تشديد العقوبة على مرتكبي قطع الإشارة المرورية والتفحيط بالخرطوم
قررت لجنة تنسيق شؤون أمن محلية الخرطوم برئاسة اللواء عمر نمر معتمد المحلية تشديد العقوبة علي مرتكبي قطع الإشارة المرورية حسب قانون المرور مع قيام حملات راتبة لضبط مرتكبي مخالفات التفحيط بالسيارات.
وقال المعتمد إن الإجتماع أصدر حزمة من القرارات والإجراءات الخاصة بمراجعة جميع الخدمات بمحطة السكة حديد (كركر) وصيانة جميع الطرق الرئيسة لتسهيل انسياب حركة المرور وإنارة جميع الأسواق لإحكام إنفاذ الخطة المنعية التي تنفذها الشرطة خلال فصل الشتاء لمكافحة الجريمة.
إلى ذلك أصدرت اللجنة قراراً بقيام حملات مكثفة لضبط وإيداع المعتوهين في المصحات النفسية بالتنسيق مع جهات الاختصاص، كما قررت تفعيل إنفاذ المادة (129) من قانون الإجراءات الجنائية والخاصة بتخويل سلطة إخلاء وإغلاق المنازل والمحلات لوالي الولاية أو معتمد المحلية المعنية
الصيحة
ان المفحطين كانوا من أبناء المسؤولين فلن يستطع نمر و لا شرطته ان يمسهم بسؤء و كفاية نفخ في الفاضي.
ابدوا بي روحكم اول يا ناس المرور لانو شوف عيني دي ما نضمي جابو لي زول عسكري المرور الاشارة باقي ليها خممممسة ثواني كااااملة عشان تفتح زوووط راح قاطعا زي الما حصل شئ فاذا كان رب البيت بالدف ضارب ناس البيت عاااادي ح يفحطو ويقطعو ..
خلاص كملت سرقتك وقلة فهمك ، كمان عايز تتدخل في شغل المرور. ومحطة السكة حديد (كركر) أسال كبير النصابين الخضر ، عندما رحل موقف البصات بـ 20 مليار ، ماكان عارف حتكون في حركة مواصلات تحتاج لإنسياب.
وما في معتوهين في الشارع ، في أصحاب حق مهضوم جاينكم في مكاتبكم ، زي البطل بتاع القصر.
غايتو يا اللواءات طلعتوا أي كلام كلكم صنف واحد ? معتوهين.
اذا اردت ان تتعجب فما عليك الا قيادة سيارتك في شوارع محلية كرري شارع النص والشنقيطي والوادي حيث ينتهي القانون هنالك والركشات تعكس الاتجاه ولا تكتفي بقطع الاشارة مع غياب تام لقانون المرور الا فقط حملات الترخيص من اجل الجباية
سترى ما يدهشك ويحيرك