زنقة (زول) عصام الترابي وحكاية الفساد الاقتصادي

ان بعرفو والله ما بعرفو ياهو الحاصل ما بغير شي

انت عايز تقنع منو بي حكايتك المحبوكة دي؟؟؟؟برضووووووو حرامي.

باللهي ؟؟

يعني عصام الترابي شريفة فاضل ؟؟

بئس الصحافة التي تحاول تلميع الفحم

(؟)

بسم الله بالبساطة دي عاوزنا نصدق الكلام ده ياخي انت زول مثقف ومتعلم ما ممكن تدخل لي ناس من غير ما تعرف نفسك ولا حتي صاحب البيت سألك مع العلم انك قلت معاك امانة بالله ارحموا عقول البشر علي العموم محاولة ما بطالة لكن قولها لي زول تاني هندي مثلا ياخي مش كفاية ابوك طالع مازل فينا فتاوي وتنظير قوم ياخي يلم فيك حصان يرفسك يوديك ودالترابي وناس ود الترابي يحتجوا يركبوك الظلط الشعب يريد ان يرفسك حصان وبالجوز كمان

إنت حرامي وأبوك حرامي عايز تقنع منو نسيت إحتكار السكر كلكم مصيركم محاكم الشعب إن شاء الله فذاكرة الشعب لا تنسى .

بس ورونا عصام الترابي ده شغال شنو و ليه شغال الشغل ده ايا كان و هل يمتلك مؤهلات هذا الشغل سواء اكاديمية او مادية و من اين له الامكانيات المادية

والله , زيما قالوا, لو طار عتود!!!
يعنى المغزى تقصد انك ماحرامي حقيقي؟؟ , يعني كلام ناس ساهي.,؟ شوف يا
زول , والله لو جبت اسم الاسره الامدرمانيه دي نفر نفر ,, وجو هم زاتم وحلفو قسم
مغلظ , برضو انتو حرامية

يعني عصام ما فاسد هو ده اساس الفساد ايام ابوه كان ماسك رقبة البلد وكان مفتري ومتخصص في شراء الشيكات المستحقة علي الحكومة واصحابها ماقادرين يحصلوها وكان عنده شبل رابطه بسلسة دهب وفندق ميرديان يشهد بزيارات شبله

دي زي النكته اللحكاها عمر البشير (انو في شيخ بشيل في فاتحة وقال اللهم لا تسلط علينا من لايخافك ولا يرحمن فواحد قال ليهو ما هو سلط وخلاص)وقعد يضحك زي العوير .كلكم كضابين وعواليك الله لاجاب طاريكم يا حرامية

يا اخوان لا تواخذوه فهو لا يكذب ولكنه يتجمل و يستعد للمرحله القادمة زى صاحبنا حسين خوجلى

قالو للحرامى احلف قال فرجت واتحلت هههههههههههههههه
عصام الترابى ما حرامى ؟؟ يمكن نحن الحرامية وما عارفين ، سبحان الله يا راجل ما تخاف ربك اذا صح نقول ليك كلمة راجل
الراجل كان بشترى الانتاج بتاع سكر كنانة لمدة سنة كاملة وببيعو للتجار وكان بشترى انتاج مصنع الاسمنت و و و وماخفى كان اعظم ، عندما اشتكى التجار فساد عصام لامه قالت الود عايش فى عز ابوهو ولو الحكومة مشت بعيش فى عز خالو . يعنى الشغلانة بقت ورثة ونحن ما عارفين
الله ينتقم من كل واحد حرامى اكل مال البلد دى ابتداء بالعسكرى بتاع البوليس وانتهاء بى الرئيس

لله درك يا وطن
ابـــــــــــــــــوعــــــــــــــــمــــــــــــر

انا الشئ الذي لم افهمه حتى الآن علاقة عصام الترابي ايه بالطانه وثقافتها وموروثه كما يظهر في وسائل الاعلام السودانيه ا-ابوه من ود الترابي وليس له اي علاقة بثقافة وموروث البطانه وطول عمره شغال في الكيد السياسي وايذاء الشعب السوداني كانها اسقطات لأحقاد في نفسه. امه من آل المهدي نفس الشئ من أسرة امدرمانيه لا صررت ماعز ولا لجت بهم .وهو عمره ماسرح حتى بـ بهم ولا دقتو مطره في خلا. وان أربى بهذا الموقع ان يأتي بقصص لهولاء

اسمع كلامك اصدقك اشوف فعائلك اتعجب ؟
احب ان اذكر لكم واقعة احـد اقربائى الذى تقدم بعطاء لتوريد مواد غذائية للقوات المسلحة بالجنوب و فاز بالعطاء و قام بتويرد المواد حسب الشروط المبرمـة بالزمان و المكان المحددين و الكميات المجدولـه ؟
و عند المطالبة باستحقاقاتـه بــدأ المسلسل المدبلج احضر و اذهب و راجعنا و لم يصدر تعميد بالصرف المالية لم تصدر الامر بالصرف و هلمجــر ؟
شأت الصدف و التقى احـد المقربين لابن ابليس الاكبر الذى طلب منه ان يذهب الى عصام .
و قابله و طلب منه المستندات و لكن بشرط ان يكون شريكا معه مناصفة و بعد اخذ و رد وافق و قال المال تلته و لا كتلته .
و يا فى الجوراب يا حاوى .

ما كان تحكي لينا عن زنقة ضبطك في المطار ومعك ملايين الدولارات مغادر بها البلاد في وقت كان قد أعدم فيه مجدي وجرجس بأمر من مهندس الإنقاذ في ذلك الوقت وهو ابوك الذي دمر السودان الله يدمر رأسه بسرطان ويجعل آخرته أشد عذاب

دفعت كم للصحفي عشان يكتب المقال ده

انتة بتقول فيها؟؟؟؟؟؟؟؟؟؟؟؟؟ قاتلكم الله اينما كنتم أنت وأشباهك :mad: :mad: :mad: :mad: دمرتو وطن عزيز وغالي ……………دغدغتو مشاعر الناس بالاسلام الذيف ………….ضيعتو شباب الله ينتقم منكم حسبي الله ونعم الوكيل فيكم