الرئاسة تحرك مليشيات البشير ضد “نداء السودان”
وجهت الرئاسة السودانية بفتح معسكرات التدريب لقوات الدفاع الشعبي وتعبئة المواطنين لرد – من أسمتهم – الخونة والمتمردين. ووصف نائب الرئيس حسبو محمد عبدالرحمن، اتفاق (نداء السودان) الموقع بين قوى المعارضة السياسية والمسلحة بأنه خيانة للسودان.
ووقعت المعارضة ممثلة في حزب الأمة القومي بزعامة الصادق المهدي وتحالف قوى الإجماع الوطني، اتفاقاً مع الجبهة الثورية المتمردة التي تضم تحالف حركات دارفور مع الحركة الشعبية قطاع الشمال في منطقتي جنوب كردفان والنيل الأزرق الأربعاء بالعاصمة الإثيوبية أديس أبابا، وأطلقت على الاتفاق (نداء السودان).
وتساءل عبدالرحمن، في احتفال بمقر قوات الدفاع الشعبي بالخرطوم يوم الخميس، عن جدوى توقيع القوى المعارضة والمتمردين على وثيقة باسم نداء السودان، بينما تهاجم قواتهم المواطنين الآمنين في جنوب كردفان، في الوقت الذي تدور فيه بينهم وبين الحكومة مفاوضات للتوصل للسلام.
وأعلن عن توجيه الرئاسة للولاة بفتح معسكرات التدريب وتعبئة المواطنين للرد على – من أسماهم – الخونة من المتمردين والمعارضين. وقال إن مشروع الدولة في تمكين الدين ماضٍ رغم كيد الكائدين.
استعداد الجيش
من جهته، أعلن وزير الدولة بوزارة الدفاع يحيى محمد خير، استعداد الجيش والدفاع الشعبي للدفع بالقوات لمناطق العمليات، مؤكداً جاهزية لواء الشهيد هاشم تاج السر للتحرك لمناطق العمليات بعد أن تلقى تدريباً متقدماً على كل فنون القتال وعلى الأسلحة كافة.
وقال المنسق العام لقوات الدفاع الشعبي عبد الله الجيلي إن الدفاع الشعبي خلال مسيرته جنَّد أكثر من مليون مجاهد استشهد منهم أكثر من 18 ألف شهيد. وقال إنهم ماضون في طريق الجهاد.
شبكة الشروق
هاهاهههها جقلبة شديدة مساكين الموهومين ديل فاكرين لسه الشعب مخدوع تاني لو لقيتو واحد رافع صباعو ياهم سدنتكم البتلموهم امام الاعلام وتتفشخرو بيهم كلامكم دا زمن ولى خلاص
ن مشروع الدولة في تمكين الدين ماضٍ رغم كيد الكائدين.////// اليوم اكملت لكم دينكم واتممت عليكم نعمتي ورضيت لكم الاسلام دينا /// كم سنة استمرت بعثة الرسول عليه السلاة والسلام لاكمال الدينا رغم الحؤوب والعداء من الكفار وانت مازلتم في مشروع الدولة في تمكين الدين
أنتو لو ملاحظين ناس الدفاع الشعبي أما كبار سن عجايز فوق الستين أما شباب متخلفين عقليا وفكريا وعوانس ضارباهم البورة يعني بايركس ديل ناس محليات ولايه الخرطوم وأغلبهم من أمبدات وخاصة دار السلام أما في مناطق العمليات في جبال النوبة ودارفور والنيل الأزرق فأن الدفاع الشعبي يذهب مع المتحركات بغرض النهب والسرقة من المواشي والمحاصيل
((استشهد منهم أكثر من 18 ألف شهيد.)) —- ان شاء الله ما يفضل منهم واحد — رب لا تذر منهم على الارض ديارا
ههههههههه هههههههه هههههه هاييييييي شر البلية ما يضحك ، والله هؤلاء الكيزان ليس في وجههم ولا قطرة ماء إنهم يغشون حتى أنفسهم ويكذبون عليها دفاعنا الشعبي ، وحكمنا شريعة ، وأمريكا روسيا قد دنا عذابها ، تلك مرحلة لن تعود ، دعونا من المعارضة انتظروا الجاياكم من أهل الجزيرة بعد أن أوسعتموهم شتماً وأساءة ، وبعدين يا مواهيم أغلب قوات الدفاع الشعبي من دارفور والجزيرة وجبال النوبة وهؤلاء صاروا الآن أعدى أعدائكم والله إلا كان تحشدوا الحبش المليتوا بيهم البلد بعد أن شردتم أهلها
والله اذا فى واحد ﻻ اسع مخدوع بالكﻻم بتاع الغش ده..!!و يمشى يموت عشان وﻻد نافع والجاز ومصطفى عثمان وعبدالرحيم ابورياله واسرة عمر البشير يلمو فى القروش ويبنو فى العمارات ويصيفو فى اوروبا ويفسدو ﻻمن ريحة فسادهم مالى البلد ومش ديل براهم وبس كل الحاكمين العندهم اوﻻد سواء فى العاصمه او اﻻقاليم … إذا فى زول مخدوع ﻻأسع والله ده اخير عدمو اليمشى يموت…!! وفى حيختلف منهم واحد ويطلع ويقول ديل
ماتو فطايس..!!
شر البليه ما يضحك !!!
اها ياناس الجزيره امس قالوا ليكم حرامية وعاله على الدوله اليوم عايزينكم تدافعوا عنهم وبعد كم شهر تكونو فطايس
ومنو البمشى عـــشــان يتجند ليكـــــم ويموت فطيس منو ؟
والله الحكومه عاقله ان تفتح معسكرات لكن المشكله في نوعيه المعسكرات مثلا الحكومه ترد علي هولاء الموقعين علي الوثيقه بتجهيز اطباء وادويه وخيم ومعدات ضخ المياه عبر المنظمات الانسانيه وتساعد المواطنين في مناطق النزاعات والحروب حتي لوبحمايه قوات محايده بالتالي تسفيد الحكومه بالمحافظه علي الجنود الفضلوا وتقليل الخسائر ثانيا تكلفه التجهزات الانسانيه اقل تكلفه من السلاح والزخائر وطايرات الانتواف والدبابات والعربات ثالثا تهيئه الجوللحوار بنفس بارد…..الخ
اها رايكم شنو