ضبط ذبيح كيري وأشخاص يشرعون في ذبح حمير في الفتح
أم درمان
ضبطت الشرطة لحوم ماعز وخراف مذبوحة (كيري) داخل أحد المنازل بأم درمان، وكانت شرطة الصناعات قد تحصلت على معلومات حول أشخاص يتخذون من أحد المنازل مسلخا لذبح الماعز المسروق. وبعد التأكد من المعلومات تمت مداهمة المنزل حيث عثر على (3) رؤوس ماعز مذبوحة ومسلوخة كما تم ضبط (9) رؤوس أخرى من الخِراف مذبوحة أيضاً بنفس المنزل، وقامت القوة بتحريز الذبيح واقتياد المتهمين لقسم شرطة الصناعات وتدوين بلاغ في مواجهتهما بعد استرداد رؤوس الماعز معروضات البلاغ المدون بالسرقة، كما ألقت شرطة الفتح القبض على متهمين أثناء شروعهم في ذبح (5) حمير على خلفية بلاغ تلقته من أحد المواطنين أفاد فيه برؤيته وآخرين المتهمين يجهزون لذبح الحمير وعلى الفور تحركت دورية وألقت القبض على المتهمين وبحوزتهم أدوات الذبح واقتيادهم للقسم وتدوين في مواجهتم بلاغات.
اليوم التالي
أنا غايته شايف الحمير أخير من الضفادع .. بس انشاءالله تكون رخيصة وفي متناول اليد .. وما يذبحوا الإناث .. لكي نحافظ على النسل .. ما أحلانا ونحن من غير حمير ..يشمتوا فينا الأعداء .. أعتقد الكوارع كمان بتكون طاعمة ودي ميزة ما موجوده في الضفادع المكعوجة المعولقة ديك
غايتو ما دام بقى فى سوق للحم الحمير ده معناته ان الناس تعودوا على المذاق
يا أخوانا الدكتورة / سعاد الفاتح ، قبل أيام صنفت الناس لثلاثة أصناف : ناس بياكلو أم شعيفة ، وطبعا ديل ناس الجبهة وناس هي لله ، وناس بياكلو الديك الرومي ( التيركي) وديل عموم الشعب السوداني ، وناس بياكلو شنو ، نسيت والله . صنف الحمير دا جا من وين ، الدكتورة ما ذكرته ؟؟بالله ورونا ديل منو ديل.
خمسة حمير حته واحده .. عدد يكفي لاهل امدرمان .. مابعيد نسمع السلطات توافق علي فتح مسالخ ومحلات لبيع لحوم الحمير للراغبين
هو لسه ما قننو حكاية الحمير دى, منتظرين شنو الناس جاعت!!!
أنا غايته شايف الحمير أخير من الضفادع .. بس انشاءالله تكون رخيصة وفي متناول اليد .. وما يذبحوا الإناث .. لكي نحافظ على النسل .. ما أحلانا ونحن من غير حمير ..يشمتوا فينا الأعداء .. أعتقد الكوارع كمان بتكون طاعمة ودي ميزة ما موجوده في الضفادع المكعوجة المعولقة ديك
غايتو ما دام بقى فى سوق للحم الحمير ده معناته ان الناس تعودوا على المذاق
يا أخوانا الدكتورة / سعاد الفاتح ، قبل أيام صنفت الناس لثلاثة أصناف : ناس بياكلو أم شعيفة ، وطبعا ديل ناس الجبهة وناس هي لله ، وناس بياكلو الديك الرومي ( التيركي) وديل عموم الشعب السوداني ، وناس بياكلو شنو ، نسيت والله . صنف الحمير دا جا من وين ، الدكتورة ما ذكرته ؟؟بالله ورونا ديل منو ديل.
خمسة حمير حته واحده .. عدد يكفي لاهل امدرمان .. مابعيد نسمع السلطات توافق علي فتح مسالخ ومحلات لبيع لحوم الحمير للراغبين
هو لسه ما قننو حكاية الحمير دى, منتظرين شنو الناس جاعت!!!