انطلاق منتدى تمكين المرأة العريية عبر تكنولوجيا الاتصال والمعلومات بعد غد بالخرطوم

” التمكين الرقمى لتفعيل دور المرأه فى تحقيق التمنيه و رقى الأسره” يعنى شنو الكلام دا؟ هل من مفسّر وشارح؟ محل ما ودينا ما عرفنالو معنى!
معالجة الفجوه الرقميه فى المجتمع النسائى” وايجاد آليه لأزاحة الحواجز بين المرأه وبين ألأنصالات والمعلومات” هى الاتصالات بانواعها والشمارات (اللى هى اساسا معلومات على قفا من يشيل) عند منو غير المجتمع النسائى سواء كان بدويا او حضوريا! الله عالم وشاهد الفجوه دى خلقتنّها براكن يا بنياتى! وهى الفجوه دى جاتكن من وين؟
“حق المرأه فى النفاذ الى تكنولوجيا الاتصال والمعلومات” منو الحماكن ومنعكن المروق الى هذه التقنيات الحديثه؟ يعلم الله ما فى راجلا وقف فى طريقكن وحماكن لمّن جايات حسّ دى تطالبن بجنس الحق دا! الكلام دا تحتو كلام!
قروش المؤطمر دا ما كان اخير تتبرعن بيها لأصلاح المدارس او تدّوهن لمدرسات ومدرسين دارفور المضربين ليهم شهرين والمدار س مقفوله! الآ نقول شنو ؟عدم الوالى كان كبر كان سغر ولآ كان سى سى. ترا نيام استقال وفات ريّح نفسو.. “شبع..حمد..ارتاح..نام”! بعد ما “قام .. تقدم.. وقع”!!

المره دى مش شايله حواجبينها ؟ ارجوان وجدن نساء هنا ان يوضحن ان كانت شايله حواجبينها ام لا ,,,, عشان داير اشكو لى امير المؤمنين فخامة المشير عمر حسن احمد البشير رئيس الجمهوريه رئيس المؤتمر الوطنى ورئيس الحركه الاسلاميه وامير امارة السودان واسد افريكا … لانو ممكن تكون مشاكل السودان بسبب هذه الحواجب المشيوله فتكون هذه الحواجب هى الاباب الذى اوتيت منه الحركه الاسلاميه فى السودان .. وايضا هذه المراه جميله فى وجهها واراه جميلا و ناعما و ليس به حبوب او نمش او كلف فهى فتنه تفتن معشر المؤمنين وايضا يديها تبدو بضه ومخضبة بالحناء فهى تثير الرغبه و تجعلنى افكر فى ما لا يجوز فانا متضرر يا امير المسلمين . و اين هو زوجها هل هو ديوث ليتركها هكذا تفتن فى المسلمين ؟ اليس له غيره على عرضه و شرفه هذا الجلف ؟ و ايضا تبدو طويله فرسه وممتلئة الجسد ومنسق . هل هذه سودانيه بيور ام ملخبته ؟ اين انت يا امير المؤمنين يا عارض واين مجلس العلماء اين حسبو والحبر اين الدكتور نافع على نافع خليفة المسلمين اين امام مسجد فخامة زوج وداد الدكتور عصام اين الراكوكى اقصد الكارورى اين العارف بالله الزبيراحمدحسن رئيس الدعوه الاسلاميه فى امارة السودان . اين الشيخ الفاضل والمجاهد بتاع سندس نسيت اسمو لكن علمه باق فة نفوس و عقول المسلمين فى السودان ..زز
هى زاتها امراه سوفت ووزيره لحاجه سوفت ( العلوم والاتصالات ) وبتدعو لحاجه سوفت . واسمها زاتو سوفت ( سوفت يعنى soft ) اسف لاستخدام لغة الكفره الانجاس
لكن الحق يقال هى مغطيه جيبها واتخيل لى الجيب هو الفتحه تحت الحنك البتدخل الهوا لى النهود ( ليس النهود المدينه ) ( النهود جزء فى جسم المراه فى صدرها يستخدم لمد الاطفال حديثى الولاده بالحليب ) (feedback) وتانى حاجه باين لى كده انو لون يدها زى لون و شها باين انها ما فاسخه . هو زاتو كان ما ناس الراكوبه بتاعين فتنه فى وزيره بتفسخ يا ثقيلين يا بايخين يا حاقدين ,,,, انا اناشد السيده الفضلى الاولى السيده وداد بابكر حرم فخامة امير المعمنين ان تكلم زوجها فى موضوع هذه الوزيره واناشد امين شؤون المراه فى الاسلام السيده بتاعت المجلس الوطنى الذى يعنى بشؤون التشريع الاسلامى السيده الفخيمه ساميه احمدمحمد حفظها الله و رعاها ويزوجها ود الحلال اليعوض ليها ما فقدته فى شبابها اناشدهن ان يلفتن نظر القياده وجزاكن خيرا وجعلكن خير معين لبعولتكن واولادكن وبلدكن
اخوكم فلان الفلانى حائز على دكتوراه فى علوم التشريع من جامعة امدرمان الاسلاميه المحاضر بحامعة غرب الدلنج وعضو امانة علماء الاسلام فرع المؤتر الوطنى امانة الدلنج واستا1ذ مساعد ومستشار سابق لمستشارية شؤون التاصيل بتاعت المرحوم احمد على الامام ( شعراوى السودان ) وجزيتم خيرا والى الامام وسيرسير يا الشير نحن جنودك لل ..

ماعرفنا نصدق منو ونكضب منو الوزيره السمحه الدكتوره تهاني عبد الله تقول دايرين نمكن المرأة في تكنولوجيا الاتصالات والراجل بتاع داعش السودان المدعو محمد صالح عصمان البقولو ليهو رئيس علماء السودان بقول هايمنع
ويقف كل مواقع التواصل الاجتماعى ويقول كل مشايخ داعش في السودان المعتليين المنابر في المساجد ان الانترنت
عموما حرام وفساد وبيطالبوا الحكومه تلغى الانترنت نهائي من السودان علي اساس ان البتنشرو الصحف كفايه
وبطالبوا الناس يشوفوافي التلفزيون فقط المدائح النبويه وشعراء الحماسه والجهاد والحرب والقتل والاغتصاب
لان ذلك من شانه شحذ همم الشباب عشان دورم جاى لما تقوم داعش عندنا.