والي الخرطوم الخضر: « السلطان إذا كان فاسد حقكم ضاع والبلد راحت معاه »

أسمع كلامك أصدقك !!!!!!!!!!!!!!!!!!!

كل سنة وانتو طيبين

والله ياناس الراكوبة يا انتو ما جادين يا الخضر ده ما جادي

نمسكا واحدة واحدة

السلطان إذا كان فاسد حقكم ضاع والبلد راحت معاه».

اها لو معاهو تحلل كيف الوضع؟؟؟

إنشاء «10» سدود بالولاية لحجز أكثر من «2» مليار من مياه الأمطار كانت تتجه إلى نهر النيل،

حاجزا مالك بيها لا ح تولد كهرباء لا عندك ليها زراعة يعني موية راكدة وخلاص ولا الفهم شنو … ولا عاوز تربي مزارع ضفادع امكن .. بس حسادة في المصريين ساكت.

إلى جانب تنفيذ أسبوع حماية المستهلك .. اسس جديدة دي يعني شنو … تحويلا لغاز مسال مثلاً..

تدريب أكثر من «1000» من عناصر جهاز حماية الأراضي ومنع المخالفات لضبط الشارع والأسواق ومنع التعديات،…

بعد ايه ما خلاص غسان قام بالواجب وما خلا زقاق

ودعا الخضر المواطنين إلى الصبر…

ترانا لايكينو

من منو ؟؟؟ ما هو اصلا حمايتو منكم انتو

تفعيل أجهزة نقل النفايات عبر أسس جديدة ستعلن قريباً.

اتنين بشيلو البرميل بقلبوهو في العربية..

معناها نحنا حقنا ضايع من 25 سنة

وين غسان ياوالي!!!!!!

واحد حقير ليس الا ندعو لك بالهلاك

السلطان إذا كان فاسد حقكم ضاع والبلد راحت معاه»
حقنا ضائع من زمن
الله يكون في العون بس

هذا ما يعرف بلغة الضحك على الذقون …. فساد الحكام والحاكمين لا يحتاج لشهادة إثبات كما الحال فى واقعة الزنا ( كالمرود فى المكحلة )

كبير الرقاصين يقول فى أكثر من مناسبة كنوع من التخدير للشعب الغلبان : ما فى حكومة الناس صبروا عليها كما صبر الشعب على الإنقاذ .. لكن بكل أسف ومرارة النتيجة كانت هى مانراه ونسمعه … أصبروا … أصبروا … الفرج قرب ….
سئل المرحوم بروفسور عبدالله الطيب ، يا دكتور الناس ديل يقولوا أصبروا أصبروا ….نصبر لامتين قال ليهم تصبروا صبر البعشوم ، قالوا ليهو البعشوم صبر كيف … قال ليهم البعشوم صبر لامن مات ….
الصبر فات وفاق حد الإحتمال الشرى …
الوعود الكاذبة لن تجدى فتيلة ولن تحل مشكلة البلد طالما تاه دليلا

ربنا يوفقك وتسرق سرقة العمر انت واولادكم وجيرانكم المساكين تاكلو فيها لى جنا جناكم

انه زمن العجائب والغرائب فعلا
ماذا نقول
نقول حسبونا الله ونعم الوكيل

ديل راكبيننا ذي الحمير و بقولو لينا اصبرو حتى تبقو حمير بالجد.
على الشباب تكوين خلايا المقاومة لحرق الكيزان و كلاب الامن.

صدقت فى( وقال «السلطان إذا كان فاسد حقكم ضاع والبلد راحت معاه». )انتم افسد خلق الله فى الارض والبلد راحت معاكم يا مجرمين …

عايز الدعاء !!!؟….تعال لى جاى
إن شاء الله يعضيك كلب الحاج يوسف..اليخليك تهوهو
وإرفسك حمار سوبا فى الحتة ديك لمن تهنق
وأريتك بالقمل والجرب والقراد الما بعالجو البطرى
وبالأنثراكس الدمو بمرق بالإضنين
وبى جنون البقر اليخليك تنطط
وبى البروسيلا التيبس عضامك
وبالعليقة التخليك تكاكى
وبى السعر الغلب الفكى
وبى الإى كولاى التقطع مصارينك
وبى الحمى القلاعية التبرط خشمك
وبالجدرى اليخليك تتحك بالحيطة
وبى المايكوبلازما التورم فشفاشك
وبى التيتانوس اليخليك تتراجف
وبى الليشمانيا التنقر وشك
وبى التسى تسى التنشف دمك
وبى حمى الوادى التورم كبدك
وبى السل اليقطع نفسك
وبى الدودة الشريطية البجروها وتتقطع
وبى سمير اليخليك تلف صينية
( قول آمين)

وماذا نقول عن فسادك وفساد حاشيتك ؟

“إنشاء «10» سدود بالولاية لحجز أكثر من «2» مليار من مياه الأمطار كانت تتجه إلى نهر النيل”
أليس هذا بالغباء بعينه…المياه المحجوزة في النيل أكثر من مليارين لم تستفيدوا منها ماشين تقابضوا في موية الخلاء-هذا الكلام ربما يكون مقنعا في أماكن لا تتمتع بمسطحات مائية دائمة كدار فور وكردفان وجنوب السعودية- لكن ياهو فهم الكيزان الذي جعلهم يتصدرون قوائم الطلاب الراسبين في الجامعات-والآن كل مشاريعهم فاشلة: مشروع الجزيرة? سد مروي, حصاد المياه, الخ

حقنا ما راح … الراح حقك انت

تحلل صدقني وتحلل من الوان عذاب غسان والوانة واركانة هيع جاري ليك وراء لهطة لهطتين في الخمسة سنوات الجاية وبعدها تشبع قفا وله موت ناس غسان يكون كملوا باقي اراضي الخرطوووم واستثمارات جديدة في دبي وميليزيا وتركياوبعدها جنوب افريقيا

ربنا يوفقك في اكل الحرام واكل مال الشعب هذه دعواتنا لك لانو اكل الحرام بيظهر عقابو في الدنيا لو ما فيك في اهلك هذا قانون سماوي من رب الكون

يا الخدر أنت من ناس السلطان!! صدقتا بالله !!يا أخي لو لا علي عثمان لسع كنت تكون في الرف. قال سلطان قال!!

اقتباس :”ودعا والي الخرطوم الجميع بالدعاء له بالتوفيق فيما تبقى له من عمر ولايته ”
يريد ان يؤكد بطريقة غبر مباشرة ان الانتخابات قائمة في مواعيدها رغم انف كل من يعترض على ذلك ويؤكد انضمامه الى جوقة من يعزفون على هذا الوتر ويلعب دوره من اجل تهيئة الاجواء لهذه المسرحية السخيفة وكانها انتخابات حرة نزبهة ينتظرها افراد الشعب السوداني بفارغ الصبر وكانه لا يعلم ان مثل هذه الالاعيب المكشوفة لم تعد تنطلي على عقول الشعب السوداني فتجربة انتخابات عام 2010م ما زالت ماثلة في اذهان الجميع ولن يلدغ المؤمن من جحر مرتين .
اقباس : ” السلطان اذا كان فاسد حقكم ضاع والبلد راحت معاه ”
حقا صدقت في هذا القول وكنت انت وموظفي مكتبك خير مثال وبرهان ودليل على ذلك وما كنت اخالك ابدا تتحدث يوما عن الفساد ولكنها الجراة وعدم الحياء التي تتميزون بها عن غيركم هي التي خيبت ظني .وكانك بعدم اكتراثك المحير والمثير للدهشة تعتقد ان قصة فساد موظفي مكتبك قد اصبحت طي النسيان او ان ذاكرة الشعب السوداني اصبحت من الضعف للدرجة التي تجعلك تتحدث عن الفساد وما يلحقه من ضياع بالوطن وكانك لم ترتكب هذا الاثم ولم تخوض في اوحاله قبل شهور قليلة .
اقتباس:”ودعا الخضر المواطنين الى الصبر”
الا يكفي ربع قرن من الزمان صبرا ..!!!!!!!!!!!!!!!!!!

نحن المظلومون ندعو الله ليلا ونهارا سرا وجهرا دعوه المظلوم لا ترد ان يرينا فيكم كما راينا فى القدافى ومبارك ان يفضحكم الله قبل ادلالكم وان يرد لنا اموالنا واراضينا المنهوبه وان يساوى بك الارض مثل قوم لوط ياحرامى يا بتاع غسان ياوسخ يبتاع السفر من الافضل لك ان تغلم ان كل اسرار مكتبك معانا وبيخرجها واحد مع غسان وخليفة حتى فضائحك الاخلاقية وبالصور اثناء السفر وفى مكتب شارع النيل الدى خولته لمكتب سرى خاص للسرقات وكدى

هذا الطبيب البيطرى المدعو الخضر سيرتكب جريمة فى حق ولاية الخرطوم قبل ما يغادر كرسيه كوالى
“إنشاء «10» سدود بالولاية لحجز أكثر من «2» مليار من مياه الأمطار كانت تتجه إلى نهر النيل”
سبق وأن نادينا بالبعد عن بناء السدود على النيل أو الأودية الموسمية والتوجه لإستزراع الغابى بدلا من بناء عقوم وجسور ترابية تتنافى وطبيعة المنطقة وتتدخل لتفسد البيئة
كم يكلف بناء 10سدود ولو حولنا قيمة التكلفة الكلية لمشروع إستزراع غابى لشجر الهشاب
كم مليون شجرة سيتم زراعتها ؟ كم مليون قنطار صمغ سنجنى منها ؟
لو لا قدر الله أنهار سد او سدين من سدود الوالى – كم حي من أحياء أمدرمان وشرق النيل ستزال من الوجود؟
لدى ملف كامل بعنون Flood Risks Management
in Arid Areas
لدى ملف pdf عن إدارة مخاطر السيول سوف ارسله للإخوة بإدارى الراكوبة للنظر فى أمكانية عرضه عليكم إن كانت ترى فيه مصلحة عامة للوطن والمواطنين
وأنا ضد فكرة بناء السدود وزرع الأشجار بدلا من زرع كوم تراب فى منطقة مجرى السيول من أعلى الوادى على أن تغطى الغابات منطقة مجرى مياه الأمطار فى كل وادى catchment area وهذه الأشجار تزرع خلال هطول الأمطار وتحتاج لسقيا لفترة زمنية محدودة خلال فصل الجفاف من خلال نقل مياه بالصهاريج tankers وبمرور سقيا عام واحد تصبح مفيدة للإنسان والحيوان وتسهم فى إعادة ما فقدته الأرض من خصوبة جراء التصحر حيث تسهم الأشجار فى تثبيت التربة مما يسهم فى زيادة قابلية التربة لأمتصاص ودخول جزء مقدر من مياه السيول أضف الى ذلك الى الأشجار تشكل حاجز طبيعى يقلل من سرعة جريان السيول وحين تصل لأطراف المدن بغرب أمدرمان وشرق مدن شرق النيل وبحرى تكون قد روضت وأصبحت هادئة ومسالمة وغير ضارة
يا الخضر شكر الله سعيك
شيل كل اللى شلته وأمشى أتمتع بيهو فى الدنيا الزائلة لكن لا تبنى لنا 10 سدود بعدما تفوت تحجز خلفها مليارات الأمتار المكعبة من المياه ثم تنهار وتشيل ناس الصالحة تلخبتهم مع ناس ابروف وتانى يوم يصبحوا كلهم مخلوطين مع ناس شمبات يقطعوا النيل من سرعة وضخامة السيول بانهيار سدود الوالى
الزول دا وقفوه حيدمركم بعدما سرقوا اراضينا واموالنا
شكر الله سعيكم غور غير مأسوف عليك
ملف الأستزراع الغابى كبديل علمى أفضل من بناء السدود الأن لدى إدارة الراكوبة

الخضر تحلل وين غسان والجماعة المعاهو؟؟؟؟؟؟؟ اتحللوا تب والله لسة في باقي؟؟؟؟؟؟ عينك قوية والله السلطان اكان فاسد بتضيع معاه البلد؟؟؟؟؟؟؟ هو الضياع كيف؟؟؟؟؟؟؟ انت وهم؟البلد ضاعت ليها ربع قرن يامهووس ياموهوم.بعدين باقي شنو؟انت نسيت كلامك ماقلت قبل مدة دايرين تحكومنا للابد الان الجديد شنو؟؟؟؟؟؟؟ بعدين انت اصلا فائز فائز في الانتخابات بالتزوير بالتخويف عندكم الغاية تبرر الوسيلة داهية تخمك كوز نتن

والي الخرطوم الخضر: « السلطان إذا كان فاسد حقكم ضاع والبلد راحت معاه »….وده الحاصل بالضبط

الزول الظك دى بيقول شنو انت من وين وأهلك وبلادك الرمتك لينا ولا جئتنا مع السيول من تحت حجر مرمى ، دى انت مصنوع من جلد تخين ، الزيك دى مفروض يتلفح بتوب أخواتوا ويندس فى تكل او يقعد قدام دوكه يعوس للرجال فى سجن كوبر .

اكثر من كده هو الفساد ده كيق سفاهة بس اااه لو عارفين دعانا ما كنتم قعدوا فيها فرد يوم وانت المقعد شنو

كلم ناس عبد الجبار وغسان وشريف وبقية المنتفعين للدعاء لك وانت اسمن القطط ومعروف عنك انك تبرطع فى المال العام للمحاسيب والاحباب والعاملين معك انفاق من لا يخشى الفقر اما نحن الذين تأذينا من سياساتك الفاسدة فندعوا عليك صباء مساء

الناس شهداء الله في الارض لو كنت حقا على حق لما شهد الناس عليك بالفساد وما في دخان من غير نار حاسب نسك قبل ان تحاسب والفطن من ادرك نفسه قبل الهلاك