيل للاستفتاء الشعبي في السودان
هسه الرياضه علاقتها شنو بالسياسة ما يلعب ما يهودي المشكله شنو وما يتغلب برضو المشكله شنو؟ وبعدين أسرائيل بتخش تضرب السودان ووزير الدفاع بالنظر ما أستقال يستقيل رئيس اتحاد الشطرنج!!! غايتو محن تمحن والله
النظام نفسه علاقاته وثيقه مع اسرائيل
كلام فارغ، وما يلعب يعني كتلو بعض، اتنين وبيعلبو رياضة زهنية. واسرائيل موش دولة يهود وابراهيم، وموسى وكل هارون وغيرهم يهود؟ هل اليهودي شيطان؟ زيه وزي اي انسان تاني. عالم متخلفة يعني خلاص سرقات البلد حلينهوا ومشاكلة جيتو للكلام الفارغ
الناس ديل اكيد عاوزين يلهو ناس عن خروف الضحية بمثل هذه التفاهات وعن اوضاع الحجيج قالو لاعب خسر وطيب المنتخب البخسر طوااااااااااالي دا ماعندو سيد يخاف علي
قبل كل شيء هذا السوداني في أصله يحمل الجنسية المجرية ولا علاقة له بالسودان فهو يمثل دولة المجر فقط وليس السودان وفي المنافسات الدولية حتى لو كان سودانيا فجدول المنافسات يوضح المشاركين وجنسياتهم فيتم الانسحاب قبل بداية البطولة تفاديا لمواجهة الاسرائيلي في أية مرحلة ومن جهة ثانية فالرياضة ليست لها علاقة بالسياسة ولا بالمعتقدات الدينية … ولماذا يتم تكوين لجنة للبحث في هذا الموضوع أم أنها مدخل للفساد المالي من اجتماعات ونثريات وبدلات وطعام ومأماريات …
ياحمير وياطير
الرسول فى المدينه عش معاهم وبادلهم التجاره والاعاشه
وبسبب ببلادتكم دى كان مفروض السودان يكون اول دوله عربيه وافريقيه تتاهل لى كاس العالم بس رفض يلعب مع اسرائيل اسى المتزكره الموضوع دا منوا ولا الزاكره ليكم منو
وانا شخصيا القى اسرائيليه والله اتزوجها خلى العب معاه شطرنج ولا الشرع قال حرام؟؟؟؟؟؟؟؟؟؟؟؟؟؟؟؟؟؟؟؟؟؟
وتانى الكيزان البعملوا فيه حتى الحجاج جوعهم ما اخير اليهود منكم
وضمت كل من اللواء صلاح النور مطر عضواً والعقيد د. عادل محمد ساتي عضواً ومقرراً، محكمه عسكرية ولا رياضية شو لواء شو عقيد خليكم في شغلكم الاهم بس
ناس فاضيه وما عندها موضوع، سؤال وجيه اسرائيل دى عملت لينا شنو نحنا معادينها ، وهل يا ترى نحنا حميمين على فلسطين اكثر من العرب ( مصر وقطر وتونس والاردن ……..) لانو انا ما بعتبر السودان دوله عربيه ولا نحن بنعرف الاسلام اكثر من الامارات والدول العربيه المتعاونه والمتحالفه مع اسرائيل وهل العرب والمسلمين مهتمين لموضوع فلسطين .ثم تعالو الفلسطينين انفسهم بتحاوروا مع اسرائيل وفى عرب فى اسرائيل بل يوجد سودانيين هربوا من ظلم النظام القائم واحتموا باسرائيل بل واعتنقوا اليهوديه لانكم شوهتوا الاسلام بل رئيسكم طلب المشاركه بجنود سودانيين لمحاربة الدوله الاسلاميه مع العلم ان الدول الغربيه هى الراعيه والداعمه لاسرائيل والنظام الفاسد السودانى على درايه تامه بهذا الامر بل حكومتنا بتنفذ اجنده امريكيه واسرائيليه وما فصل الجنوب ببعيد .
عشان كه شوفوا غيرها،،،،،،،،،،،،،،،،،،،،،،
امشو وكلو حجاجكم اول شي , وبعدين وكلو شعبكم وبعد تشبعو تعالو اتفاصحو !!!!
نفترض جدلا ان الاعب السوداني ده فاز في المبارة ضد اسرائيل ردود الفعل كانت حتكون كيف ؟؟؟؟؟؟؟؟
أولا : اكيد اصبح بطل قومي وعملوا ليهو شارع باسمة وميدان وداخلية طلاب
ثانيا : وزير الدفاع كان اعلن انهم ان هذا هو الرد على اسرائيل فقد احتفظ بحق الرد اكثر من مرة
أنا ما عارف المشكلة شنو؟ يعني إسرائيل دي مش دولة زيها والدول الأخرى عضو في الأمم المتحدة وعضو في الاتحادات الرياضية ومعترف بها في كل دول العالم ، يا خي ما يلاقي السوداني لاعب من إسرائيل يعني شنو ؟ وبعيدن الفلسطينيين زاتهم بلاعبوا إسرائيل ، ونحن نعادي إسرائيل عشان خاطر منو ،يكفي أننا قبل سنين طويلة ضيعنا مشاركتنا في الأولومبيات بسبب سخف عداوتنا لإسرائيل الماعارفين ليها سبب ولا مبرر. وبعدين اللجنة تحاسب منو ؟ هل تحاسب جنوب أفريقيا القبلت بمشاركة إسرائيل ولا تحاسب الولد السوداني لأنه قبل منافسة الإسرائيلي ؟ وبعدين الولد زاتو عندة جنسية تانيةغير السودانية. يعني اللجنة لو أصدرت في حقه أي عقوبة اتشد حيلها مع بلجيكا ، وطبعاً ديل ما بلعبوا في الحاجات دي.