بيع (قبور) بمقبرة أمدرمانية شهيرة!

19 نوفمبر، 2014

الخرطوم: أحمد دندش
أكدت مصادر مطلعة ازدياد ظاهرة (بيع القبور الجاهزة)، بإحدى المقابر الأمدرمانية الشهيرة. وأضافت ذات المصادر، أن سعر (القبر الواحد) يتراوح ما بين (200 إلى 300) جنيه، وأشارت إلى أن تلك الظاهرة باتت في حالة من التمدد، مما أثار استياء الكثير من الأهالي والمواطنين، والذين أعرب عدد كبير منهم عن رفضهم لتلك الممارسات، التي وصفوها بـ(المؤسفة) والدخيلة على المجتمع السوداني

السوداني

19 نوفمبر، 2014

تعليق واحد

  2. ليهم حق تجار المقابر لانه في ناس عايشين في ابراج عاجية ومافي زول بشيع معاهم جنازه لتعاليهم علي الناس لانه اي حاجة في نظرهم تقضي بالقروش تهانينا للمقبراتيه

    رد

  3. الموضوع للأسف صحيح والله وقد أخبرني أخي في اجازتي السابقة قبل شهور أنهم وجدوا بعض الحفارين حول بعض القبور بدون ما تكون هناك جنازة بالقرب منها، وأراد هو أن يتأكد من هذا الموضوع وفعلا قالوا له ان القبور للبيع وسأل عن قبر معين ( مصلح ومجيه كويس) فقالوا له أن صاحبه( الذي حفره) ما موجود في تلك اللحظة ، ولكن أخبروه بسعره وأظنه فعلا كان في حدود 200 ألف.تحسرت بل تحسرنا كلنا على هذا المصير والانحدار وتذكرنا زمانا قريبا جميلا كان الحفارون فيه يسبقون الجنازة لحفر القبر بدون ما يعرفوا من المتوفي، وكان ذلك لله بحق وحقيقة موش بطريقة هي لله بتاعت المنافقين ديل .

    رد

  5. القبور في عهد الانقاذ ؟؟؟!!!

    إلي متي يظل هذا الشعب يباع ويشتري ؟ حتى القبور ؟؟؟ وسيأتي يوم لا يجد من لا يملك المال حتى قبرا يأويه !!!

    أين هيئة علماء ( السلطان ) ؟؟؟

    رد

  6. ومالو تجهيز وبيع القبور ياوهم
    هسى انا وسعادة السفير المرهف الحساس جمال محمد ابراهيم جهزنا قبورنا من هسى فى مكان وارف وظليل بمقابر احمد شرفى وبطل على مدرسة ثانوية للبنات
    فاقعدوا فى علبكم ياحاقدين ياحاسدين

    رد

  8. عشان ماتظلموا الناس ساى فكرة تجهيز القبور وبيعها هى فكرة منظمة تدعى منظمة حسن الخاتمه عملوها الكيزان
    قبل كام سنه وتصدر لهم جريده باسمهم حسن الخاتمه وطبعا اخذوا كام مليار من ديوان الزكاة وكام مليار من
    وزارة الرعاية والضمان الاجتماعي بتاعة البت الاسما الدولب عشان يقوموا ببناء اسوار حول المقابر وفعلا قاموا ببناء اسوار حول بعض المقابر ولهفوا الباقي ثم فكروا وفكروا وفكروا الي ان هداهم شواطينهم علي فكرة تجهيز المقابر وبيعها مستغلين الحالة والظروف النفسيه للمكلومين وبعض المقابر في حمد النيل وأحمدشرفي وصل فيهاسعر المقبره الناصيه المطله والقريبه من الزلط الي أكثر من مليون جنيه والمطله علي الزلط المقابل لمدارس البنات (الحور العين) تصل الي 2 مليون لاتندهشوا نعم 2 مليون وهناك مقابر محفوره جاهزه تسأل منها يقولوا ليك دى مجحوزه ليها شهر ووالله هناك مقابر للأيجار!!!!!! صدقوا أو لاتصدقوا هذا تماما مايحدث بالسودان والمامصدق يروح يستطلع هذه الحقائق بنفسو يعنى يسمع بأضانو ويشوف بعيونو .!!!!!

    اغتصاب اطفال – علاج بالعض واخيرا بيع وتأجير المقابر الف رحمه عليك ياسودان الكان سودان .

    رد
جميع الحقوق محفوظة، لصحيفة الراكوبة© 2025 .. تعبر المقالات المنشورة عن رأي أصحابها، ولا تمثل بالضرورة وجهة نظر إدارة الراكوبة
زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..