برلماني يتهم الحكومة بتبديد أموال البترول في تسويات سياسية

حتي هدف حياتي طلع تسلل.

اقتباس “وطالب رئاسة الجمهورية برفع الدعم تدريجياً ودعم الفقراء، ” ما فاهم حاجة!!

يعني يرفع الدعم عن القمح ليصبح سعره وفقاً لهوى ومزاج السوق، ثم يقدم فرق الدعم للفقراء ، ومن ثم يشتري هذا التعبان الخبز بالسعر الغير مدعوم ، أي أنه دفع ما تلقاه من دعم لشراء الخبز الذي رفع عنه الدعم !!! أي وكأنه Open end tube !!!

رفع الدعم عن الدقيق و الوقود، و دعم الفقراء، هذه حكمة لم يسمع بها ادم سميث او ريكاردو. زمان يروى ان شيخ العرب قال “الزول الما بيعرف ينضم، كان سكت، بيل موه” كمان اسمك محمد احمد الزين، الاسم سالم لان هذا الاسم حمله الشهيد ود الزين الذي قال فيه شاعر الشعب محجوب شريف. ” يا والدة يا مريم… ما شفتي ود الزين؟ الكان وحيد امه و مالي لها كان العين، قالوا له ناسك كم؟ قالوا له ناسك وين؟ ورينا شان تسلم، العودو خاتي الشق، ما قال وحاتك طق…” و جاءنا عهد شهدنا الناس مش تقول “طق” فحسب، بل تطقطق مثل هذا الارزقي الذي يقدم اقتراحات بعد ان يجمع و يطرح مصالحه منها.

أظنو جاتو حاجه من النخوة أو أتذكر يوم القيامة والحساب . مين قال ليك الحكومة بتدعم ? صدقت كلام وزير المالية ? طرطور وقاعد في المجلس الوطني. والبترول بعد ما جفة والناس إنفصلت وقروشو إتقسمت ، جاي تقول وين راحت .معاك في المجلس والي الخرطوم كمثال ، ممكن يرد عليك . الظاهر عليك إنته خارج اللعبه . طيب ممكن تسأل معاك في المجلس سالم الصافي حجير رئيس اللجنة الاقتصادية ، عارف كل الشغل ? إشتغل في شركة مواشينا وبعدها بنك نيما وبعدها جاكم في المجلس.غايتو ياريت لو ناس البرلمان كلهم زيك . ما كان الجماعة يلهطوا بالمليارات ويعمل تحلل بـ 13 مليون.