وصفته بالمتخلف : وسط ذهول المدعوين عريس يطلق عروسته داخل الكوشة بالخرطوم

في سابقة هي الأولى من نوعها طلق عريس عروسته في ليلة زفافها بإحدى الصالات الخرطومية اثناء أداء فنانة معروفة وصلتها الغنائية بعد أن أخطره أحد اقربائه بأنها وصفتها بالمتخلف على خلفية منعه استخدام الهواتف السيارة في تصوير زوجته وهي ترقص. وتعود وقائع الطلاق إلى أن العريس طلب من الفنانة التي أبرم معها عقدا لاحياء حفل مراسم زفافه أن تحذر الحضور من مغبة تصويرهم لعروسته من خلال كاميرات هواتفهم الجوالة وبالفعل نبهت الفنانة كل المدعوين بواسطة مكبر الصوت ومن ثم بدأت وصلتها الغنائية التي انداح على أنغامها معظم الحضور رقصا بما فيهم عروسته التي صوبوا حولها عدسات كاميرات الهواتف، فما كان من العريس إلا وأن ينهض من مكانه ويخطف الموبايلات من أصحابها ما خلق فوضى عارمة استدعت الفنانة المعروفة لقطع وصلتها الغنائية وفقا للخلاف الحاد الذي دخل فيه العريس مع من يشاركونه الفرحة. ومن وسط ذلك الزحام انسحب عائدا إلى الكوشة ليبدأ الناس مناقشة هذا السلوك الذي بدر منه حيث علقت عروسته على ما حدث بأن عريسها متخلف. فالتقطت أذنا قريب له هذه الكلمة فما كان منه إلا وأسرع ناحية العريس وهمس في اذنه بما تفوهت به عروسته على الملأ. فغضب غضبا شديدا لوصف زوجة المستقبل له بالمتخلف والرجعي ما حدا به رمي يمين الطلاق عليها وسط دهشة واستغراب الحاضرين.

صحيفة الدار

تعليق واحد

  1. اذا الكلام صيحيح اولاً الشخص الوصل الكلام الي العريس حرام عليه وتعتبر فتنة و الفتنة اشد من القتل وخطا العريس من الاساس هو من عمل الحفل وترك المجال للفنانة وشكل العروس اكيد عريانة ولكن العروس تستاهل هي من الاول ماعندها علم بأن العريس متخلف ووفقت به تتحمل مبروك عليها الطلاق تستاهل اكثر من الطلاق

  2. على الطلاق راجل عفيت منك ولو عندى بنت كان اديتك ليها
    هع هع هع هع هع هع هع هع هع هع
    :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad:

  3. اولا مادام العريس بهذه الغيرة على زوجته كان من باب اولى ان لا يعمل حفلة اما اذا عمل حفلة يتحمل عواقبها اما تصوير الموبايل او الكاميرا واحد لان التصوير هو التصوير وعادي ممكن امنتج شريط الفيديو لفيديوهات صغيرة وارسلها للموبايلات حقيقة تصرف احمق من العريس ويتحمل كل وزره قريب العريس اما العروس تفوهت بذلك لانها تحب التصوير وتحب ان تداول صورتها لانها من باب اولى تكون بجوار زوجها واذا كان هو متخلف لم تتكتشف ذلك الا بعد ذالك التصرف أسأل الله العلي القدير ان يصلح حالهم ويهدئ سرهم ويجمع شملهم ويجعلهم موفقين دنيا واخرة

  4. السمع الكلام دة وكلم العريس هو المتخلف وحمار لانه وفي هذه الحالة يجب ان ينبه العروس فقط ويعيب عليها هذا القول – اما اذا كانت امراة ممكن
    بس برضو هي متخلفة وحمارة

  5. ربنا يعوض كل واحد فيكم خير
    لكن يا جماعة نصيحة لله ده زواج واللي عايز يستقر ويعيش حياة سعيدة أولاً يختار ذات الدين (كما أمرنا رسول الله صلى الله عليه وسلم) وثانياً ما يبدأ حياتو الزوجية بي معصية
    يعني أيه الواحد يعمل حفلة وكمان ينشرها في التلفزيون واليوتيوب وكل الناس تتفرج على جسم زوجتو، ده عدم غيرة على الأعراض واللي ما عندو غيرة في عرضو يعتبر ديوث

    نسأل الله تعالى أن يحفظ شبانا ويستر بناتناويصلح زوجاتنا

    وشكراً

  6. راجل والله لانك لو سكتة طول عمرك حا تكون متخلف وساكت وعشان تكون عظة ليها ولغيرها ، وتانى تبطل قلة ادبها على راجلها ،، لكن يا العريس الموضوع بسيط انك من الاول تنبه الحضور بعدم التصوير ولا من اولو اعملها مختصرة ولا ما تعمل حفلة نهائى البحصل شنو يعنى
    معناها زوجتك كانت لابسة مفتح ولحمها كلو مكشوف على الناس وانت داير الحضور بس يشوف اللحم ده

    اللهم استرنا واستر عوراتنا واستر ولايانا

    لله درك يا وطن
    ابـــــــــــــــوعــــــــــــــمــــــــر

  7. ناقصات عقل ودين لو يعرفن التصوير على الموبايل من اقرب الناس في مثل هذه الحفلات وبثه على اليوتيوب والمواقع الاجتماعية الاخرى عمل في ناس ما عندهم ذنب شنو …

  8. عريس بليد دون ما شك ،،، إذا كان هذا تفكيره كيف يسمح من البداية بالصالة والصالة فيها حفلة والحفلة فيها رقيص ،،، وكيف تسمح ليهو نفسو الراجال داخل الحفلة يشوفو مرتو وهي بتتجدع و في في الوقت ما يكون عندو مانع بس الناس ما تصور ،،، طيب الناس الشافت عروسك دي كلها حريم ؟؟؟ !!!!!أي منطق هذا ،،،

    كان يمكن له تفادي كل هذا كما ذكر بعض الأخوان من خلال الاتفاق المبكر مع العروس وأهلها نحو تريبات عرس خالي من الصالة والرقيص وهلم جرا ،،، وإن لم يتم الاتفاق كان من الحكمة أن يعرف كل طريقه من دون كل هذه المهاترات وكشف الحال …..

  9. كضابببببببببببببببببببببببببببببببببببببببببببببببببببببببببببببببببببببببببببببببببببببببببببن ياناس الدار

  10. وليش وافق على مبدأاقامة خفل غنائي من اساسه .. فعلاً متخلف .. لأن ذو العقل السليم يأخذ الأمر إلى نهاياته المنطقية.. فإما نهج إسلامي وتمسك بالمحافظة على العرض إلى نهايته .. وإما ترك ذلك والانقياد لرغبات الزوجة والشيطان .. وهو أيضا منهج له نهاياته المنطقية ومن بين ذلك الرقص والتصوير وانتهاك الخصوصية..

  11. دة عريس كلمة متخلف قليلة علية لماذا لانة فعلا رجل متخلف بكل ما تحمل هذة الكلمة من معني من اتي بالفنانة انت وتاجير الصالة انت ومن اتي بالمدعيون انت لماذا تحرمهم من تصوير ست الحسن والجمال اذا اردت ان تكون رجلا فلا بد ان تلبس زوجتك الملابس الحشمة اولا…………………..
    ولا يهم تصويرها ام لا ان كانت لا بسة ما يستر جسمها ولكن انت خايف والله اعلم ان زوجتك كانت عريانة وخفت من شيل الحس لماذا لا تخاف من الله انت خفت من الناس
    اين خوفك من الله اكيد لم تخف من الله ولكن خفت من الجوالات الناس من اجل نشر صورة زوجتك والله قمة التخلف ما قمت بة……
    لماذا لم تكن رجلا وترفض مسالة الصالة واالكلام الذي لا يقدم ولا يؤخر من البداية واتزوجت حسب الشرع وكانت كلمتك هي العليا لا حفلة لا صالة لا زيد لا عبيد ان كنت رجل لا تحب المساخر ولكن رضخت لهم وفي النهاية ازعلت كلمة متخلف من الخسران انت وليس احد غيرك من الناس انت مندفعت الاموال للفنانة هل اعادت ما اخذت لا كان علي الاقل تنسي هذة الكلمة ممكن تكون في ساعة غضب من الزوجة ولكن عملت رجلا وطلقتها غذا سوف ياتي غيرك ويتزوجها ان كان متخلفا ام لا ولكن التخلف في نهاية الموضوع والخسران في الحالتين العريس المتخلف فعلا؟؟؟؟؟؟ظظظظظ

  12. عافي منك يالعريس وربنا يعوضك أحسن منها لأنو حياتها معاك بدت بشتيمة والمرة دي ماتستحق غيرتك ورجولتك

  13. ذكرني بالواحد ادخل بيت الدعارة وذا اتعكش من احد معارفه اتعذر باعذار قبيحه كلمة متخلف قليله عليه او احتمال اكون مريض نفسيا لو كان غيور بحق او مطوع ان يرفض مبدا الحفله والا البرقص ما بغتي دقنو ؟؟ يعني تصوير واحد لا يسوي يخت ايدو في كتفه انت تتحمل لانو الحفله تحفها شياطين تاني انت تودي وشك وين من الناس سيب الجوعله وشوف اجاويدك وين واتلمه

  14. ياجماعة حاولوا حللوا الموضوع بهدوءوبدون انفعال واندفاع __ كل حفلات الزواج أو

    أغلبها تقام فى الصالات وده شىء طبيعى ___ وأى عروس ترقص وبرضو ده شىء

    طبيعى وعادى __ وبعض الاسر يطالبون بعدم التصوير وده من حقهم وبرضو شىء

    عادى وطبيعى ___ وبعض الضيوف لاينصاعون ويلجأون للتصوير وبرضو شىء متوقع

    لانو فهم واستيعاب الناس بيختلف من شخص لاخر ____

    المصيبة قى رد الفعل على العريس وأنا متأكد أنو العريس لو أعيد هذا المشهد لن

    يتصرف بنفس الطريقة __ ومن المؤكد ندمه على هذا التصرف المتسرع ___

    والاهم والاخطر تصرف العروس ووصف زوجها بهذا الوصف المشين والمعيب __

    اللوم على العروس وعلى من نقل أونقلت تعليقها الى العريس ____

    وحل هذه المعضلة بسيط ___ اعتذار العروس لو فعلا صدر منها هذا القول __ مع عدم

    استبعاد وشاية وغرض من ناقل اوناقلة الكلام الى العريس ___

    هذه وجهة نظرى وأحببت المشاركة مع الاخوان لعل وعسى __

  15. الدار دي بتاعة شمارات وكثير بتبالغ في الاخبار
    الزول الوصل له القوالة خرب له بيتة
    لزومة شنو الغناية تقول له ما تخليهم يصوروا
    مش برضوا الرسول صلى علية وسلم نهي عن الغيبة والنميمة

    الخبر كله ملفق
    والله المستعان

  16. العريس راجل ..وبالعكس آدمي جدا لأنو حاول يرضي عروسته ويخليها ترقص ويحافظ علي عرضو بمنع التصوير وده المفروض يحصل..اصلا هنا في الخليج ممنوع دخول الاعراس بي موبايلات بس ناس السودان بتساهلوا في الحتة دي..اما العروس اثبتت انها قليلة ادب وعديمة تربية وعكست شكل الاسرة الطالعة منها لو كان عندها رجال مستحيل تقول الكلمة دي حتي لو كان العريس بريالة.. حقيقي الملافظ سعد :confused: :confused:

  17. والله حاجة غريبة,,,,,,

    لكن يا ناس التصوير بالموبايل فى الزواج حركة سخيقة وقلة ادب.

    زمان كان العرسان برسلو صور الزفاف لى اهلهم وصحابهم دلالة معزة وزكرى لليوم الجميل ده تكون فى البوم البيت.. الناس ترجع ليها من فترة وتانية,, اليومين ديل تلقى صورة مرتك ولا اختك واحد عاملها خلفية فى موبايل ,,, عجبى. قال متخلف قال إإإ
    لكن هى العويرة بالغت عشان صورة عملتيهو متخلف كلو كلو ,,, الزول حمش ودى حاجة مزروعة فيهو اتقبليهو كده وعالجيها معاهو لقدام
    ولو دايره راجل يوافق على اى حاجة يبقى ده كلام تانى
    متحلف دى زاتها كلمة ما محترمة كان تمسك خشمها عليها تخلى التانين يتفاهموا معاهو ,,,,,,,,, المهم انا مالى…..

  18. انتو ياناس بتعلقوا بدون ما تقروا الخبر ولا عاملين راحين … الزول دا ما جاب الفنانة وخلا مرتو ترقص والحفلة اكيد مختلطة يعني بقت على التصوير بس … ياربي يكون البث حصري ولا شنو!!!

  19. معقول في ناس بتفكر كده لحدي الزمن دا لو مشيت المشتري مابتلاقي واحدة تاني اهلها بيدوك ليها

  20. ياخ كان ينتقم منها وبعدين يطلقها طلقة واحدة , كانت ح تجي تبوس رجلينوا علشان يرجعها … العروس المتخلفة دي انا متأكد راسها في ………. علشان كده ما ح تقدر تصبر……

  21. والله اقول للعريس الفهم قسم ..

    لكن حقيقة العروسة ما عندها ادب عندما تفوهت بهذه الكلمة..
    وخير مافعلت ..

  22. على بالطلق
    فكونا ياخي
    العريس عامل حفلة
    وجايب فيها فنانة ما فنان
    وعروسه ترقص والرجال يعاينو ليها وممكن تكون لابسه زفاف من نوع بلا كم وبلا صدرية
    دا كلو ما حركو
    وفي تصويرها بالجوالات بقى انصار سنة
    والله العظيم عريس متخلف بالجد

  23. حسب قانون الاحوال الشخصية السوداني تعتبر المطلقة قبل الدخول بها طلقتها بائنة بينونة كبري يعني لا يجوز له ارجاعها حتي تتزوج غيره و يطلقها زوجها يحق له بعد ذلك العقد عليها من جديد

  24. يا جماعة الطلاق بائن ورلا رجعة فيه كما ذكر الجافي لكن ليس بموجب قانون الأحوال الشخصية السوداني بل حسب الشرع الذي يستمد منه المشرع تلك الاحكام . يعني الاعتذار ما بيفيد . بعد هذا التهور .

  25. العريس متخلف فعلا لانه سمع الوشاية ولم يتحقق من ذلك … البعيد شنو بتاع الشمارات ده يكون ما داير ليك خير اصلا.. او عارفك احمق وعندو نية فى اختيارك… الظاهر عليك يا اخوى حتندم وتسف الرماد…. يا سجمان ( … اذا جاءكم فاسق بنبا فتبينوا …)

  26. بعض التعليقات تقول العريس راجل .. اذا كانت هو صحيح حمش على زوجته ما كان جاب ليها فنانه معروفة في حفل زوجه من اساسو.. كان يجيب فنان يليق برجولته ..
    ثم ثانيا شكلو كده ما تعبان في جميع المال لكي يتزوج به .. .. ولذا هذا الخسائر لا تهمه تجد مثل هذه التصرفات والقرارات الطائشة من الطرفين ..

  27. الرجولة هي القيمة الوحيدة التي لا تقبل القسمة علي اثنين .. اذا كانت نسبة الرجولة عند العريس بنفس القدر الذي ظهر في رد الفعل عند الحدث كان علي الاقل استطاع منع قيام هذا الحفل الماجن او منع عروسه من الرقص بدلا عن احراج ضيوفه ومنعهم عن التصوير …. هنالك مثل سوداني اصيل انطبق علي السيد العريس ( قلبتو مرتو ادب مرت جارو )وعلي الرغم من خيابة العريس فالعروس ماتستاهل طلقة يمين بل تستاهل طلقة رصاص لانها …………..

  28. الكلام غير منطقي من العريس إذا كان رافض تصوير زوجته كان من الأول ينبه الحضور بواسطة أحد أقاربه إذا كان مستحي وكان بالمرة لا يعمل حفلة أو يمنع الغناء إنت إحضرت الفنانة وسمحت برقص عروسك فلماذا تمانع من التصوير سبحان الله!

  29. ناس الدار ما جابوا باقي القصة لانو الغريس بعد 4 ايام قال عاوز يرجعها لكن الماذون قال ليهو لازم يعرسها واحد ويطلقها (ولا بد ان يدخل بها ) وماذا فعل لعريس ؟ اكمل ليكم بكرة انشاء الله

  30. غلط العريس لوكان يغير ماكان عمل حفله من اساسو …
    اما العروس رد فعل عادي جدا
    اما الشيطان والله شاطر جدا بذات بين الازواج الله يعينك ياعريس في حياتك
    الشخصيه ….

  31. الحقيقة المجتمع كله متخلف !!

    هذا حفل زواج يعني مناسبة خاصة ولا يحق لاي انسان غير مدعو ان يحضر لمجرد الحضور ثانياً ايه لزوم التصوير من ناس ليس لهم علاقة بالموضوع والحقيقة العريس نفسه غلطان لأنه فتح المجال لكل من هب ودب لحضور حفل زواجه وكان يفترض اختصاره فقط على عائلة العريس وعائلة العروس والاصدقاء المقربين وبلاش فشخرة ومشخرة في الفاضي وكلنا سويناها وما كان في ليها اي لزوم (؟)

  32. طبعا نحنا السودانيين عندا حاجات كدا الله يغفر لينا
    صحيح انو العريس طلب من الفنانة ان تبلغ الحضور بعدم التصوير لحدي هنا افتكر انو الوضع حضاري لكن كان هنالك فعل وهو عدم الاستجابة لطلب العريس فيمكن كان ان يكون رد العريس ايضا حضاري وهو ان ياخذ عروسته وينسحب من الحفل بكل زوق وادب ويترك المتاعيس يصوروا بعض وهو ينعم بليلة دخلتة .
    نصيحة للعريس ( اتمني ان تكون العروس القادمة منقبة وخيرها في غيرها بس برضوا للاحتياطي اعمل حملة تفتيش للموبايلات عند مدخل الصالة في الحفلة القادمة ده لو فضل ليك حبة قروش لعرسة تانية ……….. متخخخخخخلف وداقس )

  33. اها وبعدين يااخوانا مافهمت لو انتو عافين منه ولا متضامنين معاها؟…اقوليكم الجواك بطل جواك شامبيون. كدي النشوف البعدها!

  34. يا شباب الموضــــــوع كله الظاهر عليه مفبرك ..

    كدي شوفوا الحـــته دي :

    1ـ (( رقصا بما فيهم عروسته التي صوبوا حولها عدسات كاميرات الهواتف، فما كان من العريس إلا وأن ينهض من مكانه )) . ؟؟؟؟

    يعني العروسة كانت بترقص مع منو . وهو القاعـــد ليها شنو في الكوشة والعروسه حاتاهــو براهــــــا؟؟؟

    2ـ (( أن العريس طلب من الفنانة التي أبرم معها عقدا لاحياء حفل مراسم زفافه أن تحذر الحضور من مغبة تصويرهم لعروسته من خلال كاميرات هواتفهم الجوالة ))

    وشكل الرقيص ده شنو البخلي الناس تتجارى وتصور ؟؟؟؟؟؟؟؟

    والعريس ده ما يمسك مرتو عليه . انت رضيت انها ترقص قدام الناس تاني في شنو !!!!!

    الموضـــــــــــــوع ما ظابط بالطريقة دي

  35. اولا احمد الله ايها الشاب بان بان فيك غيرة ولست رجعى لان الرجعى هوالديوس
    بان رفضت ان تصور شريكة حياتك وام اولادك فى المستقبل كما يفعل اقرانك من الشباب الا من رحم الله فهم يرضون بتصوير زوجاتهم والرقص مع الغير فى الحلبة والادهى والامر العريس ياتى بتيوس ال Blue Nile للتصوير والبث على الفضائيات
    بل تنشر على موقع النت كما فعل بمذيعة الBlue Nile وهى شبه عارية لو كان العريس من البهائم اعزكم الله لما قبل بهذا المشهد – للاسف الزواج اصبح فى هذه الايام شهوة وليس وسيلة للعفاف او مقصد – انظروا كم من زيجة تمت خلال عام واحد ثم اطرح عدد حالات الطلاق فى العام اللبعده تجدها لا تقل عن 50 % فهذه كارثة
    هذا الشاب حسم امره من البداية قبل مايتورط فهو عاقل .

  36. القصة ياشباب إنو العريس أصلا ما مقتنع بي حكاية الرقيص دي لكن لأنو دي واحدة من مستلزمات العرس الضرورية يجب أن تتم ،، ويمكن يكون العريس أصلا ما داير حكاية الرقيص دي لكن ماقادر يقول لا ،، عشان مايزعل ست الحبايب … المهم في الوقت المناسب قام صاحبنا إستغل حكاية التصوير بالجوالات دي وعبر عن إرادتو المكبوتة وانفجر … والله أعلم…

  37. ضكرررررررر احيك واحي كل من لا يركع للسحالي.
    وفي ناس بيقولو هو متخلف !!!! متخلف شنو يا بشر ديل بكر حينشروهو في النت و يقولو ليك ده فلم سكس سوداني

  38. مابني علي باطل فهو باطل
    هل الحفلة فرض ولا سنة وانت في الاول وافقت علي الحفلة ليه وبعد ان وافقت الا تدري ان التصوير من ضمن الفقرات في الحفلة كما الرقص كذلك
    يبدوا ان صاحبنا جاء مجبرا علي الحفلة
    وكان تموت موتك ساكت بدل البهدلة والسمعة اصلا انت ما فيك خير طالما وافقت علي رقص عروستك امام العالمين
    لكن ارجع باب التوبة مفتوح وشوف من تناسبك فكرا ودينا وربنا يساعدك اذا كان غضبك لله

  39. ضكررررررررررر اسمع يا اخوى المرة الجاية خلى معاك قرنيت عشان تخلى القاعة رماد

    يا اخوى حفلة شنو وغناء شنو شيل مرتك وامشى بيتك

  40. مكبر الموضوع يعني شنو لو قالت لية متحلف حربت الدنيا كلمة اتقالت في لحظة غضب مافييها شي يقوم يطلق عليك اللة في زول الزمن دة بطلق عشان كدا
    راجل مخة فاضي ياما بين المتزوجيين بيحصل اكتر من كدا في حريم بضربو الرجال كمان وبعدين دة ما رجالة انك تتقاوي علي مرة هسي االرجال البيعلقو يقولو راجل عافية منك تلقي حريمم بقولو ليهم اكتر من كدا هي قالت ليك متخلف دة مني ليك عوير واهبل

  41. ياجماعة العريس جعلي ودمو حار ما بقبل الاهانة
    عشان كده قام طلقها
    مع انو خسران سبعين مليون في العرس دا
    وكان مغترب هنا في السعودية وبعرفوحق المعرفة
    وهسي رجع الغربة تاني وحلف ما يرجع تاني :lool: ;( ;(

  42. والله دا زول داقس ,,كان ياخد ليهو يومين تلاتة كده وبعد داك يقوم سداري ………بعدين هو صحي متخلف لانو بنات الزمن دا ما بنات عرس ومسؤولية

  43. شنو شابكننا….راجل ود رجال راجل ود رجال……والله دا ماجابجنب الرجالة ساكت…… وصحى متخلف…..عشان الطلاق عندو ساهل…..هسى لوكان تما عرسو ده ومشى فى الحياة كده لقدام شوية وواجهتو مشكلة مشكلتين ….كان سوا شنو؟؟؟الطلاق ده…امرا قاسى يااخوانا ماشى هين …عشان الرجال يلوكوهو كده زى اللبانة…:mad: :mad: :mad: غياظيييين.رجالة رجالة …الرجالة تطييييييييير.

  44. بعد السلام علي الجميع
    لامن العريس ما عيذ يصور عرسته عامل حفل ليه كان من الاول يعمت عقد الجامع وكفاية

  45. الفنانة و الحفلة و الرقيص حلال.و تصوير زوجتك حرام. انت من الاول عامل حفلة لية غاير علي الامورة…. فعلا دة التخلف بعينة. بس العروس ما كان فية داعي لوصفة كدة.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق