المريخ يحول تأخره ويعود بثلاث نقاط من بورتسودان
في اليوم الثاني لمباريات الدوري الممتاز لعبت اليوم اربع مباريات
حيث تمكن الخرطوم من هزيمة ضيفه جزيرة الفيل 1/0 وانتصرت الموردة على ضيفها الامل عطبرة 3/1 وعاد النسور الصاعد للدوري الممتاز بنقطة بعد تعادله مع اتحاد مدني0/0
واستضاف استاد بورتسودات لقاء الهلال الساحلي والمريخ وتمكن المريخ من تحويل تأخره الى انتصار بهدفين مقابل هدف ، تقدم هلال الساحل بالهدف الاول عن طريق لاعبه مرتضى عبدالله في الدقيقة 29 وعادل للمريخ محمد مقدم بعد دقيقتين وسجل الهدف الثاني مصعب عمر في الدقيقة 42 ليضع المريخ اول ثلاث نقاط في رصيده.
كتر خيرك يارمضان احمد السيد ونحن قبيل شن قلنا قلنا الطير بياكلنا لو ماعندكم استعداد لنقل المباريات الشلاقة ليكم شنو والله بس دا المريخ لاعب عشان كده كاميراتكم خربت وارجعوا لتعليقي في موضوع قووووووووووووووون تنفرد حصريا لنقل الدوري
السنة الفاتت نفس السي في مباراتنا مع الامل انا شايف مفروض تكون في غرامات او اي نوع من العقوبة علي القناة حال الفشل في نقل اي مباراة كاملة او 75% مثلا منها خصوصا وهي محتكرة الدوري .. كيف نضمن ان ذلك لم يكن مقصودا
قناة قوون ما عندها ذنب ولا عندها امكانيات ولا يحزنون
المشكله من الاول في الاتحاد المنحها الدوري…
اصلا نحنا مطلعه روحنا المجاملات واللهث خلف المكاسب الماديه..
عليكم الله ياناس الاتحاد انتو مقتنعين انو قوون دي قناه …
ياخي كان عندكم احسن الخيارات ولا بس دايرين تاذونا بيها…
ولسه ما شفتو حاجه واخدوها مني قوون دي في كل عشره مباريات
ح تبث تلاته بس
لانها ما قدر المسئوليه دي
والدوري وقنعنا منو البركه في الاذاعه السودانيه
مادي الشلاقة الخلتنا …………………علي قول استاذ عبد الماجد.
هسي كان في داعي
بعد 29 دقيقة من اولى مشاركاته في الدوري السوداني حارس افريقيا الاول ياخد سمبك من خارج خط 18 !!!!
يا جمال الوالي للمرة المليون نقول ليك قروش الحرام ما بتودي لي قدام وحتشوفو الاسمو الحضري ده حيعمل فيكم شنو