محمد الحسن الأمين: البشير الأنسب لقيادة السودان.. البشير ليس مرشح الوطني بل مرشح الشعب السوداني
أكد القيادي البارز بالمؤتمر الوطني محمد حسن الأمين، إصرار حزبه على ترشيح الرئيس عمر البشير لدورة رئاسية أخرى، مشيراً إلى أن البشير هو الأنسب لقيادة السودان في الفترة المقبلة، معتبراً أن الواقع يفرض بقاءه في الرئاسة.
وقال الأمين إن المرشحين أنفسهم رشحوا البشير، موضحاً أن ترشيحه جاء من نائبه الأول السابق علي عثمان محمد طه وثنى عليه النائب الأول الحالي بكري حسن صالح، بالرغم من أنهما ضمن المرشحين.
ورأى الأمين أن البشير ليس مرشح الوطني بل مرشح الشعب السوداني بما كسبه من قاعدة عريضة تتخطى الانتماء الحزبي.
وأوضح أن المؤتمر العام للمؤتمر الوطني الذي ينعقد في الفترة من 23ـ 25 من أكتوبر الجاري سيكون به تغيير وسيتغير مجلس الشورى وسيُنتخب مجلس جديد وسيتغير المكتب القيادي.
وأشار إلى أن الدعوة للمؤتمر العام توسعت بصورة كبيرة لتشمل كلاً من له علاقة بالسودان.
ودعا الأمين كل القوى السياسية لإقامة مؤتمراتها العامة ومناشطها استعداداً للانتخابات القادمة التي يريدونها حرة ونزيهة.
شبكة الشروق
من الافضل له ان يتحدث عن ترشيح الحزب له لاعن ترشيح الشعب لأنه لايعرف مايدور فى اذهان الشعب ، ثم ان نائبه السابق مريض ولايستطيع القيام بأعباء الوظيفه والحالى عسكرى لايفهم سوى السكر ،فهل يستقيم الظل والعود اعوج،،،،، تحياتى
بشيرك لن يتراجع السلطه مادام حيا لانه عندما اتي الي السلطه لم ياتي بانتخاب بل اتي ع ظهر دبابه وسوف
يظل رئيسا الي ان يتم إنزال بالقوة كما صعد بالقوة او ياتيه امر الله فيريح البلاد والعباد
البشير لا يحتاج الي ترشيحك او ترشيح اي شخص اخر
لان كل الموجودين حوله يعلمون جيدا ان لم يفعلو يفقدو ام وظيفتهم او حياتهم
مرشح الشعب السوداني قال
ليه نحنا من موزنبيق
اليشسر مرشحكم انتم وليس نحن لا تشملنا معكم
نفس الشىء حدث لصدام حسين، ان شاء الله يكون مصير مرشحكم زى مصير صاحبيه المقبورين صدام والذافى. اللهم ااامين
يا راجل يا دجال … معقولة مافي غير بشة دة…
ياخ 25 سنة …كفاية …كفاية…
بلاء ياخد العجايز ديل ياخ
ما تخاف الله / اليس لك زوجة صالحة تناصحك في ما قلت عن البشير
يا اطرش اذا كان المرشحين خافوا رشحوا للبشير من الاسد النتر المابيخاف من البشير ورشح لغيره……. قالوا ديمقراطية…. عارفين فاز التذكية … انا لا اكذب ولكن اتجمل ههههههههه
خدعوكم يا محمد الحسن وماتتجمل قل الحقيقة وهدفكم كان غير ذلك لكن القفة طلعت اذكي منكم
(ورأى الأمين أن البشير ليس مرشح الوطني بل مرشح الشعب السوداني بما كسبه من قاعدة عريضة تتخطى الانتماء الحزبي )
اخونا محمد الحسن ( ديانا ) هل البشير مقبولا من قبل زوجتيه لمن يصبح مقبولا من الشعب السوداني ؟
اليوم لايشبه البارحه بكل اسف هذا حصل يوم 21/ اكتوبر يوم سقوط اول حاكم عسكري ياللصدفه
(ورأى الأمين أن البشير ليس مرشح الوطني بل مرشح الشعب السوداني بما كسبه من قاعدة عريضة تتخطى الانتماء الحزبي )
اخونا محمد الحسن ( ديانا ) هل البشير مقبولا من قبل زوجتيه لمن يصبح مقبولا من الشعب السوداني ؟
(ورأى الأمين أن البشير ليس مرشح الوطني بل مرشح الشعب السوداني بما كسبه من قاعدة عريضة تتخطى الانتماء الحزبي )
اخونا محمد الحسن ( ديانا ) هل البشير مقبولا من قبل زوجتيه لمن يصبح مقبولا من الشعب السوداني ؟
49.1% من عصابة المؤتمر الوطنى لم يصوتوا لاعادة انتخاب البشير رئيسا للسودان…. فكيف يكون مرشحا للشعب السودانى؟….فلولا هوانك ياشعبى الكريم لما سمعنا بمثل هذا الكلام
انتو لو عارفين مايدور داخل حزب المؤتمر الوطنى كان تقولو مرشحنا هو عمرالبشير قولو لي ليه عشان فى صراع بين الاسلامين حول السلطة التنفيذية كلما تقيفو ضدهم كلما اذدادو قوة اقول حاجة دى فرصة مافى اي حزب معارض يعلق عن الانتخابات خلوها مقفولة كدة بس نتفق كلنا على رأي واحد هو زرع الفتنة داخل حزبهم المعارضة تنقسم الى ثلاثة اقسام قسم يرشح البشير وقسم يرشح على عثمان وقسم يرشح نافع اشان نخليهم يتماوتو بيناتهم بس والشعب خارج اللعبة دى افضل وسيلة لاسقاط الاسلامين فى السودان
محمد الامين ده لما ظهر كان عامل زي عود قصب السكر ايام الترابي، والله تعرصة زي دي ما شفناها حتى في اكبر الكداينة
يا اخي محمد الحسن ، البشير وزمرته هم سبب دمار السودان الآن
البلد مليئة المخلصين يا اخي كفاية تدمير ممنهج لهذا الوطن يا محمد الحسن
من اين اتيتم يااخي آلا ترى ما يحدث الآن في البلد؟
الم تسمع وتشاهد الغلاء الذي طاف بالبلد يا ارجل يا كذاب
ماذا حصل للسودن وشعبه في ظل حكمكم وحكم البشير لهذا الوطن الغالي؟
انتم حكومة اظلم حكومة واجهل وزراء ومدراء ومهندسين مروا على السودان منذ استقلاه الانلجيز كانوا افضل منكم مليون مرة .
كفاية دجل ونفاق البشير وانت ومن معكم كنتم السبب الرئيس في تدمير الوطن واهله ومشاريعه ؟ عليكم لعنة الله .
لا تتحدث باسم الشعب يا معتوه انتم مجبورين غصبا عنكم وليس بارادتكم من ترشح البشير
والشعب السوداني لم ولن يصوت للبشير فلمثلكم خلق التزوير فتمتعوا قليلا انكم ميتون ميتون
الولد العلبة دا زمان كان مطلع الترابى سيد الناس هسع قلب وبقا يتملق للبشير كوز كنافة تمام.
كذبت يا تاجر العملة بشارع الوزير بالرياض ، يا محمد الحسن الأمين ، بإدعائك أن عمر البشير هو الأنسب لقيادة السودان !!! .. للأسباب الآتية : ــ
1) عمر البشير اغتصب السلطة وعمره 45 سنة ، اليوم عمره 71 سنة ، وعامل عمليتين فى الركبة بالداخل ، وعملية فى الحلق بالخارج ! .
2) عمر البشير مطلوب من طرف المحكمة الجنائية الدولية ! ، والسودان متضرر من رفضه المثول امام المحكمة ! .. رئيس يتفادى صحبته معظم قادة وزعماء العالم لسمعته السيئة فى مجال حقوق الانسان .
3) عمر البشير وعد الشعب السودانى مرارآ أنه سوف لا يترشح فى الانتخابات القادمة لعام 2015 م !! ، والمؤمن إذا وعد لا يخلف !! .
4) عمر البشير ، فى عام 2015 يكون قد حكم السودان 26 سنة ، وجربه الشعب وعرف معدنه ، ما الداعى أن يجرب المجرب مرة أخرى ؟ .
5) فى ظل حكم عمر البشير ، تم قتل مئات الآلآف ، وشرد ملايين من السودانيين فى حروب عبثية ، وما زالت نيران الحروب مشتعلة فى ربوع السودان ! . وتم قتل مئات الشباب والشابات فى مسيرات سلمية بالخرطوم .
6) موبقات عمر حسن البشير لا يمكن حصره فى مقال أو فى كتاب .
7) زعمت يا تاجر العملة المدعو محمد حسن الأمين ، بأن المرشحان على عثمان طه ، وبكرى حسن صالح ، قد رشحوا البشير !! ، ولم تحدثنا عن موقف المرشحان الآخران نافع على نافع ، وابراهيم غندور !! . ولم تحدثنا يا كاذب ، لماذا رشح هؤلاء أنفسهم وهم عارفين أن عمر البشير سيرشح نفسه .
يا راجل استح على سنك ، واحترم أولادك وبناتك ، إذا كنت مصرآ على عدم احترام الشعب السودانى الذى يعلم أن عمر البشير هو أسوأ من حكم السودان من حكام وطنيين وحكام مستعمرين منذ قيام دولة السودان فى عام 1821 م !! .
أفلا تستحى وتخاف الله قليلآ يا تاجر العملة بشارع الوزير بالرياض . هل انت فاكر كل الشعب السودانى عندو قنابير ! . فإذا أنت وأمثالك مستفيدين ومستنفعين من حكم البشير ، ومستعدين تشهدوا شهادة زور فى سبيل بقاء حكم البشير !! ، ما ذنب ملايين السودانيين ليتحملوا أكتر مما تحملوه من موبقات الرئيس عمر البشير ؟؟ .
أعوذ بالله
طبعا ايها القيادى البارز البشير هو مرشح الشعب السودانى وليس المؤتمر الوطنى لانجازاته الكبيرة فى السودان وفى خلال ربع قرن وحد البلد وعمل استقرار سياسى ودستورى واقتصاد قوى فاق كل دول القارة والاقليم وجيش قوى حارس للحدود وتداول سلمى للسلطة(اعنى سلطة الخضار) هذا قليل من كثير ما قادر اعده اها نسيت وفى عهده المنتخب الوطنى واندية السودان مكنكشين فى البطولات الافريقية وحتى شاركنا فى كاس العالم كذا مرة فى حاجة تانية نسيتها المهم الانجازات كثيرة وكبيرة لا استطيع ان احصيها!!!!!!!!!!!!
سير سير يا بشير نحن جنودك للتدمير آسف للتعمير!!!
مش الصادق المهدى طلع عميل صهيونى لانه عايز يوقف الحرب ويقنع الحركات المسلحة بالتفاوض وطبعا الصهاينة عايزين يوقفوا الحروب فى السودان عسشان يستقر وكده ويحرر القدس كمان ولا كيف يا ناس المؤتمر الواطى آسف اقصد الوطنى؟؟؟؟؟
اقسم بالله انا فى حياتى ما شفت لى حزب مضحكة ومهزلة زى المؤتمر الوطنى!!!!!
فى حالة عدم ترشح البشير ندعم ونؤيد بشدة(احى انا) ترشيح ام الحسن لمنصب رئيس الجمهورية
لانو بالجد بمثل قيمنا وقيم القوى الضعيف
عن علب وفرشات الخرتوم بالليل:
اسحق فضل
الهندى عزالطين
الضو بلال
راشد دياب
لان عندكم مصلحه مشتركة وبتأكلوا كلكم من صحن واحد فكيف تغيروا البشير بعدين الجوع حايقتلكم والوجوه الملثمة الحراميه الكبار سوف يفضحون امام الشعب وخايفين يتحاكموا القصه الدراميه واضحه كل واحد ينتمي الى الحزب الحاكم هو كان في الاصل لا يسوى شئ واصبح يسوى بأنضمامه للحزب اتمنى الحزب يقع وتظهر الناس المنافقه وشوفوا وين حايلفوا وجوههم.
البشير ليس مرشح الوطني بل مرشح الشعب السوداني
يا محمد الحسن الأمين صاحب مكتب إسلانج لتجارة الدولار بمدينة الرياض
تكلم عن نفسك وماتجيب إسم الشعب السودانى على لسانك
من الذى أعطاك الحق لتقول
البشير ليس مرشح الوطني بل مرشح الشعب السوداني
يا أخى هو داخل مجلس شورى حزبه جاب 50,9% وفقد 49,1%
والله لو طرحتوه للشعب السودانى ما يجيب 3%
عيب عليك شخص شخصيته مهزوزه زيك يوم مع الترابى ولمان جاع هرول لصف البشير
نحن لن ننسي لك تدميرك لهيئة سكك حديد السودان وتشليع مركزها بعطبرة وفصل وتشريد الاف العمال لدينا منهم العشرات من اقاربنا جالسين فى بيوتهم بدون عمل
زول كان شغال سواق قطار وفصله بدون ذنب محمد الحسن الأمين
يمشى يشتغل وين بتعرفوا زول فى القطاع الخاص عنده قطار
أمشى أسأل عن سائق القطار محمود محمد عمر يسكن حاليا فى مايو ويصرف عليه اولاده
اساله وقول ليهو قاعد له فى بيتك
حيبثق لك فى وجهك
فقطع الرقاب ولا قطع الأرزاق
ليكم يوم
ووالله لو كنت فى محلك لتواريت خجلا من أفعالى ولا اصرح لأى جهة حتى لا تنهال سهام الناس العرفونى على حقيقتى القبيحة
قبحك الله
الزم الصمت فأنت لا تملك شىء أن تقوله حتى تتجرأ وتتحدث عن شعب السودان
الذى علمك بماله وعملت تاجر عمله ودمرت اقتصاده ثم عدت للسودان مع الأنقاذ واليا وشردته من عمله ثم تجرأتم وأعدتم مجدى وجرجس وأنتم تفتحون مكاتب فى شارع الوزير تقاطع شارع الخزان بمدينة الرياض لتجارة العملة
حقيقة اللختشوا ماتوا
أم الحسن : لا عتب عليك ولا أحد يلومك , ولا تستحق أصلا الرد يا شبه الرجال .
أم الحسن : لا عتب عليك ولا أحد يلومك , ولا تستحق أصلا الرد يا شبه الرجال .
الزول ده عندوا تلاجه فى المجلس لو بتعرفوا تسكروا جوا المجلس الوطنى
في إطار الحملة الوطنية لمقاطعة الإنتخابات، وإستمراراً للتوعية بضرورة هذه المقاطعة،
فإن هناك توجد عشرة أسباب تجعل من مقاطعة الإنتخابات واجباً وطنياً وأخلاقياً ودينياً، وهي كالآتي:
1- إن هذه الإنتخابات معلومة النتائج، ومخطط لتزويرها مسبقاً
2- تنهك الدستور الذي يحدد فترة الرئاسة بدورتين فقط، ورغم ذلك تم إنتهاك دستور الحزب في إختيار مرشحه
3- سوف تأتي الإنتخابات برئيس فاقد للشرعية ومطارد من العدالة ، ولا يستطيع تمثيل البلد في المحافل الدولية
4- عدم المقاطعة يعني الموافقة علي إستمرار حالة الفشل الإداري والتنفيذي والسياسي وتدني الخدمات
5- عدم المقاطعة يعني إستمرار دولة الفساد والمحسوبية والتمكين وبيع الوطن مقابل كراسي الحكم
6- عدم المقاطعة يعني إستمرار حالة الإحتقان السياسي والحروب الأهلية وإحتمالات الصوملة أو الأفغنة
7- عدم المقاطعة يعني إستمرار ونمو النعرات الجهوية والقبلية والعنصرية
8- عدم المقاطعة يعني إستمرار حالة التدهور الإقتصادي والإجتماعي والأخلاقي وتفكك أوصال الدولة
9- المقاطعة ترسل إشارات قوية للمجتمع الدولي لدعم أي حراك شعبي ضد النظام
10- المقاطعة تربك حسابات النظام وتضعف موقفه داخلياً وخارجياً وتؤسس لبداية نهايته
أيها المواطن السوداني العزيز إن مقاطعتك لهذه الإنتخابات أقل ما يمكن أن تقدمه لوطنك
الحملة الوطنية لمقاطعة الإنتخابات
سودانيون وطنيون أحرار
ده شغل خم عديل .. منو القال ليك البشير هو مرشح الشعب ، هل المعارضة من الشعب؟؟ هل البشير هو مرشح المعارضة أم مرشح المؤتمر الوطني؟؟ .. يا محمد الحسن أتقي الله وماتبقى كذاب ..
ي اخوانا هو السودان دا فيه حزب المؤتمر الوطني وحده اين الاحزاب الاخري اين مرشحنها لم نسمع من اي حزب قدم مرشح للرئاسه ولا هي احزاب مسجله علي الورق وليس لها نشاط
يقصد انه الانسب لقيادة الفساد(وليس البلاد) بالسودان
انا متزكر في الثانوي كان كل مره يقولو في مسيره يجيبو حافلات في المدارس والمابمشي بكرة بجلدو في الطابور والكلام دا ينطبق علي الموظفين يعني البشير عارف انو بجيبو الناس ليهو رجاله ويقولو دا الشعب