الترابي.. (راقدلو فوق رأي)..!!
عثمان ميرغني
ليلة أمس كان أول ظهور لدكتور حسن الترابي بعد صوم طويل.. منذ أن بدأ خطوات الحوار والتقارب مع نده حزب المؤتمر الوطني.. الترابي تحدث في منبر نقابة المحامين.. في حدث يضاف في ميزان حسنات النقيب الجديد للمحامين الأستاذ الطيب هارون..
وكانت نقابة المحامين في الفترة الماضية (بالتحديد منذ 1989) انطوت تحت جناح الحكومة واكتفت ?بدل الندوات- بالأفراح والليالي الملاح التي تقدمها لمن يحجزون مسرحها.
لكن ظهور الترابي أثار من الأئلة أكثر مما قدم من الإجابات.. وزاد الغموض ضباباً.. فالترابي أشهر معارضته لمشروع تعديل الدستور.. ربما من منطلق تخصصه القانوني علاوة على موقفه السياسي.. لكن ليس واضحاً هل يعني ذلك مجرد (براءة) للتاريخ من هذه التعديلات أم أن حزب المؤتمر الشعبي يضع نفسه في مواجهة مع مشروع التعديلات.. من داخل وخارج البرلمان.. فللحزب كتلة برلمانية رغم ضعف تأثيرها.. وله منابر إعلامية في ندواته وتصريحات أمينه السياسي التي لا تغيب عن الإعلام..
في حديث الترابي تلميح إلى أن مشروع تعديل الدستور أن استمر وبلغ ما تريده الحكومة.. فسيطلق صفارة نهاية المباراة.. مباراة الحوار المملة.. لكني أشك أن الترابي راغب أو قادر على المضي إلى هذا الحد في مواجهة مشروع التعديلات الدستورية.. لسبب بسيط للغاية.. هو أن لسان حال الترابي يقول: (دستور ايه اللي جاي تقولي عليه) على نسق أغنية الفنانة أم كلثوم..
الدستور بطوله وعرضه لا يحرم حراماً ولا يحل حلالاً في المسلك العام.. الحكومة تعامله مثل قصة صنم عمر.. متى ما جاع أكله.. فالحكومة تحترم الدستور عندما يحترمها.. وتدوس عليه بالأرجل.. عندما يعترض طريقها..
إن يخوض الترابي معركة من أجل دستور هو أصلاً شبه مجمد فذلك امر لا يشبه ذكاء الترابي.. فمعاركه مدخرة لحين إشعار آخر..
وليس واضحاً في متى (هذا الإشعار الآخر) في ذهن الترابي.. فطريق الحوار الذي وضع فيه كل البيض لا يبدو منتجاً.. ممطوط ومجمد بلا محطات واضحة لمسيرته.. فحزب المؤتمر الوطني وحده من يملك (البصمة) التي تفتح باب الحوار وتغلقه متى شاء.. وفي ظل سريان جدول الانتخابات لا يبدو أن حزب المؤتمر الوطني مستعد لحوار طرفه الآخر يعول على قرار بوقف الانتخابات.. بكل يقين الوطني يفضل أن يبدأ الحوار بعد الانتخابات.. في ظل الأمر الواقع الذي سيجنبه المسابقة الانتخابية التي تجري من جانب واحد..
على كل حال.. الترابي لا يزال (نجم شباك) سياسي قادر على استثمار الصمت أحياناً أكثر من الكلام.. وأنا موقن أنه لم يقل ما يريد أن يقوله حتى اللحظة.. فهو على رأي بيان وزارة الخارجية أمس.. هناك (شئ ما) في عقل الترابي.. أو باللغة الدراجة (راقدلو فوق رأي)..!!
اخر لحظة
اريتوا رقد وما قام
إلهك الذي تعبد لنحرقنه
الترابي بتاعك بقي زي الاسد المعجز .. وانت سيد العارفين الغنمايه بتعمل شنو للاسد المعجز
كلامك ده كان قبل 20 سنه هسع الترابي بالاضافه لكبرو فقد مصداقيته وهيبته الكان مصطنعه من خلال عباية الدين
ونفر الاتباع والمريدين من حوله بعد ان تكشف لهم نفاق ودجل شيخهم
ولم يبقي سوي اقلية من امثالك عبدة بقرة الترابي
أنت موهوم … اتنتظر شياً من رجل ثمانيني . هذ رجك أفاك فقد بريقه . أنتم مازلتم تشايعونه وتلمعونه ..يا سبحان الله
يا عثمان ما قلنا ليك: عمليتك ما جميلة و حركتك جبانة. ياخي انت ما عندك دم ولا رجولة ودين مالك. خبث و كذب و نفاق من اي كنيف اتيت . ما كفاية نفاق . اختر واحد فقط من واحد ياما تعلن كوزنتك وانبطاحك عديل يا اما تريحنا من وجهك الشوم دة.
لكل كوز خازوق. لمن يكون شرف غز خازوق عثمان ميرغني؟
راقدعلى رأي
راقد على كوم تبن
راقد على عود
خليهو يستنى الدايرنو ليهو وكل صبيانه.
كسير تلج للترابي مفهومه ياعثمان مرغني المهدد بالقتل من امن البشير
يا عثمان ميرغنى الترابى صار تراب زيه زى الصادق المهدى ومحمد عثمان الميرغنى كلاهما صارا تراب والسودان اليوم صار رهن الصراع بين الإنقاذ والجبهة الثورية، فضوها سيرة.
مقال جميل ورائع فيه تحليل عميق وواقعي للعلاقة بين الوطني والشعبي ..
عثمان ميرغنى كوز
هذا الكوز المتخفى ما زال يروج لأفكار جماعته الماسونية و يسوق لقادتها و أسياده الذين قدم لهم البيعة فى الغرف المظلمة. يا كابتن الترابى و رغم جنونه المعروف إلا أنه أصبح فاقد للصلاحية السياسية و القانونية أيضا، اما (كتلة البرلمان) فتلك تخدع بها نفسك أيها الكوز المقدود. من أين أتى هذا البرلمان أصلا حتى تكون داخله أجسام معترف بها؟ هذه عصابتكم و ذاك برلمانكم و نحن غير معنيون بكم و لكننا معنيون بكنسكم التام عن مشهدنا.
فلتذهب إلى الجحيم يا عثمان ميرغنى أنت و عصابتك.
بالمناسبة .. أين منبر السودانى أيها الأمنجى الماسونى المخادع الكذاب؟
حفظ الله الشيخ الجليل الترابي ومتعه الله بالصحه والعافيه. الرجل العلامه المفكر المبدع . الناس في كل العالم يحترمون العلماء الا في هذا البلد الظالم اهله . الترابي من الابتلاءات الربنا ابتلاهو بيها انو سوداني .خلاهو في السودان بين اجهل شعب . ومع الجهل غباء غريب . سبحان الله .. لو كان هذا الرجل في بلد اخر لصنعوا له تمثال يا ماعز
ويمكرون ويمكر الله والله خير الماكرين ..ليس المشكلة ان يكون راقدوا فوق رأي وكل الناس راقدة فوق رأي واراء ولكن المهم ان لا يكون مثل رأيه حين مكر ودس وغش وقام بإنقلاب 1989م ومكن للخلايا الكيزانية التي كانت منتشرة في الدول العربية..
ليس المهم الرأي ولكن المهم ان يكون هذا الرأي قائم على عدالة وعلى تقوى من الله وليس تقية ايرانية ميكافيلية بأن الغاية تبرر الوسيلة.
وليس المهم ان يكون راقد فوق رأي ولكن المهم ان يكون الرأي اخلاقي وليس أراء الكيزان والاخوان المسلمين التي اوردت البلاد موارد الهلاك والفرقة والشتات..
هذا تحليل صحيح لم يقصد فيه الاستاذ عثمان تبجيل الترابي او التدجيل في حق القراء،،، هناك أمر قادم والترابي بلغ الـ 90 أو الـ 100 عندو خيوط يعرفها،،، والمؤتمر الوطني الذي فقد كل الحيل غير الماهرة بتاعت علي عثمان وقوش والجاز ونافع لم يعد لديه الا لغة محمد عطا المنان التي نشرتها الراكوبة امس وادت الى محاولات تهكيرها،، ووفود التفاوض المدنية التي وصلت اديس ابابا بحجم كبير هذه المرة ضم حتى مؤسسات المجتمع المدني يوحي بأن ما لمح له عثمان ميرغني صحيح،، فالترابي راقدلو فوق رأي شيء صحيح والرجل طموحه لم يخب بعد،، وهو يعتقد نفسه منذ زمن طويل أبو الدساتير وله فيها باع،، وصحيح ان ((الدستور بطوله وعرضه لا يحرم حراماً ولا يحل حلالاً في المسلك العام)) غير أن الدستور هو الموجه العام لاحلال الحلال وتحريم الحرام في المسلك العام للدولة مفصلا لها القوانين كل في ما يخصه،،
ان شاء الله يرقد في عنقريب درمه
وأنت يا عثمان راقد فوق شنو ؟ افضل للناس الف هرة ان تقول رأيك من ان تكتب مقال محصلته النهائية ترغبوا راي الترابي كأن الناس بينهم من لا تعرف هذا الترابي او لم نكن نعيش ثمرة من ثمرات فكاره و أرائيه حين يحكمنا امثال البشير ونافع و يكتب لنا امثالك و اشباه حسين خوجلي !! انتظر الترابي وحدك وان ابى يقوم لك ارفعه عشان تعرف رأيه الراقد فوقه أو ارقد انت قفا مثله بس تأكد ان ليس من عاقل في السودان ينتظر منكم خير او رأي مفيد ايها الكيزان حكومة و معارضة في مسرح اللا معقول ومسرحية الضحك على الذقون التي نادون ادوارها بقوة عين تحسدون عليها .
ه التركي
يا عثمان الترابي ده انت مكبر كومه زيادة عن اللزوم ….
التغيرات الفكرية والتقنية والاساليب التربية الحديثة والانفجار المعرفي …. قللت كثير من المعتقدات لدي الجميع وما عادت الشخصيات القديمة الكلاسيكية لديها تاثير الماضي الذي في مخيلتك “الدنيا اصبحت وااااااااااااااسعة” يا عثمان وانت من زمن الترابي حيا الله الرجل!!!!! رجل جوه القبر ورجل بره وافتراضيا مات وفكريا انتهي والعنده كملها والماكملها تموها حيرانه!!! “يعني على عثمان” جاب الافكار الطلع بيها ميتين البلد دي من وين؟؟؟
فالترابي بتاعك ده لم يتبقى الا فوق مخيلتك فقط يا عثمان !!! حاول تاخد ليك حمام ودش ساخن واتخيل الرجل داخل الي مكان وحيدا حاتلاقيه انو رجل اكثر من عادي والغوغاء الذين من حوله هم المدينو احساس انو شئ ما “وراقدوا في راي” و”العباطة” من النوع ده … مادام في نوع لسع بيقول الغداء يوم الجمعة مع شيخ الترابي!!!
وصدق من قال “لا تسال الضغاة لم طغوا ولكن اسال العبيد “انت والزيك” لماذا ركعتوا!!!؟؟؟؟؟؟؟؟
ولو متذكر الترابي ده “ظاتو” يوما ما قال مشكلة دارفور دي بتاخد مني ساعتين بس وبحلها وبالهاتف السيار فقط!!!!!!!!!! ؟؟؟؟؟؟؟
أها من اليوم داك اتحلت مشكلة دارفور وهم الان عايشين في امان الله!!!
يا ريت لما الناس تفكر تفكر بحيادية من منطلقات وطنية وتطلق رايها بعيد عن الراي ده بيزعل فلان والراي ده لو قلتو حايكون مخالف لراي فلان؟؟؟؟
ودمتم
وأنت يا عثمان راقد فوق شنو ؟ افضل للناس الف مرة ان تقول رأيك من ان تكتب مقال محصلته النهائية ترقبوا راي الترابي كأن الناس بينهم من لا يعرف هذا الترابي او لم نكن نعيش الان ثمرة من ثمرات فكاره و أرائيه حين يحكمنا امثال البشير ونافع و يكتب لنا امثالك و اشباه حسين خوجلي !! انتظر الترابي وحدك وان ابى يقوم لك ارفعه عشان تعرف رأيه الراقد فوقه أو ارقد انت قفا مثله بس تأكد ان ليس من عاقل في السودان ينتظر منكم خير او رأي مفيد ايها الكيزان حكومة و معارضة في مسرح اللا معقول ومسرحية الضحك على الذقون التي نادون ادوارها بقوة عين تحسدون عليها .
(راقدلو فوق رأي)!!
الشيخ العاسي راقد ليهو في مؤامرة ولا يستطيع أن يعيش دون حياكة المؤامرات وهكذا هم دائماً جماعة الإخوان المسلمين فرع السودان وأنت بقولك هذا ما “جبت الديب من ديلو” وكفى إضاعة الزمن فيما لا يفيد وقد تجاوزكم السودان الفضل “من زمان”.
ترابي ايه اللي جاي تقول عليه !
هذا في مظانكم أنتم أبناء الحركات الإسلاموية ..فأنتم لا تستطيعون أن تخرجوا من عباءته فهو يعني لكم الكثير .. أما عندنا نحن فهو صفر كبييييييير .. هو وجميع ((حركاته)) الاسلاموية سواءا كانت جبهة ميثاق أم جبهة إسلامية أم مؤتمر وطني/شعبي أم غيرها ..
أكثر رجل برغماتى وعملى فى سودان اليوم هو الشيخ حسن عبد الله الترابى فلا الصادق يملك شيئا يقدمه للناس فقد بار سلعه منذ سنوات واخرج كل ما لديه ان كان لديه شىء فى سنى حكم مذ كان صبيا فهذا الرجل لم يضع طوال حياته السياسية لم يضع طوبة على طوبة ويكمل مشروعا والادهى ان الرجل لا يملك خطة لحماية حكمه الذى يزول سريعا بفشله المعتاد لا خطط حتى لتأمين نفسه بل القصص وحكاوى الجدات والمشاطات التى لم تقدم شيئا أولا لنفسه او للسودان فهذا الرجل يحكمنا الشيطان ولا الصادق وصنوه وتمامه الشيخ الميرغنى رجل باع وطنه شرقا وغربا ومستعد للتحالف مع ابليس لبيع ما تبقى فى السودان فى سبيل زعامته وابنائه فأحسن حل ان ننتظر ان يأتى أمر الله ويأخذ الجماعة ديل وبعدها لكل حادث حديث وحينها ستأتى الديمقراطية مرغمة اما الرجل الثالث موضوعنا الشيخ حسن الترابى مهما اختلفنا معه فله سياسية وله رؤية لمائة عام الى الامام بغض النظر عن ماهية هذه الخطة وان الله يزع بالسلطان ما لا يزع بالقرآن فهذا الرجل يعود اليه الفضل انه اولادنا تربوا على قيم اسلام وسمعنا الاذان ولم يرى اجيال ما بعد 89 صفوف الدعارة وغيرها من الصفوف اما ان الجبهجية نهبوا السودان فنكل الى الله سرائرهم وعلينا ماذا أنجزوا مقابل ما انجزه الصادق والميرغنى !!!!!!!!!!
الدستور بطوله وعرضه لا يحرم حراماً ولا يحل حلالاً في المسلك العام.. الحكومة تعامله مثل قصة صنم عمر.. متى ما جاع أكله.. فالحكومة تحترم الدستور عندما يحترمها.. وتدوس عليه بالأرجل.. عندما يعترض طريقها.
كفي المؤمنين شر القتال
رقدت فيكم حيطة يا كداينه يا معفنين ….رأي شنو تاني الدايرين ترقدوا ليهو….انتو ما بتشبعوا من الرقاد….قوموا تقوم قيامتكم ….بعدين يا زفت إنت شيخك دا عمره فات التمانين وبرضو لسه داير يرقد….يا عالم ما تختشوا شويه
الترابى إعتذر للشعب السودانى عشان جاب الظلمة والحرامية والزناة والقتلة للحكم ..
والان الترابى يرجع لى ناسو الجابهم واخر شوق ومودة ..
للنفاق عدة وجوه وللحق وجه واحد . يا عثمان هذا الترابى اصبح وتر متختخ لا يمكن إصلاحه
وأصبح المسيح الدجال لا يتبعه إلا من باع أخرته بدنياه
برز الثعلب يوما في ثياب الواعظين فمشى في الارض يقدل ويسب الماكريتا ان من صدق يوما انا للثعلب دينا ان المكر والدها هي من صميم تركيبة الترابي انه مثير للاتربة والغبار اينما زكر
سبب انفصال الجنوب الترابى بسبب دعوته لاقامة دول دينية فى بلد متعدد الاعراق والديانات والثقافات مما اعطى الفرصة للاخوة الجنوبيين بالمطالبة بالانفصال وتعاطف المجتمع الدولى معهم على اساس انهم مطهدين دينيا . مشاكل دارفور سببها الترابى وبدت بعد المفاصلة بتمرد دكتور خليل الذى يعرف بانتمائه وتاييده للترابى ثم انفصلت حركة خليل الى حركات وتلاها تكوين حركات جديدة فى دارفور وانتقلت العدوى الترابية الى جبال النوبة وشرق السودان هذا فضلا عن الانشقاقات التى حدثت للاحزاب الكبيرة بجانب اعطاء فرصة لتكوين احزاب جديدة فزاد عدد الاحزاب واصبح يفوق المائة وهذا كله بسبب افكار الترابى السرطانية التى سرت فى الجسم السودانى والتى اصبحت تقضى عليه جزءا حزءا بعد انفصال الجنوب . من ياخذ براى الترابى او يكتب عنه فهو رجل مغفل وليس له عقل ومن يقول ان الترابى مفكر سياسى ومفكر اسلامى نقول له هل الفكر الاسلامى والسياسى الرشيد يؤدى لتفتيت الدولة مثل ما حدث فى السودان ؟ ما فائدة الفكر اذا كان هادما للدولة لا مقوما لها؟ الترابى البلاء بنفسه ولم نسلم من هذا البلاء الا بزوال هذا الرجل . وشتان ما بين الترابى والصادق لان الصادق ممكن ان نقول انه مفكر سياسى ومفكر اسلامى لانه رجل نشط سياسيا وذكى جدا ورجل وفاقى ويحظى بقبول محلى واقليمى ودولى وله عطاء فكرى غزير والبيان بالعمل وليس بالقول فقط فقد حصد الرجل جوائز اقليمية ودولية قيمة ولا ينكر ذلك الا مكابر وعلى قدر اهل العزم تاتى العزائم وتاتى على قدر الكرام المكارم .
من لطف الله سبخانه وتعالى على اهل السودان ان جعل كيد جماعة الانقاذ في نحورهم فاختلفوا وأصيخ المؤتمر مؤتمرين وحركة اي تشرذموا وتفرقوا الى ثلاثة فرق وفي كل فرقة عدد من التيارات المتنافرة ( تحسبهم جميعا وقلوبهم شتى ذلك بأنهم قوم لايعقلون) ونحن نحمد الله سبحانه وتعالى ان جعل الموت حق على كل مخلوق ونهاية لكل انسان نحمده تعالى ان جعل اعمار هذه الامة بين الستين والثمانين كما ورد لذلك نقول لهؤلاء الغافلين المغفلين لاتضيعوا اوقاتكم في الدسائس والمكائدوالكذب والنفاق استعدوا ليوم الحساب الذي بات قريبا جدا وجهزوا مرافعاتكم لمحكمة القاضي فيها هو الله جل جلاله والشهود هم الملائكة وكذلك السنتهم وايديهم وارجلهم بما كانوا يعملون.
ترابى شنو حركة اسلاموية شنو يا زول ؟؟
ديل حكومتهم ذاتها غير دستورية او شرعية لانها اتت بانقلاب قذر واطى سافل !!!
انحنا هسع مافى الدستور او انتخاب الولاة او انتخاب البشير انحنا هسع فى عدم دستورية او شرعية الانقاذ التى اتت عبر تمرد واستخدام السلاح والقوة ضد الحكومة الشرعية والانقاذ ما هى الا حركة تمرد نجحت فى استلام السلطة فلا توجعوا دماغنا بانها حكومة شرعية يعنى بالواضح كده حركات التمرد عندها الف حق فى محاربتها لان الانقاذ نفسها حركة تمرد اسلاموية وليست حكومة قوات مسلحة سودانية قومية!!!!
ياخى الاسلاموييبن السفلة الاوغاد عطلوا الحوار الوطنى اكثر من 25 سنة قوم لف بلا ترابى بلا حركة اسلاموية سودانية سافلة ومنحطة مزقت الوطن وليها اكتر من 25 سنة ولم تحقق اى استقرار سياسى وتداول سلمى للسلطة ودولة القانون والمؤسسات ولو هى بتفتكر ان الناس مفروض يتابعوها وينخرطوا معها فى مشروعها فهذا هو العهر والدعارة والقذارة السياسية بامتياز!!!!!!!!!!
واهو ده ذكائه الوصل السودان الى هذا الخراب السياسى والاقتصادى والاجتماعى!!!
الله ينعل ابو اليوم الاتولد فيه حسن البنا وسيد قطب ياخى!!!!!!!!!!
والله خلونا نشوف الجديد المثير من كل الأبواق الأحزاب ,الحركات , الطرق الصوفية لأن الشعب السوداني سئم من الجميع ومن الأحزاب لذلك اليوم الجميع متفرج والجميع الكرة في ملعبه ورونا بس العندكم والشعب مغلوب على أمره إنشاء الله قال ليك إنشاء الله الترابي دا يكسر رقابهم كلهم .
أنا زعلان من الترابي هوالجاب لينا الناس ديل ولو بوديهم في ستين ألف سكة أنا معاهو والناس الزعلانين من الترابي ديل وأنا واحد منهم عملنا شنو للمؤتمر الوثني اللي أزاق الشعب السوداني الويل ! يا جماعة والله كلنا بنعرف الكلام السمح والكلام الشين بالله خلونا من الترابي واتباعه نحن دايرين الزول الضد الترابي وأتباعه دا يجينا ويحلنا الترابي والمكره الترابي البلد زاتو .
بس بدون فصاحةوفنجسة وخليكم شغالين زي الترابي المحيركم ومحيرنا ومحير المؤتمر الوثني وجيرانهم كلهم .
كرهتونا العافية تتكلموا كلافم فارغ وبدون ما تقدموا لينا بدائل وحلول الزول دا شغال وإنتو لو رجال فعلا وعندكم فهم ودهاء وزكاء إشتغلوا وورونا العندكم وبدون عويل وهوس وكلام فارغ نحن ما ناقصين الفينا مكفينا وما بنصدق أي زول تاني
والراجل فيكم يورينا فلاحتو في المؤتمر الوثني دا وبعدين يقبل لينا للترابي زاتو
فنار
والله خلونا نشوف الجديد المثير من كل الأبواق الأحزاب ,الحركات , الطرق الصوفية لأن الشعب السوداني سئم من الجميع ومن الأحزاب لذلك اليوم الجميع متفرج والجميع الكرة في ملعبه ورونا بس العندكم والشعب مغلوب على أمره إنشاء الله قال ليك إنشاء الله الترابي دا يكسر رقابهم كلهم .
أنا زعلان من الترابي هوالجاب لينا الناس ديل ولو بوديهم في ستين ألف سكة أنا معاهو والناس الزعلانين من الترابي ديل وأنا واحد منهم عملنا شنو للمؤتمر الوثني اللي أزاق الشعب السوداني الويل ! يا جماعة والله كلنا بنعرف الكلام السمح والكلام الشين بالله خلونا من الترابي واتباعه نحن دايرين الزول الضد الترابي وأتباعه دا يجينا ويحلنا الترابي والمكره الترابي البلد زاتو .
بس بدون فصاحةوفنجسة وخليكم شغالين زي الترابي المحيركم ومحيرنا ومحير المؤتمر الوثني وجيرانهم كلهم .
كرهتونا العافية تتكلموا كلافم فارغ وبدون ما تقدموا لينا بدائل وحلول الزول دا شغال وإنتو لو رجال فعلا وعندكم فهم ودهاء وزكاء إشتغلوا وورونا العندكم وبدون عويل وهوس وكلام فارغ نحن ما ناقصين الفينا مكفينا وما بنصدق أي زول تاني
والراجل فيكم يورينا فلاحتو في المؤتمر الوثني دا وبعدين يقبل لينا للترابي زاتو
فنار
الخرطوم – بهرام عبد المنعم
قال حسن الترابي، زعيم حزب المؤتمر الشعبي، إن حزبه عجز عن إسقاط النظام، واضطر إلى الانخراط في الحوار الوطني، وخشي تمزق البلاد بالاحتراب والسلاح، موضحاً أن البلاد ممزقة ومشتتة الأصول والأعراف والألسن، وأن السودان أخفق في الوصول إلى نهج قومي لافتقاره إلى الوحدة الوطنية. ودعا الترابي الرئيس البشير إلى إلقاء كلمة حاسمة لشرح صدور المعارضة المدنية والمُسلحة توطئة لإنجاح الحوار وإخراج البلاد من أزماتها الراهنة. وقال الترابي في ندوة (التعديلات الدستورية المرتقبة في الميزان) التي أقيمت في دار المُحامين بالخرطوم أمس (الأحد) إن السودان أصبح في مهلكة، وسخَّر أغلب أمواله للأمن، واستذله جيرانه. وأكد الترابي أن التعديلات الدستورية مقبولة من واقع ما سمعه عن تفشي القبلية والفساد، لكنه استدرك بالقول إن الرئيس البشير كان في مقدوره حل المشكلة عبر ربط التعيين بفترة مؤقتة تتيح عزل الولاة في أعقاب الفراغ من الحوار الوطني، وربط التعيين بالحوار الوطني الجاري. واقترح الترابي على المؤتمر الوطني الاستمرار في تثبيت انتخاب الولاة شريطة عدم ترشيحهم من ولاياتهم مسقط رأسهم، وسندهم، تجنباً للقبلية والمحسوبية. وأبدى الترابي شكوكه في نتائج الانتخابات التي تفوز بها الأحزاب الحاكمة في البلدان العربية، وعد ذلك مستحيلاً وقال: “لو صوَّت الناس تصويتاً سرياً على وجود الله في الفاتيكان لما فاز بنسبة 99%، ولو صوتنا في مكة أيضاً”. واستبعد الترابي أن يتدخل الجيش في تصريف الشؤون السياسية حال اضطراب السياسيين، وقال: “صدقوني أن القوات المسلحة لديها وعي وليس لديها مطامع في ضبط البلد بالقوة”.
تعليقي
والان فاصل آخر من المسرحيه وهي احباط الشعب الذي اصبح مهيا للانتفاضه بأن المعارضه ضعيفه ولم تستطع دولة الانقاذ يعني بصريح العبارة الترابي يريد اخماد نيران الثوره القادمه …..انتباه ياساده الترابي والانقاذ اليوم في اعلي درجات الخوف والضعف من القادم ابعدوا الترابي وحزبه من اي عمل معارض.
تحية واحتراما
والله يا عثمان شيخك دا بنعرف ليهو رقاااااااااااااد واحد بس ,,,
ولو بططططل رقاد احسن ليهو ,,,, ربنا يهديهو من الرقاد,,,,,
اريتو ما رقادك ,,, رقاد السواد والرماد
يا ناس الراكوبة حرام عليكم
الكوووز دا ما تجيبوا لينا ( ما تقول لي الراي والراي الاخر و…)
دا فاقع مرارتنا باي كلاموا الخبيث وكتاباتوا السمجة دي
الغريبة عامل فيها ما كوز وعامل بنتقد الحكومة و عمل ليهو مسرحية غبية زيو قال دقوني وقلعوا لي عيني …
واخر تنظياتوا قال داير يورينا مين ضيع السودان ؟
هوي يا ناس الراكوبة نحن دايرين نجمع توقيعات عشان ما دايرين نشوف خلقة الزول دا هنا.
نحن ما ناقصين وجع قلب
إقتباس (( وكانت نقابة المحامين في الفترة الماضية (بالتحديد منذ 1989) انطوت تحت جناح الحكومة واكتفت ?بدل الندوات- بالأفراح والليالي الملاح التي تقدمها لمن يحجزون مسرحها. ))
يا استاذ عثمان ، تستاهل يعطوك بونص سنة كاملة ، ما يعادل من راتب زميلك الصحفى اسحق فضل الله !! .
ما شاء الله ، صرت تنافس وتبذ شيخك الترابى فى التدليس ، وفى المكر والخداع ..
كتبت لقرائك عشرات المقالات بأن الحكومة ، لا بتودى ولا بتجيب !، ونصحت ناس المعارضة مرارآ بأن لا يفكروا فى شغل وزارات فى الحكومة ، بل عليهم أن يفكروا ليجدوا مكانآ عند مركز السلطة مع الذين يقررون فى مصائرنا !! ..
ربنا يسألك ، هل نقابة المحامين منطوية تحت جناح الحكومة ، أم تحت جناح النظام الحاكم ؟ ..
انت عارف ، وانا عارف ، وكل الناس عارفة ، أن الشعب السودانى ما عندو مشكلة مع الحكومات التى تأتى وتذهب ! ، بل مشكلة الشعب وعدو الشعب الأول هو النظام الحاكم المكنكش على السلطة ، نظام الانقاذ ، نظام حزب الجبهة القومية الاسلامية !!، والناس عارفاهم لو تهندموا بلباس الوطنى او الشعبى أو الاصلاح الآن ، أو لباس البدون ، أو ….. !!.
أستاذ عثمان ميرغنى ، ومع هذا نراك تنصح الناس بهمة ونشاط أن يخاطبوا الحكومة وليس النظام الحاكم! ، لماذا يا ترى ؟ .