تعليق مفاوضات أديس أبابا إلى اجل غير مسمي

(( داعيا لوقف التناول الإعلامي السالب دعماً لجهود السلام.)) غايتو حكومة السجم دي تحير المابتحير !!!!!!!!!!!!؟؟؟؟؟؟؟؟؟

موهوم من يأمل , بل قد يكون معوق عقليا, أن السودان ستزول كربته وينعم بألسلام والبشير وزمرته فى السلطة.

باب الريدة وانسده … يا كعبور

في المفاوضات الفلسطينية الاسرائلية المشهورة التي كانت في اوسلو وصف احد الساسة النروجين المفاوضات حيث قال :جهزنا صالات الرقص للمفاوضين وقامت امريكا والدول الاروبية بعزف الموسيقى .ويبدو ان المفاوضين السودانين يعشقوا الموسيقى الاثوبية مما جعل ثامبيكي يقسم الحفلة الى فواصل ما لانهاية.

كيف لاتفشل المفاوضات…فالنظام لايرضى بالتفكيك…والمعارضة تصر على تفكيك النظام… الامور واضحة وكل ما يدور فى المفاوضات هو ضياع للوقت وضياع لاموال الشعب السودانى… لا للحوارات العقيمة…نعم للنزول للشارع

يا جماعة حكومة المؤتمر الوطنى او الانقاذ او الاسلامويين كيف تتفق مع المعارضة مسلحة او سلمية على حكومة انتقالية قومية ومؤتمر قومى دستورى ووقف العدائيات وهى التى وحدت السودان وخلقت فيه استقرار سياسى ودستورى ونهضة اقتصادية واجتماعية جبارة(هسع السودان فى مجموعة العشرين الاقتصادية) الخ الخ والمعارضة تريد هدم كل ذلك الانجاز والاعجاز انتوا قايلين ناس الانقاذ خايفين من فقدان السلطة والمساءلة والمحاسبة؟ ابدا ديل خايفين على السودان من التفكك والتمزق والحروب والفقر والخراب واكان ما مصدقين كلامى ده اسالوا العنبة الرامية فوق بيتنا!!!!!!!!!!!!
كسرة: انتوا اكان راجين حكومة الانقاذ تحل مشكلة الحكم فى السودان سلميا وبالتراضى الوطنى واطاتكم اصبحت ديل بيفتكروا انه مافى زول او حزب فى السودان يستحق ان يحكم غيرهم وطبعا انتوا شفتوا انجازاتهم خلال 25 سنة ولا حول ولا قوة الا بالله العلى العظيم قوموا الى انتفاضتكم يرحمكم الله !!!!!
كسرة تانية: اقسم بالله الذى لا اله غيره انه همهم كله فقدان السلطة والثروة وليروح الوطن والمواطن فى ستين داهية والا الموضوع ابسط من بسيط بلا امبيكى بلا غيره من الدول بلا لمة اجتماع اهل السودان داخل السودان والحوار والنقاش لكيف يحكم السودان بالوفاق والتراضى واثناء ذلك تتوقف العدائيات والحرب ويغاث الناس فى مناطق القتال الخ الخ الخيانة والعمالة وكره الوطن والمواطن فى من يأبى ذلك لعن الله الحركة الاسلاموية السودانية فى المذاهب الاربعة لعنا كثير والله انهم قلبهم ما على الوطن والمواطن!!!!!

بروفيسر ادروج
هذا المرحلة اكبر منك ، سعيك مشكور يا ايها الغندور
اذهب لفرفور واستمتع يا اكول
الناس ديل لو ما زول شنبو مفتول ما بجيب منهم سلام

وبعدين وشك دا ما وش قباحة مهما حاولت تمثل دور الظربان ابو العفين

دا وجه ما عندك ليهو شنب
شوف احزاب فكتك وين ، انهم رجال اتحدوا من الشرق والغرب والوسط والجنوب
ويمثلون 80% من شعوب السودان وعايزين حقهم ، خلاص كفاكم بلع وفهلوه

وقف التناول الأعلامى السالب طيب مين الذى يوقف حلقوم البشير وكلامك ده يا غندور أفندى حتشرب مويته مع أول كلام لبشبش فى الأيام القادمة فتخرسك كلماته العنترية وجلاطته التى لن تنتهى ألا بنهايته.

Dear Al Rakoba Website commentators,
I really love, simply because you are outstanding figures through the way you make people not just laugh to expose such happiness about the manner of your bravery in detailing the Sudan Chronic Sickness and the types of the real hypocrites rulers but because you know what you are doing and what impact you are pouring into the empty heads of Al Ingaz People, thieves and liars and killers. I deeply love that way of media tackling things, indirect and direct dailogue dynamic ctiticism. Please, your continuity will make chane whether the dictator system likes it or not

برافوا الحركة الشعبية بالتمسك بزمام الامر وارضاخ الحكومةلفشلها بالمفاوضات…فالنظام لايرضى بالتفكيك.

الاشباب لا ينتظر خير في مفاوضات او حوارات.ماخذ بالقوة لا يسترد الا بالقوة.
على الشباب تكوين خلايا المقاومة بالاحياء. نظام العصابة الان ينهار. لنستعد لاستلام السلطة و صون الامن. حريق منازل الكيزان و كلاب الامن ضرورة.

ماقولناليكم بلاش ديل ما بفهمو الابسلح او الشعب ينتفض اصلان ما فيهم زول مسعول كلهم فاقض الشرعيه اولاهم السفاح عمر البشكير تان ما ايه اتفقيه مع المجرمون الا الانتفاضه الشعب ديد الكيزان

لنقل كلمة حق
لنحكم بالعدل
مفاوضات اديس ابابا بين المؤتمر الوطني (الحزب الحاكم ) والحركة الشعبية شمال
بامانة وبالمنطق السليم
الحركة الشعبية كان طرحها اقوى ويتسق مع واقع السودان الحالي من حيث اعتمادها ان يكون الاتفاق شاملا كل مناطق الحروب الاهلية جنوب كردفان-النيل الازرق – دارفور بعد ان اثبتت الحلول الجزئية فشلها ومثال ذلك ابوجا والدوحة حيث اصبح الامر تجارة حرب يتربح منها الطرفان على نحو بغيض جدا حتى ان النظام الحاكم والاحزاب المعارضة والحركات المسلحة اتخذت من الحلول الجزئية ميدانا للمكايدات والمزايدات ونصرفت جميعها عن الثوابت الاصيلة التي تهم الوطن والمواطن وانحصر الامر في الصراع حول السلطة والمال وواقع الحال يشير انه لا حزب المؤتمر الوطني سيهنأ بحكم السودان بعد ذلك في ظل الانهيار الاقتصادي والفشل الذريع في ادارة البلاد رغما عن تمسك المؤتمر الوطني وبسط قبضته الامنية وقمعه لكل من يقف امامه حتى بمجرد راي فقط وبنفس القدر فان الاحزاب المعارضة والحركات المسلحة كما والشعب السوداني ايضا لن يهنئوا بحكم السودان بعد سقوط الانقاذ الذي بات وشيكا جدا لانه لن يجد مالا ولا سلطانا ولا جاها انما سيجد وطن اقتصاده منهار تماما ومجتمعه جائع ومريض وفقير جدا وسيواجه واقعا مختلفا تماما عما يحلم به تماما بعكس ما يامل ويحلم به لكثيرين

إسقاط النظام هو المخرج ..
إسقاط النظام يعني وقف الحرب في دارفور وجبال النوبة والنيل الازرق
إسقاط النظام يعني اسقاط غلاء الاسعار
اسقاط النظام يعني القصاص للشهداء
اسقاط النظام يعني عودة الحرية والديمقراطية والعيش الكريم
اسقاط النظام لا يعني اسقاط الدولة
اسقاط النظام لايعني عودة الطائفية
اسقاط النظام لايعني الفوضى
اسقاط النظام يعني عودة مشروع الجزيرة ومشارع النيل الابيض للاعاشة
اسقاط النظام يعني عودة السكك الحديدية وعطبرة كما كانت وكما يجب ان تكون
اسقاط النظام يعني ايقاف التجارة بالتعليم وبالدين وبالصحة العامة وبقوت الشعب
اسقاط النظام يعني ايقاف قهر وتعذيب النساء
اسقاط النظام يعني تلافي كارثة الاغتراب والهجرة في دول لاتحترم ابسط حقوق الانسان.
اسقاط النظام يعني اختفاء ظاهرة معسكرات النزوح واللجؤ والذل والهوان
اسقاط النظام يعني اسقاط الفاسدين وايقاف الفساد ومحاسبة المفسدين
اسقاط النظام يعني ايقاف الظلم الإجتماعي، ونهب ثروات البلاد والإستبداد والتهميش
اسقاط النظام من اجل عودة الممتلكات العامة للشعب وضمان الامن وعدالة توزيع الثروة
اسقاط النظام يعني عودة السودان الخالي من القوات الدولية والاسلحة الايرانية والمرتزقة الاسلاميين والمحتلة اراضيه والمنتهكة اجوائة والمنهوبة مياهه والمهان شعبه .
نعم الشعب يريد اسقاط النظام وازالة الاسباب التى رفع من اجلها هذا الشعار

* ان الحركة متمسكة بالحل الشامل..بدولة المواطنة والحريات والمدنية..دولة المساواة والعدالة الاجتماعية بموجب الحقوق والواجبات..دولة الديمقراطية والمؤسسات ومبدأ المحاسبة وعدم الافلات من العقاب.. واستقلال القضاءوالتداول السلمي للسلطة..دولة السودان لكل السودانيين..

* ان نظام الخرطوم متمسك بالحل الجزئي الذي اثبت فشله بالتجربة.. متمسك بدولة الهيمنة والوصاية والاقصاء ولاستعلاء والموازنات القبلية والجهوية.. دولة كنكشة كيزانية خالصة لايهم ان مات ثلثي الشعب السوداني او قتل في حروب قبلية أو جهويةعبثية..دولة النفاق باسم العواطف الدينية!

غايته يا سامبو أمكيكي ماشة معاك باسطة وضارب المصاريف التقيلة، وأحلق شنبي لو تم الوصول لأي حل من خلال وساطة هذا الجنوب أفريقي الفاسد!!!!! حد يا أخوانا معقول يقفل البلف المدفق ليه فلوس بيده ومش بيد عوض؟؟؟؟ وتعيشوا وتشوفوا

الراجل الادروج ده انا ما بطيقو

يا ناس الثورية .. يعني كلام عبدالواحد جااااكم .. (لافائدة) مع هؤلاء .
ديل دايرين ناس يركبوا وراهم في حنطورهم المعطوب هذا والاّ فالمماطلة .
والبروف غندور هذا مجرد ساعي بريد فاشل ، لاتعّولوا على كلامو حيمشي الخرطوم كل ساعتين ويجيكم برأي
من المشير ومحمد عطا .
شوفوا الصادق وجهزوا معه للـ (العصيان المدني الشامل ) المرافق لإنتخاباتهم المخجوجة .. ده الطريق الباقي
لقد مضى الكثير .. وكفاية 20 عاماً من التفاوض و (التحانيس) .

ما عندي تعليق على الموضوع … ولكن لفت نظري تلميعة وجه غندور فمن الواضح ( ما شاء الله تبارك الله ) ان وجه انضر من التفاحة وانعم من وجه فتاه دلوعة … فاذا كان اي وحد ممكن يعتقد زي ديل يتازلوا عن السلطة فهو واهم .والغريب ان جميع الكيزان متشابهين في هذه النعومة الا القليل منهم …انظر الى وجه الترابي وهو فوق 84 سنة وقارنه باي شخص تجاوز الستين من عوام الشعب ؟؟؟؟؟